影片
以上资料只供参考，请与餐厅确认详情
今晚我们去咗九龙湾淘大商场嘅「A-1 Bakery & Cafe」食晚饭！我们叫咗三文鱼子海胆忌廉汁意粉、烤纽西兰牛柳、厚切美国安格斯西冷牛扒！餐汤：洋葱汤！甜品：布朗尼伴雪糕！三文鱼子海胆忌廉汁意粉嘅卖相都几吸引，意粉就算弹牙，不过酱汁就比较腻！烤纽西兰牛柳嘅表面烤得比较㶶，肉质比较韧同比较「嚡」！厚切美国安格斯西冷牛扒嘅肉质都几松软，肉味都几浓郁！餐汤：洋葱汤嘅汤底比较稀，味道唔系好香浓！甜品：布朗尼伴雪糕嘅布朗尼嘅味道好香甜，而且都几松软，夹埋雪糕冰冻嘅雪糕一齐食，真系几好味！
继续阅读
叫咗个tea set黎食 . 旧烟三文鱼好似俾人乱刀切完但断唔开咁。唔知系间铺嘅特色定系失败咗 个scone又硬又干。2杯柠茶入面 其中一杯好似俾人饮咗几啖同有油系面嘅只可以讲 呢个价钱无得要去咁多附上一张相 系佢俾我嘅餐具。 估唔到咁污糟都够胆拎出黎
继续阅读
同事调职，好豪咁买咗A-1 bakery蛋糕比我们！我成日买佢嘅面包，西饼第一次试！虽然包装盒唔系厚料，但好易打开！蛋糕卖相好靓，花多眼乱！只只都想试！最后拣了：层层朱古力（$22）：一层忌廉，一层蛋糕相间，蛋糕松软，外面再包层特浓朱古力皮，面头忌廉好滑，非常朱古力，而且尺寸都几大，抵食！价钱唔算贵！
继续阅读
一向都觉得A1既面包唔错，不过系贵左少少。之前试过佢既蕃薯面包，真系食一个已经饱哂，有啲滞。上几日试左佢地既蛋糕，原来都唔错。一开始睇以为系用手指饼围住个蛋糕，但之后发现原来唔系。不过我觉得几好食，生果又够多，又唔会太多cream，岩哂我呢啲唔太钟意食cream既人。
继续阅读
屋企楼下都有间A1 但从来都唔知原来而家A1有café可以食high tea架… 今日行过见到哩间有 又比起出面果D都几平 就即管试下啦 其实个餐都无咩野食 有三层啦 好似系应该由下面食起嘅 最低果屠有2个松饼 有个果酱可以搽 不过如果个松饼系热嘅话就会好D啦. 中间果层有2个三文治卷 入面包左烟三文鱼 都系无咩特别 最上面果层有2件cake 应该成个野最抵嘅一样野 咁的确饼铺都系食饼好D嘅 你系可以系个冻柜入面任拣佢D蛋糕 我地拣左一件蓝莓芝士同一件意大利芝士饼 tiramisu就不嬲都唔系好钟意食 件蓝莓cheesecake都几好 够rich够浓芝士味 算系满意嘅 但食完都唔系好饱 平时酒店果D系食完饱到夜晚都唔洗食架嘛.. 果然系一分钱一分货..
继续阅读