影片
招牌菜
由于放唔到相, 所以只能作口述黎说明啦...23/8 而是第二次去呢间到食野. 但今次主要试main course, 因为第一次去食既宵夜, 所以都唔系试左好多野...但今次就试左2个小食 + 2 个main course..本想叫烧鸡, 但因为佢话要预订, 所以当日已经卖晒...所以唯有下次再食..小食有 - 主打 (松露薯条) + 芝士条 + chicken wings...松露薯条真系冇得输, 佢仲左白松露油整, 再配上黑松露酱, 好香好食...上面再洒上小小既cheese同black papper...真系食极都唔腻...所以当食左薯条之后, 再食芝士条, 个味道就差晒啦..虽然芝士条热辣辣个阵食真系超正, 正既位系佢既cheese可以好似pizza hut个广告咁...拉....晒d cheese出黎....但味道唔够浓...加上个皮厚左小小...CHICKEN WING方面冇咩特别之处, 味道唔错...MAIN COURSE 叫左个三文鱼 同牛扒...两个MAIN COURSE都唔错...牛扒虽然五成熟..但都好有口感, 好香肉....三文鱼方面, 都较清淡...但肉质唔够林....唔够糖心感觉....20/9 - 再去帮衬, 因为非要食到烧鸡不可, 因为老板话必试既食物..但的确有superise, 因为大家都知依家好少人用活鸡做食材架啦...因为成本贵..所以大多数人都系用冰鲜鸡, 而呢到虽然系用冰鲜鸡..但味道真系唔错...juicy, 而且烤都个鸡皮岩岩好..脆卜卜...而且唔会过㶶...d 肉质食小小实, 但咁先有口感...好香好食...难怪咁多人去食都系叫烧鸡....真的唔错唔错...加上晚上饮酒, 佢地都有d好正既德国啤..(虽然我唔饮得), 但朋友试左都话冇咩地方有得饮...大家都可以不防一试....p.s. 老板同chef都热爱摇滚...所以餐厅background music以rock为主...同有部分食物都系以rock为名...
继续阅读
朋友从九龙入黎，紧系带佢去鸡地揾下食，见呢间没人等位，入去试下，我地一行3人，点了2个肉丸意粉，点知黎错左个鸡肉长通粉，老板知比错都话换番比我地，不过我地话算，唔换啦，老公点左鱿鱼意粉，鱿鱼得2旧都唔知有没，个鸡肉长通粉煮到好油，个汤我饮左2啖都唔想饮，价钱就唔太贵，3个人都系173蚊，但60几蚊都唔值
继续阅读
一个想寻找点新意的晚上..跟Mr.Lee来了元朗这间小店..骤眼看似普通drink bar..极易”眼大睇过龙”就咁行过左..不过唔算难揾~可能到达时间尚早..唔洗等位就入得..但店面唔大..好易full..迟一步到就要坐outdoor~主菜点了刁草忌廉烟三文鱼阔面、南瓜汁大虾带子意大利面；+$25配dinner set..沙律选了烟三文鱼凯撒沙律、饮品选了Orange Squash；中途加点了小食软硬芝士条。先来前菜烟三文鱼凯撒沙律..烟肉粒芝士沙律汁的比例OK..菜亦新鲜爽口.. 作为前菜..烟三文鱼的份量亦足够..整体而言是个出色的沙律~可能我俩唔好香草..感觉刁草忌廉烟三文鱼阔面中香草味略强..稍有喧宾夺主之感.. 忌廉则非常香滑、浓淡合宣..除三文鱼份量足外..作为配菜的露荀很新鲜..是一小惊喜!Mr.Lee的南瓜汁大虾带子意大利面略胜一筹..烧大虾很得他欢心..边食边点头..而带子同样出色..大大粒之余亦十分鲜美.. 南瓜汁不算有很突出的南瓜味..但已令人满意..特别喜欢其细滑口感~软硬芝士条是近用餐尾声才加点..类似炸鱼手指..外面是脆脆的炸粉..包住软绵绵的芝士..味道不错..不会太腻..但必须share..一个人食会太滞..由于加热后芝士呈半溶状态..咬开芝士条时会有拉丝效果ga~饮品Orange Squash味道类似橙味梳打..但偏酸一点..我觉得一般.. Mr.Lee表示ok~Overall: 店舖不大..但有梳化、高椅、outdoor等座位选择..而且有电视可以睇..刚好今次坐近厨房..见厨师烹调亦十分用心..临走时其中一人问我们餐后评价..感觉贴心..是次感觉满意..期待下次再试~
继续阅读
之前见到开咗呢间西餐，都想去试下，但一路都懒行去试(离屋企比较远)，终咗的起心肝去试，因为我好钟意食意粉，见啲食评话意粉唔错啦，点知就中伏呢间餐厅既menu款式比较少，唔系太多嘢啱，叫咗2款，1个叫带子虾墨汁意粉，1个叫海鲜墨汁意大利饭，2个既名唔同，点知啲嘢系1样既，都系1粒带子+1只虾，咁点解1个叫海鲜，1个叫带子虾，都算，最惨系唔好食啰，好咸，带子同虾都好似无咩煎过，搞到只虾仲有啲腥味....terrible...食咗1/3食唔落，令我一出门口又肚饿，仲俾男友话我点解叫去食呢间最后埋单诚惠2个人$320 (1个饭+1个意粉+1杯啤酒+1杯梳打)，无任何餐汤，好食既话呢个价钱系无问题，但系咁既质素，请我食我都唔去啰，真系好耐无食过咁难食既嘢
继续阅读
元朗开左好多新野，不过我食黎食去都系果几味，早2日上openrice一转，见到大家既feedback都唔错，决定一试。揾呢间餐厅揾左一轮，先知道远在天边近在眼前……喺正新元中落黎条天桥转右就系，成日经过以为只系一间snack bar，无谂过入面卧虎藏龙。晚市点任何意粉加廿几蚊就有沙律同饮品smoke salmon cesar salad加钱有既沙律点会送块大大块既三文鱼俾你丫，佢既dressing唔算好香浓，落既份量唔多，岩怕肥既女士们。Grape sodaice chocolate原本想试下orange squash但佢地话冇晒橙汁佢地推介lime soda但我又唔钟意lime其实我唔饮有汽野，但呢杯佢整得好好饮！唔太甜又够晒冰冻，饮晒成杯呀最后！冻朱古力冇咩特别，仲要加钱，大家不妨试下soda!带子鲜虾墨汁意粉呢个超好食！一上枱已经香喷喷！建议大家唔好咁为食即刻放入口，因为好热！连粒带子都要分3啖食，可能佢地真系有诚意炒，唔系预先整好加落去！另外想赞既系意粉，超有口感，即系烟un果只！对上一次食呢啲口感既意粉系喺高雄，估唔到喺元朗都揾到！黑松露野菌意粉呢个汁有少少漏，不过个意粉口感都一样正！野菌都几多，岩素食朋友！总结：一开头去到门口，见到里面得一枱食客，我男友唔多想入，觉得冇食客既餐厅好食有限，难怪，夜晚成9点都得1枱客系少啲，但事后男友都忍唔住话：元朗真系冇呢啲野食！3 Time我觉得真系值得支持，每上一样食品佢地都会check back番你睇下岩唔岩你口味，做生意黎讲都好有诚意！听讲lunch都几抵食，我会再去试！
继续阅读