影片
食家推介
其实都食过好几间7080 都觉得唔错，虽然尖沙咀依间都开张一段时间，今次就黎左尖沙咀依间试一试。五花腩牛肋条 - 见到块五花腩都知正啦，真系数到有五层架。牛肋条都好得，小弟比较钟意食牛肋肉，肉质腍之余又有牛肉味。牛仔骨猪扒 - 一般牛仔骨通常都会比较韧，但今次又唔算㖞，而且牛仔骨肉同牛肋肉一样，味道会浓一啲，唔错。午餐肉 - 午餐肉真系几时都系咁好食，不过呢其实听过话午餐肉其实系用一啲无咁新鲜既猪肉所制成，但好食既话都系唔好谂咁多野啦。猪皮 - 今次都系我第一次烧猪皮，成日食韩烧都见人叫猪皮，我记得上次食果间我都真系有 order ，但所有野到齐，就系 miss 左我块猪皮，当时都食得七七八八就放弃无再追啦，今次叫补番数。烧完个感觉完来都几得意，唔似平时食开爽口的，而系烟烟韧韧，食落好有骨胶原既感觉。蒜蓉扇贝 - 其实都无咩特别，但扇贝就系可以食完再食。牛舌 - 薄切牛舌烧好后有啲弹牙。泡菜煎饼 - 整体味道只算合格，重口味既我觉得佢唔够泡菜。羊架 - 好少韩烧有得叫羊架。难得！
继续阅读
其实好得意，唔知点解我生日……要去食韩烧……因为契仔阿妈钟意，哈哈既然系咁，就揾间可以食肉食到饱既喇~今次我地食都有炉边蛋，我真系好钟意，不过因为唔够人手，所以我地都好难食多次炉边蛋大酱汤 - 我终于都饮到唔系辣嘅大酱汤喇，出面好多韩式料理店嘅大酱汤系加咗辣酱去煮，我钟意呢D比故清嘅，够晒热，同埋好香大酱味道，亦都好多蔬菜，唔错韩式饺子 - 去到边我见有饺子都一定食，食到大少同我讲，可唔可以唔叫饺子，我就系唔知点解咁钟意食饺子……可能我前世真系北方人或者日本人，哈哈，呢个饺子都有少少硬，不过内馅唔错蚝、虾 - 今次重要玩埋烧蚝，但系呢……唔知系唔系壳太厚，所以都几难烧，下次都系唔好ORDER好啲烧鳗鱼 - 大少唔钟意食，所以我好少食到，除咗去名古屋𠮶次佢真系全餐都系鳗鱼之外，今次见到有得烧，我一定唔放过，烧完真系非常好味，虽然都重有好多细骨，但系味道搭救今次食咗好多肉，有牛舌、牛肋骨、五花腩、牛肋肉，全部都好好味，大家都食到好满足，因为我地几个都系食肉兽
继续阅读
First time experience in a buffet type place. Actually that was awesome. Nice staff, great location and cozy interior. What else would you need
继续阅读
今晚同班好朋友再黎山林道呢间「7080任食放题」呢间野过去半年其实都食左5～6次，一直我地都极满意，一直都好开心，但今次真系火都黎埋我地9点15左右入去食，一入到去见到d经理员工都转晒人，d招呼都唔同晒(系差左好多)，我地一坐低佢话90分钟可以任食就走开左，我地当然知啦，但佢地等左好耐都无人黎收单，收左单又好耐都未黎野食，我都算喇，咁我地d饿鬼既系狂点架啦，黎左6碟野，我地极速烧左四碟，见到有d野未黎同有d野想要食咪再落单，点q知第一个待应话我地仲有野未烧，话帮我地出d我地无既先，其实我地都无所谓，点知唔够1分钟另一个待应埋黎话我地仲有野食，要我地烧埋先出单比我地，我地都忍忍佢咪推晒d野落去快烧快食啦，食晒叫佢出单又dum我波钟，个炉有个真空期无野烧，等一轮先黎到d野食，一放低唔够5分钟又话last call 问我地有无野补， 好啦，我填完比佢，佢问我再落单洗唔洗加钟，位位88蚊60分钟，我当场个人爆左出黎啦，个时9：50左右我last order埋都仲有时间烧啲嘢食啦佢2个待应1个经理冲埋黎，系咁问你加唔加钟，如果你地走剩野100g100蚊(不停强调+重复)，其实我地都怕浪费，大家都系食到既份量黎，最终比佢搅到我地系无落最后张单，由始至终d态度都差到飞起，真系好耐未试过食餐饭咁嬲咁火同咁肚饿走！利申佢唔系爆晒好多人等紧位，而我觉得系无咩人d待应想快d清洁收工)强烈呼吁大家唔好去免受气！强烈呼吁大家唔好去免受气！！强烈呼吁大家唔好去免受气！！！(重要野系咪要讲3次)！！！！！
继续阅读
一直都好想是正宗嘅韩烧,所以今次就揾左呢间BBQ 7080 佢系放题形式,有好多种唔同嘅肉类 海鲜 同埋韩式小食 选择仲有唔同种类嘅饮料任饮 另外仲有一个Premium Menu 俾大家可以选择加钱叫一啲特别嘅肉类 同埋特色嘢饮好似烧酒咁头先一坐低waiter 就送上炉边蛋同炉边芝士 睇到就觉得好正!!之后就叫咗唔同种类嘅食物有好大只嘅生蚝,带子 重有非常之多雪花嘅牛肉!(Premium Menu),其他肉类有五花腩,猪颈肉,猪大肠等都非常好味, 食物亦好新鲜另外仲有叫一D韩式小食好似呢个泡菜煎饼同埋呢个韩式冷面仲有一个必食嘅就系烧鳗鱼,唔需要加钱都有得任食,大家记住一定要叫黎试下喇饮品方面我就叫左呢个最新嘅芒果啤酒,呢只韩式啤酒配烧肉真系一流,仲系任饮添!总括依然今次嘅韩烧之旅非常开心,食物质素非常高,而且值得一提嘅系啲店员全部都系韩国人大家可以用英语沟通,感觉上就好似去咗韩国咁,同一般嘅港式韩国餐厅唔同,所以大家来到呢度会感受到好好嘅气氛
继续阅读