影片
电话号码
55968759
开饭介绍
主打日式蛋包饭的餐厅，装潢走昭和复古风，如采用怀旧吊灯作布置，打卡一流，是闺密聚餐及约会的好地方。
继续阅读
营业时间
今日营业
11:30 - 22:00
星期一至五
11:30 - 15:30
17:30 - 21:30
星期六至日
11:30 - 22:00
公众假期
11:30 - 22:00
公众假期前夕
11:30 - 15:30
17:30 - 21:30
以上资料只供参考，请与餐厅确认详情
-
网上订座服务暂停
唔系讲笑几时都见佢排紧队，即使平日食完9点钟出面都仲有人等位。入面位置唔大，装饰几复古 Café！ 🍛浓厚芝士肉酱蛋包饭 $108 💫7.5/10呢个应该都系呢到皇牌之一。芝士其实系蛋上面嘅芝士丝，本身预期会系好多好浓拉丝个种，少失望。蛋包饭够嫩滑有蛋香，捞埋肉酱都几惹味。🍛红酒炖牛肋条 $88 💫7.5/10红酒酱汁味道冇想像中咁浓郁，但𩠌饭都可以。牛肋条炆得好软腍，咬落去腍得黎仲保笛少少口感，仲要几重牛肉香，啖啖肉，满足。🍛奶油味噌野菜炖鸡腿肉 $82 💫7/10鸡腿肉应该有煎完再炆煮，但都系好嫩滑。酱汁食落似白汁，反而冇食到有味噌味道。整体味道都唔错。🍮焦糖鸡蛋布丁 $52 💫8/10呢个好食，食落个蛋香味道劲突出，焦糖味道刚好唔会盖过。布丁口感几札实，如果可以嫩滑D会更好。🍰抹茶巴克斯芝士蛋糕 $55 💫6/10呢个甜品失望，口感超结实，入口都唔会化，抹茶味道唔突出。最后3个人都食唔哂。总结：味道偏向清啖D，但整体都系唔错。不过因为多人等位，60分钟用餐时间一到便要走，唔算系一个聚会好地方。
继续阅读
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗荃湾多嘢食就系人都知，同朋友周围逛时，响相对少餐厅嘅街上，发现咗呢间带有复古味嘅日式餐厅好似几得意，就入去试吓～ 见到佢特别制作咗一张卡，系教客人如何享用蛋包饭，就知道呢款系名物，就梗系要试～🍴明太子奶酱蛋包饭（$118）卖相非常吸引，比饭更大旧嘅蛋放咗响炒饭上，仲有溶咗嘅芝士片、明太子同紫菜，切开𠮶一剧，望住滑溜溜嘅鸡蛋倾泻落嚟，朋友不禁发出惊叹声，真系超兴奋～一羹将蛋、饭、明太子奶酱放入口，一种幸福感随即升起，好味呀～ 因为蛋系好嫩滑，加埋奶酱，有好creamy 嘅口感，蛋香味... 奶香味... 加埋炒饭同明太子嘅咸香味，好夹，呢款真心好食～🍴日式吉列炸虾饭（$82）有3只炸虾，虾都几大只，炸皮好薄够松脆，虾肉爽口，日式咖哩味道带甜而且唔辣，好香～🍴奶油味噌野菜炖鸡腿肉（$82）奶油同味噌嘅组合系第一次试，味噌唔算好浓，奶油味相对浓一D，鸡腿肉炖到好嫩滑，唔错～🍴抹茶巴斯克芝士蛋糕（$55）呢款蛋糕嘅抹茶味唔算好浓，不过对我嚟讲啱啱好，同芝士味好夹，亦都冇带苦涩嘅 after taste，好啱我食～🍴印度香料奶茶（跟餐 +$10）估唔到日本餐厅会有印度香料奶茶，惊喜位系有拉花～ 香料味十足，比较重肉桂味，味道几好，饮过唔少餐厅嘅印度香料奶茶，呢杯可以算系做得好过好多印度餐厅，钟意嘅人系可以试吓～🍴日本提子梳打（跟餐 +$8）正常～其实都嗅到其他人饮嘅咖啡都好香，如果再嚟都想试吓～ 呢间餐厅嘅食物有俾到我好似去咗日本嘅味道，食得出厨师用心嘅制作。餐厅嘅装饰摆设复古味极浓，空间坐得舒服，食得好开心！☆ @tracyloveliving ☆
继续阅读
🍴配是日餐汤+前菜及饮品 +$27 普通罐头粟米汤，毛豆偏咸。🍴冻柠茶 +$3茶味偏淡。🍴红酒炖牛肋条 $88有4条牛助条，味道好淡冇咩味，好淡嘅红酒味，个汁捞饭唔惹味，牛肉腍身但口感系鞋，肉质纤维未完全软化，蔬菜正常。🍴明太子奶酱蛋包饭 $120好失望，个蛋系外形靓，口感滑但冇蛋味，明太子奶酱劲淡，冇忌廉奶香，冇咩明太子味，得微微咸味，完全扣分，个饭劲湿冇茄汁味，建议换个厨师。🍴香甜炸鸡（4件）$38炸㶶咗啲😂个鸡滑有少少酒味。推荐指数: 2/10个分比个卖相，味道差过普通茶记，淡到，之前好多人排，而家假日都冇人，知咩料啦🙂↔️
继续阅读
餐厅有深色木材，配以古典欧陆嘅风格。即使喺荃湾一个唔起眼嘅普通街道，都彷佛令人走进日本嘅复古和风洋食店嘅感觉，环境令人愉悦。🤔经典日式牛肉酱汁蛋包饭 卖相好靓。味道方面，蛋唔算特别有蛋香味。饭用蕃茄炒过，比较湿润黏黏哋质地，唔系粒粒分明𠮶种。牛肉味道正常。整体嚟讲味道偏普通，冇咩特别。明太子和风奶酱意粉 $120卖相唔靓但味道符合预期，带非常轻微嘅BB辣味。👌🏼奶油味噌椰菜炖鸡腿肉 $84忌廉汁好浓郁有带有奶香，好味。鸡件味道正常。👌🏼维也纳咖啡 ： 好多cream👌🏼朱古力奶卖相靓，但饮咗又唔算特别浓郁，味道正常。跟餐仲有粟米汤。整体嚟讲，味道只系属于正常，唔算出色。不过因为装修几靓，所以整体用餐体都系验快嘅。
