반찬앤쿡 Banchan and Cook (太古城中心)

营业中

休息中

味道賣相大不如前飲品極到難飲仲要所有野用即棄餐具 好可悲一路食一路有罪惡感 覺得好浪費我從來不回因為難食去寫食評 但睇唔過眼間餐廳甘浪費作為企業 應該將可持續發展幫助公司其中一個因素

honey chicken 年糕吃落軟糯, 味道係蜜糖薯片個個味。  但吃雞脾位, 嚿肉柴左點, 似係炸耐左。 炸雞個面灑吾少嘅糖粉, 咸甜咸甜甘。 薯條都好吃, 咸味薯條配埋糖粉, 都幾平衡。 不過同行話有糖粉太甜。豬腳沙律 豬腳肉好厚, 但吾硬亦吾柴, 個皮仲有彈性添, 好吃。 豬腳上面鋪左紫蘇葉絲, 夾埋一齊吃嘅話會清爽點, 無左肉嘅肥膩感。 側邊伴左點沙律, 個沙律醬偏酸, 應該都係想消膩, 但我覺得太酸。 泡菜燉豬肉蛋包飯 個飯係炒飯底, 似係用蕃茄醬加韓國辣醬炒。 個蛋煮到好滑, 配飯吃好好吃。 佢用泡菜包住好厚嘅五花肉, 酸泡菜會辣但依然爽口, 不過嚿肉好柴, 仲有點豬騷味。豬皮嘅毛未清曬。吾建議。兩個人叫依3樣太多, 應該可以3個人吃, 因為每樣菜都大份。

第一次寫咁長嘅食評。年頭嘅時候經常食呢間餐廳，嗰陣覺得好好食，presentation又靚，所以一直都想帶屋企人黎食。今日黎到，失望到無法用文字表達。味道不如上次, fine! 點解會全部用晒即棄餐具？每人一個飯一杯嘢飲再share份炸雞，都$200up 一個人、咁大間餐廳，裝修得咁靚，竟然用即棄餐具?! 個presentation已經冇咗以前嘅高級感，賣相猶如公司canteen嘅lunchbox… 份炸雞，啲薯條擺晒喺底，濕晒淋晒，你炸得幾好都冇用啦。講多少少啲細緻位，自助斟水嘅位置以前係有3-4種水果味道，每款都飲到果香，我曾經大為欣賞。宜家得返兩隻味，味道極淡而且味道係一樣嘅…唔識點講，真係好失望。我曾經鍾意嘅餐廳居然會差咗咁多。望住清潔叔叔一堆堆塑膠碗碟倒落垃圾桶，真係好難接受。覺得曾經同朋友講話太古分店好食呀嘅我真係太天真，我應該唔會再黎….對上一次我影嘅相: 望住今日食嘅嘢都唔知講咩好。

𝑩𝒂𝒏𝒄𝒉𝒂𝒏 𝒂𝒏𝒅 𝑪𝒐𝒐𝒌 반찬앤쿡-🍽 Omurice w/ Beef Rib Stew🍽 Soy Garlic Fried Chicken🍽 Kimchi & Pork Pancake文青系韓國自助形式餐廳！主打蛋包飯！今次試左肋骨蛋包飯٩(˃̶͈̀௰˂̶͈́)و 蛋很嫩，好滑溜，用刀輕輕𠝹開，完美既蛋漿流滿成碟！超治癒(´∀｀*) 肋骨肉亦好嫩滑，肥瘦岩岩好，肉十分容易拆開，適合唔想用手的你(˶‾᷄ ⁻̫ ‾᷅˵)！而且啖啖肉！重點係炒飯底，飯粒粉分明，軟硬適中(⁎⁍̴̛ᴗ⁍̴̛⁎)十分推介蛋包飯，係斷驚喜！食韓國野點少得炸雞！份量係海量咁多，fries加炸年糕，太邪惡！炸雞keep到外脆內滑，滿滿肉汁，加埋soy garlic降低熱氣咁 (希望有~~)仲有一種甜甜的既味道，令人不停咁食( ･᷄ὢ･᷅ )至於kimchi pancake 煎得外皮夠脆，每塊煎餅都均勻佈滿kimchi 同豬肉，啖啖都係滿滿既材料！而且pancake夠薄，亦唔會太多麵粉！不錯~每樣都份量十分，價值貼地，餐廳座位多，容易搵位，仲要menu夠多選擇！大家不防一試♪(´ε｀ )📍Shop 222A, 2/F, Cityplaza,

