Accro Café Bar

营业中

休息中

一入去已經俾個戴眼鏡嘅女侍應呼喝，心諗都諗住算，嗱嗱臨食完嗱嗱臨走，點知去到一半個戴眼鏡嘅女侍應抌餐具俾我哋，落單嘅時候個樣又好似欠咗佢咁。前幾次未有呢個女人嗰陣個個都好好，對上一次去已經聽到佢係咁喺度鬧，雖然佢把聲真係令人冇乜食慾，食物亦都極差，想飲熱latte但係杯野凍嘅,以後唔會再嚟

Accro Cafe Bar真係屯門數一數二嘅人氣咖啡店，每次去都見到好多人排隊，證明真係有返咁上下實力！我最鍾意佢哋嘅碎蛋沙律多士，啲蛋碎撈得超滑，加埋烘到脆卜卜嘅多士，簡單但係好食到停唔到口，早餐食呢個真係一流！仲有紅酒燉牛肉飯，啲牛肉燉到好淋好入味，個汁濃得嚟唔會太鹹，撈飯食簡直無得彈！日式咖喱飯都係必試，咖喱香得嚟帶少少甜，仲有啲薯仔同紅蘿蔔煮到好淋，送飯真係一絕！飲品方面，玫瑰Cappuccino真係打卡首選，面頭有朵好靚嘅玫瑰拉花，飲落去有淡淡玫瑰香，咖啡味又夠濃，女仔一定鍾意！不過講到服務就真係要扣少少分，次次嚟親某個男侍應，長期黑口黑面落單又唔耐煩，搞到成個用餐體驗打咗折扣。如果佢哋可以改善吓服務態度，咁就真係完美啦！總括來講，Accro Cafe Bar嘅食物質素絕對對得住佢嘅人氣，價錢又合理，絕對係屯門區入面值得一試嘅咖啡店，不過就希望佢哋可以對客人友善啲啦，咁就真係無得頂！

《輕煙的遐想—繾綣珈啡裡》一縷輕煙，不是送別。點起第一爐香的味道，前塵往往了無煙，喝一杯咖啡了無痕。一炷香的時間剛好吧。一扇自動門，將你帶入另一個空間。靜靜的、悠悠的，坐在吧檯裡頭，揭起餐牌，隨手一點一拼，襯托著日本流行曲的伴奏下，默默的在這珈啡室裡出神。煙從四方八處湧來，那是米香，如絲如煙，細細幼滑。牛尾煮的火候尚欠，燴得不夠燜。且肉汁鎖得不夠緊，吃下去不夠軟綿，汁的份量不夠，縱有淡淡而渾香酒的味道，這紅酒燴牛尾飯亦只不過不失而已。一炷香走了半炷，仍是拿鐵的珈啡香最誘人。煙慢慢的、幼幼的、彎彎的盤扭上空，剛巧與抒出的悶氣結合，這就是人生吧。珈啡總會帶點澀、帶點甘的味道。賞盡苦與甘，方為人上人。這珈啡豆由烘培到沖調都有上佳水平。比較可惜的是這味道不太持久，一閃即散，就好像一炷香燒到一半，已透不出清香般，光燒著急而已。煙團團的向著上天盤旋，就算還有半炷香的光景，在時代曲的加持下，珈啡的味道不可以輕易的說散就散吧。牛奶與珈啡的搭配份量剛好，且又細滑點甘，沖調的功力是十分不錯的了。喝到這裡，未見杯底，香氣已消散得八九分了，縱使一炷香仍未燒盡，那第一爐香的告別總是來得突然，來得無影無蹤。霎眼間

位於元朗Accro嘅冠軍咖啡一向好受歡迎佢哋前年係屯門開分店，就位於屋邨裡頭對我嚟講一樣咁遠，不過以佢嘅質素真係值得🙂‍↕️餐廳外表一貫的不顯眼，店裡卻別有洞天日式喫茶店般昏暗的燈光、虹吸的暖光，都很有情調𓂅 Natural Ninety Plus Volcan Valley Coffee Geisha ᴴᴷᴰ 𝟿𝟻酒香、葡萄乾、櫻桃、朱古力，一睇就知係我口味😚分別有手沖/虹吸沖煮，推薦大家試虹吸～𓂅 日式焦糖布甸 ᴴᴷᴰ 𝟹𝟻布甸口感細滑，蛋香真是幾濃郁以呢個價錢嚟講真係無得彈！𓂅 日式咖喱飯 / 微辣 ᴴᴷᴰ 𝟼𝟻呢個過份親民價錢真是要嚇壞我😳用五花腩片、薯仔、紅蘿蔔等食材帶一份簡單的好吃𓂅 日式炒麵 ᴴᴷᴰ 𝟽𝟶早排被Threads燒到而來吃這個自家製黑椒麵麵底軟硬適中且不油膩，口感、味道都不錯重點是五花腩片份量超多，食極都仲有🫶🏻✨

