影片
开饭介绍
全港首间DIY日式大阪烧店，每张枱都设有铁板让客人即煎大阪烧，十多款配料选择包括豚肉、大虾、带子、芝士、日本本菇等，特设抽风系统不怕吃完充满油烟味，另外同时供应秘制三文鱼福袋等小食及甜品。
继续阅读
营业时间
星期一至日
12:00 - 23:00
以上资料只供参考，请与餐厅确认详情
食记 (106)
买左团购去食，谂住呢间野几有新意，可以自己煮下野食，book 左枱，7点几去到唔使等就入得，果段时间入面都冇咩人，出面都冇人等位。入到去，间野都几细，应该唔够十枱，有三个侍应，一个疑似老板的带眼镜长发男唔系几好礼貌，"几位呀?坐果到啦啦队"，睇下餐牌，讲真，可以选择既并唔多，一个果d煎出黎有5-6吋大既烧饼都要成百蚊，我同女朋友7点几去到，佢竟然冇哂三文鱼，个感觉就系去到老麦食野佢地话俾你听薯条卖哂咁。望左餐牌一阵姐，系佢心目中我以经杀左佢老豆三次咁，系咁狂睥我三次。好啦，我落order喇，叫人，冇人应你，个个都好似好忙咁，疑似老板的带眼镜长发男既人就走埋黎"食咩呀?" 叫左个什菌金菇，系一个用锡纸包住一d什菇，咦!同我去bbq烤果d一样架wo好喇，主角黎喇，叫左个咖哩味既烧饼，一个汤碗大dd既碗入面有好多切条生菜，同你拣左既配料，我就系到谂，加d沙拉酱就系凯撒沙律lo，一把唔耐烦既声就传出黎喇，"捞浑佢!放落佢煎啦!" 心谂咁满，点捞呀，大力又飞哂出黎，点解唔可以俾个大d既碗我捞呢，想营造抵食既感觉?好啦，咁我慢慢捞啦，费事跌出黎嘥，跟住疑似老板的带眼镜长发男又出动喇，"Hui!捞都捞唔浑，真系聪明!" 我心入面就即刻回敬左句粗口俾佢。佢就抢左黎捞，不出所料，真系飞左出黎，仲飞左落我件衫到捞完佢就开炉放入去，佢整左阵又走左，好啦，终于可以自己整下试下，呢个就系我地黎既目的吗，整下整下，又有吧声传出黎，"唔系炒呀!!!系煎呀!!!!聪明!!!"跟住疑似老板的带眼镜长发男又变身喇，走过黎抢左个铲，佢煎埋俾你，又惊你整花佢个pan，又惊你整"loan"左系咁铲个底，我见住佢一路整，一路铲返d镬"lo"返个饼到，喂日日系咁食咪好易生cancer?我唔知佢抢左个铲自己整系咪因为咁既原因定系佢想你快d走，唔好阻住佢做生意，我两个都觉得系，但点都好，我黎系为左自己煎之吗，你个餐厅个gimmick都系呢个姐，你抢左黎整，咁我黎食有咩意思先疑似老板的带眼镜长发男????即系你去人地d渔场钓鱼，人地会唔会帮你钓埋吖?你理得人地点钓姐?人地钟意冇勾咁钓又得，钓胜于鱼呀疑似老板的带眼镜长发男，我净系想enjoy个过程咋，好唔好食系其次呀，唉，呢间野已经俾盈利令到佢地盲目左，忘记左自己呢间野既吸引人之处。唔系只系我，我见到有好几枱人都系咁俾侍应"招呼的"讲真，味道真系冇特别，咖哩味，都几辣，仲要冇水饮，问佢有冇水，"我地呢到唔提供水ka bor，要野饮lor!"最后我都系冇叫到，宁愿忍，佢野食黎得快，系呀，都唔使煮既，食到45分钟到，我感觉到我又做左杀父仇人，又不停系咁俾人睥，唉!咩事呀大佬!隔离黎左枱人，四个人，黎左两个先，坐左唔够几分钟，疑似老板的带眼镜长发男又变身喇，"你地个朋友系咪黎紧架?叫佢快d啦，未黎就出去坐住先啦，我出面有人等紧!"讲真，你自己请左人入黎系你自己计错数，有乜理由叫人走架?唉，有生以黎都未去过间咁赶客既餐厅，野食只系一般，服务态度却令你毕生难忘。以后都唔会再去!!!!!
