85度C (海怡西商場) (已結業)

85度好似區區周圍都有，但唔係間間都有得坐低慢慢飲，同埋可以同朋友傾吓計。飲品來講，唔算特別，不過佢個芝士係幾好飲，少少鹹幾creamy，$30一杯，都ok，同出邊價錢差唔多，同其他手搖飲品店舖都差唔多。反而想講吓個環境，店舖個舖面幾大，但係佢啲位排得有啲疏，所以坐起上嚟幾舒服，而且疫情期間，佢都限制每張枱坐兩個人，所以都唔係成日有得坐。喺鴨脷洲呢個商場入邊，除咗麥當勞，85度都係一個幾唔錯嘅選擇。

💋是日精選推介唔錯嘅下午茶配搭，啱晒口痕想食又唔想飽嘅為食症病人，呢間85℃都唔少分店～😽而且裝修設計都幾有心思，麵包、飲品、坐位都一條龍服務，好少可麵包店可以做到咁細緻，所以難得假日就去嘆個下午茶👉🏻法式奶油燒$12買嘅時候唔系啱啱出爐，如果熱食相信會更好味，建議如果買返屋企嘅朋友可以叮左先，外面皮較厚同香口，擦左牛油白麵包個邊就邪惡，牛油香外仲食到甜味可能加左煉奶未定，包心又非常軟熟👉🏻豆腐花奶茶$15市面都多推左奶茶加豆漿嘅制飲，留意到今次系豆腐花配奶茶就買尼試試，得意系佢同豆漿奶茶嘅味相似，仲啜到啖啖豆腐花出尼，除左對我講過甜外系唔錯，咁啱所叫嘅奶油燒都系甜包類，配呢杯飲品出奇地夾，中和番凍左麵包嘅乾口感覺✍🏻兩者間分開食各有特色，冇諗到一齊食都仲夾，好耐都冇買麵包食lu，呢家食番滋味一樣咁正👍🏻🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。👍🏻

呢期超級紅的黑糖珍珠奶茶！四周圍都見到！連屋企樓下的85C 都有得賣！當然要試下！85C 的黑糖珍珠奶茶，冰同糖的份量都是預先設定！不能更改！對我來說太多冰了！令到個黑糖珍珠奶茶變淡！黑糖的味道是可以的！但係奶茶的奶味！就不是很特出！味道有點淡！珍珠亦不是很彈牙！感覺很普通

呢排黑糖珍珠鮮奶真係好紅，紅到總有一間係你左近估唔到85度c都有得賣，咁就試下啦，一入舖頭就有好香嘅黑糖味啦呢杯野26蚊，比起外面其他舖頭賣嘅黑糖珍珠鮮奶平。甜度冰塊都係固定嘅，無得調整，拿上手嘅時間珍珠係超熱嘅一入口都係覺得有d甜，然後珍珠好重黑糖味，但係有d太淋啦，有d似湯丸咁淋，然後奶味唔係好重，可能係d冰溶左，整淡左d奶

一早從補習班接肥髀出學校表演，兩個都未食早餐，急急在商場麵包店買麵包，店面幾大，有埋水吧可以買台式飲料，可惜我哋已無時間，攞盤夾幾款麵包去櫃臺比錢，店員入袋八達通比錢方便！麵包款式以日式為主！巴拿芝士（$8）芝士味重，麵包鬆軟！沙沙的麵包面好味，但份量唔夠，輕飄飄的唔夠飽蕃茄汁（$8）樽裝現成果汁，蕃茄味濃而唔會太甜！好味肥髀食：香蒜芝士條（$12.5）黑芝麻QQ($12/6個）甘荀汁（$8）店員唔多說話，服務好爽手快快手的早餐

在珍寶海鮮舫返回香港仔海旁後，一行人再去到鴨脷洲大街走走看，並到菜市場看看海鮮，果然，避風塘的菜市場有很多「真‧海魚」提供，大大條紅衫或馬頭魚比比皆是。走得累了，想來個下午茶，便乘港鐵往海怡半島去。黎生還沒搬離港島南區時，就是家住海怡半島，也該是十數年前的事來，那時的海怡半島，那有那麼多食市選擇。至少，「85度C」這類食店，當年根本不會出現在海怡半島，吃蛋糕，麵包和喝咖啡，非到鴨脷洲以外不可。我們買了一個蛋榚一起吃，我再加吃招牌咖啡，蛋糕的味道只是一般，至於咖啡，想不到大杯是如此的大，根本就是喝不完，咖啡的質素普通，不夠醇，味苦，始終，這終，這個價錢不能要求太高。反而想說服務方面，當我們進入店後，就只有一桌可供我們七人入座，唯該桌面和地上全是倒瀉遺下的一大灘水，我們本想另覓座位，但沒有，其間店員亦沒有整理，最後，黎生只好走到櫃臺要求店員處理，店員才慢條斯理走來清潔。

食完飯梗係想食返個飯後甜品之前經過幾次都未買過黎食見到佢有推廣買二送一就買來試試啦款式都算多嘅最後我揀咗芒果布甸食落去奶味都幾重質感幾滑不過芒果味就有啲假佢底層仲有啲好似芒果醬嘅嘢我覺得味道比較偏甜

好悠閒的麵包鋪，成日有優惠promotion，播既歌都幾輕鬆，店員態度幾好。野飲好快就有，茉香鮮綠茶好濃茶味，但叫左少冰都好似冇少到咁。  麵包比起出面鋪頭貴，但好味得多，唔係普通麵包店既傳統款式，成日都有新款麵包賣，仲有位可以坐低慢慢食。

Came here for bread and drinks often. Seems like the best place for bread around. Very soft and moist breads and buns with a lot of variety to fit your taste.

