63
9
5
港铁炮台山站 A 出口, 步行约6分钟 继续阅读
电话号码
25100123
付款方式
现金 Google Pay
座位数目
60
其他资料
Wi-Fi
酒精饮料
自带酒水
外卖服务
加一服务费
食记 (84)
等级1 2018-05-14
382 浏览
食物水准普普通通啦虽然无影相,叫左5样野食1 呑拿鱼沙律🥗 正正常常2 白酒煮蚬 味道可以,但蚬太细3 辣肉肠炒虾 似用橄榄油煮熟,多过炒4 德国猪手 全晚最正几好味5 蚬肉扁意粉 我自己无食,无评语自携红白酒各一值得一赞开瓶费只系收我一支👍🏿👍🏿👍🏿 继续阅读
(以上食记乃用户个人意见 , 并不代表OpenRice之观点。)
等级3 2018-04-23
349 浏览
今日亚sir请食饭,我哋一行十五人去左哩一间餐厅食lunch,听讲哩间餐厅系某某明星开嘅,而且食评亦都几好,所以我哋就去咗嗰度team lunch。由於有啲同事唔能够准时离开公司食饭,所以我地有7个人一早去攞位先。因为我哋得一个钟食饭,所以我哋7个一去到就叫咗7个肉眼扒餐($158),4个要五成熟,3个要七成熟。佢哋个包真系好好味😋,外脆内软,大家都食唔停口。餐汤系粟米汤,我就觉得好有口感,但唔知点解会有咖喱味!有啲同事觉得好怪所以冇饮。先嚟4个七成熟嘅肉眼扒😲😲点解七成熟嘅牛扒会上先,而唔系五成熟嘅牛扒上先呢?真系好奇怪🤨🤨anyway, 七成熟嘅牛扒就好似well done咁, 一啲红色都冇。好戏在後头,我哋叫咗嘅五成熟肉眼扒,竟然一切....系切唔到,硬过我条命,加上把刀系普通餐刀,几经辛苦先至切到件扒。我哋将件扒切到好细粒先至摆得落口,但系每一件都咬到牙胶软。後尾实在忍唔住,我就同个侍应讲,我哋叫嘅五成熟牛扒全部都over cook,麻烦佢同厨房讲声兼且帮我地换过晒啲有齿轮嘅刀😪😪😪其实我好想叫佢换过晒啲扒俾我哋,因为作为消费者,仲要成$158一个午餐,你竟然比啲咁样质素嘅野食我哋,实在太过分😡😡不过我哋真系唔想做大嘥鬼,唔通叫佢掉晒嗰7块扒咩😪😪😪所以奉劝大家千其唔好叫肉眼扒,唔系後果自负。 继续阅读
(以上食记乃用户个人意见 , 并不代表OpenRice之观点。)
等级4 2018-02-03
336 浏览
帮朋友庆祝生日,我第一时间谂到呢度,食物份量又多,座位宽敞,呢排用app订位仲有折添!每次黎必食生蚝,虽然唔算大只,但好鲜,食到浓浓嘅海水味😋之前未试过叫青口,今次试下个古法砂锅蓝青口,个汁好惹味!系香茅忌廉汁,仲有两块烘过卜卜脆嘅法包蘸汁来食,我嫌d包唔够,俾多两三块我地应该会清哂d酱汁😂青口细细只,肉嫩,好味!强力推荐!蜜糖芥末咸猪手配酸菜又系每次黎到必食嘅,皮脆肉滑,蘸埋个甜甜地嘅蜜糖芥末酱,好夹!次次食都好满意!烤鸡香草意大利饭。又系未试过,又系另一惊喜,第一眼见到以为d鸡肉会好「鞋」,平时我只系食鸡脾肉,试左一啖,点解会咁嫩!?一d都唔「鞋」,好香好入味,但饭亦好creamy 。卡邦尼意粉,用上扁意粉,芝士味好香👍🏻另外一提,侍应真系好nice,又好勤斟水,值得一赞👍🏻 继续阅读
(以上食记乃用户个人意见 , 并不代表OpenRice之观点。)
等级4 2018-01-23
301 浏览
