25
8
3
港铁荃湾西站 E2 出口, 步行约1分钟 继续阅读
所有分店 (3)
电话号码
28564021
付款方式
Visa Master 现金
食记 (43)
等级8 2020-11-05
1826 浏览
近来新兴咗一个字词「Staycation 」,本来趁老婆生日,都有此打算,不过,佢话晌屋企瞓自在过晌酒店,所以,酒店就无住喇,但都照原先计划,嚟一个大西北小旅行。先到荃湾西站嘅「海之恋商场」食个晏,再入兆康,转轻铁到良景,晌「良景市集」(即喺良景嘅冷气街市)打个转,再上「港版大峡谷」嘅良田坳,最後,返到南昌站嘅「V Walk」食晚饭,就结束今日西铁线大西北之行。言归正传,今次餐晏仔晌边度食好?「海之恋商场」都喺第一次嚟,故此事前上网搵搵有咩选择,最後拣咗「ASAP」,因为定价相宜,风评不俗。晌门口所见,餐厅内都仲有少量吉位,加上只喺得我哋两公婆,比较易等到位。刚好,我哋就被安排坐晌近门口嘅二人枱,距其他枱都好有一段距离,所以,食得更安心,但其他位显然就比较逼。而餐厅其实都几大,装修简约,望入去,仲有大大片落地玻璃嘅窗口位,望到对岸青衣壮阔嘅风景,加上是日阳光普照,感觉更醒神。主餐牌主要有红黄蓝共3张,不过,唔喺好明显有分门别类,但菜式睇起嚟比较多元化,无话边种菜系突出啲,然而,定价果然算喺好相宜。 此外,所有主食都会配基本热饮、汽水或果汁,亦可以额外加钱转为特色饮品,仲有,更可以加配热汤或沙律。D1 牛油果流心蛋法式酸种面包 + 烤豚肉芝士肠 + 烟肉 + 香草车厘茄 $62 最後我哋拣咗两款类似All Day Breakfast嘅套餐,而拣呢款嘅原因喺一来老婆锺意食牛油果同宾尼迪蛋,二来我就想试试件法式酸种面包。老实讲,比预期好喎,流心蛋做得好出色,睇我切开个蛋黄,啲蛋浆涌出嚟就知啦,仲加咁片芝士,如有埋荷兰汁就成为正式宾尼迪蛋喇;此外,件酸种面包咬落有韧劲,唔会一阵风咁,又有麦香;豚肉芝士肠、烟肉都喺啲靓货色,食得出唔喺啲平价嘢,就连啲车厘茄都煎过,有诚意呀!D2 七味芝士鸡肉烤墨西哥馅饼 + 吉列西班牙豚肉 + 烟三文鱼 + 牛乳炒滑蛋 + 烤蕃茄 + 沙律 $78睇睇个菜式名之下嘅食材组合,已觉得颇有睇头,加上老婆好想试啲烤墨西哥馅饼,所以,更铁定要拣佢。比「D1」,呢份仲大堆头。烤墨西哥馅饼果然好好食,外层好脆口,而啲七味芝士鸡肉超惹味;吉列西班牙豚肉你当喺炸猪扒咁食,味道唔错,又唔算油腻,牛乳炒蛋睇见都知道佢滑,甚有奶香,就算烤蕃茄都交足货,当然,烟三文鱼算喺咁多样嘢中,最无乜特别嘅一样。洋甘菊 今餐两个主菜都油油哋,所以,老婆就拣清清哋嘅洋甘菊,喺斯里兰卡品牌Dilmah嘅茶包,虽然对茶叶嘅世界唔算熟,但总知道有呢个品牌,而洋甘菊嘅香气幽幽,清香淡雅。饮完杯茶,留意吓内杯身:「Have a simple day」,非常有趣。牛奶咖啡 +$8 由於我哋一早已打算点一客甜品嚟「些牙」,所以,加钱要杯牛奶咖啡嚟衬一衬,不过,睇样就知喺机冲,似乎俾多咗期望。还好嘅喺,杯咖啡都唔差,够醇香,有阵阵果仁味,就算机冲,如果豆靓都OK嘅,虽然时近入秋,但有个甜品餐牌都仲喺以夏令为题,不过,理得佢咩季节,啱食就得。顺带讲讲佢哋嘅服务,其实我哋一早向A店员落单已嗌定个酥皮苹果卷,并讲明主食差唔完嘅时候後上,但见似乎无人跟进,等咗一阵问B店员,先话帮手跟进下,此时先同我哋讲制作需时,要等20min,幸而我哋唔赶,照等。之後,由C店员送上焗苹果卷,佢真喺劲,放低碟甜品就行开咗,喂!我哋两个人共享,你唔俾多只碟,至少都要两份餐具啩,可见啲服务质素几低吓。酥皮苹果卷配雪糕 $38 等咗真喺大概20min,卒之到咗,卖相较平实,入口无预期中即焗出炉嗰种热辣辣,但酥皮卷喺几香脆,颇有牛油香,而苹果肉加咗玉桂,阵阵清甜香味,整体味道方面唔失礼,而雪糕喺好普通嘅云呢嗱味而已。不时都晌啲食评借个版位分享吓啲行山相,今次都唔例外,就分享一下「港版大峡谷」良田坳嘅风景啦。做人嘅嘢,越简单越好,就喺因为有啲人成日将问题简单复杂化,搞到一件好小嘅事,搞吓搞吓变成大事件。所以,好锺意呢间店铺嘅名「as simple as possible」,唯一最怕喺有啲人叫做嘢,惯性喺唔喺都话急,咩都「as soon as possible」,对依啲人要自我调节,你要快,我咪唯有交啲功课喺「as short as possible」罗,哈哈! 继续阅读
