2DP (已結業)

新派素食🤩之前食過一次2DP，當時覺得比較淡味，今次再試有驚喜！ 《忌廉牛肝菌碎肉素闊條麵》好creamy，好多肉碎。一上台已經有好香既菌味，食落啖啖都係汁包住每一條麵，完全唔dry，好足料，必試！ 《經典Impossible素牛漢堡》 成個burger都好巨型好足料，唔鐘意食素既朋友都表示好味，塊素肉有肉既質感，但無肉既騷味同油膩感，推介！《荔枝西柚烏龍》少甜少冰左之後都唔淡味，不過荔枝味就少左啲。 《泰式奶茶刨冰》試左個新品泰式奶茶刨冰，質感好得意，有好重既茶味，還原度幾高，夏天食最啱。 總括黎講，主打素食的話款式都好多，質素幾好，好多都仿似真肉一樣。

今日真係滿足到一個點🤣🤣🤣大胃王並唔係浪得虛明！！走咗去呢間餐廳叫咗一個芝士炸雞定食，再嚟多一個雪梨桃膠糖水😻😻😻😻😻😻🙀首先講吓個主食先其實佢嘅份量都好多，有湯、有拌飯、仲有炸雞～淨係見到隻太陽蛋已經覺得好吸引👻👻佢嘅芝士好充足🤤🤤🤤好好味重點係佢嘅雞肉其實係素，啱晒素食嘅你！另外就係雪梨雪耳桃膠糖水，係超級養顏～好大個雪梨🍐估唔到我真係可以殲滅🤣🤣🤣另外不得不提嘅係我升級左叫咗一杯熱飲，就係桂圓紅棗茶，本身諗住佢冇乜味，點知都幾深刻！好香甜😎😎😎我咁啱去嘅時候仲有八折添！✌🏻✌🏻✌🏻✌🏻✌🏻

喺厚德街經過好多次， 成日都見好多人幫襯，今次被吸引入去了，初頭以為是一間文青cafe， 原來是一間素食餐廳， 不過比傳統素食餐廳更有創意和新穎，甜品亦都好好食， 見到有啲人夜啲先入嚟係專食甜品原隻菠蘿炒椰菜花飯($188)， 唔好畀佢個名呃咗，入邊係冇飯嘅，係用切碎咗嘅椰菜花配菠蘿、碎肉鬆、提子乾和雞蛋絲造成， 雖然飽肚感比一般炒飯低， 但口感非常好， 感覺很清爽滿足， 而且低碳，非常適合瘦身人士忌廉牛肝菌素肉碎闊條麵($118)， 個樣非常是正， 食落很香，橫睇掂睇都唔似係用impossible meat 所造成， 但闊條麵質感比較厚實， 食到最後會有一點heavy 火龍果紅茶乳酪($42) 是招牌飲品， 紫紫紅紅， 打卡一流，第一口火龍果味道不算太突出， 但味道慢慢出來，而且帶乳酪酸味，與火龍果十分配搭泰式奶茶遇上豆腐花($58)是餐廳新出嘅甜品， 香滑泰式奶茶，唔太甜， 混合有珍珠、寒天、芋圓和豆腐花的碗裏， 好match， 創新味道，好食

近來都非常流行素食，而在尖沙咀鬧市中我們就找到這一間素食餐廳。 我們二人點了鰻魚定食忌廉素雞肉闊條麵，鐵觀音抹茶布甸阿法奇朵芭菲，桂花烏龍奶茶和拿鐵咖啡。先說說主食鰻魚定食， 由於是素菜關係鰻魚是由新鮮的茄子製作而成，雖然是茄子製作的鰻魚但整個效果都非常之意想不到。入口的味道跟蒲燒鰻魚的味道很相近，雖然口感跟真正的鰻魚有少少分別，但整體的觀感以及味道上跟鰻魚可以說是幾乎一模一樣。 而且整個定食還有其他沙律菜，玉子燒，南瓜泥以及香口的白米飯配上藜麥， 菜色豐富而且味道可口，十分推介～另一個主食就是忌廉素雞肉闊條麵，這道菜的外表跟真正的雞肉闊條麵可以說是一模一樣，而且素雞肉和真雞肉的口感味道也十分相似，很適合素食者。 闊條麵烹煮的時間剛剛好令到面條煙韌有口感，而且店舖所製作的忌廉汁都非常之濃郁可口， 配上素雞肉可以說是一道非常出色的素食～甜品方面我們點了鐵觀音抹茶布甸阿法奇朵芭菲， 食品的外表已經非常吸引，而且這一個甜品很獨特，因為在其他地方都不會使用鐵觀音，這一家餐廳就會附上一杯細細杯的鐵觀音，吃之前可以先加少少鐵觀音，令到巴菲杯內的布甸以及脆米等都會充滿濃濃的茶香味，而且雪糕是餐廳自家

