影片
港铁佐敦站 D 出口, 步行约9分钟
继续阅读
电话号码
23177781
96538831
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
有关奖赏计划
优惠
今次嚟到呢间新开嘅特色餐厅～佢只要系用三条须做主题🫢入边基本上都系围绕着八爪鱼、墨鱼等🤣感觉都几有趣～1.深海沙律$88一开波我哋叫咗个沙律开下胃口先～沙律入边竟然有蓝芝士粉，几香芝士味，真系几特别！入面有面包粒、青苹果🍏蕃茄仔、，水蜜桃🍑～唔少得就仲有鱿鱼🦑做主角～～成个沙律酸酸甜甜，都几清新机Fresh🫶🏻2.生蚝清酒忌廉汤$98呢个汤真系好有惊喜，个汤入边只生蚝劲肥美，生蚝唔会煮得太熟，都仲系爆晒汁😍忌廉汤都好有浓烈嘅生蚝味，配搭饼干条沾汤食～真心觉得唔错3.西班牙式吹鱼筒清酒炒虾8只 $98呢条都几有惊喜，啲虾好大只，有啲似酒楼嘅炒大虾🍤水准，几弹牙爽口，有少量鱿鱼筒配搭，仲有啲风干嘅香肠，香肠有啲似肉干嘅感觉，都几特别，个汁辣辣地，个味道都几特别～唔错👍4.3松名物卷$288呢个刺身都几新鲜，旁边仲有黑鱼籽、三文鱼腩、海胆、吞拿鱼伴碟，好少见到呢啲高级食材系做伴碟嘅角色～～中间有几件寿司，寿司饭自带酱油，而且饭团入边夹杂着葱，都比较少见～5.3须墨汁扁意粉$148有三粒大大粒嘅带子，都几大碟几饱，扁意粉份量好多，所有扁意粉都包裹着墨鱼汁，表面有啲蔬菜类切丝扮扁意粉，作为配饰，都几特别～～唔会太重口味，可以直接食到墨鱼汁味～～😝6.不是章鱼丸（甜品）$48本身以为佢系章鱼丸，但系又见佢写住甜品，所以我哋又试下😍表面同章鱼烧一样有烧汁、木鱼同沙律酱～点知咬返开系汤圆嚟😍😍都几搞笑😝😝整体来讲，今次呢餐都算几有惊喜😍都系一间比较有创意嘅餐厅，所以都值得支持～👍有机会都可以再嚟试吓佢其他嘢食🫶🏻
继续阅读
周末喜欢游走尖沙咀，从前的韩国街，现在已经扩展到横街小巷，很多有特色的食店。其中一间西式日本菜餐厅，三须料理，位置于尖沙咀漆咸围，感觉特别 chill。店面整洁卫生，座位宽敞舒适，装修有格调。怀旧电影院烤鱿鱼$48（辣）从前八九十年代去戏院睇戏，门口一定有一档车仔烤鱿鱼🦑有辣辣豉油，就系呢种味道。我最喜欢港式烤鱿鱼，肯定是新鲜制作，烧至脆皮的，外皮口感酥脆。深海沙律(墨汁吹筒仔青苹果蜜桃蓝芝士） $88没想到深海沙律正宗好味，可以品尝到墨汁吹筒仔，鲜味弹牙，清新爽甜青苹果蜜桃，浓郁的蓝芝士洒满沙律菜上。3须名物卷 $288餐厅一款好Signature 的 Sushi Platter ，卖相吸引，打卡一流。每日新鲜刺身，吞拿鱼蓉肥瘦均匀，入口即溶，一啲都唔油腻。海胆入口即化，是顶级的享受。我们俩食到停不到口。主要菜式拖罗也十分出色，带子刺身肉嫩，鲜美多汁，三文鱼脂肪丰厚，每一啖都充满了鱼油的香味。一直都好想试下呢间三须，真系名不虚传。好食而且价钱合理，搭配得非常好，真心好食。樱花虾 虾子 XO酱 鲜虾 意大利粉 $168鲜虾 意大利粉火喉刚刚好，有虾子 XO酱 提鲜，中和油腻感，樱花虾意外地足料，同时把鲜虾的鲜味也带出来了。甜品 Tiramisu原来有隐藏 Menu，甜品Tiramisu有惊喜，甜度恰到好处，口味十分满意，绝对系有质素。
继续阅读
