影片
世界杯睇韩国队，唔系唔食炸鸡配啤酒同soju呀？见到哩间大角咀近近地有炸鸡食，虽然ooenrice嘅人都好似系食佢嘅铁板鸡多，但我目标明确一定要食炸鸡，就打咗电话去叫外卖。打去十五分钟后到，都仲企咗十分钟，但明明得两三枱客。唔紧要，因为啲外卖比我𠮶时隔住袋都辣手。唔知店家嘅特辣鸡系咪汁另上，因为鸡就见到一半原味一半甜辣，但就有个几辣嘅辣酱跟埋，不过哩个酱好紧要，因为咸辣可以遮盖很多缺点。先食原味，薄薄的鸡皮，皮脆是必需的，鸡件本身调味不多，隐约的咸味，滴上柠檬汁本应完美。可惜，鸡肉又干又鞋已经无哂瘾。甜辣因为有浓浓的酱汁包裹著，所以暂时忘记鸡肉个部分。但当注意力集中响味道上，我叫哩个做咕噜肉炸鸡，个酱嘅味道七成似，只系多小小辣。干嘅唔止系鸡肉，仲有午餐肉饭卷。韩式饭卷来说，欠麻油嘅油润，饭粒又雇干。好嘅地方系小啲人放两层午餐肉馅。
继续阅读
有朋友向我同友人推荐呢一间韩食, 所以我同友人放工就谂住去试一试~ 去到太子地铁站落车, 跟住Google Map 行, 行左大约十分钟左右就行到呢间餐厅XD (其实唔止十分钟. 因为行过入左间鞋店, 买左对好靓想买好耐嘅鞋先继续出发! 所以多除少补就大约十分钟XD)主要叫左三样菜式, 韩风炒牛肉(二人份), 部队锅 (二人份) 同埋韩式鸡肉寿司~鸡肉寿司就正常野, 无咩特别 XD首先系韩风炒牛肉(二人份), 一黎佢会比左一份生牛同菜系中间, 之后会有职员帮手炒~ 不过其实个下我会希望自己炒会开心D~味道上系有D失望, 一来牛肉有D老, 二来无咩味道, 整体上就系一个菜炒牛肉, 无咩特别也无咩味道,,,反而部队锅味道就不错, 入面有鸡、泡菜、午餐肉、冬菇、年糕、肠仔、芝士肠、野菜同茄汁豆, 汤的味道都不错~ 惹味浓郁, 最后加多个公仔面就真系无得输!!不过个服务员不停调戏女友人, 让我地都有D唔好感受...只系为左食部队锅, 我谂我就唔会再试呢间啦><
继续阅读
今日又黎到爱回家醒哥开嘅舖头，一点几黎到，唔算好多人，好快就有位。叫左番茄浓汤牛肉拉面，入面有新鲜嘅番茄，汤底好浓郁，但又唔会浓到「确喉」拉面唔会太淋，芽菜都好爽口，但牛肉就比较「鞋」，整体黎讲唔错！会继续支持醒哥
继续阅读
今日同一班朋友一行六人庆祝生日， 睇到附近有呢间韩国餐厅食一啲热辣辣嘅锅物， 即刻走入嚟试下， 入到嚟返咗好舒服好靓， 有八成入座率到， 差唔多每一台 都嗌啲韩式火锅， 我哋又嗌嚟试下，先试咗部队锅， 二人份量嘅， 试过之后觉得ok，汤底 又香又浓， 一定要加个韩国拉面，正。 即刻再试下其他嘢， 炒年糕炸鸡， 都觉得几好食。 之后服务员再推介新出嘅一人一个火锅， 88蚊超抵超饱， 尤其个汤底正，我哋嗌咗泡菜辣汤， 好地道韩国风味， 唔使用酱油都好够味。 虽然好饱再见到隔离个蛋卷好靓， 我哋又嗌咗， 卖相又靓又好食， 服务都算ok， 切蛋糕冇切饼费， 冇限时间， 好难得嘅韩国餐厅，值得再试。
继续阅读
收到餐厅嘅传单即管入嚟一试呢个韩式火锅，ok㖞， 份量啱啱好，有肉有菜有啲丸， 仲有个面， 不过最特别系个汤底, 韩式汤底好特别, 我叫咗个泡菜辣汤, 辣得好过瘾, 我朋友叫咗个招牌嘅豆腐牛肉汤底, 非常之正, 送白饭一流。 我觉得最正系佢哋啲汤底够浓，同埋够创新。不过讲到呢间店炸鸡一定系最出名， 系好食嘅， 小食蛋卷亦都好精致同埋好正。 佢哋仲有韩牛卖， 不过今次食唔到因为好多人订咗， 定咗下次一定要食， 因为香港唔系好多地方食到韩牛。 下次会再食其他嘢。
继续阅读