ABS About Savour

营业中

休息中

同事仔生日開飯網訂位嗰陣時Remark係慶祝生日店方打電話嚟係咪會叫甜品 諗住喺甜品碟度寫個名壽星叫咩名？聽到呢度正常操作 食完飯突然上咗個甜品拼盤由始至終佢冇攞過個menu叫我揀甜品係直頭omakase😂唔知價錢唔知食咩一嘢就隊咗上黎講下個所謂甜品拼盤有啲咩呀有幾粒哈密瓜睇得出係三人份嘅每人有一球黑芝麻雪糕一粒麻薯 同埋一條手指尾咁長嘅churro你估下收幾錢？ 答案係$330仲貴過個Set lunch 定價唔係問題店家覺得自己值就得㗎啦作為消費者覺得唔抵 咪唔嗌囉但問題係佢從來冇提及價錢冇畀甜品menu 係佢由始至終都冇畀個電問menu我 冇畀過甜品menu我揀又知個客一定食黑芝麻？又知個客想叫三人份？大家有時出嚟食生日飯都係像徵式嗌件🍰都唔會一人一件啦 咁嘅商業操作真係好有問題最後睇返openrice同樣嘅甜品拼盤2人份只係$108咁請問點解我會收$298？？仲要係午市有單有據冇得抵賴

果日同friend心郁郁想試吓西牙班野，所以就來左呢間餐廳。用餐嘅體驗非常之好，食物嘅質素十分有驚喜。🤩🤩我哋果日叫左佢哋嘅西班牙海鮮飯，和牛串燒同牛油汁燒元貝來試下。個西班牙海鮮飯十分之有份量兩個人食到捧住個肚走，三至四個應該就啱啱好，佢哋用嘅海鮮新鮮到仲食得到果陣海水味，個飯煮得啱啱好再帶有小小焦香，食到停唔到口！ 和牛串燒，牛味十分濃郁同十分軟淋，老人家都可以食到！而且調味啱啱好，唔會掩蓋到個牛味反而係將整個味道提升。 燒元貝我哋食完一隻之後忍唔住再叫多隻來食，元貝肉超大粒配埋特製嘅牛油醬汁簡直就係引人犯罪，非常之邪惡，元貝肉燒到啱啱好，唔會話過老燒到乾晒，我會話呢個元貝係必叫嘅！呢間餐廳非常之值得去試同支持，等香港可以保留多啲呢一類嘅特色小店！🙏🏻🙏🏻

📍ABS About Savour呢間餐廳我最多可以話係中環隱世既餐廳 佢哋係一間主打西班牙食材嘅日式居酒屋而成個環境都係以木為主題佢哋所有嘅食材都係每日新鮮運到港菜式配搭上面佢哋都好有講究好有心思能夠將新鮮嘅食材變成一道道嘅特色fusion菜食物個方面 今次分別點咗:-西班牙紅蝦他他配魚子醬 佢要將蝦膏吱落個他他撻嗰度食食落去佢個蝦味好香濃-溏心爆膏瀨尿蝦:呢個瀨尿蝦不得了 食落超惹味佢用左金橘牛油燒加上備長炭嘅炭香而且廚師特登做到七八成熟係因為想做到有流心嘅效果而且食落係好鮮甜-西班牙式炸薯粒配溫泉蛋佢有三種食法先食原味 之後撈蛋黃食 最後撈個七味粉食-北寄貝配海鮮麵豉高湯燒呢個高湯好鮮甜如果可以獨立變成一碗湯就好-蘇格蘭XL蟶子佢將藜麥變成薄脆 食落口感好特別而個聖子口感都好彈同好大隻-日本鮟鱇魚肝配西班牙多士呢個鮟鱇魚肝係季節性既菜食食落好濃 配酒一流-西班牙海鮮飯個飯薈到岩岩好唔會太濕又唔會太硬恰到好處-澳洲和牛舌芯配青蔥米脆呢個隱藏菜式 not on the list 架個青蔥米脆好香口 配牛舌芯絕對係一個super match -西班牙伊比利亞羊柳配西班牙烏魚子個羊柳就五

