影片
以上资料只供参考，请与餐厅确认详情
唔系因为陪朋友食，真系唔会去！公厕味餐厅冇讲错，如果呢度出唔到呢个post，只可以讲黎度帮紧啲咁既餐厅。完全不准不实。同几年前黎完全两个样，之前食物质素同埋服务都好，食物比较多选择，环境卫生。餐厅一浸公厕臭味同霉味，食物变坏照出比客都算。其他盒唔知以为佢好肚饿。员工用筷子不断喺兜比客既嘢食度夹黎试食，以表明话食物冇问题。咁个个客就要食佢口水尾，完全唔卫生。今时今日咁嘅餐厅仲系生存得到，已经唔系讲紧有冇人帮衬嘅问题，系最基本嘅卫生都冇，食环署真系要去检楂下。
继续阅读
第一次去食唔知道。出品要食客自己捧餐。畀完钱之后冇人理你。等候约十分钟。茶餐双拼出前一丁。肉丁餐肉出前一丁出场。食才算好。出前一丁成完整版在碗中。食落口感面硬有如未煮。本想不浪费。无奈祇有饮味精汤同食去能食的肉丁餐肉。硬到好似生麺。所谓出前一定咬落还有点脆脆硬硬的感觉。真系唔想食。浪费食才。服务态度一般般到冇得再一般。典型唔忧做格局。不如去近地铁站盛德食！从食才到环境。睇得出老板想做好盘生意。可惜你啲伙计令你的食店食品同服务。同老板原意背道而驰。今时今日噉嘅质素同态度 ? byebye...
继续阅读
今日去咗位于黄竹坑工厂区的某一次食饭食早餐！室内环境都阔落！也有很多工厂区的工人在此处进餐！早餐种类不是太多！但很丰富～因为大大份好抵食！我拣咗7号餐，炸菜肉丝米丶煎蛋及厚多士！一杯餐茶～～值得一赞的是厚多士～因为佢热辣辣烘出嚟，好好味！再搽上一层牛油更香更脆口！碗炸菜肉丝米～超级大碗！佢𠮶啲米粉系用竹笙米粉！所以我更加喜欢杯热奶茶也非常香浓！大家如果经过黄竹坑工厂区不妨来这地方 试一试～有早餐丶茶餐丶午餐及晚餐！
继续阅读
今日见有少少肚饿就去咗公司附近嘅B.I.T. 食堂食下午茶，我同事就介绍我食鱼柳包。咁我就叫咗份鱼柳包加杯热柠茶。等咗一阵佢嗌冧巴咁我就出咗去拎野食返埋位食啦。鱼柳系啱啱炸起嘅热辣辣。个包系类似法包烟烟韧韧嘅，个包皮焗到好趣，加埋沙律酱汁夹埋黎食好好食。
继续阅读
每一次谂唔到食咩都会嚟食BIT。黄竹坑黎讲呢间系有限嘅选择之中最好的选择👍🏻👍🏻👍🏻因为食物品质好💖一个午餐有餐饮，有餐汤，𩠌同饭。‘老火汤’佢个老火汤唔系Hea 汤😉系足料饮得落口嘅汤💓都有时会有旧粟米，有时有旧肉，总之有d料。而且汤好清甜。😋‘砂礓鸡！呢度嘅午餐特色就系啲𩠌大大份食到好满足🥰呢碟就差唔多有成¼只鸡咁多，啖啖肉💓而且每一日嘅午餐都有好多选择每一款都系有质素。👍🏻
继续阅读