345
52
23
港铁观塘站 B1 出口, 步行约3分钟
继续阅读
电话号码
27741008
开饭介绍
工厦区地方大且空间感足。菜式卖相精致，部分菜式分成小碟上菜，方便与人分享。招牌黄金咸蛋鲜海虾炒金边粉，香口惹味。
继续阅读
特色
包场派对
营业时间
今日营业
12:00 - 10:00
星期一至日
12:00 - 10:00
公众假期
12:00 - 10:00
公众假期前夕
12:00 - 10:00
有关奖赏计划
食家推介
今晚放工就朋友去观塘食饭，心血来潮想睇平波鞋，当然要去骆驼漆大厦望望先，望完有心水，价钱ok，但完来没有尺码，唉！唯有改变购买欲望为食，这里绝对大把选择！但比较怕要等升降机，望吓op 嘅推介，系一座有唔错嘅选择，就系咁选了这里，主打食泰式口味，餐厅地方大，环境宽敞，味道唔错，性价比都几高，座位舒适，装修亦好有泰式嘅感觉！最紧要系望主餐牌有齐喜爱嘅泰式食品，点了个AST小食拼盘，拼盘上有弹牙爽口嘅泰式虾饼、香口嘅单骨鸡翼、爽口烧猪颈肉、香脆春卷、十分入味嘅泰式酸辣凤爪，同埋脆脆炸虾片，够晒大堆头。泰国金柚海虾杂菜沙律，柚子肉充满水份，入口香甜，海虾肉质爽口弹牙，加埋个泰式酸汁入口十分配合美味！沙嗲牛柳粒串，用了入口肉质幼嫩嘅纽西兰牛柳，烧到啱啱好，啖啖肉还充满肉汁，配埋沙嗲酱入口真系够晒香滑惹味！加埋个酥炸软壳蟹配金边粉，大大只酥炸香脆软壳蟹，入口香脆，一啲都唔觉油腻，加埋炒得烟韧弹牙嘅金边粉，十分好味！饮品点了杯strawberry banana smoothies，两种生果口味互相产生双重口感，粉红颜色，入口感觉得到香蕉味道同士多啤梨嘅酸甜！当然最後要食埋个椰汁芒果糯米饭配是日雪糕，香浓嘅椰汁配上香甜软滑啲芒果肉，加埋烟韧弹牙嘅糯米饭，今晚真系十分满足！喜欢食泰菜又多个地方选择了！
继续阅读
今年新年无得去泰国避年，唯有跟朋友过来观塘食泰国菜以慰相思之苦。今日朋友介绍呢间叫做“Add Some Thai Restaurant”，地点系骆驼漆大厦入面，十分易搵。入到餐厅内，见到灯光、摆设及装修十分有泰国的特色，特别是椅子及窗帘，都是用竹制成的，令我有一刻错觉以为置身在泰国当地餐厅。好啦，坐低立刻叫左以下食物：香烧沙爹猪肉串 2串猪肉串开头以为好细一串，估唔到来到後见到猪肉都大旧。每串入面有脆肉瓜。猪肉虽然用烧既方法，但是入面都好juicy, 一点都唔乾身。沙爹好好味！除左点猪肉串，我仲留来点埋其他野食，哈哈。咖哩肉碎配焗法式蒜蓉包可以拣红还是黄咖哩，我地拣左红咖哩。红咖哩相对比较辣，咖哩比较“杰身”，重咖哩味。肉碎份量望落唔多，但系足够配4块蒜蓉包食有余。蒜蓉包烘得好脆，有口感。蒜蓉炒椰菜苗椰菜苗爽口，口感唔老，用蒜蓉炒得超有镬气！呢碟份量好大碟，啱晒我咁锺意食菜嘅人。香烧猪颈肉猪颈肉外表虽烧到好香口，里面仍保留到肉汁。底下用咗沙律菜衬托，而酱汁酸酸甜甜，有小小辣。西班牙风乾火腿拌肉碎生菜包呢个系一个新鲜嘅配搭，因为传统嘅生菜包，好少配搭西班牙风乾火腿。辣辣嘅猪肉碎，配上带有咸香嘅风乾火腿，再加埋新鲜爽口的生菜，令人忍不住食多几啖！黄咖哩香滑鸡肉配手抓饼(2件)好多咖哩， 应该系用海南鸡的，因为食得出鸡肉好滑。黄咖哩有轻微辣，但系椰香味足。入面仲有西兰花，青椒同番茄仔。手抓饼是用煎的，有2件，切开都有好多块，点咖哩食真系无得输啊！芒果糯米饭配是日雪糕糯米热度仲系温暖既，口感烟un。不过芒果可能唔系当造，有少少酸。如果芒果甜的话这相信呢餐更加完美啦！雪糕味道系椰子味，入边有椰子粒，几特别。嘢饮我哋叫咗龙眼冰同椰林风情。今餐叫左甘多泰国食物而且价钱十分合理，满足了！加上呢度地址唔难搵，个名“Add Some Thai Restaurant”又易记，下次再挂住泰国的时候，可以再过来一解相思之苦！
