影片
电话号码
96606396
62566045
91835715
营业时间
今日营业
19:00 - 03:00
星期一至六
19:00 - 03:00
星期日
20:00 - 03:00
以上资料只供参考，请与餐厅确认详情
-
网上订座服务暂停
晚上七点喺荃湾福来邨附近做完嘢想食晚餐，经open rice查到有一小时串烧任食，虽然喺爵悦庭𠮶边，距离都好远，但我系食肉兽，都想去试吓。网上优惠只系写$50任食串烧一小时，冇注明消费要求。去到餐厅都差唔多八点，见到原来系酒吧，我仲系第一个客，都谂到会要叫嘢饮。果然系咁，佢吔俾个iPad点嘢饮，其实我只想食嘢，所以只叫杯冇酒精饮品，同埋想叫嘢食；点知个职员话冇得自己拣，佢哋系猪牛羊鸡四款一套，会陆续送嚟，而我点嘅冇酒精𠮶两款都冇，惟有叫咗杯得小小酒嘅鸡尾酒，个职员原来就系调酒师，佢好好人话帮我落少啲酒。跟住有个女职员摆低一篮虾片。当时开始有几枱客入坐，到虾片差唔多食晒，杯鸡尾酒至到，可能因唔系原本调法，结果杯饮品冇乜味道。期间个女职员好忙咁落单，个调酒师好忙咁调酒，我就好肚饿咁玩住手机系咁等。望匀全场只系得隔篱𠮶枱有嘢食，我估会唔会个靓女太忙送错枱呢？咁就问吓个靓女，佢梗系话冇送错，系人吔叫咗先。但明明我系第一个客，而隔离𠮶枱系第三四左右到。问完冇几耐终于等到第一碟四串嘅串烧-睇到有人由门口送入嚟，佢哋转碟送埋嚟。真系啱啱烧好，啲串烧好热，好好食。不过食完又系咁等，等咗好耐都冇第二轮食，惟有再问吓个靓女，佢话啲串烧唔系佢吔整，系喺隔离舖头烧好送嚟，佢吔都控制唔到。咁我问都差唔多一个钟，我只系食得4串肉，咁点算任食呀？佢就答到够钟会尽量安排俾啲嘢我食，平均都会食到三套。到九点佢哋终于又送来一碟共八串肉，啲串烧热辣辣，好好味。不过摆低碟肉，跟住佢吔就摆低张单叫结帐。饮品$88，虾片$28，一小时任食串烧$50，连加一$172。坐咗个几钟，饮咗一杯嘢，食咗一篮虾片，十二串肉，同我谂嘅任食差好远。之前试过open rice订枱，同区另有差唔多嘅舖，话食两个钟，但冇赶客，坐咗三个钟，真系任饮（有汽水，啤酒，清酒）任食（有串烧肉，有烧蔬菜，有火锅）。啲串烧味道系好，但我可以去隔离舖食唧，唔使喺呢间搭酒搭虾片，所以试过就算喇。
继续阅读
最近疫情影响，好多餐厅酒吧娱乐场所都受到影响生意大跌。佢地都推出咗好多唔同嘅优惠吸引食客，呢一间喺荃湾嘅酒吧就令我大开眼界，居然$38就可以食到鸡牛猪嘅任食串烧，系咪真系咁抵食呢？同朋友几个人经过荃湾呢间舖头唔系太显眼，位置就系肉饼歌同埋一间回收厂隔离，有点偏远，但装修比较年青化，未必太多人知道，是私人聚会的好地方。原来呢度每人叫一杯嘢饮之后加$38就可以任食呢3款串烧，有得拣辣同唔辣，另外喺部iPad上面仲可以拣其他小食拼盘，有花枝丸、蟹饼薯蓉、炸鲍鱼菇等等，款式都比较多元化。我最钟意饮我个杯Pina Colada，感觉好Smoothie，绵绵的细冰充满菠萝椰汁味道，少少酒精成份，格外凉透心。朋友就叫咗杯1664，够冻，一啖酒一啖串烧，人生一大享受。
