8 MILES Bánh Mì Cafe

营业中

休息中

8 miles bánh mì cafe價錢: $58/ +$20好味程度: 4.5/5服務🍴: 4.5/5環境🗾: /性價比🥢: 3.7/5回頭率😚: 4.3/5-呢個好食的法包要大大力推薦！係九龍區出名的法包應該就係大角嘴的蔥仔，但其實尖沙咀呢間都好好食。不過外賣店來的，平日lunch都唔少人來買。店主好貼心，會問你辣度、口味、咖啡甜度等等，確保deliver到一個啱你口味的包。只買一味法包就知店主好有信心同堅持🥸-✅✅越式法包。真係烘得好脆，而脆得來唔會刮到個口損晒🤣 邊位鬆脆，入面夾住滿瀉的餡料，分別有蕃茄、青瓜、大量醃蘿蔔、肝醬、豬手同扎肉。口感味道都好豐富，而個人最鍾意豬手粒，自家滷制完再切粒，每舊都食到豬手要有的彈性同膠原😚同一片片的扎肉口感上好有對比！-肝醬夠香個陣膶味而唔膩，加埋面頭大量微酸的醃蘿蔔，整體係一個清爽的法包！連入面的豬手同扎肉都乾爽。一個超大🤩身為比較大食的女仔都覺得好足夠。-可以跟餐加飲品，越南咖啡當然係不二之選！咖啡香濃得來，以煉奶帶出甜度，特顯越南特色。

店內有少量座位，條街都靜，幾chill!廚房一目了然，設備擺設整齊，乾淨衛生。越式法包，可能因為之前睇過其他評語，期望度比較高。講返我自己嘅意見，食過嘅越南法包之中佢係頭五名，好欣賞佢加埋肝醬，加咗唔少分，令個包整體香味同味道都有提昇。唯一令佢得唔到五星係因為啲蘿蔔唔夠酸，但可能對於啲接受唔到太酸嘅朋友，佢呢個可能會係優點。不過我個人認為就少咗越南法包嘅特色。佢嘅價錢亦都係令我喜出望外，實際價錢就唔記得咗，個包好似係50幾蚊，一個字抵食！青檸梳打就真係好普通，我欣賞貓店長多啲。

唔係朋友介紹，真係好少人發現，店面位置唔當眼。小店由老闆一人主理。有時多人都需要排隊，等候時間比較耐！個晚咁啱有好幾個人，都要等15-20分鐘，始終一個人一對手，出品有限，加上老闆每個包都有特定烤焗時間次數，我信相亦係呢份堅持，先做到佢心目中應有嘅越式法包水準。🇻🇳越式法包 $58 💫8.5/10呢到法包唔洗選擇，因為只有一款，最特別係餡料用豬手粒，出面真係未見過呢個配搭。豬手粒自家滷完再切粒，食落就更有口感，咸香同個新鮮自製肝醬超夾，加埋酸爽蘿蔔絲，每一啖個口感都好豐富！老闆都有講試過同豬腩肉、豬頸肉，成本係平D同工序少D，但始終唔夠豬手咁夾！另外法包每日新鮮拎貨，噴水兼且分左三次去焗，出黎個法包真係好鬆脆，咬落去又唔會好鬆散有碎。🌟總括：好嘅野食值得等待，店面只有一個位置堂食(1-2)，主要都係外賣為主。小店真係好值得大家支持！

店家獨沽一味，只係賣越式法包，自從上年年尾食完第一次就上癮，雖然位置唔算好就腳，但係已經回頭超過五次，真係好值得支持😳▪️越式法包 💲58一人小店即叫即整，多數等五至十分鐘到，但係如果有幾個人，就可能要再等耐少少🤏🏻法包外脆內軟，完全唔會界口，豬皮保持彈性，切粒既豬手軟嫩，肝醬亦都唔會話有腥味，加上扎肉、蕃茄、青瓜、醃蘿蔔，酸酸地感覺份外清新開胃，可以視乎個人喜好加芫荽同辣椒🤫🔎 整體評分（8/10）

我好鍾意食越南包，差唔多全香港數得出嘅越南包，我都食過晒！我好負責任咁講，香港最正宗嘅越南包可能係佢！佢未必係你杯茶，但就一定係我杯茶！呢間舖頭開業已經幾年，個位置難搵到爆炸！明明係尖沙咀，但為咗搵佢，你好可能會蕩失路！但係就係因為佢啲嘢好食，所以幾遠都要搵佢！老細好有性格，成間舖頭淨係賣一樣嘢⋯⋯越南包！佢整嘅越南包可以商業化一啲，但係佢冇咁做！裏面冇多餘嘅醬汁，明明加多少少可以去取悅你，但係佢冇咁做，就係因為「正宗」兩個字！你試吓佢嘅麵包，只要咬一口，你就返唔到轉頭！因為即刻喺你個嘴裏面粉碎！每一個包都係老細嘅堅持、嘅執着！完全唔會整定，你嚟到佢先會整，佢絕對係越南包嘅職人！值得我咁遠嚟搵你！

