Beard Papa's (QRE Plaza)

营业中

休息中

今日去探朋友，經過灣仔呢個舖地點好方便，佢防曬啲泡芙出嚟，成日行過見到都忍唔住買返兩個食。佢屋企有兩個小朋友就買啲小甜品上去佢屋企。小朋友對泡芙係無抵抗力，一見到就雙眼發光😂 我要咗兩個朱古力脆皮泡芙，仲要係朱古力內餡，做緊優惠$50兩個。好抵。仲有呢啲棒狀嘅泡芙條。平時食開原味，想試吓，原來表面有一啲香脆嘅果仁同糖，好香口比一般泡芙紮實嘅感覺。內餡揀咗推廣緊嘅抹茶口味，同埋朱古力口味。抹茶香濃味加埋忌廉嘅奶香味順滑不苦澀。想配返杯咖啡😋

店員極度冇禮貌，行買去買嘢，唔歡迎都唔緊要嘅，西面都唔緊要嘅，你連人地order 完，都唔應唔覆order，全個過程一粒字都無開過口，仲要咁嘅面口。覺得自己係到屈就左咪唔好做囉。買12粒迷你puff, $72, 得到嘅係每一粒入邊只有一滴cream！係粒粒都係咁！ 到底可以做嘢到幾求其先可以咁？

有時候啲西餅都真係幾無謂，你去東海堂美心，隨隨便便都可能要廿幾$30件，反而呢啲比較特別嘅，之前新年嘅時候買定餅卡，只需要$20左右就有一件。好似呢個又唔算係一個泡芙完整咁大個，但亦都夠體面，一條送俾同事朋友。呢輪佢咁啱有奶茶口味，唔使食原味咁悶，都係幾唔錯嘅，奶茶味道尚可，唔算特別濃，不會太過甜，味道也相當不錯。因為佢嘅條狀泡芙係長條型，因此脆嘅地方比起普通泡芙更加多。不過現場由於唔會有咁多存貨，唔會諗到突然間有咁多人食，因此都要等候一下。

每次經過合和中心，總會被鬍子爸爸那烘焙的香氣吸引了過去，今次一於下定決心買來一試。買了個套餐，$110有五粒泡芙：兩粒草莓芝士和三粒原味。付款後店員好像夾兩餸飯一樣在不同的泡芙之中夾出不同口味裝入盒子裡，收好奉客。因為是凍食的，不必預期一打開盒子便會有烘焗的香氣一湧而上，反而見到五粒可愛的泡芙整齊地置於盒內。泡芙酥化鬆軟，空氣感很重，至於中間的草莓芝士濃郁豐厚得來不會太杰，芝士的奶滑加上草莓的酸，是個一剛一陽的精彩組合！即使件頭不小，居然食完一點也不會飽飽滯滯！

作为对甜食没有抵抗力的人，去我杯茶的路上路过这家泡芙店，就忍不住想试下。先看菜单：非常喜欢这样横列交叉可读性强的矩阵式菜单，第一次来就选择香草即可。听讲这家店的特色是使用日本的鸡蛋、马达加斯加的香草豆和优质牛奶，手工制作，在日本和台北都极受欢迎。那我个人就觉得个头稍微小了一点，内比外惊艳，奶油很滑口，冰冰凉凉甜度适中。如果是路过又想吃的话可以买，特地跑过来打卡的话就没必要，这家店也有很多分店，西树泡芙的口味也更多。

放工想食啲甜嘢, 見到公司附近嘅Beard Papa's 做緊優惠, 兩個黑泡芙44蚊 。 於是我買咗兩個抹茶味黑泡芙 。 拎上手，個泡芙望落唔算好大個， 聞落去散發著淡淡嘅牛油香味。 一啖咬落去， 香濃嘅奶油四溢， 成個口腔瞬間充斥住抹茶味， 令人回味無窮，忍唔住一次過食曬兩個。

每日返工時都會經過呢間泡芙，有時仲聞到好香嘅泡芙味。今日食完lunch，經過見到新出左荔枝口味，而且個外型仲非常似荔枝添，所以決定買返個做飯後甜品，返到公司一打開，果然外型就好吸引啦，食落都有一股荔枝嘅香氣，仲好多cream。但係略嫌太甜，而個皮有點淋咗，唔夠脆。