同事发现尖沙咀开左间新餐厅，约埋我放工一齐试新野🫶🏻环境新净企理，入到去有一种好舒适自在的感觉😌🎭怀旧电影院烤鱿鱼口感烟韧香口，有少少炭香味，点埋芥末豉油一齐食又几过瘾🤣🌊深海沙律吹筒仔弹牙，芝士味香，入面仲有青苹果蜜桃🍑清新香甜☺️夹埋酸酸甜甜嘅酱汁一齐食好开胃😆🍲老火忌廉汤 （粉葛莲藕章鱼汤） 中西合璧🤣，好creamy 好好饮，配埋饼干条沾汤食，几特别几creative🫶🏻🍝 樱花虾 虾子 XO酱 鲜虾 意大利粉🦐虾又大又鲜甜，意粉质感煮得都好弹牙，夹埋劲多既樱花和虾子又有口感，加埋XO酱就更惹味😋🥩烧澳洲和牛扒 伴阿根廷青酱汁 及 西班牙式吹鱼筒烧薯 和牛扒好juicy🤤外层微微焦香，肉质鲜嫩，五成熟真系啱啱好，一d都唔油腻，沾埋青酱汁食yummy😍最后叫左个焦糖菠萝🍍，烧得好好，劲甜劲多汁😋
继续阅读
餐厅位置上稍稍远离尖沙咀嘅核心地带，但系大家只要行几分钟过到嚟漆咸围，就会发觉呢条街简直系闹市中嘅瑰宝🤭呢一带有好多间特色食肆痴埋一齐，今次呢间3须料理亦系高质素嘅推介😄深海沙律深海沙律有墨汁吹筒仔、青苹果、蜜桃、蓝芝士，入口第一感觉系味道酸酸甜甜，口感呈现咗好多层次🤤整体配搭非常富有营养，系好开胃嘅前菜👍老火忌廉汤粉葛、莲藕呢个黄金中式汤水组合我谂大家都饮得多，但系讲到将佢同忌廉汤拉上关系，就万万都冇谂过😀咁大个仔真系第一次试，成件事完全冇违和感🤣3须名物卷卖相非常精致，同一般食刺身/寿司嘅摆盘好大差异🤣净系打卡都已经有好多唔同角度😬无论系海胆、三文鱼、吞拿鱼、带子，每一件刺身用料都好新鲜，系餐厅必试之选😍而家谂返起都流晒口水😋樱花虾虾子XO酱意大利粉樱花虾配上极度惹味嘅XO酱，虾肉肉质好爽口，每一条意粉都渗满浓郁鲜虾味🤭成个配搭创新之余但又好夹😈不是章鱼丸外型卖相十足十章鱼小丸子咁，点知内里其实系芝麻汤圆🤙🏻馅料渗出香浓芝麻香，外脆内软嘅口感非常有滋味🤩怀旧电影院烤鱿鱼烤鱿鱼呢项香港传统怀旧小食，口感又香又脆，相信大人细路都钟意食👻可以烤到外层焦脆，但又不失鱿鱼应有嘅鲜美绝对唔容易，配上Wasabi进食更加系锦上添花🤪
继续阅读
餐厅都系朋友揾我先知道喺边，佢话意粉最好食，我今次最满意都系个意粉。‣ 怀旧电影院烤鱿鱼 $48烤鱿鱼都几得意，鱿鱼干令我谂返起海洋公园，平时闻到好香𠮶啲。鱿鱼干本身好弹牙，细细条咁样食搭配酒应该一流，可惜今次唔饮酒。‣ 深海沙律 $88蜜桃、青苹果阵味都唔会好抢，仲可以帮到啲海鲜提鲜，蔬菜本身都好清新。‣ 老火忌廉汤 $58‼️超级推荐‼️我自己都几钟意呢个粉葛莲藕章鱼汤，佢系中式嘅汤，但系用咗西式嘅煮法，出到嚟个效果我超级钟意，不过可能因为我本身都好钟意饮老火汤。佢嘅粉葛莲藕味真系好中式，但你饮落去𠮶种秾稠度就好似饮紧法式龙虾汤咁，连埋个grissini都好有感觉。‣ 樱花虾虾子XO酱鲜虾意大利粉 $158‼️超级推荐‼️ 佢啲pasta煮到al dente嘅口感，而且同个汤一样都系中式嘅材料煮到西式嘅味道，平时虾子捞面就食得多，但系捞意大利粉都系第一次，连买啲樱花虾同埋XO酱成碟意粉真系超级惹味。反而虾系呢碟意粉入面就变咗配角，但系冇咗配角就会失色好多，有咗佢先衬托到个层次感出嚟。‣ 烧澳洲和牛扒伴阿根廷青酱汁及西班牙式吹鱼筒烧薯 $283牛排用咗两碌棍叉住都几得意，烧得唔错，咬落去啲肉唔柴。而佢本身面头已经有青酱汁，所以其实就算就咁食已经好正。而佢嘅烧薯有啲似平时食到嘅焗薯，同样都系薯蓉但系带点粒感，个汁都几唔错，可以平衡到食得太多青酱嘅腻感。‣ 焦糖菠萝 $48菠萝超级超级甜，而且再加埋出边𠮶层脆卜卜嘅焦糖，有种食冰糖葫芦嘅感觉，但系咬落去真系外脆内软。由于菠萝本身好好食，所以加咗好多分。
继续阅读