继续阅读
黎呢间系因为见到竟然无人等位，系晚上食饭既繁忙时间实在难得点知一踏入去先系恶梦既开始!!!!唔怪得无人帮衬!叫左2个饼之后，好快d材料就送到黎。跟住我地就捞匀佢啦，捞左5分钟就停手谂住得啦点知店员老远隔3张台就呼令我地，大声喝叫"蓝色衫果个!!未得啰"，个feel就好似广东道d同胞系街头大叫一样。唔洗咁嘛呢个时候，有个男待应走过黎，拎张单叫我地埋单！大佬！！烧都未开始烧，食都未食就叫我埋单!!我地叫佢放低完，佢仲喝我地话"埋左先啦!!x你(某粗口字)"，咩事呀!!!!!!!得罚左你咩!!讲返d饼，d饼根本就只有面粉味，要加大大大量沙津酱先入到口。唔明点样先可以做到咁多样野加埋一齐都无味既境界仲有除左店员无礼又加插几句粗口既讲解之外，你根本就唔知点整，几时食得，点整先熟跟住有长毛叔睇唔过眼走黎同我地整，一路整就一路讲英文话而家d香港人蠢，质素低，唔识整。长毛先生，其实英文系香港已经好普遍，好多人都识听识讲，唔系得你一个识讲啰
继续阅读
我觉得一间食肆好唔好, 态度绝对可以影响一切. 几好味都好, 态度好差的话, 食都食得唔开胃. 未食过烧饼, 觉得好新鲜又几好玩, 所以见团购有优惠就买左. 下次应该睇下食评先.订左位, 去到时间尚早, 都几多空台, 同个短发既男侍应讲订左位. 佢望左本簿好耐, 我地以为佢揾唔到就指比佢睇. 点知佢话我唔系揾唔到㖞. 好! 到坐低, 放低menu, 佢居然摆系个炉到. 好唔卫生. 到拣完味道同配料, 有一碗佢又系摆系个炉入面. 咁张台咁大要黎仲乜? 又大力摆落黎. 佢只系话将配料捞左去, 女朋友有叫豚肉, 以为要捞埋. 谂住最后先摆落去捞. 到捞好就再问系咪要捞埋落去, 个位态度好差既侍应问番我地「点解要捞呢?」我咪答佢你话将配料捞埋. 佢好激动不断重复话「我冇讲过话将豚肉捞埋」「我冇讲过」, 我觉得佢唔认不特止, 仲话番我地转头. 我相信一个好既侍应, 应该再解释多次因为豚肉系到最后放上面煎. 所以唔需要捞埋. 我讲左句你态度都好差, 佢话系咩唔好意思㖞. 表面上扮哂讲对唔住, 但后来佢依然话「我唔觉得我态度差㖞, 有咩咁差」. 到最后我叫左另一个长发男既员工教我地. 顺便问句佢系唔系老板, 如果系我想投诉, 不过佢唔系, (原来老板中途番过黎一阵走左, 但我见唔到, 否则一定比意见佢) 但佢都问我地咩事, 讲既中途, 态度差个位想行埋黎, 长发既男士就指示佢唔好行埋黎. 之后一直系男发个位同另一位女员工埋黎, 所以都食得好安心.我叫左咖喱味, 配左芝士, 带子另加三文鱼. 女朋友叫原味, 配左芝士, 豚肉. 原来原味会更加好, 因为咖喱味会盖过哂配料既味, 所以我直接夹D带子出黎食, 食唔到三文鱼既味, 个饼加哂酱料, 木鱼之后就好味好多. 系食到口干左D. 女朋友个个原味好味得多, 芝士味好重. 中途都有长发同女个两位员工周不时睇下我地煎成点, 教我地点反转, 帮我地整圆D. 其实又真系几好玩, 但因为要自己动手捞同煎, 所以都需要个几钟.