見呢間餐廳一向都好多人排隊，所以星期日特登嚟試吓午餐。排咗20分鐘，staff 指示一張空枱同放低餐牌，原來係要出去落單同俾錢。見OpenRice推介蛋包飯，就叫咗一個燉牛肋條蛋包飯同埋一個牛肝菌蛋包飯，其中一個升級套餐，即刻加埋沙律同埋特調飲品（香蕉士多啤梨乳酪）。嘢食ready個燈牌會着，自己出去攞。一個大盤裝住五個膠兜，賣相極不討好，自己再攞外賣餐具返埋位。蛋包飯係將煎蛋放響飯上面，唔係日式嘅煎蛋包住飯。雞蛋係正常嘅，可惜啲飯比較乾同硬。牛肋條好韌，分開唔到一塊塊，唯有叉住一大件慢慢咬。有一個膠兜裝住一啲菇同埋沙律，完全冇味，唯有同牛肋條加埋啲汁一齊食。至於另一個膠兜裝住三粒好細同埋比較生嘅薯仔加好大pat沙律醬，就係升級套餐裏面嘅沙律。唯一賣相比較可觀嘅香蕉草莓乳酪，杯上面有三塊香蕉片裝飾，但就冇blend落去飲品當中。一飲之下，D冰有砂石咁大粒，好難飲。離開嘅時候，非常對不起，留低咗三份一份量嘅食物同埋好多膠。每人$150⋯去大快活應該食得開心好多。

1拖2同兩個女去太古城商場行街，行到攰🥱上OpenRice睇吓有咩食，排行第一位就係呢間韓國餐廳，就不作他選啦。行入餐廳，囡囡揀了一張玻璃下鋪滿乾花🌺🌻的餐枱坐。我哋點了一些食物share食。玫瑰醬燴雞腿肉蛋包飯：雞腿肉好滑，個蛋🥚包飯超好味，一切開蛋汁流晒出嚟包住飯，兩個女讚不絕口👍👍燉牛🐮肋骨蛋包飯：兩大塊牛肋骨肥瘦相間，啖啖肉好入味超滿足。玫瑰🌹醬韓式炸雞🐔半份：半分炸雞份量都好多，有成5-6塊，不過味道普通，之前喺其他韓國餐廳食的炸雞好食過佢。焦糖脆脆鮮奶咖啡：幾好飲士多啤梨香蕉奶昔：麻麻地，太杰。一大兩小好大食，清枱。

太古城快食打卡午餐💕🍳牛肝菌蛋包飯🍳蛋包飯夠打卡擺碟又好好睇😚裡面係白飯底，調味剛好 個人覺得牛肉就偏重口味左少少啦～配菜都好新鮮🥬餐廳無加一 自行去餐落單～有提供幾款水果味水自己倒☺而且坐得舒服，推介可以單叫沙律同配菜，然而全部都有沙律醬🔍减肥中就要留意啦（要注意最近太古店全部專用膠容器上餐，如果呢個價錢就未必太可以打卡啦🥺‼️）#hkfoodie #hkfoodies #hklifestyle #hklifestyleblogger #hkfoodblogger #hkfoodstagram #hkfood #hkhealthyfoodblogger #hkgirl #healthyblogger #太古美食 #食好西