2DP都不知道吃了多少次了！這天同朋友來試試其他素菜和甜品呢～中午的餐牌會比晚市少一點，還有些套餐提供，較為抵食呀。朋友減肥點了份牛油果羽衣甘藍沙律，份量都不少呀！再加配了杯Matcha Latte，有美美的拉花，打卡必備啦～講下味道先，醬汁酸酸甜甜，加上生的爽脆的羽衣甘藍，好fresh好開胃呀！小編就點了份日式定食，有湯、主食及小食。主食是炒雜菜配飯加炸過的羽衣甘藍，而小食是冷豆腐。羽衣甘藍好香脆，面上應該加了蛋黃，口感好特別呢～最後是甜品時間！今次決定點份咸蛋黃Waffle！本來以為咸Waffle會好怪，但原來是好夾的呀～少少咸香，又不會膩！

若要吃素食，又想吃得潮一點，可以考慮到尖沙咀的2DP。星期一至五晚上六時前離座，光顧午市套餐及甜品，就可享8折優惠，更加抵食。選擇了impossible素牛漢堡配薯條作為主食。 漢堡包有一些項目可以追加，例如烤新鮮菠蘿或烤大啡菇等等，我選擇了專為純素奇亞籽漢堡，不含蛋奶， 很適合 素食人士或對蛋奶敏感的食客。 食物即叫即製，需稍等一會。 漢堡包烘得香脆，奇亞籽香味獨特，一試難忘。impossible 素肉是口碑之選，口感和味道果然不負所望。中間各款配料讓整個漢堡口味更佳。旁邊的薯條已灑鹽，咸度剛剛好，而且脆口，是新鮮即炸的滋味。小食是牛油果素蟹肉焗燒烤菇配純素芝士醬。 擺盤是很豐富的感覺，食落亦是如此。 用料豐富不在話下， 各種食材不同質感配搭得宜， 味道濃淡亦控制得非常之好， 不會有單一食材太過搶。 雖然用料很多，但不會有滯膩的感覺， 很適合配搭主菜的小吃。飲品upgrade了做桂圓紅棗茶。 份量十足，而且熱度足夠， 在這乍暖還寒的日子飲用，非常適合。 桂圓的甜味十分吸引，欲罷不能。

朋友知道我較少茹素，但係都向我推介呢間素食餐廳，佢話一方面係好食，另一方面話我應該多食素，咁啱喺厚福街，雖然唔係好肚餓，但係都決定去試吓😆叫咗$98嘅「士多啤梨🍓配奶油醬窩夫🧇配鐵觀音 Gelato🍦」，加$12要杯Mango Soda 😋Waffle 好快就嚟到，成個 Presentation 好靚，頗為吸睛🤩；窩夫🧇暖暖哋脆脆哋，配凍冰冰嘅 忌廉 同 Gelato 一齊食 (Gelato 同 Ice-cream 唔同，到依家似乎都冇一個好合適嘅中譯😅）非常好味😋，Gelato 唔係好甜，有濃郁鐵觀音味，好正😋。Mango Soda 有少少芒果肉喺裏面，幾 Refreshing 😋。遲啲會再嚟試吓甜品以外嘅食物😋

琴日同朋友係尖沙咀想食鮮芋仙，去到發現超級多人(;´༎ຶٹ༎ຶ`)所以就去咗對面嘅 @2dp_tea_n_veggie ，本身以為呢間餐廳得水果刨冰，點知原來都有QQ嘅芋圓冰，仲要味道好有驚喜，一啲都唔比對面遜色！. 綜合豆乳刨冰🍧$88刨冰係好似椰絲咁嘅冰，食落去超濃厚嘅豆腐味，因為呢間餐廳本身係素食餐廳，所以佢嘅刨冰冇用到牛奶而用左豆乳，但係我超鐘意！！！（亦都係因為呢個原因我覺得呢到嘅冰好食過鮮芋仙）( ˘ ³˘)♥配料方面有珍珠、芋圓、寒天同⿊糖蕨餅，芋圓同寒天正正常常，但係珍珠超煙韌！黑糖蕨餅呢間都做得唔錯，唔會話太淋，不過如果有多啲就好啦。.總括而言：我真係好鍾意佢個冰嘅味道，不過價錢真係有啲貴,份量亦都唔算好多(;´༎ຶٹ༎ຶ`)有錢時可以一試haha.

