3T廚房 (已結業)

隔一段時間，就要過嚟這間茶餐廳吃我最愛的烤魚，我從未試過其他餐廳的烤魚，所以不知道正宗烤魚的味道，但我偏偏就愛上這家茶餐廳的烤魚味道。烤魚要12:00才供應，這間茶記只做早，午巿，加下午茶巿，18:00就收巿啦！所以吃這個烤魚就只可以中午來。我早了少少到達，order定要烤䱽魚，魚要烤香口些，少少辣。另叫了一個口水雞午餐。烤魚65元算是唔貴呀！亦有蒸魚飯，不過我覺得烤魚好些。今次的烤魚明顯細條咗，真係物價貴咗！味道又係我熟悉的味道！口水雞就水準差左些啦！下次要試過第二款。街坊小店都唔會有太多外來客，多數都係街坊熟客，一定要支持小店，有生存空間，有生意能夠經營下去，才不會全部變成大集團，千篇一律的大乜乜、大乜乜。所以我的心態就係支持小店！💪希望嚐到不同味道，用心制作的食物！

經過好耐冇食蒸魚又懶得去沙田 （超有水準，套餐有白飯油菜+原味滋潤湯水$48咋）見到門口貼住有，於是滿懷希望可惜只換來失望 叫咗個豉汁蒸倉魚魚一上枱我已經覺得唔對路 一夾魚肉已經知道太熟入口第一下一陣腥臭味+苦澀基於不浪費原則，夾硬迫自己食。但最終都係只係食咗魚身至尾部份，近魚頭嘅真係好難頂。原諒我浪費食物🙏🏻魚唔乾淨 一陣臭腥味肉質好鞋🥲🥲只能怪自己衰懶 ⋯⋯冇下次我唔敢Sorry! 太難食冇影相📸️Next , thanks 🙏🏻🙏🏻🙏🏻🙏🏻

今天我跑完步後就到3T廚房吃早餐，我點了個叉燒湯面跟火腿炒蛋及凍檸茶。這的環境細細，但十分企理，我初到的時侯很早，所冢人不算多。這兒亦有電視，因此環境不錯。叉燒湯面的叉燒質感厚實，而味道上，由於是沒有加蜜糖的，所以不會有香蜜叉燒的甜膩感，味道偏向簡單清清的。湯面煮的時間控制得很好，所以面的質地是爽口挺身的，不會入口就斷，對於喜歡吃爽口面的人尤其合適。火腿也是煎得香香的，配合口感幼滑的炒滑蛋，使整個早餐變得十分完整，令人吃後有十分滿足的感覺。

本身看見這間餐廳，都不覺得太特別，但是有天經過看到餐牌上面的下午茶寫上有熱香餅，就想來一試。有次剛好遲了吃早餐，於是就可以在下午茶時段來買下午茶外賣。下午茶就叫了一個炸雞脾熱香餅，炸雞脾的份量看來都非常之大隻，外皮夠脆，與生炸雞脾比較，還有一點距離，肉汁不算太多，但還不算太乾的，味道不太鹹。但是茶餐廳下午茶有熱香餅，還算是非常特別，因為平時下午茶，炸雞脾或是豬扒，最多都是併粉麵、沙律、或是炸薯條，配熱香餅還是第一次看見。熱香餅厚厚的，應該都有三四片，比麥當勞的更加厚身，但是口感也沒有麥當勞那般鞋口，或是吃完覺得磨牙的感覺，旁邊有少許牛油，底下又有煉奶，食客自行選配，熱香餅綿綿的，又不會覺得像在吃麵包一般，又可以加添少許甜味。鴛鴦的味道也不錯，兩種味道同樣出眾，不會各搶風頭。內裏的阿姐，與及門口的小夥子，服務態度同樣不錯，親切有禮，以禮待人，下單的時候還會提醒我，炸雞脾下午茶最少要等10來分鐘。

🐎3T廚房To Taste Time大埔寶湖道3號寶湖花園商場2樓222A號舖推介指數🌕🌕🌕🌕🌑.唔熟大埔區嘅餐廳，誤打誤撞遇上高質小店😋。菜式家常，但質素頗高👍🏻。.🍆魚香茄子（$42）表面灑上蔥花、香茜、辣椒，伴上靚生菜，點紅點綠，比一般漁香茄子賣相更好。茄子新鮮，調味不錯👍🏻。.🐔口水雞（$45）雞肉嫩滑有鮮味，肥瘦適中，醬汁香濃，令人食指大動🤤。份量都幾多，男仔食都夠飽。

冇諗過大埔既茶餐廳會有烤魚食！仲要只係$60 包野飲同白飯大大個第一次我自己一個去堂食，老闆問我要倉魚定唔記得咩魚，咁我揀左倉魚！因為蒸魚烤魚類要等15-20分鐘！老闆好好人提一提我要等耐小小👍🏻！上檯驚喜無限！見到紅紅綠綠未食都覺野味！食落就知冇感覺錯！個咪教到啱啱好！我叫既係小辣！我覺得唔會太辣！我成碗飯食晒到隔左個幾月，又心思思，但就外賣返屋企食！今次揀盧魚！食落同上次倉魚肉質感覺唔同！我自己就鐘意盧魚多d! 因為肉質比較嫩口！魚皮依舊炸到香口！ 條魚大條到會突頭突尾！盒飯大到兩個人食都覺飽！外賣都係加$2！ $62超抵食！等緊外賣時，見到好多人都係叫烤魚呢

最近寶湖商場開左一間新冰室，雖然鋪位唔算大，但坐得好舒服！三十幾蚊碟飯，大大碟好抵食！炎熱既夏天，凍飲只係加一蚊！奶茶非常有水準！老闆態度好親切，我一定會經常幫襯！