147
2
0
港铁尖沙咀/尖東站 N2 出口, 步行约1分钟
继续阅读
电话号码
37099305
21359999
开饭介绍
摩登的日式居酒屋，店内更以不同的收藏品作装饰，如佛像、古式的衣柜，而户外座位则走度假风格。烧物、煮物等菜式摆盘精美，配搭清酒及鸡尾酒可倍添滋味。
继续阅读
营业时间
今日营业
18:00 - 00:00
星期一至日
18:00 - 00:00
*最後落單時間 23:00
以上资料只供参考，请与餐厅确认详情
有关奖赏计划
食家推介
型格好feel之《Aira》一直好想試Aira，因為覺得餐廳環境唔錯，所以今晚同朋友黎左食生日飯，餐廳就正正地鐵站樓上十分方便，餐廳環境好有格調，有酒吧台，亦有indoor and outdoor，呢天氣座部坐outdoor都好舒服，仲可以同朋友chill一下，餐廳先上餐前小食，涼拌木耳，木耳好爽口，食落帶小辣，日本粟米天婦羅 $88：好少見餐廳有呢款天婦羅，粟米入口好甜，酥脆面層既外皮够薄，唔會食到成日炸粉，外層加上准鹽，每一口都好惹味，十分驚喜，大蒽豚腩串 $48：面層用左日式醬燒，大蔥碎好食，豚腩肉質軟淋，雞腿後筋肉 $68：雞腿肉質十分嫩滑，雞皮外層唔會燒到好燶，外脆内軟好食，醬燒豆腐 $96：咁大件豆腐燒比較少見，豆腐外層好脆口，咬落十分滑溜，入口有豆香，香蔥豬肉卷 $48：豚肉卷鎖住香蔥水分，所以大蔥令豚肉入口減少左油膩感，免治雞肉棒 $58：雞肉用三黃雞，雞味郁濃，雞肉幼嫩，入口啖啖有口感，再霑上日本雞蛋，味道配搭合而，燒鵝肝(配蒜蓉牛油包)$138：鵝肝火候掌握得好好，十分香口，蒜蓉牛油包味道好香，辣酒煮蜆 $128：蜆肉大隻而鮮甜，湯帶微辣，入口有少許酒香，總結呢個價錢唔算，因為食物質素同環境好好，今日朋友生日，自已帶左個蛋糕仔，職員見到仲主動幫我拎入廚房插埋蠟燭比我地，仲搵bartender調左杯birthday cocktai比我地，十分窩心。另外一提，餐廳依家做梗M9和牛涮涮鍋，依家食牛既朋友仔唔好錯過。
继续阅读
高級隱世尖沙咀居酒屋，唔上網搵真係唔會發現呢間居酒屋。餐廳同層連接住一間bar，出lift後有好多紅紅既燈籠勁有特色。餐廳服務優質，環境夠大，燈光暗柔，有面大大嘅螢幕播音樂，迎合浪漫又輕鬆嘅感覺。坐低叫完野食就有少少前菜小食食住等，酸辣雲耳幾開胃日本粟米天婦羅 $88堆砌出一座小山形嘅粟米天婦羅，每粒比例均一，顏色金黃，就好似一座發緊光嘅金莎咁。食落好脆身，粟米粒甜香，薯蓉粒咬落口感粉棉，好有驚喜嘅一道小食。免治雞肉棒*2 $116餐廳選用新鮮三黃雞做成免治雞肉，加上選用無菌日本雞蛋蛋黃，金黃色嘅蛋黃無腥味反而仲有 一陣甜味。雞肉咬落肉感厚實彈牙，雞肉味香，沾埋蛋黃再多左層甜既香味。白膳 $80燒白膳燒得表面好香，醬汁搽係白膳表面燒到入晒味，白膳無骨而且無膳泥味，反而有陣魚香味，好食！大蔥雞肝 $42雞肝好大粒，伴隨住青蔥一齊食可以減輕一下雞肝帶黎嘅衝擊味道。雞肝入口夠棉，就似一下溶左入口，肝油香嘅味道包圍住口腔入面。醬燒豆腐 $96硬身嘅炸豆腐燒到微焦，食落嘅表皮好香。豆腐本身有水份，咬落先係表皮嘅脆，再黎係豆腐水份嘅豆香味，簡單一味已經勁有驚喜。清酒煮蜆 $128每一隻蜆都大大隻，肉質勁飽滿，而且熟嘅程度煮到岩岩好，所以入口嘅蜆肉勁鮮嫩而且帶有淡淡嘅海水鹹鮮香。幾舊大嘅蘿白吸晒蜆湯同蜆嘅鮮同清酒香，淡淡地飲入口勁舒服。牛骨髓 $188燒牛骨髓上檯時都不斷冒住熱煙，烘得勁脆身嘅金黃多士伴隨住店家自家製嘅牛油果牛油醬。少少地將醬同骨髓塗抹係多士上面，多士脆身口感加上牛油果嘅清淡同牛骨髓嘅油香，勁好食！椰香雪燕糖水最後餐廳送上當晚嘅甜品，椰香味出眾好濃香，雪燕嘅份量夠多，一絲絲嘅雪燕食完勁暖身。
继续阅读
而家先知尖沙咀有間咁正嘅樓上酒吧開咗20 多年了 老闆從唔同地方收集了很好古物 為呢家小店增加咗很多復古氣氛同時又十分型格佢仲親自每天挑選食材一年前成立埋呢間連喺一起嘅居酒屋👍🏼從飲品到食物都會感受到一份用心重點推介✳️女仕必飲cocktail 🌸Heaven Hana （清酒+玫瑰花+ 🌸 味）具好飲‼️味覺被滿足時 杯身嘅玫瑰花喺我一路飲嘅時候仲滿足埋我個嗅覺 個玫瑰花香令我未飲醉都已經好陶醉 ✳️免治雞肉棒 （肉質有別於出面做到好實嘅肉 佢入口夠軟身同時帶有少少軟骨好有口感）✳️燒鰻魚飯團 （味濃 外脆內軟）📍 Aira尖沙咀河內道3-4號世紀商業大廈4樓#餐廳推介 #料理 #居酒屋# #香港美食推介 #港樓上食店 #香港必吃 #尖沙咀美食 #香港好去處 #香港日本串揚物#香港日本料理 #香港探店 #香港美食 #hkfoodie #hkfoodblogger #hkfoodblog #hkfoodstagram #hkfood #hkfoodlover #hkfoodpic #hkfoodreel