今日約咗朋友，行過太古城見到呢間新餐廳，裝修又靚靚的，跟住睇吓個餐牌，d食物又好似幾吸引，就決定入去試一試。近排天氣咁熱，諗住食清啲，於是我叫左個⭐️明太子慢煮雞肉蛋包飯⭐️雞肉係用慢煮嘅方法式煮，保留左雞肉嘅肉汁同肉味，味道清清淡淡。蛋包飯都係淡淡的味道，不過，加入喊喊的明太子醬係上面就啱啱好。如果要減肥或者想食清啲嘅朋友可以一試。另外一提，出餐好快，唔洗5分鐘。全餐廳都係自助形式，餐具器皿都係即棄。

在太古城中心返工， 同客人食飯，所以選了這間韓式cafe，感覺比較寫意一些。泡菜燉五花肉蛋包飯份量很大， 泡菜五花肉味道比較濃郁， 五花肉經過醃制配合埋泡菜非常之野味， 蛋包飯雞蛋煎得很滑溜， 炒飯底味道適中， 配合泡菜五花肉，味道剛剛好。韓式炒年糕味道偏辣， 味蕾非常刺激， 可惜汁醬太多 ，食咗幾舊之後， 感覺會膩， 所以我們吃不完。韓式炸雞點了兩款味道一款芝士和一款蜜糖， 炸雞非常出色， 兩款味道都很好吃， 炸雞入面還有炸薯條和炸年糕， 雖然炸雞比較熱氣和油膩， 但是真是太炸得太好吃了， 雞肉亦非常之嫩滑，所以我們忍不住吃完。飲品叫了蜜桃和荔枝梳打可惜兩款味道一般。服務只是一般， 因為餐廳沒有服務員，如要購買食物要出去自助點餐自助取餐，餐具亦是自己取， 餐廳價錢不算便宜，但整個餐廳沒有服務員，如有需要你一定要行出櫃檯詢問，完全是高級餐廳快餐店質素， 好像去了food court，還有就足堂食的話他們盛載食物的碗碟也是即棄，非常之唔環保。

呢間韓系fusion店鋪好多人推介，之前就同朋友約食飯就決定試一試!!<泡菜燉五花肉蛋包飯> $105𠝹開脹卜卜的蛋包，內裡水潤嫰滑嘅蛋漿就可以覆蓋着成個飯🤩蛋包飯幾有心思，係炒飯底，有不同配料，令炒飯冇咁齋，更為香口🌟！而且泡菜口味偏甜，唔似我哋平時食偏鹹辣嘅泡菜，更加容易送飯，唯一可取嘅地方就係五花肉口感偏韌，肉質都較為乾，如果可以煮得淋啲/更加吸收泡菜嘅味道就更加好了~不過整體來講呢款蛋白飯都幾啱我口味，因為個人黎講都幾鍾意甜嘅菜式！！

見到都唔想食！買完先知全部用外賣兜裝！勁唔環保！食過其他分店！無論賣相、服務都好！呢間要自己排隊買之餘！仲要自己去拎！最好笑係個窩夫幅相係有cream!但攞嗰時冇！我問個職員！佢居然答我係因為外賣盒唔夠位裝😒咁係你哋問題！食開都有😕我問佢先求其唧冇味既cream比我！強烈唔建議去呢間分店🙅🏻‍♀️

是日睇完小黃人🤣🤣已經唔知食咩。加上出發前掃左太安樓一轉。所以決定食少少🤏🏻😂😂。行左一圈終於揀到佢Banchan and cook😊係見openrice好多人比評語就入去做下白老鼠。我哋8點40分先到。佢9點閂。店員姐姐接收埋我哋做last order。好好人😁😁叫咗兩杯野同一份炸雞。😁😁我係openrice見到有一杯有三色丸嘅。點知店員話係上一季嘅特飲🥲，結果我就叫做今季嘅夏日特飲西瓜🍉。另一杯係mocha。。西瓜🍉特飲。打卡好一般。有4粒西瓜係入面。係加西瓜味糖漿。可以唔試。除非你非西瓜不飲🤣🤣好味: 😋😋。蒜香味炸雞🍗無骨。係好多汁嘅炸雞。每一件都勁多醬。雞皮都算脆。我個人幾鍾意。佢個底有薯條。味道可以。係脆嘅。仲有年糕。好飽肚。好味: 😋😋😋😋呢餐我會當宵夜咁睇。算可以呀。。加上夜晚就閂又無咩人。環境都舒服呀。。某啲枱仲有花花裝飾。🥰🥰

