影片
港铁朗屏站 D 出口, 步行约4分钟
继续阅读
营业时间
星期一至日
07:30 - 22:00
公众假期
07:30 - 22:00
公众假期前夕
07:30 - 22:00
以上资料只供参考，请与餐厅确认详情
放工想叹一盅两件 近近地喺元朗揾到间点心专门店餐厅位于元朗广场附近 望望营业时间至晚上十时 又系一个可以叹夜茶嘅好地方😌🔸蟹籽烧卖皇 HKD19烧卖有成半个拳头咁大粒😳猪肉同虾肉比例均匀 真材实料！🔹黑松露野菌粉果 HKD21菇菌包括鲜冬菇金菇鸡脾菇 黑松露味同菇菌好夹！🔸蒜蓉粉丝蒸排骨 HKD29排骨蒸熟后依然嫩滑粉丝索晒蒜蓉同肉汁好惹味！🔹原盅花雕养颜棉花鸡 HKD38阵阵花雕酒香 有阵食醉鸡嘅感觉棉花索晒花雕酒同鸡嘅精华好好味😋🔸杂果沙律春卷 HKD26呢度用上春卷皮包所以特别脆口新鲜炸起嘅沙律卷真系令人抗拒唔到🤭🔹鸳鸯鲜虾米网肠 HKD36虾肠变成橙色同绿色 卖相相当趣致肠粉中间夹咗层脆米网同鲜虾 层次丰富🔸花旗参炖竹丝鸡汤 HKD46炖汤有四款口味 今次拣咗花旗参竹丝鸡汤用汽锅呈上 可以保留汤嘅热度 原汁原味花旗参味甘甘地 加入鲜鸡汤 感觉好养生🤫人均消费💰大约$110/位🚩8号茶居 元朗击壤路17号顺发楼地下H号舖
继续阅读
今日约左朋友系元朗饮茶食得多传统点心可以试下呢间新式点心8号茶居位于元朗大桥街市附近朗屏站行落后都系6-7分钟一坐低先开左一壶菊普-雪山叉烧包值得推介既雪山叉烧包外皮甜甜地雪又脆身入面叉烧都足料 一人一个岩岩好-山竹牛肉球牛肉球大大个 蒸出来热辣辣加埋喼汁 味道系传统正宗牛肉球👍-原盅花雕养颜绵花鸡好香药材味 加上有啲花雕酒食落好似醉鸡锅啲鸡咁棉花索晒啲汁都好好食-青咖哩鸡粒咸水角新鲜即炸热辣辣入面辣辣地好开胃-鸳鸯鲜虾米网肠呢个都好有特色两只色既脆脆网包住虾肉 口感丰富 值得一试👍-豉椒排骨蒸饭惊唔够饱最后忍唔住叫多个排骨饭排骨啲汁本身都好够味 流晒落啲饭到唔洗点加豉油都得店员服务都好好 唔洗叫成日帮我地加水👍
继续阅读
假日嚟到元朗食点心，试吓呢间特色点心小店，餐厅位于元朗广场后面，小店座位唔算多但都几舒适，除咗单点之外仲有套餐可以选择，所有点心都系即叫即做嫁👍🏼雪山叉烧包西式做法嘅叉烧包，表面香脆内里淋嫩，叉烧都好入味原盅花雕养颜棉花鸡原盅炖完即上，药膳味非常香浓，鱼肚爽弹又吸收晒啲汤汁，鸡肉嫩滑都好入味，食完当然仲要饮埋啲汤😋瀑布流沙奶黄西多士餐厅招牌嘅西多士，建议最后先叫，因为嚟到要趁热食，炸到金黄色，一切开奶黄已经不断涌出嚟，甜得嚟仲食到咸蛋黄嘅香味，非常邪恶但必试🤤鲜虾菜苗饺皮薄到已经望到好足料青咖喱鸡粒咸水角香脆又唔会好油腻，以淡淡嘅青咖喱鸡粒取代传统嘅馅料，味道都几特别海苔鲜虾腐皮卷薄脆嘅腐皮卷包住紫菜同鲜虾，香口小食鸳鸯鲜虾米网肠绿橙双色，嫩滑嘅肠粉皮包住香脆嘅米网同鲜虾肉，口感好丰富👍🏼
继续阅读
近呢五年饮茶已经唔再局限系酒楼、茶楼，随住好多新式点心店嘅兴起，饮茶好似变咗食茶餐厅咁方便就脚！环境餐牌 雪山叉烧包 $25我超钟意食雪山叉烧包，佢个皮都做到甜脆口感，入面叉烧馅正常，如果馅同皮中间空位再减少啲就更好！ 8号虾饺皇 $19 点可以唔食烧卖虾饺，大大粒，虾肉弹牙，虾饺皮都唔会话太易烂。 鹌鹑蛋烧卖 $30另一半钟意食鹌鹑蛋烧卖，同样咁弹牙，有时都怕烧卖猪肉碎有股异味，呢到绝对无问题，无沾上酱油就无咁单调。 鸳鸯鲜虾米网肠 $36话到明新式点心店，点会无啲新颖款嘅点心？啲款鸳鸯鲜虾米网必点，一边系橙色，一边系绿色，食上去虽然无分别，但美观都好紧要！肠粉皮包住两层超脆米网，入面就系弹牙虾肉，口感丰富有层次！ 牛肉煎蛋蒸饭 $49望落觉得唔大，但食落2个人够哂！佢嘅牛肉饼系牛肉丸嘅味道，配上煎蛋加甜酱油，钟意佢嘅饭硬身少少有口感。 擂沙煎堆仔 $25 最后用传统与非传统之间嘅擂沙煎堆仔做甜品，煎堆仔嘅外层入面系黑芝麻馅，趁热食仲有啲流心加流沙口感更正！