继续阅读
朋友在观塘上班，常叫我到区内找他觅食。今晚他特别带我来「Add Some Thai」食泰菜。他说先前食过很不错，今晚让我来试试。店内装修很有泰国风格，坐下来好舒服。再看看餐牌，菜式选择真的不小，我们都选择了ㄧ阵子才下到决定。招牌黄金咸蛋鲜海虾ㄧ客有六只，送上台时已飘来阵阵咸蛋香味，碟旁还放有我喜爱虾片。海虾好鲜甜爽口，加上咸蛋黄的咸香，真系好食到不得了。明炉青斑鱼ㄧ般明炉鱼都是用乌头或盲鰽，但这店就用上青斑，原来用青斑鱼来煮理更加鲜味，肉质紮实，浸在汤内没这麽容易煮烂。汤内还有辣肉碎、蔬菜知粉丝，真系ㄧ道好餸饭菜。A.S.T.串烧拼盘并盘内款式好齐，肉类蔬果各两串。鸡肉串、猪肉串、纽西兰牛柳粒串、菠萝车厘茄串、白菌串和虾片。当中我最欣赏纽西兰牛柳粒串和菠萝车厘茄串。牛柳粒大大粒，烧得香喷喷，又不会乾，肉质又嫩滑，涂上旁边的沙爹酱，增添不少惹味。叧外，烧过的菠萝，味更香浓甜蜜，酸酸甜甜十分醒胃。蒜蓉炒椰菜苗青绿的椰菜苗配上蒜蓉来炒，真是最佳配搭。朋友介绍这间 「Add Some Thai」真系不错，食物品质好，款式亦多，难怪店内七点半已全店满座，我下次想食泰菜ㄧ定会想这间。
继续阅读
同事探路原来观塘旧区楼上餐厅 有一家 很有东南亚风味嘅泰国餐厅， 今晚就约咗老公去试一试。餐厅内笼都好大，有一边墙边都系梳化位， 好似几舒服咁～～先来个「柚子海虾沙律」， 看似味道清新， 食落就超刺激醒胃， 酸酸辣辣嘅沙律酱汁， 令海虾味道好鲜， 一下子把胃口味蕾都打开！这杯「咸柠七」个柠檬唔算好咸好酸， 所以七喜嘅味道 甜味保留。 相反 「咸柠乐」还是首次尝试， 味道有啲似中式嘅凉茶， 冇咗可乐味， 几有趣！食泰国嘢点可以唔叫串烧。「沙爹猪肉串」， 见到啲猪肉切方形其实都好大件， 咬落特别过瘾 ，啖啖肉而且一啲都唔韧， 中间间着的是烧翠玉瓜～ 好有bbq嘅风貌！ 沙嗲汁自家制作， 好稠，花生味香浓唔会好甜， 蘸肉类串烧特别正！「牛肉粒串」 味道也不错， 都是大大件啖啖肉的。「胡椒鸡汤河配海南鸡」估唔到系分开上， 胡椒汤嘅河粉滑溜溜， 汤底清甜渗有胡椒嘅味道～ 更有配菜：豆卜，车厘茄，芽菜， 净系碗河粉都好有睇头。 海南鸡件用了鸡髀嘅部分， 肉质嫩滑而且鸡味浓， 超美味！ 估唔到鸡皮嘅颜色偏向白鸡肉系咁有鸡味～👍👍 「明炉青斑鱼」寒冬之下吃明鲈鱼 特别暖笠笠。这里不用乌头，桂花鱼及泰式做法， 反而选用青斑鱼， 放上带辣嘅肉碎， 鱼下面放满粉丝和蔬菜。青斑鱼肉结实，嫩滑， 比较崭新嘅食法， 味道唔错！
继续阅读
观塘嘅骆驼漆可谓卧虎藏龙，中、西、意、日、韩菜通通都有，泰菜都有呢间「Add Some Thai Restaurant」，环境宽敞，味道唔错，性价比都几高。泰式无骨海南鸡 (半只): 虽然摆碟唔称得上精美，但品质确系唔错。鸡皮够黄，色泽光亮，肉质都相当滑嫩，食落都几有鸡味，而且可沾泰式酸辣酱食，更加惹味。另外，伴碟嘅仲有菠萝同自家制泰式虾片。招牌黄金咸蛋鲜海虾 (六只): 海虾新鲜，壳够硬，肉质够爽弹，每只海虾均被大量咸蛋黄酱牢牢包住，用料充足，鲜香惹味，非常邪恶嘅选择。沙嗲牛柳粒串: 采用纽西兰牛柳，牛味适中，肉质幼嫩，仲要啖啖用，烧到岩岩好，肉汁仲滴紧出黎！沙嗲酱仲几香滑惹味。泰式小食拼盘: 拼盘有泰式虾饼、单骨鸡翼、烧猪颈肉、春卷、泰式酸辣凤爪，以及炸虾片，非常大堆头。虾饼算系几鲜浓，爽口弹牙；烧猪颈肉肉质都好爽滑，烧得几有肉香；其余小价食都几好。食泰国菜饮椰青是常识吧？非常清甜，食左咁多肥腻野当系减低少少罪恶感。下次黎观塘都会再去呢间Add Some Thai Restaurant ，真心唔错！
继续阅读
您可能会有兴趣的...