影片
以上资料只供参考，请与餐厅确认详情
如果你都系𠮶啲「唔想行街排队、又想食到啲精致中菜」嘅人，咁荃湾呢间私房菜就啱哂你，隐身喺Plaza 88商厦16楼，但食物水准完全唔低调！以下系我对几道主打菜式嘅真心评价：🥇堂灼鲍鱼以最简单嘅方法突出鲍鱼本身鲜味，质感烟韧有咬口，唔会过咸，唔失细致。食完鲍鱼饮埋清汤再灼芽菜，我其实好想添饮，不过厨师话唔建议，因为我之后会劲饱。🍊橙味酒杯带子甜中带酸、微微酒香，配上晶莹剔透嘅带子，啖啖都系惊喜，摆盘仲要打卡able✨。🦞芝士龙虾多士龙虾肉弹牙又入味，仲有浮夸嘅长碟，俾寿星仔寿星女影相一流。🦀手剁肉饼笼仔蒸蟹饭精华系蟹汁渗入饭粒嘅味道，每啖饭都有蟹膏香，搭配手剁猪肉饼更有层次。🐟鸳鸯剁椒蒸龙趸面珠墩剁椒及蒜蓉蒸带出不同风味，将龙趸滑嫩鱼肉推到另一层次！仲食到少见部位「面珠墩」，有惊喜！🐦秘制炸乳鸽外皮香脆唔干柴，调味啱啱好，皮脆肉嫩，系经典中菜中不可少的一员！🍜特色海鲜面 / 金汤烩千丝两款主食各有特色，金汤香浓带点蟹黄味，海鲜面满满鲜味，收尾食到碗底都唔舍得停。🍠时令拔丝最后甜品画龙点睛！拔丝糖衣好脆，唔会过甜，热辣辣食落真系满足
继续阅读
3A⋯⋯大约系两年前，响社交网站见到佢哋嘅资讯、食物相之后，已吹鸡相约一班朋友去食。但因为路程稍远而冇人睬我⋯⋯两年后嘅3A，原来已开埋分店，但今次终于去得成！今次成行系因为年初，于海外出生嘅外甥结婚！但当时我哋无缘远赴出席！所以⋯⋯(下删几百字，净系知今晚呢餐饭，系外甥揾佢香港啲friend安排），见到系去3A，心底里即时暗爽！见到$1200/1位期待...新店地方并唔难揾，紧记喺荃新天地二期旁边就得！今晚一行12人12道菜。打头阵嘅系「堂灼澳洲黑边鲍鱼」，全程由侍应开住个炉，响你面前渌渌下，后再位上送到我地面前。鲍鱼灼致啱啱熟，完全唔需要调味，简单、好食。之后嘅「鸡油花雕蒸琵琶虾陈村粉」，净系听到「鸡油+花雕」就知道系精品啦！但⋯⋯主角琵琶虾嘅味道，竟然唔及垫底，吸晒鸡油同花雕嘅陈村粉咁好味⋯⋯顶！「三葱炒龙虾」嘅摆盘十分精致，酱汁丰盈，热辣美味嘅一道菜。「椒盐汁濑尿虾」外观好乱，我有怀疑过系咪『摆盘』冧咗（因为见到其他食友嘅相片，系堆到成个灯塔咁架（笑））！侍应为我哋逐一剥壳后，逐一以位上碟，当晚选用嘅濑尿虾，大大只兼肉质结实！建议享用呢度菜嘅时候，连同椒盐配料同食，香口惹味。「长脚蟹三食」我哋当晚拣选咗：蟹身以上汤煮；蟹脚用椒盐炒；而蟹膏用嚟炒粉丝。蟹脚经椒盐快炒，实在并唔系我杯茶（唉）！ 蟹身经上汤烹煮后，蟹嘅鲜味出晒嚟！至于蟹膏粉丝我『队』左两碗！味道唔使讲啦⋯⋯食咗几道浓味炒海鲜后，饮返碗「时令炖汤」清一清先前嘅油腻！但呢煲炖汤：肉肉肉肉肉⋯⋯碗汤递到埋嚟嘅时候『立立令』，于碗内嘅鸡件『甘香油爽』系睇得到嘅！颇好炖汤嘅味道得宜。「清蒸时令星斑」唔知点解个条星斑咁『样衰』！好彩火候拿捏得宜，鱼肉啱啱离骨，个人喜欢配以香葱一同进食，美味之极！食过鱼、虾、蟹之后，卖相极为精致嘅「时令蔬菜」上枱，一众iPhone、Samsung、华为⋯⋯抢闸食先！但呢碟时蔬，份量实在太少，味道亦太清淡。清淡过后，手瓜起𦟌嘅服务员为我哋奉上，外观疯狂抢眼、夸张嘅「秘制烧乳鸽」，一啖咬落去已经感觉到呢度菜系「上品」，皆因乳鸽烧得皮脆肉嫩也！或许3A收到风！今晚有一对新婚夫妇⋯⋯所以店方准备咗个锤仔，俾佢哋扑扑扑⋯⋯⋯⋯！呢个「特色海鲜面」有虾、蟹、蚬，佢哋扑完只蟹我哋就食，都几好食！甜品有两款，分别系「杨枝甘露波波」，顾名思义已预计到预期嘅味道，只系外观改变成波波。咀嚼紧波波嘅时候，手瓜起展嘅店员，送上另一款招牌甜品「草莓拔丝」。一众iPhone、Samsung、华为再次争位拍摄之际，店员建议我哋：「45度低炒」⋯⋯即系咁！话咁快12道菜食得晒！临走时再次感谢，一众强劲臂弯店员殷勤招待，成就咗今晚夜晚宴。
