A Little Bit Gathering (已結業)

朋友推介佢屋企附近呢间cafe, 于是放工嚟同佢食晚饭, 当外面全部黑蚊蚊, 见到呢间白雪雪又光猛的舖头, 够哂醒神, 全店设计以简单同白色为主, 冇卡位, 一边墙系草, 其余两边系落地玻璃, 感觉好舒服~餐厅侍应冇指定的服饰, 全部自家服饰, 个个后生女, 斯文有礼, 至于食物方面, 种类选择唔算太多, 有意粉/沙律/all day breakfast之类, 但全部要加钱转餐~   餐汤及牛油法包冇得选择, 系南瓜忌廉汤, 好香浓, 但又唔会太济, 但个包可惜只系牛油, 如果加埋蒜茸, 会香好多~  卡邦尼意粉印象中其他西餐厅的卡邦尼意粉系湿d多汁d, 佢呢度系比较干身, 但好香芝士忌廉味, 仲有好香的烟肉碎及蘑菇, 成个自已食哂可能会少少济, 但share食就唔错~仲有伴碟的生果, 用半个火龙果兜装住, 上面除咗火龙果外, 仲有哈密瓜、橙、奇异果同菠萝, d生果都算新鲜(虽然应该一早切定放入雪柜)~  麻酱海鲜意粉仲以为佢系杰挞挞果d麻酱, 原来系日式甜甜酸酸好稀果种麻酱, 通常麻酱都系捞面, 但今次系捞意粉, 都几match, 而且仲有好多海鲜, 例如蚬仔、带子仔、鱿鱼须、虾仔, 唔系系切到细细粒果d急冻海鲜, 呢d系大d, 感觉上系贵少少的海鲜, 而且夹埋麻酱, 好开胃, 仲要系唔会冻到牙痺, 啱啱好, 又够多汁, 捞匀哂都仲有好多汁剩~  冻黑糖朱古力完全饮唔出系黑糖, 总之觉得好甜, 又唔够浓朱古力味, 好似M记果d朱古力加冰的感觉~  自家制鸡翼好一个"自家制", 即系佢随时转口味都得, 任佢自由发挥, 今次选择呢个系唔辣的, 即系蜜糖味, 都唔错, 但太细只, 贵咗d啰~  鲜果麦皮酸乳酪呢个甜品认真麻麻, 食咗少少试味就算, 感觉完全系早餐, 而唔系甜品, 麦皮太硬, 鲜果太大旧, 乳略太稀太水~虽然夜咗开始有人等位, 但都唔会吹你走, 不过我地都唔好意思阻住人家做生意, 食饱都唔hea就走~…查看更多

终于转左新的工作环境，今天就约了旧同事一起来个午餐聚会。适逢今日是下雨天，这里有８８折的折扣优惠。我点了Set Lunch: 卡邦尼意粉忌廉及芝士味很香浓，意粉中亦有一些蘑姑片及肉碎。意粉亦算干身，显得出意粉十分入味，每一条都沾有卡邦尼汁。意粉的质感不错，烟韧弹牙。…查看更多

同朋友一起，set dinner份量够足，2 main course,小食chicken wings好香，2杯特饮，大大份的凯撒沙律，还有蘑菇忌廉汤够浓味。很适合朋友聚餐 …查看更多

经过呢间餐厅好几次但一直无试过，今晚终于决定比次机会佢！希望唔会失望啦！(p.s. 本人系西餐爱好者):)八点几来到，得几个人入座，所以唔洗等位！室内好光，一面墙贴上假草装饰，感觉好清新！点了二人餐再另加一份 $45/六只鸡翼 (p.s. 本人亦系鸡翼狂迷)！餐牌无提及餐汤，但原来有南瓜忌廉汤配蒜蓉包，汤几好，唔会太漏凯撒沙律有惊喜 法包亦都唔错 意粉同意大饭都还可以，但确实比较饱肚 至于鸡翼，酱汁无咩特别总括来讲，我会再来嘅…查看更多

第四次帮衬，都系食香辣海鲜意粉。我自己都算食得辣嘅人，谭仔小辣冇问题。今次个意粉明显比以前辣。同个伙计讲，佢就话一开始就系咁，都谂住算，食多两啖，根本食唔落。西式的海鲜意粉做都咁辣，完全系失败！再问另一位伙计，终于承认转左辣粉。其实主动问返客人须唔须要做返个冇咁辣嘅有几难，要几钱呢？我唔评论你个价钱系平定贵，个餐牌系门口，选择得入去就唔好话人地平定贵。不过咁嘅服务，可以唔使再嚟！…查看更多