影片
以上资料只供参考，请与餐厅确认详情
今晚约左人喺港岛食饭，难得过海，所以特登过来石塘咀睇相展。坦白讲，门面睇唔到舖头名，但如果你都已经行到上来保德街，望到大玻璃入面咁多黑白相，就实唔会揾错地方。原本谂住睇完相展就揾间cafe坐低做野，黎到先知原来呢度有野食，天气又热又焗，所以我就索性喺度食，点知有惊喜呢度要行到最入cashier order，可能因为主打都系出面啲相啦。menu选择不多，不过都有包、意粉同all day breakfast。我心大心细，因为早两日中医叫我戒海鲜戒菇，唔知拣咩好，个staff竟然主动提出帮我将个牛油果烧虾意大利包嘅虾换做鸡！！今时今日咁贴心的服务已经好少见，呢啲野真系连锁店揾唔到 好明显系即叫即整，虽然无咩高难度技巧，但食材新鲜，好不错！之后忍唔住叫左杯咖啡同柠檬挞。咖啡拉花靓靓，所以要影佢地甜品系homemade，我就钟意柠檬挞再酸啲，但都几好味，而且好少cafe有整喇。其实野食就食完，但我一定一定要加呢张相！话说我其实都无再叫野食，咖啡都饮完，只系未够钟走所以一直坐啦，佢地都好好态度不停加水畀我，完全无压力。呢度仲要系有wifi有插头叉电，如果要揾地方坐低静静做野，我真心推介听staff讲佢地本业系摄影，因为想推广摄影所以开呢间舖，都系有心人。佢地话平日比较少客，我由2点坐到佢6点收舖，都一直唔满，都有少少邓佢担心，所以如果大家对摄影有兴趣，或者要个地方坐低做野，支持下佢地啦～～
继续阅读
返左成个星期工，有时真系想揾个清清静静既地方透下气，走走逛逛，就比呢间小店吸引住，最初睇外表，似系一间gallery，两边墙上都挂住唔同既黑白相，有政治既，有偏远地区既，除左墙上面，餐桌上都有唔同既影册，仿佛都好似想同大家分享摄影册上经历既故事，小店餐桌唔多，只有数张枱，走到尽头有一个好吸引既甜品柜，但我地都系决定先食正餐再吃甜点。正餐选择唔多，只有三种，我拣左店主推介既Panini 味道选择系牛油果虾，老公就拣左个All day breakfast ，黎到后我发现个 All day breakfast大份好多个蛋，蘑菇同肠都好好味，我个Panini虽然细份啲，但味道更好，外脆内软，虾好爽不过salad 就不是我喜欢的，其实食完个正餐都饱左9成，但女人食甜品永远都有另一个胃，我最初真系比佢个棉花糖吸引住，最后都忍唔住叫左棉花糖同苹果批，老老实实，个棉花糖坚正，拉丝棉花糖拼朱古力榛子酱，超有罪恶感，同食得多真系有d漏，反而个苹果批，甜酸刚刚好，仲有小小果肉，值得推介！！以摄影为主题既餐厅香港唔算多，听讲呢度定期仲有摄影展，爱好摄影又或者钟意宁静既又多一个好去处。
继续阅读
本身睇佢外边好好睇睇咁无可否认装修系几靓嘅以为又系𠮶啲行小清新路线既中价Cafe本身都几期待入去食嘢估唔到啲嘢食 可以差到咁等咗超耐 然后失望而回熟食剩系得三款一个沙律 一个意粉 一个all day breakfast咁我哋就嗌左个意粉同个all day breakfast先唔讲嘢食质素 成个厨房得两条友 等左超过半个钟先有第一样嘢食 仲有佢好多野都系自助形式 包括落单针水先讲个意粉 炒到劲样衰 一出嚟我直头心谂 我煮都靓过佢 其实真系好失望 点解佢连尝试摆靓少少都唔试 不过食落个味系正常嘅 食落感觉上都健康嘅 不过就系健康啰唔系好食 佢啲料好多都唔够 好多啖都净系食紧斋意粉 仲有啲虾佢连煎香煎脆都唔会 真系好失望去到个all day breakfast咁个样就冇咁样衰嘅但系𠮶啲厨师连自己铺头个Menu都记唔熟沙律唔记得咗落醋同埋橄榄油 完全觉得自己系只牛食草又唔记得比smoked salmon我哋要我哋自己去check 同返佢讲跟住啲罐头豆又系冻嘅 连热下佢都唔肯不过我觉得个scramble eggs同埋蘑菇系OK嘅但系整体质素我会觉得好过我个意粉 起码系觉得似餐厅质素 同埋个牛角包我觉得系好食嘅 咬开佢系见到蜂巢状嘅纹理 不过个牛角包好明显唔系佢哋自己整架啦不过佢收得呢个价外面有好过佢好多嘅Coffee Shop可以选择完全唔建议来呢间野不过一嚟佢应该系新装修好 依家可能未上轨道 希望如果佢有机会见到我写呢篇食评 佢会知道我𠮶日食得有几唔满意 会作出改善( ；´Д｀)Personal ig: datjune
继续阅读
位于西环山道附近的ATUM Space，环境宁静舒适，有高枱也有普通枱，很有家的感觉。最近店内还举行了摄影展览，一张张诉说历史的黑白照呈现眼前。店主热情的介绍相片的理念，像上了活生生的历史课。说回饮品，我点了一杯热朱古力($40)，份量是比其他地方大杯。可惜朱古力味层次不足。朋友点了苹果杯子蛋糕($50)，很小的一件玫瑰花形卖相很得女仕欢心。这里都不失为和朋友相聚的好地方。
继续阅读