山長水遠去屯門就係為咗試吓呢間聽聞好正嘅咖啡店，確實係有驚喜🤭Single Espresso + Milk Coffee combo個人都幾鍾意combo，同一款咖啡豆可以飲到兩種味，咖啡豆係哥倫比亞日曬，同咭片寫嘅一樣，espresso飲到橙味，果味，少少酒香，口感亦好濃郁，好正🤩 奶啡就以朱古力奶，有啲果仁另外叫咗杯手沖，揀咗我好喜歡嘅 Kenya豆，雖然平日都成日飲Kenya豆，但係呢隻味道好特別，係一種以前未飲過嘅生果味，唔會太酸，好值得試餐廳裝修好有日本feel，放咗好多我相信係唻自日本嘅陶瓷咖啡杯碟，燈光昏暗，環境好靜，好relax~

週末假期相約好友聚聚，由於大家都是屯門街坊，所以都決定留在區內。上網search餐廳期間，見到有人介紹這間「Accro Café Bar」。「Accro Café Bar」的入口都幾隱蔽，筆者和朋友花了一點時間才找到。餐廳設有一張長吧枱，驟眼以為是一間日式omakase餐廳。見到好多人都讚這個多士！多士麵包厚切，烘至脆身口感，麵包芯就非常軟熟。麵包塗了cream cheese，而且舖滿大量雜果仁。果仁很脆，帶有甜甜的味道，加入厚多士還淋了楓糖漿，整體香甜美味。蛋糕質感似慕絲，入口感受到濃烈的苦澀味，沒有海鹽焦糖的香味，後來私訊問了店家，店家表示可能是焦糖煮久了所致。覺得甜品相對有點遜色。拉花幾靚的一杯抹茶拿鐵！

見識定唔錯， lunch入去試一試。舖頭入邊嘅裝修唔錯侍應會提供布籃俾客人放袋，感覺服務唔錯。但係食物真係好敗筆。今次點了咖喱飯、紅酒牛肉飯、關東煮，咖喱飯再普通不過，腩肉及薯仔味道好分割，完全入唔到咖喱味，咖喱得一個鹹字，別無其他。紅酒牛肉飯尤如湯飯，汁水汪汪，紅蘿蔔同埋洋蔥乾蔥各自有各自嘅味道，但就係同個汁唔能夠融埋一齊；牛肉係最排骨，冇味都不在話下，咬唔入先最犀利，牛肉又韌又老，咬到牙都崩。關東煮完全淡而無味，個汁水汪汪，裏面每個食材都唔入味，同用水烚熟冇分別。究竟廚師同店員有冇試過食過咁嘅嘢食？咁既質素都可以出街？真係值呢個價位？係咪放四點呀？

鍾意咖啡嘅朋友一定識位於朗屏嘅Accro🤭 而家屯門都開咗分店 佢哋茶類嘅items好有驚喜(唔會好甜!!)✅✅─ ⊹ ⊱ what we had ⊰ ⊹ ─ᡣ𐭩 焙茶cheesecake- 4.5 / 5真係忍唔住一啖一啖 仲要係曲奇餅底 焙茶味好濃郁🥹🤎🤎🤎ᡣ𐭩 iced matcha latte - 4.5 / 5ᡣ𐭩 iced hojicha latte - 4 / 5平時飲開 hoijicha latte 同出面好唔同嘅就係 濃得嚟唔會有粉粒 但係今次matcha仲濃過hojicha （fyi 個人超級鍾意會回甘嘅抹茶 唔鍾意食甜野😗) ─ ⊹ ⊱ tldr ⊰ ⊹ ─鍾意偏苦嘅茶同咖啡嘅朋友必試!! 價錢相當合理👍🏻味道: 4.5 / 5價錢: < $100 pp服務: 4 / 5環境: 4.5 / 5cp value: 4.5 / 5re-visit: must!!

元朗本店飲過幾次，今次經過屯門市中心，點都一定要試下分店既水準。當日係平日既下午茶時間拜訪，唔洗排隊可以直入。好香濃芝士味既日式蛋糕摩卡咖啡好濃朱古力味，朱古力同咖啡味道平衡得好好，唔會只係飲到其中一個味道。

友愛新開嘅cafe bar，元朗老店已經去過飲佢地嘅咖啡，今次有新店開張當然要潮聖一下。舖頭外同內嘅反差好大，一入到舖頭就好似入咗個神秘而高級嘅品啡空間，環境燈光雖然偏暗，但有一種另類嘅舒適感。因為當日落雨，seat in嘅人唔多，4至5枱客左右，但都keep住有人黎買外賣咖啡。新店多咗一啲輕食，例如厚多士，炒麵，沙律，牛角包。我地就叫咗一份果仁郁多士，一份限量嘅日式炒麵牛角包，一件芝士蛋糕同兩杯飲品(最後追加咗多一杯flat white)忌廉芝士及果仁厚多士多士舖咗一層薄薄嘅cream cheese，上面加咗幾款唔同嘅nuts，再加啲蜜糖係面。配搭簡單但好好食。我都幾鐘意食果仁，幾開心見到係有多款nuts同切得唔會太碎，保留到口感。日式炒麵牛角包呢個可以話係必叫！原本我對炒麵夾面包有啲抗拒，因為覺得味道完全唔夾，面包又會吸咗啲麵嘅水分，覺得會怪怪的。但呢個本身個炒麵已經好好食，個炒麵醬應該係自己調過，麵嘅質地都炒得啱啱好，夠乾身，再夾埋烘脆嘅牛角包一齊食，完全癲覆咗炒麵面包嘅印象。我下次再食係會直接叫一碟炒麵食。因為時間所限，未試到手沖啡住，但今次叫呢3杯啡都好正，而且整體價錢非常合