呢到地方都好大, 坐凡好舒服又唔使同人迫住迫住咁坐, 由於早食饭关系, 可以静静地咁享受~好似包场咁!  一坐底就叫咗支St. Peter Fruit Beer Grapefruit, 但饮落去冇柚子味既?! 好淡淡既麦味~头盘叫咗1打生蚝冇得俾你多拣~是日得一款生蚝~见佢即ORDER即开, 好新鲜又爽口~有好浓既海水味~叫咗个牛油蒜香白酒煮蚬(Regular $198)好香酒味~但系蚬有沙同埋太细只啦~如果大只番少少仲好~佢D菜式大部系有分Regular & XXL如果多人可以叫XXL~几贴心喎!  沙律就叩咗个尼高斯沙律(Regular $148)有烧金枪鱼肉质鲜甜, 薯仔, 蛋, 蕃茄同沙律菜味道好Fresh~可以清清个胃~ 试埋佢个地中海蟹肉饼配是拉差蛋黄酱($168)热辣辣, 食落去都好多蟹肉好味道呀!!另一款系焗德国咸猪手配蜜糖芥末及酸菜($268),猪手焗到个面脆卜卜咁,仲帮你切好晒唔使自己落手落脚去切~猪手肉肉质嫩滑唔会太肥太乾, 咬落去好soft咁配埋个酱真系一绝, 佢个酱真系好好味, 同猪手好夹, 但佢个酸菜就麻麻地啦~墨鱼仔墨汁意大利饭($188), 有原只墨鱼仔去煮真系原汁原味, 开头嚟到闻到个味道好似怪怪地~但食落去又唔觉喎, 又唔会话煮到好湿, 粒粒饭都吸收晒D精华~唔错唔错~叫咗松露薯条, 唔知点解D薯条好碎, 好似碎上咁, 个酱好香松露味配埋薯条真系一流~最後再加埋个墨西哥青椒火辣蓝青口(Regular $168), 头先食完蚬唔够喉所以加埋蓝青口, 本身都好锺意蓝青口又嫰又鲜味~今次试下辣既会唔会唔同D先~睇好似唔系好辣咁, 一食落去好有辣椒个种味, D辣慢慢咁出嚟~都几辣下, 但佢个汁用嚟点包食真系好好味~辣都要食~蓝青口肉质鲜甜, 又嫰越食越惹味! 最後叫埋甜品为好友庆祝生日~蛋白霜柠檬Tart ($98)同朱古力焦糖心太软伴云尼拿酱($98), 餐厅仲突登播生日歌添呀~真系够晒贴心~ 继续阅读
(以上食记乃用户个人意见 , 并不代表OpenRice之观点。)
等级2 2017-12-11
382 浏览
家人生日试一下少去的餐厅~~~呢间前身系法国菜馆时食过几抵食,每人$400左右头盘到甜品,好味满足印象好~~变咗身之後一直未试,今次去到感觉唔同哂,店内光猛,大部分大枱,气氛cheerful,唔错间餐厅叫XXL,谂住啲dish好大碟,点知.....的确有好多大碟的size, 但都要成千蚊一款叫一碟之後应该叫唔到咩其他嘢⋯⋯而且虽然话都叫做系牛扒呀,海鲜呀,睇落做法都会味道OK,但其实又唔系好特别的菜式,感觉有啲贵我哋4个人,叫咗啲唔系咁大碟的菜式叫做test吓先:Plater 好别致,全部都炸得好味,不过就系份量少--->即系贵罗其实真系冇嘢好讲....大部份食嘅都好味.....但好多有水准的连锁西餐厅都做到,但呢度食比较贵.......以上每碟卖相好靓,但全部都$400-500一碟.......🤔每人饮埋杯啤酒,埋单$2xxx🤔 我只可以讲唔系family dinner的地方,有purpose要庆祝一下大洗一笔的话都几开心挂但饮多几杯酒又唔止呢个价啦总结呢餐虽然好味,但食咗成$500个人都唔系好饱,都系等有老细请食饭先点佢带我食啦 继续阅读
(以上食记乃用户个人意见 , 并不代表OpenRice之观点。)