影片
以上资料只供参考，请与餐厅确认详情
食家推介
招牌菜
午膳时间，唔知食乜好，见到呢间午餐有饭有面，好多选择，座位舒适，就入咗去试吓，叫咗两个午餐👇🏼去骨海南鸡配油饭$82最钟意食海南鸡，尤其是去骨，啖啖肉方便食，鸡够滑，呢个价钱份量正常，有我喜欢的酸萝卜做拌菜，油饭食到几香鸡油味，味道和口感都不错，装满成个碗，食完好够饱😄个汤有惊喜，喺鸡丝椰子汤，味道几浓郁👍🏻香茅猪扒煎蛋饭$72猪扒够大块，够香够腍，唔会干到柴口，有新鲜菠萝青瓜做拌菜，整体味道唔错。午餐价钱包餐饮，上菜速度正常，不用等太耐，服务员态度良好，入座时无话限时，食完可以倾吓计先走。
继续阅读
又黎到红磡黄埔一带食lunch~餐厅位置唔太显眼, 中午时段唔多人, 大约只系坐满一半枱 lunch set选择都唔少~ 点左香茅猪扒网皮春卷捞檬粉🐷份量都算大碗, 猪扒同春卷水准都唔错套餐除左咖啡/茶☕️, 仲可以拣龙眼冰🧊夏天啱晒!
继续阅读
晚市二人套餐1. 椰汁鸡汤🙂椰汁味淡，偏咸，3个人一人一碗岩岩好。2. 小食拼盘❤3款炸物，即叫即整，所以都要等一段时间先上菜，最好食系个葱油肉粒簿脆，同炸虾"圆"。3. 姜汁炒芥兰 😀芥兰小苦，姜汁味重，爽脆，好岩我口味。4. 咖哩大虾❤我发现有炸既野食，都整得好出色，大虾系炸过，炸酱好薄，大虾，系真系大虾，每只至少要3啖先食得哂，咖哩汁香浓，必点!5. 龙眼冰❤2杯，一杯好多龙眼，一杯冇咩龙眼，但龙眼味重，好饮印度烤饼😀（2件） 用黎配咖哩大虾食，正常发挥泰式蟹肉炒粉丝❤屋企人食到lam lam脷，粉丝条条分明唔会成饼野，味道较淡，但蟹肉味都有! 如果蟹肉份量再多D就更好，捞埋猪软骨汁，好味去骨海南鸡* 半只❤喇，份量都系偏小，但系鸡味重好嫩滑juicy，我好耐冇食过咁重鸡味既海南鸡，肥瘦岩岩好，真系好食~肥仔标豆酱炒通菜❤咸香味浓，唔油腻，镬气十足!! 份量都好足，必点!越式猪软骨煲😀微辣 份量小，1个人食岩岩好，但味道香浓，唔肥腻，跟饭食一流。泰式素翅鱼肚羹🙂本身系套餐，ALC menu冇，问左店主可以散叫，呢到多谢哂先! 不过配料真系好小，但汤既味道系ok~ 鱼肚只有几条丝，鸡丝 冬菇丝份量正常，素翅都唔算喇，呢锅羹一个人食都未必够。沙嗲串烧（任选四串）❤鸡 4串都可以唔同款有猪牛鸡任你选择，我地叫左4鸡，真系烧得好香口又唔会嚡，冇点沙DAR酱都好香好惹味泰式生虾❤必点，大大只，性价比高! 只只都爽口鲜甜，配埋个yum jim seafood酱，一流!!!芒果糯米饭😀芒果同糯米饭都好食，但系个椰汁好希，椰香味淡，唔介绍~流心榴梿炸弹❤4件 中意食榴梿既可以一试! 即叫即炸，外脆内嫩
继续阅读
Sunday Night 独自一人行吓行吓经过喱间B.O.A，绿色为主嘅装潢感觉清新，坐位宽敞算干净，于是走咗入去食晚饭。无无聊聊点了《泰式炒通菜》和招牌菜色《去骨海南鸡配油饭》。炒通菜够哂大碟，翠绿爽口唔太辣；海南鸡饭鸡肉嫩滑鸡味浓郁，附送嘅椰子鸡汤竟然系真汤唔系水，真系估佢唔到。值得一提系佢嘅《椰汁凉粉冰》，椰味十足唔太甜，凉粉好弹牙似仙草多D，可以一试。一人晚饭食得唔多，有机会会再试试其他菜色，例如《金不焕香茅忌廉煮纽西兰青口》。另外，用膳期间，侍应不停加茶比我，非常抵赞。
继续阅读
今天无意经过呢间泰国餐厅，见到个2人套餐几抵，于是入去试下，味道出乎意料好味。下次再去。1. 泰式素翅鱼肚羹类似普通碗仔翅，有冬菇粉丝同素翅，味道唔算好浓，加埋醋饮，酸酸地几开胃。2.沙嗲鸡肉串烧（四串）四串鸡串都几大串，沙嗲酱好野味，鸡肉本身已经烧得好入味，就算唔点酱都好好食。3.香脆马来豆腐豆腐皮脆内滑，出面淋上鱼露同埋甜酸酱，配埋青瓜丝，酸酸甜甜唔油腻。4.原个椰青咖喱软壳蟹拌印度烤饼呢个系最惊喜既菜式！青咖喱好足料，加埋青红椒同埋椰子丝，好香而唔腻。将印度烤饼点青咖喱食，非常夹！除左有炸得酥脆既软壳蟹之外，仲有2只大炸虾，份量一啲都唔少。仲有配埋一杯椰青，一个菜式可以食到几样食物。5.姜汁炒芥兰姜汁味不算重，但系芥兰炒得翠绿爽口！6.龙眼冰龙眼冰味道普通，胜在唔算太甜。
继续阅读