影片
更多
2024-03-07
1116 浏览
好似好耐冇出去食西餐，亦都好耐冇見過我呢個靈性導師，今晚一於請佢食好西。近近地喺旺角，上到嚟係以音樂為主題嘅怖置，而且見佢有個台，應該熱鬧嘅日子借有live band。我地叫左個二人餐，包含嘅嘢都好豐富。頭盤我揀左白忌廉煮青口，想講佢個忌廉汁真係做得好好，食到停唔到口。而佢地用嘅青口都係我鐘意食嘅藍青口，肉質好嫩，又夠鮮。然後前菜就揀左個香煎鵝肝，鵝肝煎到啱啱好，超級香。油脂分布啱啱好，唔會食落去覺得好膩。另一個係蒜香牛油田螺酥皮盒，佢淨係個賣相都已經好吸引，個酥皮都夠脆，但係味道嚟講，我哋覺得香煎鵝肝香口啲。然後佢個蟹肉龍蝦湯，簡直係海鮮敏感人士嘅罪疚感，因為佢真係超級香，超級濃郁，好飲到聽唔到。主菜方面，我哋一個揀咗係帆立貝蕃茄醬意大利粉。佢會有三粒帆立貝，而且個size都唔細，而佢個茄汁味道啱啱好唔會太酸。最重要嘅係佢啲意粉都做得幾好，肉眼睇到都知道佢係爽身彈牙，我原本唔係太鍾意食意粉都覺得呢個唔錯。另一個重頭戲就係威靈頓牛柳，其實出邊好多餐廳要食呢一個菜係需要好早預訂，但係呢一度似乎晚晚都會有。佢用嘅牛柳好腍，雖然牛味唔係特別重，但係個口感唔錯。而其實威靈頓牛柳真係一份功夫菜，
近近地喺旺角，上到嚟係以音樂為主題嘅怖置，而且見佢有個台，應該熱鬧嘅日子借有live band。
我地叫左個二人餐，包含嘅嘢都好豐富。頭盤我揀左白忌廉煮青口，想講佢個忌廉汁真係做得好好，食到停唔到口。而佢地用嘅青口都係我鐘意食嘅藍青口，肉質好嫩，又夠鮮。
然後前菜就揀左個香煎鵝肝，鵝肝煎到啱啱好，超級香。油脂分布啱啱好，唔會食落去覺得好膩。
另一個係蒜香牛油田螺酥皮盒，佢淨係個賣相都已經好吸引，個酥皮都夠脆，但係味道嚟講，我哋覺得香煎鵝肝香口啲。
然後佢個蟹肉龍蝦湯，簡直係海鮮敏感人士嘅罪疚感，因為佢真係超級香，超級濃郁，好飲到聽唔到。
主菜方面，我哋一個揀咗係帆立貝蕃茄醬意大利粉。佢會有三粒帆立貝，而且個size都唔細，而佢個茄汁味道啱啱好唔會太酸。
最重要嘅係佢啲意粉都做得幾好，肉眼睇到都知道佢係爽身彈牙，我原本唔係太鍾意食意粉都覺得呢個唔錯。
另一個重頭戲就係威靈頓牛柳，其實出邊好多餐廳要食呢一個菜係需要好早預訂，但係呢一度似乎晚晚都會有。佢用嘅牛柳好腍，雖然牛味唔係特別重，但係個口感唔錯。而其實威靈頓牛柳真係一份功夫菜，佢嘅製作過程都幾繁複，淨係中間嗰層蘑菇醬，就已經夠晒複雜。控制個火候都要控制得好好先至唔會喺咁多個過程中令到牛柳變老。簡單啲嚟講呢度嘅威靈頓牛柳真係唔錯。
最後今晚嘅甜品係千層蛋糕，其實係pancake整成嘅玫瑰花，個賣相又係好吸引好靚，為呢一餐留咗一個完美嘅序幕。
以食威靈頓牛柳嚟講，呢個價錢我覺得差唔多，而且呢度嘅職員都好好，每食完一樣嘢職員都會幫你換碟，而且都好主動，會不時留意吓你嘅需要同埋即時幫你加水等等，所以我覺得呢度嘅性價比都唔錯。
张贴