继续阅读
8号茶居 8 Char📍元朗击壤路17号顺发楼地下H号舖呢日约咗中学师妹去元朗聚一聚，过往每次见面我哋都会选择去屏山一间Cafe度食嘢，但疫情咁耐都唔太肯定𠮶间餐厅仲有冇营业，加上佢食完饭有嘢做要即刻走，所以就拣咗间比较就脚啲嘅餐厅见面。喺元朗广场隔离嘅巴士总站，附近有好多我成日都会见到，但食就一次都未食过嘅餐厅，本身谂住话玩吓怀旧去酒楼饮茶，点知连酒楼都执咗笠。行吓行吓，居然俾我哋见到一间主打食点心嘅餐厅，而且座位同一般茶餐厅冰室冇咩分别，感觉几新颖，所以就同钟意食点心嘅师妹喺度食咗个下午茶。原来餐厅主打就系做传统点心，不过就会加一啲新派嘅元素落去，所以佢有好多嘅点心都系饮茶必叫嘅，但总会有一啲特别嘅新派元素，相信可以吸引到各个年龄层嘅食客。 💰$25雪山叉烧包 (2件) 🥯坐低喺度拣嘢食嘅时候，就见到店员不停咁出一碟碟雪山叉烧包，几乎系每一枱都会叫至少一碟嚟食。我哋就当然都唔执输啦，话俾你哋听呀，其实我系唔食蒸嘅叉烧包㗎，但叉烧餐包呢我又几钟意食㖞，系咪好矛盾！呢个雪山叉烧包面头嘅包皮系好脆嘅，口感比菠萝包个面仲脆，但就无特别嘅甜味，纯粹系增加咗口感；里面嘅叉烧馅料调味适中，叉烧粒唔会过瘦过肥，而且放咗一阵先食都系热辣辣！ 💰$19蟹籽烧卖皇 (2件) 🥟又到我做大胃王嘅时间啦，蟹籽烧卖皇一笼系有两件嘅，因为师妹唔太钟意食有虾嘅烧卖，所以我就一人K.O.咗两粒！佢嘅烧卖皮唔系一般黄色𠮶种嚟㗎，而系好似鹌鹑蛋烧卖𠮶种白色皮，里面嘅虾肉同猪肉份量十足，而且非常弹牙，不过又无食到肥猪肉㖞，个人认为好抵食！ 💰$27老干妈蒸凤爪 🐓蒸凤爪几乎都系饮茶必叫㗎啦，但呢度嘅蒸凤爪呢就有个twist㗎㖞，有别于一般嘅豆豉酱，佢用咗味香带微辣嘅老干妈嚟蒸，估唔到真系别有一番风味。最欣赏佢嘅地方就系佢份量好大，除咗件数多之外，每只凤爪都大大只，绝对唔会好似小儿麻痹咁，而且好入味，相信即使食开传统点心嘅长辈都会钟意。 💰$15 (1件)雪茄春卷大乡里嘅我，如果唔系早几日喺IG睇其他Foodie介绍过雪茄春卷，真系唔会知道原来系雪茄造型嘅春卷。不过呢度嘅雪茄春卷比我见过嘅相片更粗更大，里面嘅馅料非常足，有好多大大粒嘅虾肉，爽口弹牙！个人认为里面嘅酱同馅已经好够味，唔太需要再额外点沙律酱嚟食。由于叫到成枱都系点心，我哋系食晒热辣辣嘅蒸点先开始食春卷，但佢依然脆卜卜，而且如果系细食啲嘅话，基本上叫一条两份分就好足够啦！ 💰$27香煎腊味萝卜糕 (3件) 🫓廿零蚊食到三大件煎得香脆嘅萝卜糕，真系好抵㖞！佢唔似一般食到嘅萝卜糕咁成口粉，而系真系食到有好多大大粒嘅萝卜，同时亦有少量腊肠点缀，点辣椒酱、甜酱或就咁食都好滋味。 💰$49青姜蓉蒸鸡饭 🐓🍚北菇蒸鸡饭相信大家点都会食过啦，但系青姜蓉蒸鸡饭，就连我都系第一次食咋！开头我哋仲揾紧枱头有无豉油，因为一般嘅做法都系要落啲豉油落去蒸饭度捞匀嚟食。后尾先知原来啲青姜蓉好浓味，而且油分十足，直接捞落啲饭到食已经唔需要再额外加豉油啦。佢嘅滑鸡系连皮嘅，真系滑捋捋而且无骨，脂肪比例唔会太重，咸咸香香嘅调味非常啱我口味。而且佢嘅份量都唔细㗎，我哋各自都食到两碗仔饭，又系一抵食之选。 💰$6/位如果拣一般普通嘅餐，茶位每人只系$6。我哋拣咗浓普洱，食比较油腻嘅炸春卷时，特别解腻，饮多两杯可以减低饱滞感。
继续阅读