越南法包$58，個包勁足料，見到老闆將啲餡料塞到滿一滿先拎俾我。 蔬菜份量好多，蘿蔔絲嘅面上亦都加咗少少黑椒粉，每樣蔬菜都能夠完全中和返個包、肝醬、豬手的膩，每樣材料食得出都好新鮮，芫荽同埋辣椒可以俾你自由選擇加唔加，成件事係一個好好嘅配搭。加$20 嘅越南齋啡都好好飲，如果加埋煉奶仲有淡淡嘅朱古力香味，好欣賞老闆專注做一樣signature dish 做到極致咁好食，真係好有心做好值得幫襯！加油啊！！！

越式法包真心好食，有滿滿的紅蘿蔔絲，又有芫荽，肉類也足料，烘烤了的包脆卜卜的。越南咖啡必定要加煉奶，香濃滑，真心好飲。堂食一人座，店主播放曲目好chill, 店主好好人，感覺好窩心。一定會再來😍😍

可能喺香港最好食嘅「越式法包」，豬肉新鮮帶肉汁、配上醃製過嘅蘿蔔、惹味嘅肝醬及香脆嘅法包，食過你就知好味道。😙不過店舖頗細，人多可能要等一段時間，這時候一杯冰凍嘅越南滴漏咖啡，就可以幫到手啦！老闆用心製作，全部手工製作，頗費功夫，值得支持！所以自己每隔一段日子，總會心思思再嚟食。😋#越式法包 $58#冰越南滴漏咖啡 $30#8_MILES_Bánh_Mì_Cafe地址: 尖沙咀漆咸圍2-4號金時商業大廈地下6號舖電話: 98611769

本身對越式法包有種情意結 坊間上好難搵到一間足料又好食既法包 經同事介紹去試下.等候時間大約6-8分鐘 我認為係合理時間因為越式法包要即整即食先能夠呈現風味材料好足夠 好好味😋 唔係市面上求其夾2塊扎肉就算, 至於越南咖啡細心地減少煉奶份量, 亦保持到應有風味👍 唔鐘意飲奶 可以選擇Iced Black.店舖空間有限 只有1-2人堂食座位 係短短30分鐘 一邊食一邊同老闆傾計 當中明白老闆對食物品質既堅持 每日早上預備新鮮材料 唔join外賣平台係因為唔希望增加walk-in客人既等候時間 始終夏天真係好熱… 支持小客 支持老闆對品質要求👍

58超大份 餡料好足！超多肝醬超多豬手超多醃蘿蔔！豬手味道好！整體調味不算濃，真係好食 唔值錢嘅青瓜香菜反而比得少 肉就比好多！好實在！冇食過咁平嘅越式發包！真係唔買唔知有幾大份！

之前朋友介紹話法包幾好食，今次係附近特登過去買。店主（應該係）都幾nice, 可能驚我唔滿意要等，一order 就解釋係即整，要等一陣，跟住再問我o唔ok🤣👌即整真係好好食，個法包好脆！一咬就咬得開，佢啲配料都好好食。 蘿蔔絲係輕輕醃過，有少少酸酸甜甜咁，成件事好fresh 。如果要辣，佢就會加啲辣椒係入面，上次朋友share 左少少俾我食，我覺得幾辣下（我係食到少少辣嘅人）。如果個日唔係太餓，呢個法包當午餐係岩岩好。

一直有bookmark這間餐廳剛巧在尖沙咀辦完事後便過去試一試舖面勁細小門口有枱仔同廚房旁邊都有少少企位for堂食但我最後都係外賣去附近食小店食物選擇只有法包一樣但口味就會按個人調整無論係法包定咖啡老闆都會好細心問你想食乜唔想食乜口味加以調整法包內有豬手粒、肝醬同各式蔬菜豬手粒彈牙不會過咸肝醬軟滑而且是厚厚一層, 絕不hea做蔬菜亦新鮮爽口法包前後都是各焗熱一次塗肝醬後一次, 鋪滿食材後又一次One man band 心機嘢值得等待現場食應該會更好食老闆都有提醒要盡快食天氣凍又行咗十分鐘先食果然無咁熱同脆口了咖啡都是好飲的越南咖啡老闆問了口味建議了正常偏甜一點點我認為很適合呢希望更多人認識這間小店吧因為真係好好食！

Been here twice now in two weeks, it was at first just a random pick cuz I only wanted Banh Mi, second time, I definitely went back on purpose!The bread was crunchy and soft 10/10!Homemade pate was flavourful and just the right amount along with all the other pickled vegetables, it was really yummy!I recommend just eating it there as it comes out of the oven, you won’t regret it!Openrice wants me to describe my dining experience but the shop isn’t really a traditional restaurant where you sit in

整體幾好食。係睇到有心機嘅小店👍🏻老闆會細心問要唔要芫茜同辣⭐️法包脆，⭐️肝醬而香濃，⭐️豬手唔柴調味適中，質地微微膠爽，⭐️蘿蔔絲清淡微酸甜，唔會好霸道，配料（包括肝醬）會放遍全個包，唔會食到頭同尾冇配料👍🏻😋，呢種細節都做足但啲蘿蔔絲上面會再灑上胡椒粉，胡椒味有啲啲搶

This place doesn’t disappoint and what a great discovery on this little street. The Bahi Mi is stuffed with the most flavourful fillings. It’s so DANG good! They are very considerate in asking if I prefer spicy or non-spicy, with or without coriander. I am probably going to crave for it every week now. 😋