影片
港铁铜锣湾站 E 出口, 步行约5分钟
继续阅读
电话号码
28371772
开饭介绍
Alto 88以欧式装潢为特色，巧妙运用自然光与优雅的摆设，为客人呈现迷人的氛围。场地俯瞰维多利亚港及公园的壮丽景观，是一个适合举办由会议及商务活动至派对、鸡尾酒会及西式婚宴的理想场地
继续阅读
特色
庆祝纪念日
以上资料只供参考，请与餐厅确认详情
有关奖赏计划
相关文章
听闻最近才推出的周末限定brunch buffet, 外子立即用openrice订(有85折!)老牌酒店在铜锣湾非常方便，餐厅在31楼居高临下，所以能睇住海景和维园景观欢番餐。餐厅位置不多，十多台，因此不会出现排长龙和食物俾人整到乱哂的情况。舒舒服服已经可以自行拿到：精美新鲜沙律，有虾杯和芝士杯和各式火腿。芝士款式很多亦有冻海鲜，全部新鲜美味。亦都有即场用龙虾制的龙虾汤，记得要饮多碗，非常creamy请厨师煮的意粉，意粉选择也算多，特别是有意大利面团，粗筒意大利粉，见到也心心眼。另外有牛和猪请厨师切片，记得记得顺便请厨师煮蟹肉黑松露炒蛋。甜品区的蛋糕款式不少， 而且蛋糕做得好好味。特别是tiramisu很受欢迎, 很快餐厅拎2个出来都清哂。我第3个先食到本身以brunch buffet已款式ok多及精美，最最最特别是全程也有不同新食品会送到台上，包括热辣辣4款法包、羊架、黑松露意式云吞、有辣和唔辣任君选择的沙甸鱼另外有刺身配鱼子酱人生第一次一盒鱼子酱任意食以brunch buffet来说这件事也太奢华吧！甜品除了蛋糕也有4款意式雪糕，可以配焗脆牛角饱仔一起食，非常美味！另外一提：酒水热茶水全部任饮，女士还送了护肤品试用及酒店其他餐厅现金劵。服务很好，环境好，食物水准好，性价比超级高。1130至1430，3小时舒服地享受食到饱。大推，令放下写食评一段时间的我也的起心肝介绍下。其实香港有很多高水准值得去食的餐厅。这间便是周末值得去享受的好选择呀！
继续阅读
1343 浏览
之前试过富豪酒店工作event ，食过佢哋嘅西餐，又听过佢嘅中餐都唔错，不过一直未有机会约到人食。朋友W小姐话佢哋最正嘅顶楼Alto 88本身都系一间几好嘅意大利餐厅，而家星期六同日都会有个brunch ，好彩佢介绍，我哋仲要系第一手食到呢个啱啱推出嘅brunch 。由于未去餐厅，一上到嚟，其实已经觉得心旷神怡，望住维园、天后加大坑嘅无敌景致，未食都已经觉得开心。食物方面，未坐暖张櫈已经问你饮唔饮酒，仲要主动同你讲有红酒白酒再加气泡酒，点样夹埋会好饮啲，剩系个服务已经满分。然后未行出去攞嘢食，已经有一碟劲靓嘅刺身放上枱面，入面有三文面，𫚕鱼同劲大只嘅虾，另外，再加一碟鱼子酱，又有酒又有鱼子酱，未出去行已经有咁高级嘅嘢食，都真系好宾至如归。点都要出去行吓，睇下有乜食，冷海鲜有龙虾、松叶蟹脚、青口同虾都系绝对新鲜同质素超高，由于之前一晚啱啱先食完自助餐，立即分到海鲜质素嘅高下。不过我最钟意佢嘅有个虾杯，啲虾又爽又新鲜，真系食到停唔到口。佢前菜好多冷盘沙律，冻肉，烟三文鱼等等都非常多选择，个人特别推介佢嘅烟三文鱼，另外，罗马生菜及混合沙律菜、烤蔬菜、牛油果及布拉塔芝士等等，都一定食得开心。佢嘅意粉档口又系非常多选择，净系你拣意粉都眼花撩乱，由最普通不过的意粉到意大利云吞都有，有三种唔同嘅酱汁，加上有青口烟肉同埋虾提供俾你即场炒意粉，呢几个Combination应该可以做到超多唔同嘅选择，特别推介如果你钟意食辣嘅话一定要叫佢哋加少少辣椒粉炒，你一定会钟意。熟食方面，有羊架、蕃茄鲈鱼、意大利风味烤三文鱼、意大利薄饼，薄饼有两只，意大利莎乐美肠薄饼当然要吃，另外最受欢迎的还有黑松露四式芝士薄饼。可能你以为呢啲好多系平时自助餐提供嘅熟食，但系佢哋嘅份量直程大份到好似一个主食一样，如果你样样都试吓，就好似食咗四个main一样。我最爱两样必吃点系即场炒嘅黑松露炒蛋，我都系好钟意，炒蛋即场炒得好滑，入边仲要加咗蟹肉，好creamy ，就算好饱我都食咗两碟。另一个选择系龙虾汤，每碗仲会配一件龙虾，包你食得满足。最后尾声必点嘅香草肉眼牛扒同猪腩肉都系食肉兽嘅选择，特别系肉眼扒，佢哋side嘅番薯同薯菜都好值得食，温馨提示，不过如果你细食，记得叫佢俾少啲，因为次次佢都切得好大份。尾声的甜品都系眼花撩乱，基本上女士选择比食海鲜同煮食更加难拣，我最爱系牛角包窝夫 ，即整热辣辣加唔同味嘅I SCREAM Gelato。呢个任食意式海鲜早午自助餐，由十二点食到两点半，仲要饮埋酒都只需$568 元。如果饮酒，基本上系无敌，如果你唔饮酒，我觉得你上黎食得就俾个机会佢饮番几杯啦。上星期食仲有promotion，客人更可获赠 Rituals 指定系列试用装礼品乙份，听佢哋讲呢个月应该都仲做紧promote，有兴趣就快啲book定，攞埋个试用装仲更加抵。
继续阅读
环境宁静，食物质素高，着重质量。有大厨即场向每枱表演，例如: 煮牛肉及德国肠; 调酒; 羊架; 饭..…等等，而饮料亦无限畅饮白酒，红酒的，十分难忘。经理及大厨十分友善，主动同我们倾计，互动，有别于其他的自助餐。
继续阅读
今天与有人一行八人到餐厅食饭，一入去已经比眼前的景色所震撼，非常漂亮，再睇埋食材，一个字，冇得输！嘢食种类多，回本冇难度，餐厅服务超友善，白酒红酒香槟任饮任队，仲有不定时推出嘅热门，今日有巴西烧肠，牛仔肉，超乱，羊架，白酒即煮青口，龙虾汤，食完之后真系饱到上心口！好耐冇食过一餐自助餐入边嘅切牛肉系好林好软熟好多汁，平时出边其他即使五星级餐厅食落到去都好柴口，但呢间净系食牛肉都抵。三种酒红白香槟，可口，容易入口！
继续阅读
好少会有executive chief ，领班和一众服务团队咁投入服务，必需一赞。海鲜为主线的自助餐非常唔错，性价比十足。景色亦都靓，我地食果时天气唔算最好，相信大太阳会更好。
继续阅读