继续阅读
24-5-2025（Sat）朝，同老公特登嚟揾呢间嘢食，我哋嚟到，见到门面一啲都唔似日式食肆，反而似太平馆𠮶种扒房，睇清楚，真系佢，佢系啱啱开门，入到去未有客，店员问我哋有冇book位？我答冇。佢就示意我哋坐门口𠮶张二人枱。装修系昭和时代嘅西餐厅，我哋睇menu，系好普通嘅西餐，蛋包饭都唔平，就决定唔食蛋包饭，要$88.00嘅红酒炖牛肋条，加$27.00成为有餐汤，前菜同饮品嘅套餐，老公要热美式咖啡，我要$84.00嘅白味噌野菜炖鸡腿肉，同样加$27.00成为有餐汤，前菜同饮品嘅套餐，饮冻焙茶鲜奶。落完单，热美式咖啡好快到，呢个唔太甘苦，我觉得咖啡香唔多够。2分然后我嘅冻焙茶鲜奶到嚟，一饮，焙茶味道够，鲜奶味道淡啲。3分之后餐汤同前菜一齐到嚟，汤系粟米忌廉汤，前菜系腌渍莲藕。先饮个汤，味道到对版，几好味嘅；𠮶两粒系蒜蓉蛋士粒，系够味，但其实会唔会孤寒咗啲？5分腌渍莲藕片呢？系好爽口，亦有少少蒟蒻。3分之后等饭嚟，都等咗一段时间，两个都到嚟，我先食白味噌野菜炖鸡腿肉，味道清淡系必然，4件鸡腿肉切到大小不一，食落系滑，但仍有雪藏嘅味道，事前准备工夫不足；冇问题嘅连皮薯仔同西兰花各有两件。2分红酒炖牛肋条，牛味浓郁够腍但嚡，所有嘢嘅数量同白味噌野菜炖鸡腿肉嘅相同。2.8分饭就偏干硬，珍珠米都唔肯用。2.8分而我哋睇到有$62.00嘅开心果朱古力巴司克蛋糕，就食完嘢后叫一件，呢个价钱，size应该似YUMO(https://www.openrice.com/zh/hongkong/r-yumo%E8%8A%9D%E5%A3%AB%E8%9B%8B%E7%B3%95%E5%B0%88%E9%96%80%E5%BA%97-%E8%8D%83%E7%81%A3-%E8%A5%BF%E5%BC%8F-%E8%A5%BF%E5%BC%8F%E7%B3%95%E9%BB%9E-r796652)嘅咁大啩(上次食评系2025年2月24日刊登嘅呢篇：https://www.openrice.com/zh/hongkong/review/%E5%94%94%E9%A3%9F%E6%9C%89%E9%BA%BB%E7%B3%AC%E5%98%85%E5%A5%BD%E5%95%B2-e5925539），上到枱，size好细，细到似家后2.0（https://www.openrice.com/zh/hongkong/r-%E5%AE%B6%E5%BE%8C2-0-%E6%B7%B1%E6%B0%B4%E5%9F%97-%E6%B8%AF%E5%BC%8F-%E9%9B%B2%E5%90%9E-%E9%A4%83%E5%AD%90-r793106）嘅咁细（上次食评系2025年3月16日刊登嘅呢篇：https://www.openrice.com/zh/hongkong/review/%E8%81%9E%E4%BD%8F%E9%85%B8%E9%86%8B%E9%A3%9F%E8%9B%8B%E7%B3%95-e5954488），甚至好似细过佢添，但人哋都系卖$35.00一件。切开先，劲多流心，几乎系成件，食落，唔使好似喺宜家（https://www.openrice.com/zh/hongkong/r-%E5%AE%9C%E5%AE%B6%E5%AE%B6%E5%B1%85%E9%A4%90%E5%BB%B3%E5%8F%8A%E5%92%96%E5%95%A1%E5%AE%A4-%E8%8D%83%E7%81%A3-%E8%A5%BF%E5%BC%8F-r546864）咁，同时食慕丝蛋糕同巴斯克蛋糕做比较（上次食评系2025年5月17日刊登嘅呢篇：https://www.openrice.com/zh/hongkong/review/b-%E8%AA%BF%E8%BD%89%E5%9A%9F%E9%A3%9F-e6045753），都已经觉得佢咸，佢系咸咗少少，而开心果味唔系好浓，蛋糕唔系半熟，系一成熟，即系食一pat嘢。2分服务：一般，虽然之后端上热食时，会讲声小心热，但开头叫我哋坐边张枱时，语气唔系咁好。卫生：坐𠮶张枱一直都有只好细嘅蠓飞嚟飞去，好烦。2.5分价钱：埋完单至睇到我杯冻焙茶鲜奶系补$18.00，连加一系$337.00。2.5分
继续阅读