影片
港铁土瓜湾站B出口, 步行约3分钟
继续阅读
营业时间
今日营业
12:00 - 20:00
星期一
12:00 - 20:00
星期二至三
全日休息
星期四至日
12:00 - 20:00
以上资料只供参考，请与餐厅确认详情
知道佢由细舖搬大舖、纯外卖变可以堂食，今次终于有机会试下，可惜系今次用餐体验麻麻。两个人先喺店外排队排咗~45分钟，入餐厅坐低同落单后，又要再等食物逐一送上。两个人点5个项目，由轮候到离开前后用咗2个小时，当中最唔花时间系食，因食物份量唔多，食材配搭唔丰富，进食时间可以好短。餐汤：跟主菜+$20；细碗；饮落系坚果加上汤的味道，味浓，而坚果（酱）只起点缀作用；汤的味道唔错，但唔算清新煎鸡扒蒜蓉意粉配杏仁甜椒酱：主菜$78；份量唔多；鸡扒望落大件但偏薄，狗狗爸爸话鸡肉仍嫩滑；意粉的软硬度适合香港人，唔系al dente但都唔会过腍；酱汁类似印度咖哩，少辣，冇乜特别；比较差系沙律，蔬菜唔新鲜，部分菜叶好岩巉，剩低用嚟上碟的亦冇生气，量少，而以沙律菜配搭意粉感觉有啲奇怪榛子青酱鹰嘴豆沙律配烧菠萝：主菜$78；味道方面，佢唔系唔好食，但考虑到食材配搭、用料同份量，性价比唔高；烧菠萝系2圈菠萝片，切成4件，烤过，保持到水份，带酸甜味；鹰嘴豆量多，味道正常；沙律菜同样都系唔新鲜，了无生气；当你点沙律而获得呢一丁点唔新鲜的沙律，真系好失望；青酱过咸，味道有少少霸道，遮咗榛子的果仁香，亦掩盖食材的原味开心腰果露：跟主菜+$30；同餐汤一样细碗；如单点系呢个size，咁就真系好唔抵，而家只系+$30，都觉得唔太值得试；饮落系饮到少少开心果味，但味淡，最突出只系甜度，估计主要成分系腰果；可能人人口味唔同，呢个甜品虽然够甜（甚至略甜），但应该满足唔到开心果迷花生酱素窝夫：单点$48；2块三角形窝夫，窝夫的凹位填咗花生酱，伴碟有一小pat 纯素忌廉同埋少量用作点缀的水果，配椰糖酱；呢个甜品最好的地方系唔甜，但花生酱的坚果味淡薄；以前当舖头开喺石硖尾时买过佢的花生酱，当时已觉花生酱逊色，呢样可能同原材料或烤焗方式有关；今次再试花生酱，感觉一样，味道似系由花生粉开出嚟咁，淡而无味今次想一次过试匀舖头的食物，因为唔想排队食第二次。觉得呢度的食物定价偏高，质素去唔到一个令人满意的水平，无论系汤、主菜以致甜品都只系不过不失。有两样嘢想提：（1）喺店外排队时，后面有两位食客，佢哋等到唔耐烦，其中1个就话：「IG系咁宣传，但又唔请多个人，根本就做唔切」，虽然唔知平日嚟系咪都要等咁耐，但就算唔使排队，以呢个价位，喺土瓜湾都有更多选择；（2）附近有台客，女的点咗窝夫，食咗几啖便同男士耳语，然后见男士用叉笃起其中一小件，反去后面睇...原来因为㶶底，所以女士冇再食而pass咗俾个男士清碟，见到咁，觉得食物质素一般~
继续阅读
以鲜磨无添加坚果酱及创意坚果菜式成功打响名堂的外卖店「ALL ABOUT NUTS」约 3 年前于石硖尾开业，小店最近搬到土瓜湾提供堂食，作为坚果爱好者，今天跟同事们到访朝圣，顺道庆生-提供主食、轻食、沙律、甜品及饮品 (全为养生坚果热饮)，大部份食物均加入坚果元素，配合店，提供素食餐点；同时出售多款坚果酱，价格亲民；店内面积不大却甚具空间感，简单装潢呈现家的感觉，有一份亲切感-🔹是日精选餐汤 $38大葱薯仔腰果汤，饮到淡雅的腰果、香葱及马铃薯香，稀稠度及咸香皆适中-🔹自家制坚果沙律醋配烟三文鱼沙律 $58加入车厘茄、石榴及青瓜片等材料沙律菜新鲜爽甜，小片烟三文鱼滑顺带烟熏香，加入香脆的果仁再配搭独特的坚果沙律醋，健康开胃-🔹榛子青酱鹰咀豆沙律配烧菠萝 $78鹰咀豆份量极多，毫不吝啬；同样加入车厘茄、石榴及青瓜片等烧菠萝香甜多汁，鸡胸肉嫩雪白，加上清雅的榛子青酱，美味又富味道层次感-🔹煎鸡扒蒜蓉意粉配杏仁甜椒酱 $78原块鸡扒份量不少，无论味道及口感皆有惊喜，鸡扒脂肪率低却肉嫩弹牙，肉汁丰富，调味恰到好处，意粉软硬度适中，细滑轻韧，配搭轻甜的杏仁甜椒酱，吃得过瘾！-🔹腰果腐乳酱烧芦笋蒜香意粉配温泉蛋 $88长长的芦笋新鲜爽甜，将温泉蛋刺穿让蛋液均匀的沾到意粉上令口感更顺滑又充满蛋香，配搭创新的腰果腐乳酱，好特别！-🔹奶油咖喱鸡饭 $78选配黄姜饭，咖喱鸡球面洒上腰果碎鸡球紧致细滑，吸收了香浓顺喉的咖喱汁后好滋味，奶油份量恰如其份；黄姜饭粒粒分明，味道温和容易入口，个人好喜欢！-🔹开心果野莓素布朗尼 (特制 4 人份 size) $140为同事庆生而设，口感扎实，湿润度适中，结合浓厚开心果香及野莓的微酸甜，甜度不高，好吃！-🔹开心腰果奶 $35成份为开心果及腰果，不添加糖，饮下味道天然，健康又饱肚-免收加一服务费，4 人共消费 $736，性价比极高，值得再访！-✨开心果酱 200g $128小店所有坚果酱皆可试食，没添加糖，室温存放 6-8 个月开心果酱由于油分较低因此会较黏稠黏口，入口带轻微沙沙感，开心果香非常浓郁，咸中带开心果的独有微甜，试食后立刻购买