继续阅读
我本來都算幾鍾意食串燒，不過好多年之前去了一間以前經常去的連鎖串燒名店，有一次不十分好而留下極度深刻印象的體驗，情況之嚴重令我多年都提不起勁主動話去食串燒。其實唔係甚麼驚人事情，純粹那一餐不知是否啲鹽唔使錢，串燒師傅成餐飯可能落咗三世都用唔晒嘅鹽喺我啲串燒上面，鹹到一個點，自此驚咗串燒呢件事，十多年之後的今日依然猶有餘悸。你可能問我點解唔同餐廳講。講咗啦，但咁啱我坐喺吧枱嘅單邊，從側面全景望住師傅落鹽的頻率，真係非一般功力！再三轉告餐廳服務員，得到一個很詳細但其實唔關我事嘅答覆：放心先生，我哋用嘅係海鹽。我當然也禮貌地回了她一嘢：其實我唔特別concern你哋用乜嘢鹽，我只係覺得啲嘢好鹹，求吓你請師傅高抬貴手……Anyway, 亦因為咁，已經好多年無主動話嗌去食串燒。今次朋友主約去這一間Aira居酒屋。起初話去「食串燒」我還有些少陰影，去到餐廳，環境昏暗情調十足，雖然咁暗黑嘅餐廳唔係我嘅喜好，但環境確實唔錯，加上有戶外seating，朋友們都是煙民就合晒合尺。去到才知這餐「食串燒」不是傳統串燒吧，我沒有睇餐牌所以不清楚有甚麼食，但整體串燒的水平絕對中上級數，服務也很殷勤。餐廳老闆早年是在蘭桂芳某名牌夜店蒲點的搞手兼老闆之一，非常有禮又細心，對我們的食物要求有求必應，就算餐牌上沒有的食物，只要有足夠食材都毫不介意照做可也。我當晚因為身體有點不適很希望能夠食一碗湯麵，老闆親手精心泡製了一碗給我，味道同賣相絕對不是求其整出來的那種。餐牌上沒有的食物一樣用心製作，單是這一份用心和氣度，已經值得我繼續幫襯，而且也令我多年來抗拒食串燒的心理障礙掃走。至於串燒，這裡各樣都不錯，喜歡影相的朋友，他們伴雞肉棒棒的生蛋用一個玻璃高杯盛載，串燒蝦、粟米餅、煎餃子的擺碟也幾好影，食落味道跟賣相不枉多讓。我特別推介喜歡食燒雞皮的朋友，你可能會問：乜燒雞皮都唔係一樣味架咩？唔係架，有好多有燒雞皮串的餐廳，雞皮太細塊，燒完之後得番啲雞皮粒，無口感無味道得個燶字。這裡的燒雞皮沒有這些問題。飯團、燒白鱔都好，加上餐廳近戶外進出口是酒吧，食住串燒飲住酒，又唔會好似好多其他餐廳咁9:30 last call 10點未夠話閂門 10:10開燈 10:30前已經想送客咁嘅款。舒舒服服過一晚，這裡是尖沙咀一個好選擇。
继续阅读
Had an amazing time at the hidden gem in Tsim Sha Tsui, Aira ! 🏮 The interior exudes a stylish vibe, with its unique decor and ambiance. We were blown away by the high-quality food they served. 🖤 From the tangy and spicy spicy octopus to the juicy minced chicken skewers, every dish was a delight to our taste buds.But the highlight of the evening was definitely the premium beef skewer. 🥩 The tender and flavorful meat left us craving for more. Accompanied by the smoky grilled tofu and crispy tempura, it was a perfect combination of textures and flavors.Let’s not forget the mouthwatering grilled chicken wings grilled eel that completed our feast. If you’re looking for a place with a cool vibe, top-notch food, and a great outdoor setting, make sure to check out Aira. It’s an absolute must-visit for any food lover! 🍷✨ Remember to check out their cocktails as well! I found my favourite Negroni there with shiso liquor!
继续阅读