New cozy place seating around 18 ppl at the end of Gough St, which stood for “All about savor”, featuring Spanish/Japanese fusion by Chef formerly at Kowloon Shangrila- who apparently was also a wizard with cocktails.Manager explained the emphasis was on homeliness- plum wine and most Sauces eg chili were made in house. Not in mood for sake so ordered a white Sangria.Here’s what we had. Deep-Fried Padrón Peppers- lightly salted, with a mild smokiness and an occasional spicy kick; simple yet sati

早幾日同朋友去咗間新嘅西班牙餐廳食嘢，佢哋嘅食物真係超有水準非常之有驚喜！😍嗰晚叫咗佢哋嘅西班牙乳豬，西班牙海鮮飯🥘，燒元貝，北寄貝同幾款串燒。樣樣野食嘅味道都係互相配搭住，非常之出色！首先上菜嘅係高湯燒北寄貝同青蔥牛油燒元貝，北寄貝本身已經非常清甜再加埋高湯加持豐富曬成個味覺，最後飲埋啖湯 即刻想再encore來多隻！燒元貝非常之creamy 個牛油汁令到你嘅味蕾打開曬！😋佢哋嘅燒乳豬嘅外皮非常之脆，一咬落去，脆卜卜嘅響聲之後就係好juicy 嘅肉汁爆曬出來，而且肉質十分嫩滑，一定要試下佢！🐖講真食左d燒海鮮 串燒同乳豬之後已經飽飽地，但個海鮮飯來左之後，淨係個香味已經可以令再飽嘅我一個人食多半盤海鮮👍，唔講禁多，想知咩味道嘅，過去試下就最清楚。啲串燒都好有特色，全部熟度啱啱好，唔會燒過火，味道特別🥰未諗到去邊食好小小嘅 呢間真係值得一推⭐️⭐️⭐️⭐️⭐️

同男朋友放咗工喺公司附近睇吓有咩食，經過果時老闆介紹佢哋係新開嘅西班牙日式餐廳，總廚係澳洲藍帶畢業，睇過個Menu又覺得OK就試下。點知真係好有驚喜我同男朋友都好鍾意食海鮮，見到隔籬枱叫左隻好大隻既斑馬瀨尿蝦，唸住叫一隻試下，點知原來斑馬瀨尿蝦係每日限量，已經賣哂，唯有下次先再試鮟鱇魚肝多士第一口咬落去好Creamy ，多士好鬆脆同埋好重牛油香，配搭埋三文魚子嘅味道，成個配搭好match北寄貝海鮮麵豉高湯燒食得出食材十分新鮮，北寄貝燒到岩岩好之餘又有炭香味，海鮮麵豉湯好鮮甜西班牙海鮮飯好好彩當日老闆upgrade咗水晶藍蝦比我地蝦肉十分甜，蝦膏濃郁。啲蜆全部都大大粒同好juicy ， 個海鮮飯係我食過咁多間西班牙菜黎講頭三位伊比利亞羊柳配烏魚子羊柳好juicy , 唔算好騷，配埋烏魚子嘅鹹香味，幾得意既一個配搭A5和牛串咬落去入口即溶，脂肪分布完美，燒到外脆內嫩又保持到肉汁，餐廳話佢地既燒汁都係自己整，怪唔得出面食唔到呢個味啦！雞頸肉配鵝肝呢個又係一道好驚喜既一個配搭！肉質鮮嫩多汁，呢個雞頸肉都係汁燒，配埋佢係面既鵝肝碎，每一啖都充滿層次感雞腿肉配西班牙芝士雞腿肉味道鮮美，配埋融化左既