继续阅读
人均大慨$100高质有荤素cafe All about nuts搬去土瓜环扩充有埋堂食，今日打完波去试试。估唔到咁多纯素选择！是日餐汤一定系纯素 😍 杂菌腰果核桃汤 😍 🥗自家制坚果沙律醋 配烟三文鱼沙律$58 - 这份量$58 有烟三文鱼，抵食！🌱纯素🌱鹰嘴豆菠菜素咖喱 配黄姜饭 $68- 有白饭黄姜饭选择，黄姜饭不用加钱👍🏻- carbs全部都系carbs🤣- 少辣🐤奶油咖喱鸡配黄姜饭$78- 阿仔试左啖话唔辣。但食到最后都系顶唔到😆但又继续食，睇嚟佢好钟意个咖喱。☕️而家开心果系皇道，开心腰果奶只系$35，抵！☕️榛子奶香料茶都唔错。香料茶可以选择不同的植物奶。榛子奶贵少少，不过好少见餐厅有，所以多$5都试下。🍰 开心果野莓素布朗尼$35唔会太干又冇太甜非常好👍🏻大量开心果铺面，又系开心果😆#有荤素 #土瓜环找素 #植物奶 #hongkongveganrestaurant #veganfoodie #cafe关注组 #开心果关注组 #纯素关注组
继续阅读
石硖尾外卖店时已bookmark 🥹原来宜家有埋堂食！衬复活节假期狗冲啦💨💨小店简洁整齐 到柜台落单 职员送餐自助斟水 售卖自家制坚果酱店舖有十令个座位 但都坐得几宽敞短发女职员虽然无咩笑容但一见到BB👶🏼冰山都劈开左😂 ❙ 加多加多酱烩牛舌饭 ❙ $78牛舌厚切😚软稔好食多酱超好𩠌饭 食落有少少少少似唔辣沙嗲我仲食到有花生香 不过我觉得碟饭唔够热😬 ❙ 开心果酱素窝夫 ❙ $78素窝夫无蛋 无奶 无牛油 依然做到外脆内软 果种软熟又带有少少烟韧良好弹性👍🏻唔讲唔知系健康版waffle 每格都塞满开心果酱 食落浆口得黎又好满足🥰店家仲研制左素忌廉但我地就觉得唔多夹 其实唔洗蘸都好味 ❙ 开心果野莓素布朗尼 ❙ $35的骰！素既布朗尼口感扎实 几湿润虽然面头有唔少开心果碎 但真系食唔出有开心果及野莓既存在缺少传统brownie既香气唔紧要但都比啲味我呀⋯⋯🫠
继续阅读
这间主打坚果主题的餐厅，原本期望会带来暖心又有创意的料理体验，实际上却令人失望，无论食物质素、服务态度还是整体气氛都远远未如理想。环境与氛围：装潢走日系简约风，配合暖色灯光与木系家具，明显是想营造一种家常温馨的感觉。但实际上，整间餐厅气氛冷淡，店员（老板）的态度尤其令人反感——语气冷漠、面口西，完全感受不到一点亲切感。明明装潢想营造家的温暖，实际却像走入一间不欢迎客人的店。等候时间过长：下午 3:30 开始等位，等了足足 50 分钟。店内座位极少，只有六张双人枱，感觉餐厅根本未准备好应付堂食人流。全店只有两位老板，一人负责煮食、一人负责前场，出餐极慢——我们由落单起计，主菜要30分钟才上枱，整体效率不理想。餐点评价：•奶油咖哩鸡饭： 鸡肉算嫩滑，但咖哩酱份量少，味道偏淡，而且与「坚果主题」关联不大，略嫌卖点不足。•煎鸡扒蒜香意粉（配杏仁甜椒酱）： 意粉有淡淡蒜香，酱汁略带酸味，杏仁味尚算突出。鸡扒煎得够香口，整体调味算不错，是本餐最能接受的一道。•开心腰果奶（无糖）： 用开心果与腰果制成，饮落有坚果香，但因为无糖，口感偏淡，感觉清清地，唔太吸引。甜品：•开心腰果糊： 有类似「姜味」的感觉，可能是坚果的天然腥味，唔算好入口。•开心果酱法式西多士： 卖相吸引，但偏滞，食几啖已经觉得饱滞，不太讨好。味道还可以，但唔值得专程去食。总结：如果你本身对坚果料理有高期待，这间餐厅可能会令你失望。食物普通，出餐慢，等位时间长，加上两位老板态度西冷，令整个用餐体验变得不快。即使装修想营造温馨小店感觉，但实际气氛冰冷。整体体验极不推荐，感觉餐厅未 ready 去经营正规堂食，唔会有下次。
继续阅读