影片
开饭介绍
主打牛肉火锅，提供来自不同产地、不同部位的牛肉，包括澳洲、日本、本地等。牛肉部位罕见，如牛颈脊、牛腩心等。
继续阅读
营业时间
今日营业
12:00 - 22:00
星期一
全日休息
星期二至日
12:00 - 22:00
公众假期
12:00 - 22:00
以上资料只供参考，请与餐厅确认详情
有关奖赏计划
相关文章
马鞍山9点后大部分食店都关左门，而这间616火锅店可以食到11点😛😛当晚8:30入座，在open rice订座单点有8折😍今次拣左牛骨汤锅底，汤或清甜有牛味，仲有几块萝卜添👍🏻而打边炉既灵魂，当然系牛肉啦，佢有唔同产地嘅牛肉，有日本嘅有澳洲嘅亦有本地嘅，全部都清楚列出，唔好睇佢份量好细，每碟牛只系几十蚊，细细碟可以试多几款，我哋两个人叫咗四碟肉，有肩胛肉、牛颈脊、牛驼峰、滑美龙呢碟滑美龙加左只生既蛋，令到牛肉食落去好滑，我哋仲将其他既牛都浸下蛋先616🤣手工韮菜饺唔知系咪自家制嘅呢？馅料丰富新鲜👍🏻另外叫左碟芋丝，感觉健康一点😛😛份量好多呀，而垫碟果块生菜都新鲜，所以成为咗我哋当晚唯一的蔬菜🥬每人还叫了一樽菊花露，埋单不用500元
继续阅读
都已经好耐冇食616了，以前成日去食大埔总店，马鞍山开咗食过一两次就冇食好耐，今日想喺马鞍山打边炉，又唔想食放题，就嚟616啦。喺openrice book定位，有85折。一定要叫牛骨汤底，都食过其他汤底，但都觉得牛骨汤底好味好多，好浓好香。另外觉得一定要叫就系牛丸同乌冬，牛丸好弹牙，入面好多汁，而且超浓香牛味。乌冬有个手打乌冬，以前好似冇，系新加，而且平过稻庭乌冬，就叫嚟试吓，口感又几好，都唔错。叫咗牛驼峰、吊龙伴、匙柄、日本牛颈脊，牛驼峰最好食，最浓味口感又最好，另外全部都好食，都好浓香牛味，日本牛颈脊就最肥。叫咗饮品菊花桂圆露同玫瑰洛神花茶，不过其实饮咗好多牛骨汤，都冇乜点饮饮品。另外因为餐厅要收酱料费，记得出去攞酱料，任攞，而且有十几款好多选择，个牛肉汁都好味。
继续阅读
如果马鞍山食牛应该过嚟616试吓，之前做优惠食咗三次有五折，我用咗五折又再食咗一次，几抵食呀，啲牛质素都唔差，帮衬咗好多次了，服务员工亦都很好，环境卫生都唔差，食物种类都唔错，冷气亦都够大 推荐💪🏻
继续阅读
平时冇写食评的习惯。今次写食评完全系因为想记下这次用膳经验同极优质服务体验。伙记们整体友善，食物环境都系好嘅，上菜方面什至极速。餐厅嘅座位都系宽松嘅，舒服。今次写食评主要想赞扬某位员工。1）见我哋自带红酒，未使我哋出声都好醒目地自动自觉攞几只好干净冇手指模嘅红酒杯比我哋。2）系我地依家已经离开餐馆好一段路，突然从后跑上话比返找错钱嘅余款，然后又极速咁跑返去餐厅。朋友们见到都觉得好窝心。因为你跑返去好快，都未能好好谢谢你！希望你有机会睇到呢篇食评🙏🏻😊
继续阅读
星期六晚8点半去到，同朋友一直用正常速度食嘢饮嘢，食到10点叫多枝啤酒，枱面都系得返5块肉左右，应该15分钟内会食晒饮晒所有嘢走人 。当时舖头入面得返我地一枱客，但员工从来无提过last order等等 。点知10点零5分果阵，员工突然走嚟开到冷气劲大，真系劲大风咁直吹住我地，吹到枱面tissue都一嘢吹晒落地果种 。我地忍唔住问佢地可唔可以熄细啲冷气，同埋表示头先冷气一直正常，点解要无啦啦教大佢吹住我地 。员工话要揾人嚟整冷气所以要开大佢，真系完全不能理解 。之后当时三位员工出咗去舖头外面食烟，其间一直用不友善眼神望返入嚟，我地都惊阻人收工，结果啤酒饮咗几啖都放弃，10点3就埋单走人 。埋单时我地问佢地呢度几点闩门，原来系10点3 last order，11点闩门 。即系我地根本完全无阻到佢地收工，只不过somehow当时得返我地一枱客，佢地为咗想我地快啲走就开大冷气吹住我地，仲黑口黑面咁对我地 。食物已经无几年前咁好食，而家连态度都差成咁，真系睇唔到有咩理由再帮衬 。
继续阅读