影片
开饭介绍
座位之间设有高身日式屏风，这是一家私隐度高的居酒屋。供应多款由日本食材制作的串烧、铁板烧、刺身等菜式及清酒，甜品必食自家制鸡蛋布甸。
继续阅读
营业时间
今日营业
17:30 - 23:30
星期一至日
17:30 - 23:30
以上资料只供参考，请与餐厅确认详情
有关奖赏计划
星期日夜晚都好多人嘅居酒屋，位于铜锣湾站D2出口2分钟路程。晚市而家做紧优惠，啤酒买一送一、某啲酒类都有50% Off。食物种类选择都好多，而且环境好舒服，座位分隔有私隐。刺身拼盘七点盛 $380刺身非常厚切，而且几乎全部都系时令海鲜，分别有池鱼、间白、伊佐木、拖罗、赤贝、真雕同赤身。特别嘅位系佢特定嘅刺身配有少少调味，令到口感更加有层次。超浓厚鸡汤乌冬 $98食好多串烧同比较干嘅食物，都想嚟返一个有汤嘅餐点。乌冬叫咗超浓厚鸡汤，果然好似佢个名咁鸡味好浓，而且乌冬质感亦都好好。烧银鳕鱼干片 $68作为餐前开胃小食，呢一份鱼片煎得好香。明太子煎蛋卷 $88之前见到好多人介绍佢哋呢一个明太子煎蛋卷，果然好有惊喜。因为系新鲜滚热辣即刻整出嚟，所以出到嚟仲喷紧烟，而且蛋味好浓，冇加特别调味，更加食得出明太子嘅香。三文鱼三文鱼子烧饭团 $78三文鱼子配三文鱼肉呢一个配搭，令到成个饭团三文鱼味好浓，配埋烧饭团嘅饭焦，非常惹味。串烧：鸡肝 $36 自家制免治鸡肉串 $36 豚肉金菇卷 $36鸡胸软骨 $36 盐烧牛舌 $78牛舌系厚切，隔离有好爽口嘅椰菜，口感好爽口，不过个人比较钟意配盐粒，如果佢哋有埋就完美🥳。烧羊扒 $88烧羊架相比上面几道菜，就比较平淡，不过肉质都几软腍，而且加埋柠檬汁同佢提供嘅酱汁都几惹味。High Ball $75冲绳香柠Mojito $68想赞一赞佢呢一杯调酒好清爽，可以一试。
继续阅读
嘢食系几好食的 样样都几好食 但啲staff服务系懒系好嘅烦… 去居酒屋食饭就系想同朋友倾吓偈但啲staff 成日行嚟行去望住你 再唔系就行去你张枱隔离企喺侧边 听你讲嘢 望住你地 之后啲嘢一食完就赶住收走 未够钟又赶住抹枱 次次都系同朋友讲讲吓嘢就搞呢搞路 劲唔自在 斟茶都系仲系要人哋讲紧嘢嘅时候问你一句使唔使加茶…就直接打断同朋友倾计 最过分系埋单嘅时候 个女staff甚至谂住自己攞我个袋 懒helpful 地叫我比钱…真系too over了好食都no next time
继续阅读
高质居酒屋位于尖沙咀 地理位置方便可以注意到餐厅设计唔少detail位营造日式居酒屋vibe 而且价钱合理 同朋友倾计聚会气氛不错 推荐 .ᐟ居酒屋以串烧、日式主食闻名 网上都唔少介绍的确食物味道及质素都有一定水准(⁎⁍̴̛ᴗ⁍̴̛⁎)卡邦尼乌冬浓郁酱汁配上温泉蛋口感滑嫩满足明太子蛋卷真系每一口都满满明太子 牛舌及鸡肉串等串烧食品味道及口感丰富
继续阅读
去完日本食唔够日本野，揾到呢间Google4.6分，比得上日本嘅居酒屋！仲要够晒隐世冇咩人介绍过。今次黎胃口好，同男朋友两个人叫左16样野食😂所有唔逐一介绍，净介绍印象深刻嘅👇🏻$148盐烧帆立贝呢个一上枱就哗左声，系香港好少见咁样嘅方式烧帆立贝，上枱到食紧都仲有啲火，靓到男朋友都拎手机影相。口感佢唔系话完全爽口，但鲜味好足，个酱系唔会抢走佢味。$380刺生7点拼盘菜单冇列明有咩鱼生，见有少系香港有嘅间八鱼同赤贝系有啲惊喜嘅。鱼生厚切唔腥就正常发挥，不过就唔太建议点咁多豉油，因为偏咸会盖过鲜味。自己好钟意食鱼生个啲萝卜丝，见佢有咁多，同男朋友好开心😂$78盐烧牛舌同日本食嘅真系比得过，甚至好食过之前系日本食嘅某几间。本身都已经好厚，仲要好爽口（片尾就系食紧佢）又有6大旧，条数即抵返。$88明太子鸡蛋卷食居酒屋一定要试呢个，越简单嘅野越难整得好食，佢好食嘅话咁间居酒屋质素都唔错。佢呢间嘅明太子就唔错，同福冈食过嘅差唔多，一切就爆晒出黎。建议改名做爆酱明太子蛋卷$38鸡蛋布甸一上枱佢就已经系咁震🤣劲滑劲绵，好香蛋味。不过略嫌焦糖苦左少少，甜返啲会仲好味。食左其他都唔错，好似月见免治鸡肉串、鸡皮串烧等，so far都冇伏。值得去帮衬
继续阅读
一行6人，庆祝生日。提前电话预订，需要比$500 deposit，响用餐当日可抵销番。（如果订位日期7日前取消可全数退）餐厅坐位不多，晚市都几full。本身系冲著盐烧牛舌去呢间餐厅的，果然无令人失望，真系好好食。烧得好香，而且中间好嫩，好弹牙，厚度同大小都适中。另一惊喜之作系牛油果大虾沙律，好新鲜好味㖞!同埋我都好钟意佢个明太子玉子烧，热辣辣，一切开有满满明太子漏出黎🥰 鸡蛋布丁都正，一啖入口好满足啊！不过食到最尾有啲饱，建议可以share黎食（虽然唔系大份🤣）其他食物都唔错~服务都ok~会再黎食过🥰
继续阅读