個個都話飲完呢間Accro嘅手沖咖啡會一試難忘，今次就來到近年新開嘅屯門分店嘆返杯靚咖啡先☕️！店內環境寧靜舒適，而且裝修同格局都相當之有質感，係一個假日嘆杯咖啡+食個輕食+好好relax嘅好地方～蛋沙律厚多士配自家柚子醋沙律💰HK$50厚多士外脆內軟，好香牛油味，蛋沙律新鮮美味而且份量多！整體好有驚喜，食完成個厚多士之後會令人充滿滿滿嘅幸福感！係進店必食嘅item👍🏻～Parma Ham芝士牛角包💰HK$50自家製嘅牛角包暖笠笠好酥脆，加埋鹹鹹香香嘅Parma Ham同芝士，成件事超邪惡～日式炒麵💰HK$75配料可以簡用彩椒或者椰菜炒，我地簡咗椰菜，成碗麵都好香日式燒汁嘅味道，略嫌炒麵麵質偏硬咗少少🤏🏻～Hazelnut Mocha (Iced)💰HK$36口感厚醇，每一啖都洋溢住榛子同咖啡嘅香味～Hojicha Latte (Hot)💰HK$拉花拉得好靚，焙茶味好濃郁有回甘，牛奶都好重同埋奶泡好綿密，入口順滑～

🍽️餐飲：明太子炒麵明太子味道很淡…看起來是忌廉炒麵…還好有一小塊明太子作點綴…才多一點明太子味道溫泉蛋不錯，達到想要的流蛋汁效果，增加了美味程度配料不多，主要是紫洋蔥，炒過後仍有脆脆口感，亦有甜味跟餐有一杯玄米茶，沒什麼特別🎄環境：跟元朗店設計一樣，暗黃的燈光，近距離觀賞煮咖啡，人不少，但大家都有共識不會太嘈🎎服務：侍應的態度都很好，但上菜速度太慢，一個炒都要等半個鐘㊗️結論：有wifi提供，嘆一杯咖啡，再慢活一下，正

今次去咗‘屯門Hands Accro Cafe Bar’食午餐，叫咗屯門分店獨有的炒麵類食品和咖啡黎試吓。我用咗唔同嘅角度去分析一下今次嘅餐飲體驗。份量：一個成年人，叫咗炒麵牛角包配咖啡係唔會夠飽嘅。味道：炒麵牛角包味道正常，唔係話好特別。明太子炒麵唔係咁好食。橙味Cappuccino相當好飲咖啡同元朗店一樣咁好飲。整體上唔會太鹹亦唔會太油。上餐速度：明太子炒麵炒咗好耐先上到菜，最後要同職員講先至到店員態度：良好店內環境：裝潢十分有情調亦很有設計。交通地理：位於屯門Hands商場地舖，如果唔熟悉的話需要一段時間才能找到。人均消費：$171兩個人Wifi：免費提供，網速穩定改善方案：份量可以加大，炒麵味道有待改善。下次希望試吓自家製檸檬撻。

Happy to see that Accro Coffee has now expanded to Tuen Mun (here it’s called Accro Cafe Bar). Their Yuen Long branch is always super busy, even on weekdays, but this branch doesn’t seem as busy just yet. However, shortly after I sat down, the cafe filled up very quickly… and it was a weekday. I see they have a ticketing machine for a queueing system outside the shop so I imagine it can get quite busy here too. I like the vibe here. Dimly lit, minimalistic wooden interior. Feels calm and zen~ Th

朋友介紹係屯門愛定商場有一間神秘靚裝修嘅cafe,叫我一定要去試下，終於搵日去體驗下，從外部裝修黎睇，係有別於一般cafe,因為完全睇唔到裡面，係要經過自動木門才入到去，果然有別一般裝修，感覺高級優雅👍🏻由於唔係每間都可以飲到焙茶Latte☕️,所以立即叫咗一杯+一件cheese cake 。焙茶Latte味道正常，如果可以熱少少更加好，至於cheese cake就沒有特別，而且size比較細件 。不過以屋邨黎講有間咁靚嘅cafe確實唔錯，下次會試埋虹吸咖啡同埋佢嘅牛角飽，意粉😄