360冰室 (已結業)

每一次去觀塘，心中總是想去尋找一些位於工廠大廈內的文青小店。可是，幾乎每一次來都是週日，摸過一次門釘之後就轉為簡簡單單食個 lunch 就好了。在工廠區行行走走，看看有沒有一些帶少少特色的食肆。雖有，但出現的都不太合我們心意 (而且貴)。最後，我同太太決定簡單一餐好了，而就在我們的面前，有間《360冰室》。看見有素食選擇之後，就立即決定食這兒了。說是冰室，其實是茶餐廳。而店子的牆壁就以香港的街道為背景。但，用的是現代的香港而不是懷舊的香港，而且餐廳位於觀塘，但用上了中要及油尖旺一帶的街景，雖然 feel 到 I love HK，但感覺就有少少格格不入。基本的羅漢齋炒麵、咖喱雜菜飯的素食選擇就沒有了，但餐牌卻有這一個黑松露雜菌意粉。醬汁很多，也代表黑松露的味道很重，亦因為這樣，其香味是十足的，但放食物入口的時候，就會覺得那黑松露的味實在是太強勁。可以說，好味到過左龍。360雜扒，是豬扒，雞扒，煙肉同英式腸。如果這一個雜扒是鐵板上的話，吃起來會是更開心。沒鐵板，就直接令到這一份雜扒非常之普通。多了一件翠玉瓜令到這一個午餐充滿了歐陸風，但再配以白飯，就立即變回了一個工廠飯堂餐了。天氣熱呀，我同太太都要凍飲，而凍飲的首選就是凍檸茶。說真，這一餐最好的就是檸檬茶。茶味好，口感香滑，檸檬同糖的份量亦是恰到好處。夠凍又好飲，可以給一個讚。算是一般般啦。吃過這一餐後，我同太太都說，來觀塘尋食的話，最好都係平日來。因為星期日有太多食店不開門做生意啊。…查看更多

用網上外賣平台叫外賣叫呢間，難食到一個點..叫左兩個常餐，飲茶走。無視我茶走都算。叉燒硬到咬唔開，又無味。鹽水湯底。唔知自己食左啲乜。可以話係我食過最難食嘅茶記🙂網上外賣平台冇得食食評唔緊要我親自上黎openrice打食評。唔明點解咁嘅茶餐廳仲可以生存到？…查看更多

星期六兩點到觀塘吾知食咩，又吾算太餓，剛好經過呢間冰室兩點就有下午茶就入去。地方幾大，日頭就做冰室夜晚就火鍋，所以枱面既設計有爐頭。叫左個茶餐，豬扒炒公仔麵，茶走少甜。未落單阿姐就話送碗羅宋湯，咁就飲啦紅湯：正常，湯入面有湯有菜，吾會只得一樣，吾太咸，但辣味就無咩（6/10）豬扒炒公仔麵🍜： 份量幾多豬扒幾入味又吾太咸，麵炒得幾乾身，吾會油淋淋。配材有少量銀芽及蔥，多返少少就更好 （6/10）茶走少甜：茶香奶滑做到，回甘就少少，都合格既，但少甜都甜，師傅慣左手勢吧 （7/10）整體都可以:)…查看更多

今日下晏落去官塘拎野,諗住搵間茶記食個快飯,見佢裝修新淨諗住包無死!!入到去叫左個午餐,諗住鄰近工廠區, 應該抵食夾大件!!因為附近都多從事體力工作人士返工...點知個飯一黎到都真係呆左...個飯細既程度係女士食都覺得唔夠飽...何況一個大男人呢...仲要D飯唔知點解勁多生米, 煮唔熟!!個滑蛋叉燒又係室溫蛋...完全唔熱, 唔知係咪煮定送出黎...唯一好少少係個餐湯同杯凍奶茶囉,不過下次一定一定唔會再幫襯囉...俾成$51蚊工廠區食埋D咁既野...永無下次, 失望!!…查看更多

