影片
第二次食佢既咖哩,即叫即整既薄饼好好味, 咖哩味道都ok, 唔太辣, 但又不失咖哩香味,不过鸡肉得三旧...份量小左d, 不过以价论货其实我都觉得超值的,连埋野饮仲想点..lunch 时想食香口野其实都唔错既选择,lunch 时段中环间间餐厅都坐满人...但系佢地就门可罗雀...真系唔知可以顶得几耐中环d 贵租...
继续阅读
一人叫左一个一人餐.原来份量真系好多~~咖哩角热辣辣.非常令人回味.Masala鸡肉好正.D粉好特别~个味道系从来都未食过~极之推荐D咖哩鸡又唔系好辣,都算好O岩香港人口味,D鸡其实又真系好好食~~之后食ROTI,饱饱地都仲可以食晒,好满足.然后食多个鸡肉薄饼,可能饱得制已经唔可以好好品尝喇~~不过都几好食架.野饮就冇乜特别,叫左个香蕉奶昔,见到个店员特登去买条蕉黎整.个老板服务好好呢,系咁同你倾计,好识同D客搞好关系.非常有一个去左人地屋企作客O既感觉.除左野饮普通D都冇乜地方可以弹.用六十几蚊食到咁多野食抵到晕!
继续阅读
印度马拉有好多不同的薄饼, 这间Baraka 的是马拉的 roti ~roti 的好处系可以分开一片片咁食, 遇上咖哩就.... 正!!在咖哩之中, 这间的咖哩羊最好, 有羊味之余不会太重, 又唔会太辣! 其次咖哩鱼也不错, 但不知为何咖哩鸡却不太出色. $46-49不等, with 拉茶 or coke or 汤而Pizza 方面, Baraka的芝士Pizza 最正! 重芝士味之余, 不会觉得单调. 是日靓汤日日不同, 多数都系马拉汤, 有时会少少辣. 侍应真系好好, 佢叫我试一试, 如果觉得辣可以换coke or 拉茶, 你话咁的服务唔俾5分点得!??! 走时, 仲俾一张纸巾, 超细心!但店舖细细, 下层只有4张台, 坐8个人. 上层有5张台, 坐18人. 但多数都有位 @ lunch time~虽贵, 但值!
继续阅读
是日黎左哩一间食印度野. 系一间我次次经过都想黎试既餐厅.平时见到印度人企o系出面, 就自不然觉得哩间野应该几正宗. 问题系外卖既价钱的确系平得有点惊人. 令人觉得唔会正宗得去边望入去以为得2,3张台, 原来楼上仲有阁楼. 都几好坐. 但系张台就唔够大放佢d 野食, 因为样样都分开上实在太丫位了.叫左咖喱羊配roti, 同埋拉茶, 堂食贵好多, $49拉茶, 茶味唔够突出, 味道有点特别, 怪怪地, 主要因为用既糖浆唔同咖喱羊, 个咖哩好红. 食落唔多辣. 冇乜香料味, 亦都唔似重庆既咁甜.咖喱同楼下所讲一样, 系微暖, 但如果配roti 食就唔需太热了.羊有4 旧左右, 食落冇羊膻味. 埋单o个时见到佢写beef, 唔知系咪比错牛腩我. 但d 肉都食唔出有牛味呀...个roti 真系值得一赞. 其他印度铺头既薄饼就叫naan, 哩度就叫rotinaan 就好似d 面包烤饼咁. 而roti 就似大陆d 手抓饼咁, 层次分明, 好松脆, 比naan 还烟韧. 未能似naan 一般可以用单手撕开哩度整出黎又唔会太油, 所以唔驶担心.一篮共有两大块. 食晒真系好鬼饱.结论: 咖喱一般, 用多d 印度既香料会较有特色. Roti 真系好正! 不俗既一间印度餐厅
继续阅读
真系好多年无试过食得咁开心,满足,很久没有尝过一顿由心做出来既晚餐,喺香港已经好难得可以品尝到一间咁用心去经营既餐厅,香港好多餐厅为左降低成本,增加利润,无所不用其极,一碟同垃圾无分别既食物都可以攞出黎卖俾客人吃.呢间餐厅虽然绝对唔起眼,如果唔系有女朋友介绍,我绝对唔知道上环有一间咁出色既餐厅,餐厅里绝对无豪华既装修,店铺既面积亦有限,但店铺俾人有一种"家"既感觉,坐落去都感到压力一扫而空.癈话唔多讲喇,讲返食物,我地二人叫左一个149既二人套餐,包括烧春鸡一碟,是日例汤2客,芒果乳酪饮品两杯,pizza同意粉各选一款,我地点了千层面同印度烧鸡pizza.其实149呢价钱食到咁多野真系已经觉得物有所值,虽然上菜时碟烧春鸡只得三大块,但那种叫道真叫人一世难忘,味道香浓,鸡肉松软,加少许lemon汁更加可以带出鸡既香味,三块真系太少了,下次一定要叫成只黎食.而是日例汤系两碗不名例汤,但味道真系好特别,有我儿时吃过既味道,但我又讲唔出佢系咩味,可能未必每位都会欣赏,但绝好过出面饮果啲加左超多水既罐头汤.到果两杯芒果乳酪,初时觉得味道有点怪怪,但一边吃正餐时一边饮先发现呢杯野可以中和口控中既油腻感,绝对系同各菜色绝配,佢唔可话系一杯好唔好饮既饮品,但佢绝对系整个套餐中既灵魂,不单真材实料,而且口感特别,佢地所用既乳酪同我地香港所饮到既完全系两回事,人地成杯都系由乳酪沟出黎,而香港果啲真系假到唔假.到主菜pizza,一睇就知道好吸引,pizza 上布满鸡肉,真系令我想大口大口咬落去,香趣既批边真系令人一试回味,每款材料都好新鲜,味道好match,令人回味.最后到千层面,真系我平生有史以黎食到最好味既千层面,面头系厚厚既芝士,下层系香味浓郁既肉酱,中间夹著一块又一块既面块,一口咬落去,每层既口感都带俾人幸福既感觉,虽然面块系少左啲,但厚厚既芝士都系令我毕生难忘.据我所知呢间系一间主打fusion菜既餐厅,系青真同西式合并,看似很奇怪,但出黎既效果真系出奇地好好味,其实最重要系厨师既心机系绝对可以令人品尝,好快我又会去果度品尝新菜色.
继续阅读