影片
港铁铜锣湾站 D4 出口, 步行约2分钟
继续阅读
开饭介绍
Bayview Restaurant Sashimi Oyster Bar 拥有超过165款高级餐厅的新鲜优质美食及甜品，由一级大厨煮理，不但少盐少油，不含味精，主菜使用高级食材，用不饱和脂肪芥花子油及橄榄油，而且拥有180度维港景致。
继续阅读
营业时间
星期一至日
12:00 - 00:00
以上资料只供参考，请与餐厅确认详情
食记 (71)
从来未试过有一间餐厅可以用地狱去形容, 明将都只系好难食,今日终于遇到啦...好难饮既餐汤, 希到好似水咁, 咩黎嫁...系个杯几特别啰...咩事个沙律系中式沙律都算啦, 仲要少成咁, 所谓龙虾系用味精腌既, 食落就系味精加硬胶咁既感觉焗蚝算最正常, 但真系一般般, 蚝好细只又冇海鲜味, 系面头D酱有少少味道田螺可以干到好似食紧泥胶咁, D薯蓉又琼晒油, 好痴线呀
继续阅读
其实我都唔系太明, 点解有间餐厅可以难食到咁既地步, 但世界无奇不有, 真系可以有既如果可以的话, 我想比负分个咩咩沙律又冻又难食, 三文鱼咸到臭, 其实我唔介意你煮熟佢先嫁, 如果系咁唔新鲜既话饮佢个白汤仲有趣, 好似饮胶水咁, 一PAT浆糊, 唔好咁啦, 话晒都做生意, 起码比少少味精啦唔该牛扒就预左佢唔好食, 但都估唔到咁多筋咁UN, 松肉粉都要悭, 真系多谢晒算啦唔想再讲!
继续阅读
星期日，一点半。我同男友一上黎，间野重未开门？大大张纸写话开一点嫁㖞？到我等到两点，个老板终于返黎开门。但系一人到我真系想讲，你唔系呀？d台痴立立，又一阵味，周围重有蚊飞飞下。食店卫生好重要啰！个第一印象好差。当初见佢团购58$好似几抵，点知道人真系唔应该贪平。野食唔使多讲，明明岩岩开舖，d野都可以系冻冰冰，而且又细份。真系唔明佢点做生意。团购话明系羊架意粉，蟹粉意大利饭。上到黎一句话菜单会因时节而改变就比埋d完全唔同嘅野。货不对办！依间野真系不知所谓，做生意想留客就应该做好d基本嘅野。响d禁嘅环境食，简直系受罪！想同大家讲，几平都唔好黎试！
继续阅读
见到OPENRICE话呢间餐厅佢既食家推介有黑松露带子扁意粉、心太软、木槺蛋糕、芝士焗生蚝,又见有团购,好吸引咁,于是就买左去食....好欢喜,因为一入去就有位坐,其实系因为成间野都无人,我都唔知点解,但系一入到去,不但唔带位唔问几位呀盛,仲连水都无杯算了,一坐低,上左生蚝....可惜食落口好多沙,而且又好大阵唔识形容既味,用柠檬汁都遮唔到D味上沙律,我唔知系佢新鲜摘定点,唔洗又唔拣,好多黑色点点=.=....无计太肚饿只好自己拣黎食到主棻,黎左碟意粉....虽然细碟.但卖相几吸引,当问佢拎完只叉之后就马上食,卖相真系唔错,可惜除左无味之外,就系冻既,唔怪得可以砌到咁靓甜品系雪糕,唔知系咪我个口大,个SIZE系可以一啖就放晒入口....但雪糕上既时候已经溶溶地!野饮唔多讲喇,因为好难会冲到连口都入唔到,所以唔提最后想嗌佢吸引到我既心太软,木槺蛋糕,芝士焗生蚝........通通都无真系无奈到唔知有咩好讲总括而言,唔系见团购58蚊同依个吸引既食家推介我有钱都会食好D,最后系楼下隔离笃左串鱼蛋就算
继续阅读
首先, 一入到去完全无人理兼有阵怪味,坐低之后,收左张团购coupon 就乜都唔问,餐牌又冇个,(之后好快比左2只生蚝敷衍住我地先)…隔左2mins问佢系咪有餐牌,佢就话"好忙, 要等等"…之后落单佢就话主菜得返两款,原先既羊架意粉因为"每日餐牌会转"依个原因所以冇,只系得巴马火腿or烟肉意粉可以拣…再问点解冇团购网上既"鲜蚝蟹膏意大利饭",佢就话"吖…依个有"最后点左"意大利饭"同"巴马火腿意粉",佢上左个汤先,但无奈地个汤系冻既, 仲要连餐具都冇俾!! 要问佢先俾!!!之后到所谓既"鲜蚝蟹膏意大利饭"不单止只蚝唔见左,成碟野除左冻之外,味道同普通忌廉汁既饭一样,而且成碟野只系揾到一粒仔貌似蟹膏既东西…完全比佢作出嚟嘅菜名呃到!!!!到意粉,首先个意粉系冻既,d汁又甜仲有块巴马火腿有条毛系度食食下发现应该个餐有个沙律,点知佢竟然话卖晒又冇货,个阵只系下昼两点几,咁好卖架d 沙律???总括而言, 呢间餐厅真系一次就够!!!! 永久Blacklist!!!!!都预左团购餐, 要求唔可以太高!!!!但系呢间真系过份!!!!…转餐牌转到"羊架"同"鲜蚝"都冇埋!!!!! 太过份!!!!!!*本来仲有2张coupon, 而家宁愿上团购网投诉兼申请安排退款都唔去!!!!!真系食到把几火!!!!!!
继续阅读