前後黎食過兩次，呢度唔單只坐得舒服，而且食物多選擇蛋包飯好足料！蟹子勁多，好味辣年糕同餃子好大份，食到好飽～餃子相對比較普通甜品尚可，賣相靚，精緻但主菜特別啲好食啲

今日終於嚟到呢間超人氣嘅韓國菜，6:30嚟到啱啱好有位唔駛等，但係過咗一陣呢就已經排晒長龍真係超級多人嚟食！呢間已經久仰大名，真係好出名呀，好多人都推介好多好評，今次試過又真係覺得係幾好食嘅，但個價錢偏貴份量都唔算好多。唔知點解太古呢間分店係用外賣盒嚟裝住，影得唔好睇同埋唔環保🥹唔知係咪用外賣盒嘅關係份量都比較少。太古呢間分店係自助點餐形式，要自己落單自己去拎嘢食，唔使收加一，個水都有兩種口味一個有薄荷葉同埋好多蔬菜香草，另一個係普通檸檬水？個人覺得普通水就夠啦，唔係太鍾意薄荷太草青味道。🍗無骨炸雞 一份 $208 (7.5/10)跟餐送左個沙律，係得4小粒嘅薯仔沙律🤣🤣正常味，薯仔都夠淋，冇乜沙律醬。一共14舊，每舊嘅炸雞大細，大過乒乓波少少，一啖一舊🤏🏻有炸年糕同埋薯條，年糕煙煙銀銀，薯條正常都微脆偏淋少少。蜜糖炸雞香甜，甜甜哋，即叫即炸，外脆內軟，炸得唔乾身，芝士炸雞外皮灑滿芝士粉，比較鹹香，有啲似食芝士粉嘅薯片？$200來講份量都唔算好多，兩個人食都係啱啱好？以為一份嘅價錢可以三四個人食？價錢偏貴，但個味道係OK嘅！🍴炸芝士豬扒忌廉年糕 $105 (7.5/10)炸豬扒都香脆，

🍗 無骨蜜糖炸雞半份$118食炸雞雖然有骨會更嫩滑，但我更喜歡無骨雞嘅啖啖肉。韓式炸雞，外層唔會有肥膩感，雞皮鬆脆唔油膩，而且外皮有陣陣牛油淡香，加埋蜜糖真係令人食唔停口。 仲有香軟年糕，我真係後悔叫半份炸雞🫢。🐽芝士炸千層豬扒$112原來係用豬肉片卷住芝士炸，做出一層層cheesy感覺。而即叫即炸，外層份外香脆，突顯肉質鬆軟嘅口感。🐔明太子慢煮雞肉蛋包飯 $112慢煮雞肉唔會嚡熠熠，雖然比較淡味，但配上明太子汁就剛剛好。炒蛋好creamy，切開仲好gluey，就咁配炒飯已經好好味。🐮烤牛肉蛋包飯 $98烤牛肉整體比較濃味，所以omelette 蛋無特別配上醬汁，令味道能夠中和。牛肉加洋蔥，雖然唔係肥牛，但食落都好淋好入味。🥐韓式雜莓牛角包窩夫$72牛角包窩夫係我近期最愛嘅邪惡甜品，鬆脆熱辣辣嘅牛角包，配上肉桂砂糖，蜜糖，雜莓，真係會食極都唔厭。🍫凍朱古力咖啡$38咖啡味唔係好濃，比較似唔太甜嘅凍朱，toppings有朱古力碎及忌廉，攪勻之後飲到朱古力碎都幾有咬口。🥛夏至士多啤梨香蕉乳酪$48乳酪最緊要夠凍，鍾意佢比較清新，用士多啤梨同香蕉嘅原味，唔太甜應該無落糖水，係健康之選。餐廳實