呢度嘅麪包係新鮮出爐,甫出爐便有職員大叫:「麪包新鮮出爐!」呢度嘅CAKE 非讚不可!最推介「蒙布朗」栗子蛋糕,栗子蓉表皮加上MOUSSE CAKE ,與十分美味的Tiramisu 成為鎮店之寶!亦不能不提這裏的飲品,本人最推介「一顆檸檬茶」,叫侍應少甜,甜度就恰到好處.當初本人對「一顆檸檬茶」這個名字的由來都摸不着頭腦,後來漸漸發現「一顆」是指原個的檸檬,85度將檸檬切片,可謂落足本.這裏還經常舉辦試食活動!

Dropped by before going to my friend's home for dinner (he lives in South Horizon). Ordered a cup of hot 海鹽鮮奶咖啡 ($15) and it definitely worthes the price. The milk top was specially added with salt and it tasted so special. Never imagined sweet and salty flavour can mingle up so well

今日過左去海怡搵個friend，就去左海怡個商場既85°c 買早餐。Today I went to south horizon to find a friend and passed by 85°c to pick up breakfast.85°c又係喺台灣打響左名堂之後，再進軍香港發展。暫時係香港太子同南區海怡半島商場有分店。85°c is originated from Taiwan and started to expand its network to the Hong Kong market. There's two franchises in Hong Kong, which is in South horizon. Aberdeen and prince Edward, Kowloon.一開始開既85°c，成日都好多人。依家就唔使再排長龍。When it just open in south horizon, there's always a huge line out the door. But for now, just a small line up at the

有次返工起食早餐的時間，有一個好好同事請左我食一個起85度C買的忌廉包，仲話好好味架，你快d試下啦！之後我就將忌廉包放入微波爐度叮熱佢，熱烘烘得有點辣手，麵包上有個小孔，手指尖輕輕一按，麵包裡的忌廉多得差點滿瀉出來，味道正如好好同事所講的一樣，麵包很有牛油香，鬆軟極致，一咬下去，忌廉就像活火山似的澎湃爆發出來，臨急臨忙只好靠一對手盛接著忌廉，弄得有點狼狽 。忌廉濃郁而順滑，一盒就有八件細細的忌廉包，價錢真的十分便宜，但又絕不會將貨就價，就這樣我對85度c就萌生了好感, 得知起鴨脷洲亦有開設分店, 就一於放工走去試試了! 去到店舖, 環境十分寬敞,視野清晰, 擺放食物和飲食區分設兩旁,讓客人可以一邊慢慢細選心儀的麵包種類,另一邊買完之後可以慢慢搵地方坐下品嚐美食. 最重要的是, 麵包價錢便宜,不用收額外服務費就可以享用旁邊坐位設施,享受著涼涼的冷氣, 實在是平民大眾之選呢!  但由於小妹太夜先去到,店舖已經接近關門,已不再出爐熱火辣辣的麵包了, 所以唯有轉戰品嚐它的精緻蛋糕和飲品吧!不過, 驟眼看, 店舖的麵包種類繁多, 當中更有一些別緻的麵包,就例如照燒小丸子包,外貌跟平時食的小

85°C 是一間台灣連鎖咖啡包餅店，有點像大班加Starbucks混合體。最初，是一位居台友人介紹給我認識的。她常帶一些鳳梨酥及金牛角回Office給大家享用。85°C的鳳梨酥外形獨特，不是一般像麻雀牌子的小厚長方磚，而是薄薄圓圓的，入口方便，酥皮奶香較濃，餡兒清甜。本港分店為何没有引入？不要把金牛角跟法式牛角包作太多無謂的比較，它們是兩種截然不同的麵包。想吃牛油香濃，一層層酥皮，就到Joel Robuchon 或Urban Bakery 好了! 此金牛角($5)，也没有什麼餡，內裡绵密，只有面層幾粒炒得香脆的黑芝麻，內心是白白的，滲出淡淡的奶香，甜味及麵粉香，有點像Bagel，是喜愛清淡的首選。即埸也幹掉豆沙包($5.5)，原以為會像曰式豆沙般清甜及有粒粒口感，卻只像中式豆沙般磨得較幼，味也濃重，幸而中央加入台式麻糬，令這包較具特色！也更令人懷念東京的木村家紅豆包。家人則試了海苔肉鬆包($7)及菠蘿牛奶丹麥($10)，也覺不錯。

以前喺外國讀書幫襯過,一路都好懷念,而家進駐香港,正!!!一杯85度C咖啡,只係$14,但質素好好,好滑,咖啡味濃,唔太甜,飲得出各樣比例配合得好好,真係好值得推介!!!唯一要彈,就係地方唔夠整潔,否則會更好~