继续阅读
喺网上面见到佢嘅广告今日特登同朋友嚟食， 82系间bar & restaurant 装修充满现代感 位置坐得几阔落舒服~第一round同朋友嗌完佢嘅猪牛鸡串烧发现好有惊喜！ 虽然系咁平嘅价钱做饮食 但质素一啲都冇揸流滩！ 猪肉油香肉嫩 牛肉牛味香浓 鸡肉多汁惹味由于食物质素唔错 价钱又唔算贵 最后我哋决定是埋佢其他小食！炸洋葱圈洋葱圈好大件 炸到香酥可口 但又唔会油腻 下酒一流！炸一口芝士炸得粒粒金黄 香脆可口 一咬去芝士流心满溢 芝味无穷！鸡泡鱼干油脂清香 烧得微焦香口之余又唔会太干身 咸香加埋 沙律味嘅甜 味道一绝！椒盐黄金鸡髀菇估唔到份量咁多 鸡髀菇粒粒炸得香口惹味 香脆嘅外皮 调味适中唔会太咸 而鸡髀菇仲多汁充满水份 值得推介！炸烧卖即叫即炸热辣辣 经油浅炸后 酥香脆口 加埋椒盐调味 更加咸香滋味 外脆内软 口感弹牙！
继续阅读
呢间酒吧推出6️⃣0️⃣分钟无限任食猪、牛、鸡串烧，价钱都系$38， 亦有其他烧物同炸物。而调酒师更会因应季节设计特色嘅cocktails🍸内设多款游戏设施，非常适合一大班朋友聚会👫👫💗牛肉、猪肉、鸡肉串虽然系任食推广，但3款肉类都有中上级质素🍢每串即烧够哂热辣辣，外表焦香内𥚃充满肉汁，而且调味十足够哂入味。当中鸡肉食落最嫩滑，同爽口且不油腻嘅鸡皮相隔，添一份油香🐔；猪肉则肉味最浓，肉质唔肥较有咬口🐷；牛肉口感唔韧有弹性，食落系有牛味，唔会得松肉粉味🐮。点埋沙嗲汁更加惹味 ，微微辛辣增加味道层次💗82鸡中翼($58/4只)鸡翼大小适中，外层炸得松脆唔油腻。内𥚃肉质饱满，食落嫩口，富肉汁够哂入味，值得赞嘅系皮下脂肪唔多🐥💗82鸡翼尖 ($58)鸡翼尖炸过火，食落又韧又硬又干，最大问题系雪味重，食咗一只就放弃咗😟💗炸鸡软骨($38)每粒炸至金黄香脆，软骨食落脆口唔会硬，痴住嘅脂肪部份迫哂d油份出嚟，爽口带油香，以椒盐调味好香口🦴💗烧牛舌($68)薄切牛舌烧得香口，肉质嫩滑弹牙，易咬不会韧。不过调味过于重手盖过哂肉味，建议落海盐同黑胡椒已经好食👅💗82烧蚝($98/4只)蚝肉都算几大只，放上蒜蓉同辣椒一齐烧，可惜盖唔到腥味，仲要只只都有沙，超级唔新鲜🦪💗炸咖哩角($48)薄薄嘅春卷皮包里住惹味且唔辣嘅咖哩酱，然后炸至脆卜卜，冇吸哂d油仲系好干身，如果𥚃面有蔬菜粒层次会更丰富🥠💗炸烧卖($58)鱼肉烧卖即使炸完后外皮都冇硬，口感仲系烟韧弹牙，而且食落有少少鱼肉嘅甜味，配埋椒盐嘅咸香真系冇得输🐟💗Mysterious EG($88)由琴酒、伯爵茶、荔枝糖浆同青柠汁调制而成。清新嘅茶香同果香平衡酒味，相对较易入口🍋💗82 Friday($88)由冧酒、菠萝汁、橙汁同热情果调制而成。味道酸甜分均，果味浓郁，同时酒味亦特出🍍
继续阅读