继续阅读
以私房菜黎讲，3A厨房私房菜简直系低食。私人度高，设有单独房间。套餐有几个选择，每一道都好适合打卡当然亦充满惊喜，绝对唔会令你失望。好食到已经成为我的饭堂了！非常非常值得一试👍重点推介：·拔丝生果🍓·黯然炒蟹hi🦀·堂灼鲜鲍鱼炖鸡汤😍·特色面🍜其他美食仲有：·芝士龙虾多士·手剁肉饼龙仔蒸蟹饭·橙味酒杯带子·龙趸面珠灯鸳鸯刹椒·嫩滑肉汁乳鸽·金汤烩千丝·火山排骨全部人都食得好开心，好满足～ 想食嘅朋友记得要提早预订喔！
继续阅读
位于荃湾的「3A厨房」给人一种高雅舒适的用餐体验。他们的菜单多样丰富，每道菜都让人惊艳不已。我特别推荐他们的堂灼鲍鱼，鲜嫩多汁；泡沫带子，清爽海味；以及黑松露芝麻汁龙虾，浓厚的松露香气令人难忘。不得不提的是他们的招牌菜「龙王干坤鱼」，口感绝佳，让人回味无穷。另外，乳鸽烹调得恰到好处，金汤烩千丝清爽可口。菜脯炒饭入口香脆，时令拔丝则是完美的结尾。价格方面，每位650元的价格以私房菜来说不算便宜，但绝对物有所值。整体而言，「3A厨房」是一个值得再访的餐厅，无论是用餐环境还是菜品质量都让人满意。强烈推荐给喜欢享受美食的朋友们！
继续阅读
妈咪生日带佢去左荃湾PLAZA88食私房菜😋餐厅晚餐好有特色，需要预先订位，因为好爆场！餐厅提供独立VIP房，私隐度高，又唔怕嘈到隔离。首先，餐厅比左餐前小食，即炸虾片，仲要无限供应，够脆够香。由于我地有三位小朋友，佢哋亦有提供小朋友餐，鸡汤鱼蛋乌冬同瑞士汁鸡翼，鸡翼入味，甜咸平衡得啱啱好。第一道菜 堂灼澳洲黑边鲍鱼象拔蚌！摆盘好有气势，有服务员帮手用金华火腿鸡汤灼熟，灼得啱啱好，鲜嫩爽滑，口感一流。第二首菜 黑松露脆脆带子盒，带子鲜甜，配黑松露香气，放系脆饼上面配搭得真系唔错。第三道菜 三葱炒大龙虾，摆盘非常精美，增加食欲，龙虾肉质弹牙，三葱味道提升咗整体香气。冷盘 口水西瓜，好特别嘅食法，口水汁加上西瓜，酸味中带甜味，清新解腻，好适合夏天食、后劲再加上辣味，好创新嘅食法👍🏻之后 椒盐汁琵琶虾，摆盘好有气势！食落外脆内嫩，椒盐味道浓郁。长脚蟹三食，上汤、蟹肉炒粉丝同椒盐！好好味！各有特色，满足哂唔同口味。龙王干坤鱼，起鱼肉摆盘蒸、再将鱼骨椒盐，鲜味十足，而且卖相吸引，蒸得啱啱好，好滑、鱼骨好香口！时令蔬菜系娃娃菜，包墨鱼滑，新鲜爽口，保持住原味，而且摆盘好似花咁！秘制炸乳鸽皮脆肉嫩，香味扑鼻，小朋友食得好开心。特色海鲜面海鲜丰富，炸过既面条，再淋上汁料，配搭得好好味。甜品方面，杨枝甘露波波，每粒一口，外脆内包住杨枝甘露，波波口感有趣，好满足。最后上时令水果拔丝时，仲帮我哋送上自购既蛋糕，同播放生日歌有生日牌，妈咪惊喜又开心，而且水果拔丝、成棵圣诞树咁高，外脆内甜，诱惑满分。餐厅服务好好，每食完一款菜就会换碟，所有食物摆盘非常精美，每次推出嚟我哋都哇哇声，打卡一流，整体份量大，性价比高。店员话like同share佢哋嘅社交平台平日可以免加一服务费，仲免开瓶费、免切饼费，真系好抵！极力推荐大家嚟试试！之后嘅大节日第一时间考虑佢！
继续阅读
您可能会有兴趣的...