等级2 2020-11-22
0 浏览
前阵子,趁疫情稍稍缓下来的时候,与闺蜜们来一个荃湾西游,首先往荃湾西站嘅海之恋商场,先在Donki买个痛快,行攰了,便想着找个地方来个下午茶,歇歇脚,充充电。商场内其实都充斥了不少食肆,逛了一会,最终决定喺A S A P下脚,冇他的,两大原因,主要因为他性价比高,价格相宜,而以这样的价钱,轻轻松松的对着无敌大海景,叹个下午茶,人生如此,够晒chill! 最重要的,不用给他的名字ASAP吓怕了,我们可以悠扬地慢慢地叹个下午茶,不用跟他的名字 as soon as possible 啊!与闺蜜们,各自叫了几个下午茶,热腾腾的鸡翼,加上脆脆的薯条,口感不错;嫩滑香口的蛋牛加上脆脆厚多士,又是一个不错的选择;一位比较肚饿的朋友,叫了一个通粉,鸡汤咸淡适宜,又是一个充饥的好选择。还有一提,职员服务态度都好好,好有礼貌,由座位安排到点餐上餐都好快手。周末周日,如果瞓得晏,想来个无敌海景的午餐,又价钱相宜的,ASAP的 brunch 也会是一个不错的选择,下次我们也要再来试试啊! 继续阅读
(以上食记乃用户个人意见 , 并不代表OpenRice之观点。)
等级2 2020-11-17
0 浏览
嗰日行完Donki,经过见到呢间野就入去试一试佢。 睇完餐牌,就嗌咗一个汉堡包($8x?)+一碟蕃茄牛肋条意粉($7x)+西班牙烩饭($13x)+芝士唐扬鸡(跟餐另加$28)😙 所有嘢食嘅份量都超级足够,一定饱肚。 超级欣赏佢碟意粉啲意粉🤣 因为煮得啱啱好,好烟韧💕(唔似X心/大X乐嗰d 咁,煮到林啤啤🤢)碟野d 牛肋条煮得好淋,好似食牛腩咁🤔 。 个饭ge 饭量真系超级多,可以两个人食。啲饭食落去都有少少虾味,但个人认为略嫌淡咗少少,可以再浓啲。 个汉堡包都几好食。两边包皮都有煎过,食落去好香口🤤 中间块牛肉煎得几嫩,有惊喜!特别想讲嘅系啲薯条🍟🍟🍟 超超超级好食😳😳😳 佢层炸皮喺其他地方真系冇食过!(我都唔识形容😂 好似层薄薄ge 天妇罗皮咁?!) 个意粉同汉堡包都跟沙律,个沙律配柚子醋汁酸酸甜甜好开胃🤤 啲菜都好新鲜~ 呢间野真系有惊喜,下次都会再去食😙 继续阅读
(以上食记乃用户个人意见 , 并不代表OpenRice之观点。)
等级3 2020-11-10
275 浏览
一讲起ASAP 就自然谂起要AS SOON AS POSSIBLE - 尽快! 但系原来呢间餐厅名O既ASAP 系AS SIMPLE AS POSSIBLE - 越简单越好! 咁好啦! 呢个LUNCH 就去试下先! 今日唔驶等位, 量完体温可以直入店内有窗边位, 可以望住海食饭, 舒服, 写意! 店内装修简单, 新潮, 好符合ASAP - AS SIMPLE AS POSSIBLE! ❤餐厅食物种类好多, 如沙律🥗、咖哩饭、意粉🥘、汉堡🍔都有! 炭烧西班牙豚肉+柚子醋田园沙律 - 今日想切合主题, 食得简单D, 於是叫左个沙律食。首先讲讲个沙律先, 份量都几多, 个柚子醋我觉得似系柚子蜜开出嚟咁, 太甜! 有少少奇怪。另外块炭烧西班牙豚肉入味又淋, 而且唔肥! 跟餐餐饮系橙汁, 尚可。埋单发现要加10% 服务费, 价钱方面有少少偏高, 不过如果想食得健康D, 呢度都系一个好选择。 继续阅读
(以上食记乃用户个人意见 , 并不代表OpenRice之观点。)
等级2 2020-11-09
207 浏览
同妹妹行开荃湾又唔想食日本菜咁啱路过见到间新开既小店ASAP.........於是八挂入去睇吓有咩好食啦🤤🤤首先入到去见到店铺环境乾净企埋,店员亦好有礼貌地推介一些食品比我地亦不厌其烦咁解答我地既问题😬今时今日有泥个服务熊度已经好好架𡃤⋯⋯比起另外一D有名气或者冇名气既餐厅D员工黑口黑面好似我哋要乞求咁嘅情况🙈⋯泥度就好好多😃值得一赞佢嘅咖啡⋯好香好滑溜饮後带有小小甘⋯👍🏻👍🏻 继续阅读
(以上食记乃用户个人意见 , 并不代表OpenRice之观点。)