影片
昨日（26/5/2021）来凤德揾食，知这餐厅开业无耐，见餐厅内都有几枱客，及放在门口的餐牌，价钱都吸引，宜家重有二十几蚊连饮品早餐，便食个早餐。入到去坐下，等咗一阵都无人比餐牌，焗睇贴在墙上餐牌，但就无咗门口二十几蚊既早餐。点了二份早餐，早餐上枱时间慢，饮品就更慢，味道一般及偏咸，多士唔脆，应该焗咗好耐。
继续阅读
今日下午茶又生炸鸡髀餐，因为戒粉面饭，今星期分别试咗三间鸡髀餐！呢间鸡髀餐算最好！鸡髀生炸得唔错，首先皮唔会炸得太硬，鸡肉唔会太干仲有少少肉汁，味道刚好！沙律材料及酱汁也不错！奶茶茶胆比较浓，我走糖有少少涩，加糖应该较好！
继续阅读
往往在下午茶时段，在茶餐厅叫粉，面，饭的下午茶餐份量都系比正常餐的份量少3分1甚至3分2，而呢间茶记的下午茶餐供应嘅食物份量却出奇有正常餐水平，如果在接近18O时段叫呢种下午茶餐，个人直情可以当成是该日的晚餐食法，而该食店亦没有将货就价，茶和主食的味道亦算好味，个人认为水准最高的主食是，干炒牛河及星州炒米以$37呢个价钱，可以讲系超值好食但要注意该店逢星期一休息。
继续阅读
麻甩底嘅我最钟意就系去茶餐厅😂😂今次同朋友早餐时段经过，见佢新开，门面格局都几好，所以就入去试试🤤😍茶餐厅就必食沙嗲牛😍呢个沙嗲牛都好出色，几浓，牛肉唔韧，份量都几多，叫咗一碗跟面，一碗要米粉🤤好入味，啖啖都食到沙嗲香😍😋猪润米粉亦唔错！咬落冇腥味，几好食！除早餐跟嘅奶油猪拼火腿奄列/肠仔煎蛋/煎双蛋，都算合格😋奶油猪扣分系唔够热，D牛油唔溶，练奶都多，面包口感唔硬，正常脆。可能新开，楼面比较混乱，落单都要D时间，厨房有D煮唔切情况😅，但都可以接受。会再返兜！🤣🤣
继续阅读
下午茶去左呢间，10分左钟左右就安排到位，坐低叫咗个炒面同热狗，等咗15钟左右食物就到，味道ok，系咸少少。只系，有个中年女员工态度令我好反感(其他员工冇问题)。当时铺内唔算多人，入座时见到座位上有倒泻饮品嘅污积，于是我好声好气想叫𠮶位员工比几张纸巾我自己抹一抹，佢叫我等一等，点知一等就个几字，期间佢周围去帮人落单无视咗我，我就企喺餐厅走廊等佢个几字(绝对唔会系一时唔记得左，因为铺面开扬，有客人企起身个几字一定全场都见到)。唔紧要，不过最后𠮶位女员工将成栋未开过嘅纸巾大大力就咁掉系我枱面，就走左去，即系想我帮佢fill埋纸巾咁话？本身比佢无视咁耐已经燥燥地，仲要用咁嘅方式比纸巾我，即刻嬲到我弹起。我知客唔系大晒，员工真系唔得闲我咪等阵啰，问题系铺内员工有好几个，下午茶客量又唔算多，我都冇话佢张櫈比饮品倒湿咗都唔清，佢就黎发返我脾气先？唔系呱？就算几好食以后都唔会再去。呢个铺位嘅茶记转过几手，以前几手整体都唔错，今次呢手系印象最差。可能3好茶档系唔包礼貌好啦。
继续阅读