继续阅读
总括成个用餐经历用标题果3个字就够，不过都讲下有几差，希望唔好再有咁多受害者1) 食物：---中伏一：叫左$88果个set, 可以拣2-4种送，叫左curry味。送到黎系一个饭碗size既粉浆，小得可怜，成本应该只值几蚊。整完之后就只有面粉浆味、辣味，同自己加既沙津酱味。差到相都唔想影---中伙二：仲有叫左个蚬肉面豉汤，呢个仲离谱，d蚬系得蚬壳既!!真系一 粒 蚬 肉都无!!不如叫蚬壳面豉汤啦!!!!!!!!!!!!而且味道仲咸过吉x家果d冲粉面豉汤，饮左2啖就掉埋一边啦---中伏三：什菌福袋，又系差到相都唔想影，打开个锡纸只有几条金菇，几条冬菇丝，同埋洋葱丝。食落仲有菇果种腥味…2) 服务：呢度既服务真系极品，有个长发叔一路整佢一路"目及"紧，怕你整烂佢d野咁。整得有少少唔合佢心意就一手抢走你手上2个铲，之后自己整整整，跟住觉得自己好有型咁，整完仲站系度唔走等待大家既赞叹同拍掌声我黎得呢间野就后想DIY自己整，唔系想睇阿叔表现啰唔该！！如果你惊你整烂你d野，你咪系meun度整页「做法」系度啰！！
继续阅读
喜欢同朋友试食团购餐厅既我，第一次遇到一间服务态度咁差既团购餐厅完全赶客我黎到时，朋友已经到左，咁就倾下偈先，谂住会有人拎menu黎点知等左10分钟，都仲未有人比menu我，于是我就挥手，但d waitor waitress行得好快，完全唔想望d顾客咁，好难先叫停倒一位口黑面黑既waitor我好有礼貌咁问其中呢位waitor拎menu，佢听完好不屑咁转身走开，然后我又等了5分钟，呢位黑面黑既waitor先极大力咁dump个menu落黎注意：系极大力咁dump成张枱"嘭"一声，我d fds都吓到呆一呆谂完叫咩之后（我拣左虾、粟米同洋葱），又要好困难地叫d眼尾都唔哨下你既waitor waitress停低，今次我精了，冇叫头先个waitor，叫左另一个waitress。个waitress好似好赶时间咁，我一讲完要边3样材料就即刻拧转面走，冇问我要原味定咖喱又等左10分钟后...（对！又等左10分钟）可怕既事又来了，竟然系头先好冇礼貌大力dump menu既waitor拎碗材料过黎，佢又一次咁dump个碗落枱连碗入面既料都飞弹左d出黎d料主要系菜同粉浆，我要既虾系细虾黎，得5只...d料要捞好耐，捞到手都软埋先OK。捞到尾声时个waitress行埋黎谂住睇下OK未我，唔知佢系唔系"扇"手，一铲d料就飞弹左d出黎佢讲左句唔好意思后即闪...之后一直煎都相安无事，因为冇人黎打扰...煎到尾声时个waitress黎整左几下，好彩已经煎得7788，d料唔会再弹出黎讲番块烧饼，食第一啖时唔记得加酱，发现成块饼系冇任何味道既...只虾都系零鲜味...另外，虽然加左唔少油黎煎，但个烧饼仍然系好干，o系人都就黎煎干既时候仲要食d咁干既野真系几难啃得落...（注意：个度系冇水提供）于是我系咁劲加酱汁（佢有2种酱汁，我2种都系咁加），好彩d酱汁味道正正常常，但冇酱汁既位仍然唔掂，冇任何味道~而烧饼既主角 ─ 虾因为系内层...掂唔倒d酱，所以仍然系冇味总括黎讲，我只系食倒酱既味道，所以似系食紧酱多d...=.=
继续阅读