【 #新派素菜】平時食得肉多都鐘意食下素菜平衡下，間唔時食下素菜對腸胃都好好架，令身體負擔冇咁重。之前同朋友都黎過 2DP 食佢地嘅新派素菜,今次就帶埋小寶同婆婆黎試下。是日點餐： 原隻菠蘿炒椰菜花飯：滿瀉嘅菠蘿飯上枱好吸睛，表面鋪上滿滿帶甜味的素肉鬆及雞蛋絲🥚，下層的椰菜花🥦炒至乾身，口感非常像真，完全代替米飯🍚，遠看似飯，咬落是菜，口感綿密，飯夾雜鮮菠蘿粒，香甜多汁💦，增加了飯粒濕潤度，加上素肉鬆、香脆腰果、提子乾🍇，食落口感好豐富。生酮全日早餐：牛油果🥑沙律、羅馬串串蕃茄🍅、超級食物天貝等等，食物種類好豐富、colorful,食落好fresh ，食曬全份都唔覺膩。招牌蜜瓜牛乳刨冰： 圓碌碌外貌好可愛，夏天食仲好清甜透心涼添喔 ～舖滿香甜嘅蜜瓜波波，底層係冰凍嘅牛乳雪花刨冰，飯後甜品感覺好消暑健康 。芒果特飲： 香濃味美嘅芒果沙冰特飲，再加上冰凍奶蓋，好爽喔 ～2DP - Tea & Veggie地址: 尖沙咀厚福街12號地舖 (2DP)

放假跟朋友到尖沙咀厚福街覓食😁 到了勁chill的2DP，餐廳環境簡潔光猛，以白色為主調。餐廳主打西餐及甜品，最特別是有多款素食選擇。吃素的朋友，推介去試試。.食物方面，生酮All Day Breakfast真心豐富及健康，有炒蛋，烤甜薯，菜，大啡菇，半個牛油果，水果，仲有亞麻籽布甸。成個set沒有肉，但非常飽肚，每樣材料都新鮮健康，好岩瘦身女士們食。🥗 All Day Breakfast 生酮版 $138🍟 黑松露薯條 ＄78 薯條份量好多，而黑松露醬比較膩，所以即使好好味，我哋3個女仔都食唔哂。🧁 士多啤梨配奶油醬窩夫·鐵觀音雪糕 $98 呢個真係好邪惡，但好想再食多份。窩夫夠脆，鐵觀音雪糕的茶味夠濃，奶油香滑，士多啤梨雖然勁酸，但個醬剛剛好。整體非常滿意。

💛黑松露薯條（$78）大大份既薯條炸得香脆可口，上面仲有啲蔬菜同埋車厘茄，可以裝飾之餘仲有好清新嘅感覺～本身薯條上面有啲黑松露醬，不過額外都仲有一大兜醬可以慢慢點！雖然佢係小食，不過真係好大份，所以建議可以大約四個人share都得～💛忌廉牛肝菌闊條麵（$118）呢個係呢間舖頭嘅招牌菜黎，醬汁好入味而且好creamy~闊條麵嘅軟硬度適中，除咗有牛肝菌之外仲有少少素肉碎，味道同真嘅肉冇大分別～💛流沙鹹蛋黃燴飯配炸豆腐（$138）每一粒飯都帶有超級邪惡嘅鹹蛋黃香味，不過未至於會令到人好快口乾/好快覺得好滯。啲飯咬落去軟腍腍，同外脆內軟嘅炸豆腐口感好夾✨喜歡素食嘅朋友不妨考慮一下