工作關係，要喺觀塘食個快lunch。適逢落雨天，又要搵個落到車嘅街口，就是旦喺成業街揀左間茶餐廳食飯。入門口，d姐姐好盡職，要確保每個人嘟左或者寫左，可能呢兩日捉得緊？坐得幾闊落，唔使聽隔離枱講故事，衛生環境就一般茶仔level。叫左個海南雞白飯，飯量好足，雞都ok 嘅。同行人叫左叉燒蛋包飯，都幾大堆頭，一定飽。不過同事話呢個係蛋”蓋”飯囉🤣正正常常，男士一定夠食，完！…查看更多

呢一碟外賣 豬扒炒公仔面，食左一半，上嚟發食評。豬扒得一舊（兩隻手指尾夾埋咁既Size)豬扒得一舊豬扒得一舊個炒公仔面本身幾好食，凍檸茶幾好飲。但個豬扒得一舊唔會再幫襯。…查看更多

員工態度差到飛天，冇禮貌西口西面，想比錶買難受可以試下。叫個早餐都要等半個鐘先有，叫佢哋催下啲態度仲衰，想即刻起身走人。咁嘅態度啲食物質素唔使講啦，杯奶茶有漂浮物，叫佢換過杯好似殺咗佢全家咁。個吉列魚柳 皮還皮 個魚柳成pat唔知咩 個蛋係正常。環境方面，本身都唔太大期望，但個地下真係好污糟，枱枱凳凳都唔算太乾淨，最離譜係啲餐具有一半都有漬， 求神拜佛食完我唔會肚疴。簡單來講，我唔報食環都算偷笑，嫌命長可以黎挑戰下。…查看更多

發現不少食評都在批評這間工廠區的餐廳，之前到過對面的另一間餐廳，也是以數字命名的。不知道是不是因為人們都在一至五午餐時段來吃，感覺像在吃頹飯。🤷🏿‍♂️而我當日是星期六日，本身友人想去海邊那間酸辣粉/泡飯所新開的分店，但星期日沒有開於是才來了這間餐廳，友人的雜扒，雖然賣相擺盤不算特別漂亮，但至少都有幾款扒：豬扒、雞扒、腸、沙拉菜、脆肉瓜，又有飯又有薯條，份量不少，也不用$70。反而我的咖喱雞飯，本身我落單，都沒有預料到是這種咖喱，但端來後，發現是以前吃「夫服可求」式那種咖喱，即是椰汁味比較濃，帶有少許甜香的那種類似馬來西亞式咖喱。這種咖喱不算太辣，微辣中又有少許甜味，用來拌飯一流，不知不覺通常都會吃多了飯。但是配料的確少得客人，印象中薯仔只有兩三件，雞球亦都只有三件左右。不過薯仔夠綿化，而且吸汁，不錯；雞球亦都夠大件，雖只有三件，但是質素相當不錯，應該比起某些店舖只給你雞胸肉、或是切開的幾件雞碎，質素比較好更為重要。:)凍檸茶，少冰的確少了冰粒，茶味不算太過濃郁，喝起上來沒有什麼特別。以工廠區來說，這個午餐，都不算太過昂貴，還算可以接受的程度。…查看更多

今次係我第二次去呢間所謂冰室食嘢，上一次感覺味道ok，但係比較貴，唔係太值，本身冇諗住再去 。今次去，係因為受疫情影響，隔離左右都喺weekend關了，所以冇得選擇之下，唯有食多次。Lunch time叫咗金針雲耳蒸雞飯，等咗一段時間，碟蒸雞嚟到嘅時候，食第一啖完全唔熱，只係室溫，我完全唔明白，究竟個餐出咗幾耐冇人拎嚟，先可以凍到咁？之後我立即問阿姐可唔可以幫我叮一叮翻熱，佢攞咗碟蒸雞返去，結果等多十五分鐘佢先拎返嚟(應該係再蒸過，同埋一定係同一碟，我認得)，嚟到時，我碟飯已經凍晒(15分鐘咩都凍啦)，但我已經冇時間，好驚又要等，結果我只能夠狼吞虎嚥地用熱雞配凍飯，好快地食完，最終遲到返公司。絕對係一個不快嘅經歷，下次就算其他食肆冇開，都不會再去。btw，唔係冰室，就唔應該叫自己做冰室。…查看更多

