影片
港铁葵兴站 D 出口, 步行约10分钟
继续阅读
电话号码
26179997
营业时间
今日营业
11:00 - 22:00
星期一至日
11:00 - 22:00
*截单时间: 21:30
以上资料只供参考，请与餐厅确认详情
咁岩去开呢到，正谂紧食咩好，见到印度人，不如试下既心态行左入去估唔到屋邨都可以好出色个咖哩真系好好食，我唔系好食得辣既，但系我都食到，仲要觉得好香好好味有d美中不足既系份量如果可以再多少少就好啦，因为太好味啦
继续阅读
喺屋邨商场有间印巴咖喱餐厅实属罕见、一直都唔够胆试因为资料唔太多、完全冇主menu 资料、大多数都系lunch啲普通咖喱睇相令人却步。但原来午餐都有一系列advanced curry, 其中有Chicken Biryani 算系一款适合做第一次试嘅菜。结果比想像中好！原来呢度系有主menu、正宗印度咖喱款色绝唔欠奉、从此就开始encore 。呢条邨位置颇隔涉、都系街坊多、店够宽敞、人流气氛感觉良好。巴基斯坦老板（？）100% 广东话OK！【 Chicken Biryani 】睇老板厨师心情、竟然会玩下变样、只蛋可能会用蛋包饭形式登场。【 Saagwala Chicken 】菠菜鸡咖喱绝唔逊色、同出面好多印度餐厅不相伯仲、算有啲估唔到。Naan 就弱啲、又唔系好够喉咁、但午餐价系包埋naan所以系冇得投诉嘅。呢间其一卖点可能系啲甜品、注明「爸爸自制」话系巴基斯坦雪糕。亦有【热情孖宝】etc.【 Masala Ice-cream 】原来系雪糕加咗Masala香料味、第一次食。入面仲加咗果仁。原味清淡恰当、另有一款系用玫瑰花蜜款做topping。
继续阅读
看了食评，抱著希望尝试正宗印度餐，坐了半小时绿色小巴到这个商场餐厅点了个咖喱鸡餐，结果期望与实际落差甚大，个人观感，就连附近的大快活差不多价钱的咖喱鸡都要比佢好，先不说咖喱鸡分量有几少，味道与重庆大厦的印度餐厅相比，相差甚远，俾人的感觉就是将货就价，唯一可取的是，烧饼的分量够多，亦够热，服务态度亦算良好，这种体验一次就足够了。
继续阅读
今日心血来潮，决定嚟一场味觉探险🧭。点了份玛莎拉烧鸡同咖哩薯仔烩虾，可以讲得上系味道驾驭得宜，唔系普通嘅水准。话说佢个玛莎拉鸡，肉质滑嫩，有种香喷喷嘅炭香味，每一啖咬落去既有咬口又唔会太干，啖啖肉的感觉真系过瘾到爆！而𠮶个咖哩薯仔呢，讲真，系我食过最惹味嘅一次，香滑嘅薯仔烂到出神入化，凑埋啖啖咖哩汁嘅虾仁，卡滋卡滋，真系够晒弹牙！当然，点可以少得佢个招牌Naan啦，腍到化，热辣辣嘅蒜味轻轻一扑鼻，沾上那醇厚嘅咖哩，完美！至于芒果乳酪呢，就有啲惊喜，一点点酸酸甜甜，清新完结这场南亚美食之旅，喺这种炎炎夏日中，真系解渴又解腻🍮。实话实讲，小店虽然不起眼，但佢个“物超所值”嘅平民美食，绝对系隐藏嘅美食宝藏！落区要留意吓，揾食宝兜住转，支持下地道小店，仲可以捧个肚回家！🍴✨🏠
继续阅读
【葵青区】【Ali 爸爸餐厅】之前走咗上嚟葵盛东揾嘢食，咁我自己就食咗碗面先走，其实我仲买咗啲零食走。不过我想讲嘅唔系物质上有啲咩拎走咗，而系想讲我喺度发现咗一间巴基斯坦菜嘅餐厅，佢好似印度菜咁，都系食𠮶啲差唔多嘅嘢。发现新大陆第一时间就梗系话畀朋友知，佢都大感兴趣，于是过几日就真系走咗去食。首先一人叫一个「优惠套餐」share 食，一个系 $90 嘅「咖喱羊烩薯仔」配「白饭」，一个系 $75 嘅「腰果酱烩鸡」配「芝士烤饼」。前者略嫌平庸，白饭亦都唔系印度饭。后者几有惊喜，腰果酱香浓之余，鸡亦都整得几好。加上烤饼都好厚实，加入芝士之后口感更绵密，而且仲做到港女至爱嘅「拉丝」效果。如果有下次，我估我会再叫返呢个烤饼嚟食。之后见到啲「厨师秋冬推介」都几抵食，几方便我哋呢啲乜都想试吓嘅顾客。我哋要两件「铁板烧烤龙脷鱼柳」，今次加「洋葱烤饼」，价钱 $55。个鱼柳烧到外面少少脆，里面就好嫩滑，功架十足，系真系得㖞。反而个烤饼配洋葱就略嫌争咁啲味，洋葱系够，只系之前𠮶块芝士太邪恶，冇计。另外又叫咗份都系两件嘅「铁板串烧烤鸡柳」，今次唔加嘢就 $35，佢哋整嘅鸡我觉得都系几好食，唔同我哋平时食开咁，但都系好正。之后系甜品，$35 嘅「印式雪糕」（Malai Kulfi）口感几特别几爽口，唔同我哋食开得铺滑嘅雪糕，仲有啲花香味，得意。另外就系 $40 嘅「甜奶球」（Ras Malai），用花奶、炼奶之类浸住啲光酥粒之类嘅嘢，几甜，几好食。餐饭最后 $326 埋单，特色菜嚟讲系唔错嘅价钱。见到门口有啲小朋友嘅画作，背后揾返资料原来都系一个温馨嘅故事，有兴趣可以上网揾吓，我唔喺度交代喇。不过个报导讲嘅「招牌菜」系菠菜牛腩、串烧鸡、印度奶茶，大家都可以一试。。。（地址：葵涌葵盛围63号葵盛东商场地下8号舖）#1amfoodie #foodie #hkfoodie #thatfoodiething #hkfood #food #1ambackup #1am0660 #tasty #globaleats #tastyfood #dessert #foodpics #followforfollowback #love #eat #1am葵青区 #葵芳 #Ali爸爸餐厅 #葵盛东商场 #咖喱羊烩薯仔 #腰果酱烩鸡 #芝士烤饼 #铁板烧烤龙脷鱼柳 #洋葱烤饼 #铁板串烧烤鸡柳 #印式雪糕 #MalaiKulfi #甜奶球 #RasMalai
继续阅读