眾所皆知女士們不嬲都有兩個胃，今次嚟到尖沙咀推薦大家嚟到呢一間2DP 為大家既2nd 胃充下飢。。🍧蜜瓜牛奶刨冰，平時嘅牛奶刨冰都係刨完冰後再加牛奶，但2DP嘅就反傳統咁將牛奶雪成冰，然後再刨成雪花狀既刨冰！所以佢既牛奶味非常濃郁，而佢既口感都好軟順綿口，入口即融又唔會融得好快，增更令到我呢一個愛吃甜品又怕太甜既小女生非常之咁滿意‼️再加埋佢會伴上一個爽口多汁既蜜瓜，簡直係一絕，而佢既蜜瓜都好新鮮香甜🤤🤤🤤🤤。🧇佢嘅另一道甜『品蘋果焦糖配奶油醬窩夫伴香草雪糕』。平時喺出邊食既窩夫既窩夫醬上面啲cream好容易會覺得太甜，但係佢既cream +雪糕就唔同喇，外脆內軟嘅窩夫，表面鋪上雪糕，我諗到比kinder 繽紛樂更脆一脆同滑一滑！最重要係佢同蜜瓜牛奶刨冰一樣不會覺得太過甜膩。加上佢既焦糖味道好夾個窩夫，打卡一流，好推介大家都黎試下🌟🌟🌟 Yummy😍😍😍

尖沙咀素食新主義😍平日大魚大肉😂甘就試下素食😇聽講依間素食都叫唔錯😌平日晚黑仲有人排隊黎食晚市🙈今次見到無咩人就試試佢❣️.流沙鹹蛋黃燴飯 $138鹹蛋黃真係煮咩都好食😋惹味係基本🤣配埋豆腐,真係好好食😃極力推介.茄香猴頭菇蒟蒻麵 $106蒟蒻啫喱食得多，麵真係第一次食😂啲味主要係靠個醬汁😂平日啲猴頭菇用黎煲湯😇完全估唔到可以煮粉🍝.草莓豆乳 $44因為士多啤梨季節，所以想飲士多啤梨為題既飲品😀不過有少少失望😂44蚊買既係士多啤梨醬🍓加幾粒新鮮士多啤梨，再加上豆乳😂

小時候食素多數會諗到素雞、齋鹵味 隨着西餐素菜普及連新豬肉都可以喺快餐店食到，低碳飲食文化推廣功不可沒～食得肉多間唔中都想食素，禁肉一下！火龍果紅茶乳酪火龍果有白、紅兩款，紅色有豐富花青素，對心臟血管都好有益處！ 呢杯用上紅色火龍果，加埋乳酪對腸道更健康，又不減茶香。襯埋Flamingo飲管真係打咭必點！ 🍍原隻菠蘿炒椰菜花飯雖說飯，原來係將椰菜花切到細細粒，感覺好似食飯咁。菠蘿好清甜好juicy，配合埋素肉碎、素肉鬆、腰果粒、提子乾，完全唔覺得食緊素菜。🍝忌廉牛肝菌impossible肉碎闊條麵牛肝菌味道幽香濃厚，質地嫩滑，配上芝士忌廉汁，奶香令牛肝菌既香味更發揮更突出，闊條麵條條掛汁。而新豬肉碎既味道、口感更加跟真肉非常相似，帶黑椒香味～ 🍨泰式奶茶刨冰刨冰刨得軟棉好幼細，一粒粒唔會好快溶，上面有Oreo 餅乾碎粒，泰式奶茶味香濃

＜2DP＞真係生酮人士同素食者嘅福音😍，完全照顧到不同飲食習慣嘅朋友，食材新鮮又有質素🌱飲品同擺盤都好精美，打卡一流📸價錢仲好合理添💯生酮早餐💲138其實同凡人版all day breakfast 類近，包含了 牛油果沙律、炒蛋、炒菠菜、天貝、燒烤菇、羅馬串串番茄、士多啤梨、藍莓、奇亞籽布丁，款式超多元化，脂肪和蛋白質吸收達標之餘，同時亦都吸收到維他命👍🏼.忌廉牛肝菌impossible肉碎闊條麵💲118牛肝菌、雜菌 和 impossible素牛肉碎 再配上creamy嘅忌廉醬汁，味道好香濃，口感又順滑，仲好飽肚添😆.蜜瓜牛乳刨冰💲108轉豆乳配黑糖漿本身想order西瓜version，但經理話唔當造，所以就改蜜瓜，蜜瓜好甜好多汁😍，豆乳刨冰味道好突出，配黑糖漿有種好幸福嘅感覺❤️，效果都幾match💯.草莓豆乳💲44菠蘿熱情果沙冰💲44兩杯飲品造型都勁靚😍，打卡一流📸，當然味道都好好啦👍🏼