呢間餐廳係區內都算新新地諗唔到食咩 同同事就諗住試下呢間而且呢間多位城方夠大 所以lunch hour都唔怕無位睇左好耐 都係俾扒餐吸引但係雜扒定牛扒之間掙扎左好耐最後 why not both我地仲見到呢個鮑魚花膠撈飯好似好正咁話出糧日要黎食先得其實都係想飲碗湯凍凍地天氣忌廉湯正常幾好味餐配湯同餐茶同事叫嘅雜扒 都幾多幾豐富兩塊扒煙肉湯仔薯角仲有飯！我嘅牛扒薯角跟飯不過味道就一般 唔算好好食 份量就好足$70黎講感覺有d貴…查看更多

少有黎到觀塘區，周圍都係工廠大廈，見到冰室二字吸引我入去食，唔知係咪真係有冰室feel呢🤔⋯⋯我叫左3003 日式肥牛大碗飯($55)配是日餐湯(羅宋湯)及($3)凍檸茶少冰少甜。未講食物之後，依間冰室係工廠區附近，位置唔算近地鐵站巴士站，係商場隔離。見到冰室二字吸引我入去，入面好大間，但係11:30入去竟然無乜人，裝修完全無冰室feel，有啲失望，普通茶記咁囉⋯⋯日式肥牛大碗飯($55)，價錢一般，附近餐廳都係差唔多，賣相一般，有啲配料，多啲唔同顏色，但係擺位就麻麻哋。肥牛有4-5塊左右，都大件，不過肥牛有啲”銀”，一般冰鮮肥牛或者平時打邊爐個啲肥牛。好在個汁救返個肥牛:)，一啖肥牛飯同埋汁食都唔差，不過下次唔會再叫依個餐，普普通通⋯⋯羅宋湯就正正常常，有啲湯料，叫完餐好快就黎⋯⋯依間無冰室feel，普普通通一間茶餐廳，附近應該有更好嘅選擇😉⋯⋯…查看更多

觀塘食午餐地方好多，但係又要經濟又要好食又唔駛排隊既就真係好難搵， 360 新裝修，地方又大又多位，食物選擇唔算多，但快快食完開工都ok, 同事叫左個日式肥牛反就真係多椒得肯，大路义燒蛋反不過不失，平平地可以幫襯下！:)…查看更多

平日係觀塘諗lunch食乜真係一大學問，皆因太多選擇，今日行過見到呢間新開就入去試下。一行人叫左雜扒餐，肉眼扒同牛肉大碗飯，雜扒餐份量OK，有飯仲有薯條，牛肉飯就略嫌太多紅綠燈椒，但味道正常。睇佢menu仲有鮑魚花膠撈飯，下午茶有棉花糖多士，夜晚就有粥底海鮮火鍋，睇下有冇機會再試，完。…查看更多

星期日喺觀塘上堂，lunch time與同學仔㨂左呢間茶餐廳試，呢度頗大，好多枱，座位間都好寬闊，坐得都算舒服！星期日中午唔算多人，所以出餐都算快，我叫左個海南雞飯+燉湯！海南雞味道唔差，如果d醬可以多幾款就更好，飯既質感一般！最初跟人頭上羅宋湯比我地，我仲以為送錯，心諗冇所謂，因為我都鐘意飲西湯，點知個飯食到一半，燉湯先到，所以最後我飲左2碗湯😂但係個燉湯真係超級多油，多到未揭蓋已經見到成個邊都係油，最後片左好耐先片走曬d油，味道ok, 如果冇咁多油會好好多囉！…查看更多

說成業街有新冰室，去試試看，星期五都想食好啲，行去遠啲食飯，人數唔多係可以嘅。用了不少在裝修上，都係一啲特色嘅港式元素，有香港街景，希望做出香港情懷同感覺。咩都有，中西港式，無特別有咩午餐之選，反而睇你想食咩就係咩，最重要都係食物質素。我地都係叫左茶餐，同事點嘅係叉燒意，叉燒一般。我係沙嗲牛麵，兩個都係47元。坦白講麻麻，無個種好好味嘅感覺，好普通。對冰室係有高啲要求，係有啲唔知點，西班牙奄列內係洋蔥再加菇，加埋怪怪地。茶走，都係一般。…查看更多