今日朋友揀咗一間西班牙日式居酒屋食飯，一坐低店員招呼得好貼心，熱茶立即送到，聽店員講餐廳廚師原來係澳洲回流嘅藍帶畢業廚師，聽完即刻心諗 Cheng喎，今晚應該唔會中伏。一開始叫咗清酒飲吓，然之後店員就介紹有啲乜嘢新鮮時令菜式，我哋二話不說叫店員幫我哋揀😅佢哋個Menu真係好多嘢食，若樣樣都好吸引好彩店員幫我哋選擇。食物整體嚟講都好新鮮，好有創新嘅味道，尤其是個北寄貝同埋個瀨尿蝦，真係心郁郁寫食評嘅時候都想再返去食過🤭

最近係上環發現左有水準 有驚喜嘅西班牙 crossover 日式餐廳 聽負責人講佢哋嘅廚師係澳洲藍帶畢業後返來 所以就特登叫左餐廳力推嘅西班牙海鮮飯來試下 不得不說 真係非常之高質！係香港相信好小地方食得到禁好食嘅海鮮飯🥘 個飯非常之有口感 啖啖都有好濃嘅海鮮味 而且材料十分豐富 大大隻嘅蝦同蜆鋪係面 望到已經流曬口水 。份量方面 一碟就夠2至3個人食 叫多2個人來食都無問題。之後仲叫左個西班牙溫泉蛋炸薯粒來食，一個小食可以有三種食法，種種食法都有唔同感覺 值得去試吓！ 最後仲試左幾款串燒，雞腿肉配西班牙芝士同雞頸肉鵝肝串燒，店員介紹所有雞串都係用無激素嘅日本雞肉加上串燒嘅配撘好新穎特別 十分好味！ 力推👍🏻

「歌賦街」街尾開咗間新嘅西班牙日式居酒屋，老闆同我講，佢哋先開咗20日左右🤯主廚係澳洲藍帶畢業，仲喺香格里拉酒店做過，行過嘅話不如試吓佢哋嘅餐廳，咁有心sell我，就一於試吓👌🏼先入為主一定係佢哋門口嗰幅壁畫，老闆介紹係同本地畫師合作，以「招財貓」、「鬥牛」、「東方仕女」作主題，輕輕帶出日式西班牙居酒屋概念🍻我就試咗佢哋嘅「古巴三文治」，老闆就親自同我解釋，佢哋呢個三文治，係用咗第一刀豬，以12個小時慢煮，第一刀嘅豬肉係會比較爽口🧐（第一次見到，會咁細心解釋個食材，加分！）12個小時慢煮豬肉，豬肉嘅口感已經係一絲絲，保留到個肉汁，另外配上西班牙芝士、西班牙熟火腿，通常喺其他食店都好少會再加火腿，呢個位置加咗火腿，個口感係更加有層次👍另外要提吓個包～「西班牙麵包」，我都係第一次試😗除咗中間嗰啲餡料出色之外，個麵包係用大機烘過，麵包口感煙靭，同埋好脆口，麵包嘅質地係比較少喺出邊餐廳食到！雖然呢個係西式嘅餐廳，但係今日就配咗個中式餐湯「章魚蓮藕綠豆湯」，我就問佢哋點解咁有趣嘅😶‍🌫️明明呢度係西式嘅餐廳🤔佢哋話覺得中上環呢度返工啲人，需要飲啖自家製嘅湯水，所以就揀咗煲湯😛總括而言，老闆真係好有

話說依排網上有好多影片都介紹歌賦街有好多特色小店，趁住放假今日同老婆去行吓，無意之中見到依間餐廳外牆有幅好靚嘅畫，店員好落力咁介紹佢哋總廚係澳洲藍帶之前亦為其他酒店參加比賽，咁我哋聽完之後就睇吓佢哋係咩料，店員用心介紹佢哋嘅招牌菜係炭火燒嘅西班牙海鮮麵同埋流心爆膏瀨尿蝦，瀨尿蝦做到半生熟10分惹味，值得打一個食評比佢👍🏻👍🏻👍🏻海鮮麵做到好乾身海鮮好新鮮，一落枱嗰下啲香氣令到好開胃，店員十分健談，下次再返嚟試吓佢哋其他菜式👍🏻👍🏻👍🏻返頭指數⭐️⭐️⭐️⭐️