有細食到大嘅忌廉泡芙平時食開嗰間分店已經倒閉了，依依不捨。而家要特登揸車嚟買，所以每次出街都會睇睇有冇一間喺附近。Beard Papa 嘅忌廉泡芙特別好味，佢個泡芙覺得好脆，放幾個鐘喺雪櫃都係依然咁好食。試過隔第二日先食，外面都一樣咁脆。基本上所有味道都試晒。今日想食原味。$19 Mini Puff $32 迷你一口小泡芙 （6 件） 買正常大小，小朋友食到好污糟好論盡。 最喜歡買這個迷你一口泡芙，小朋友食得好乾淨又方便。泡芙份量依然裝得滿滿的。

今日派散水餅揀咗好耐冇食過嘅Puff, 買咗酥皮原味，酥皮好脆,蛋香味十足。裏面爆餡，啲custard cream好滑，好洶湧咁咇出嚟，不太甜亦不會滯。同事都好鍾意😋

其實泡芙真係好正特別係夏天，外面朱古力脆，入面custard又凍冰冰，真係透心涼本身覺得十幾蚊食一舊都貴貴地，但呢幾日做特價！$15就有！所以即刻同同事去買佢買左原味，我就試下個椰子味，但講真，我都係覺得原味係好食Ｄ！唔知幾時又有優惠可以再食呢

為慶祝20週年﹐全線店舖大優惠$15/個任選泡芙 ，呢間真係好耐冇食過，而加咁平又可懷緬一番，見灣仔都有分店，實在太方便，因怕要排長龍，揀了平日的4點多去買，呢個時間果然冇乜人，得幾個排，但都5點放工時間就好多人了。 有多款口味，原價＄19至＄25﹐而加都係＄15，之前只食過原味，今次同價一於試下未食過的口味，多款中揀了椰子味。 朱古力外脆泡芙-椰子味，原價$25，優惠價$15。 泡芙入口外脆，面層朱古力甜度適中，內餡豐富，有淡淡的椰子味，口感軟滑香甜，幾好味呀。椰子味都原不俗，但都係原味好食點。其他款都好想食，下次有機再試了。限時優惠： 全線店舖大優惠$15/個任選泡芙 (一口泡芙除外) 優惠日期：8月8-11日

Beard Papa's是日本著名泡芙店，主打原創日式泡芙，其鬍鬚爺爺的形象深入民心。是日來到灣仔分店，忍不住買了兩個作飯後甜品。選了"朱古力味朱古力外脆泡芙"和"雜莓味酥皮泡芙"，每個泡芙以獨立紙袋包裝，方便食用。雜莓味酥皮泡芙外皮酥脆，帶蛋香。雜莓味忌廉酸酸中帶微甜，加上微涼溫度，感覺清新。吃下時忌廉一湧而出，有點狼狽。朱古力外脆泡芙外層被朱古力脆皮包圍，增加了口感。內裡的朱古力忌廉濃厚順滑，作為朱古力控吃得滿足。

We ordered a dozen of cream puffs for a party. The special flavor for that day was melon. I was reluctant to try the melon flavor at first though, but it turned out much better than I expected! It's now my favorite flavor haha. It had a strong melon flavor and wasn’t too sweet. We also got vanilla and chocolate, but those flavors are always there, so it was nice trying something new. I really liked the choco coating with the vanilla . The chocolate custard was too chocolate-y in my opinion.

今日出外工作，見到beard papa's 泡芙推出新口味，我的至愛日本白桃味泡芙呀即刻買左來吃，餅皮夠脆，啖啖香濃，是美味又消暑，吃完一件仲想吃多件，沒能抵擋住吃的......誘惑！泡芙仲有多種經典口味選擇，一起來試下....

環境3分：外賣店只係望倒Ｄ陳列泡芙同收銀，正常三分。衛生4分：外賣盒同袋呢都好乾淨，Ｄ泡芙個個都有紙袋獨立包裝，Ｄ人又個個戴哂帽同口罩，衛生可以畀四分。服務2分：收銀阿姐黑口黑面，要扣兩分。不過執嘢同收錢都好爽手，買夠六件又提醒有特價，所以加返佢一分。味道3分：朱古力外脆泡芙個朱古力皮好脆，內裡嘅custard好涼好滑，可以先加一分。但朱古力同custard夾住果層酥皮就唔酥唔鬆，所以要扣返分。抵食2分：泡芙平均差不多成廿蚊舊，我個人呢就唔係咁啱食，所以就覺得貴，要扣佢一分。