影片
每次去28居酒屋，讲得最多嘅说话就系:好好味呀！！今晚都唔例外！推介1）鲜带子寿司:$22肥美，正！推介2）蟹膏军舰寿司$18连紫菜都脆，无得输！推介3）盐烧左口寿司$18好香口，好美味！推介4）芝士年糕$18芝士控之选，流心爆芝！推介5）牛舌串$28厚切有咬口！推介6）黄金烧蚝$45即叫即整，又肥又鲜！推介7）法式鹅肝$58好抵，每次食都觉得好幸福！推介8）烧三文鱼骨腩$48落左七味粉整，劲香口，份量又多！推介9）烟肉荔枝卷$18留到最后食，就可留住甜甜嘅味道，refresh嘅感觉！大满足！！
继续阅读
今晚星期五，梗系出街食～ 又唔想周街去，系屋企附近食就算。平时唔想等位，见好耐冇食，咁今晚就去等下位。28真系抵食～ 两条友食到劲饱，三旧几水埋单。都真系抵食夹大件。
继续阅读
西环想揾间价钱相宜又好味既日式居酒屋系几难既，好多都走高档或寿司或串烧店，28居酒屋系名符其实既小店，真系得几张枱，装修尚算精致串烧寿司日式料理都有，咩都要试吓寿司黎喇！鲜带子，大旧又够鲜，好味，重点系，$22两旧惊人性价比，蟹膏军舰寿司，蟹味唔算超浓但蟹膏满满，都好满足既加州反卷，量真系好大份，正常既味道重点黎喇，芝士烧三文鱼，趁热一啖放入口，少少烧焦既熔化芝士配烧熔左既三文鱼油，实在超超满足盐烧左口鱼裙边系我系炙烧寿司入面好偏爱既款式，成旧左口烧完变前一旧香爆鱼油咁，要试啊！终极劳苏食推介 —— 牛油烧赤海虾寿司，本身谂住试下咋，点知上枱已经好香，大大只海虾，好香既烧牛油虾，入口口感好香好正到唔识讲牛油同海虾肉同寿司饭夹到，必食必食必食日本料理食物，食完寿司叫左个芝麻冻豆腐，清清口味，份量好大个，味道正正常常，好多酱烧鸡皮，依家愈来愈少地方有得食，香脆，相对较细块但都正既多春鱼，够大条肉质唔错最后有个off menu既温泉蛋，好滑而蛋质控制得好好，个汁又唔会咸，清得黎又好味最后其实再食多左round牛油赤海虾寿司，实在太正周围望人哋食既野都仲有好多劲吸引必定要返黎食，然而另一惊惊惊喜绝对系个价钱性价比高到唔识讲，拼命支持#希望唔好咁多人排队#叫订先食外卖都好方便同正#你唔会谂到店小小都要订位
继续阅读
谂左好耐究竟应唔应该分享呢间由细食到大嘅寿司铺呢🤣🤣 一方面佢真系好L正 另一方面唔想以后去食要排队🤣🤣🤣🤣🤣（自私的肥婆）不过我谂读kong u嘅朋友/西环尾街坊应该唔会陌生啦😎 就系系坚尼地城嘅#28居酒屋 呢旧芝士烧三文鱼！！旧肉又厚芝士又重料 重点系咩？ 系大件夹抵食呀妈咪😭😭😭😭 争鲜回转价钱但高汁享受 边到揾呀！！ 其实佢样样野都好正但我个人极推呢款🤪 一讲就流口水yumyumyum
继续阅读
38蚊碗大葱牛肉乌冬有惊喜，初初以为牛肉系肥牛片，点知系成旧牛腩咁上，牛肉唔韧而且有咬口，十分难得！另外叫左三文鱼腩刺身、椒盐牛舌、烧鸡翼、左口鱼裙边刺身、炙烧三文鱼寿司，同样十分出色！鱼油香渗入每个味蕾，爱食鱼生之人必定好喜欢！三文鱼腩刺身并无写系menu上，需要直接问waiter。唯独美中不足系座位有少少逼狭，而且位置少，如果同朋友坐耐少少吹水，环境就未必太理想，但食物质素同价钱绝对值得我推荐俾大家。
继续阅读