239
122
78
港铁沙田站 A3 出口
继续阅读
开饭介绍
环境优雅丶设计时尚的2+2 café,提供精选早餐丶自助午餐丶下午茶餐及自助晚餐,多款口味独特的国际佳肴任君挑选。 相连之Coffee Corner,最适合忙里偷闲,小歇一会享受一杯香浓咖啡。
继续阅读
营业时间
星期一至日
12:00 - 14:30
15:15 - 17:00
18:00 - 22:00
以上资料只供参考,请与餐厅确认详情
招牌菜
食家推介
相关文章
食记 (510)
今日到咗2+2食自助晚餐庆祝生日🎁,亦系装修完之後第一次到2+2,睇吓有冇改善!先讲价钱,成人508、长者413(如经open rice 订,成人488,但没有长者价)所以我选择了前者,因我有一位长者,计起来会低啲!(以上是全时段及全包价)讲咗好👍🏻的地方:~饮品区有进步~烟三文鱼好味~鲍鱼全场有五种煮法~甜品🍧Ok但其他都系失望的!!!龙虾🦞:好「鞋」,唔好👎🏻食热食:甜酸鸡及鸭胸肉,系完全咬唔到,唔明白厨师的烹调方法?把食材煮到咁样,真的很浪费食物!炸物:只有蔬菜类,炸秋葵又系咬唔到,系炸芝士好味啲!可能会话「4」字头的自助晚餐已经有龙虾同生𧐢,唔可以再有咩要求,但龙虾唔好食😞,加上最基本的芝士🧀️区、粥、点心、简单烧味(以前都有海南鸡饭)都没有😞咁不如收贵啲,食物质素高返啲…补充:员工服务态度可以,收碟情况良好😊
继续阅读
如果来食,记得打电话订座/openrice 上book 位~夜晚食,见大人$488+(正价加一$68.8)$556.8另外佢都有长者优惠$418+(正价加一$68.8)$486.8而且佢款式都多。。锺意食生蚝的人,现场即开生蚝~有龙虾,鲍鱼,寿司,刺身,熟食,甜品~而甜品都做得唔错,唔会太甜~😀👍🏻饮品方面都ok~ 整体来讲都算唔错~ .避风塘鲍鱼+菠菜白汁焗生蚝🦪.大虾+鲍鱼仔(每人每次拎两sets)..咩都拎少少试😂😂.拎左d 沙律菜食😀😀😋.即开生蚝🦪🦪🦪🦪(每人每次最多两只).每款甜品拎一件试下~甜品整得唔错😋👍🏻🍰🍰.呢款即场有个厨房,现场呢个彩虹蛋糕,出面本身有棉花糖包住,用火枪现场即烧即切比客人。。不过味道一般😂😂 纯粹表演睇都得意🤣🤣.最後都拎返d 水果食😀🍉🍉
继续阅读
今日去沙田食呢间喺帝京酒店里面嘅2+2cafe交通超级方便,就喺沙田港铁站A3出口,跟住指示大概行3分钟就到,记得千祈唔好落电梯,沿着玻璃侧边直行就会见到一条天桥通去酒店,见到酒店嘅时候亦会同时见到餐厅🍴~~~~~~~~~~~~~~~~~~~~虽然餐厅唔大,枱同枱之间有少少迫,但系佢嘅生蚝确实会令人有一去再去嘅吸引力。−—————————————————————点解?—————————-因为我食过咁多自助餐,好少见到午市300零蚊一位会有仼食生蚝🦪,其次佢嘅生蚝🦪虽然每次只可以攞两只,但系师傅真系好快手,而且好细心,每一只蚝都冲洗得好乾净,而且啲蚝虽然唔系大只,但系肉质肥美鲜甜————————————————————重点黎啦,今日目测所有交到我手上嘅生蚝嘅裙边都仲系识郁动嘅,简直系超级惊喜😍😍————————————————————————其他冻海鲜类,有面包蟹,螺,虾🦐面包蟹有膏,但唔多螺就比较细只,但系都好新鲜而虾就够鲜甜刺身有四款,不过质素就一般餐厅仲有啲自家制卷物,但系饭太多,所以我放弃咗🫣今日见到所有食物补充得好快,绝对唔使担心过唔足口瘾🤣———————-————————————————-另外熟食方面亦都非常出色,今日试咗一个小笋炒虾仁,原来佢哋嘅小笋系莴笋,不过师傅处理得好好,莴笋完全冇渣~~~~~~~~~~~~~~~~~餐厅仲有少量天妇罗同埋串烧,所有食物嘅味道以任食嘅质素黎讲都系好出色🥳🥳————————————————————————最後,佢哋有自助茶水同埋咖啡,可以仼饮蛋糕🎂种类唔多,味道一般不过餐厅有供应即场制作嘅窝夫🧇同埋原味疏乎厘,另外仲有Häagen-Dazs雪糕任食,总算可以为呢一餐画上一个完美嘅句号————————————————————如果有兴趣去试嘅朋友,记得先喺OpenRice订位,因为会有折扣优惠,佢哋有分段嘅午市自助餐同埋全时段嘅午市自助餐,可以跟返自己需求去订,但其实两种价钱相差唔远,我就拣左全时段,因为想慢慢食——————————因为餐厅细嘅原因,每张枱虽然唔大,但系佢哋嘅侍应收碟速度非常快,所以完全冇影响摆放食物,员工嘅态度确实值得一赞🤩🤩🤩
继续阅读
上星期食完同一集团嘅半自助晚餐,收到2+2复活节优惠自助午餐嘅资料,约咗个日本friend 同两个小朋友,当然带埋好醒目嘅家姐,今日过嚟食复活节大餐。用膳时间由中午12:00到下午2:30。我哋11:50已经到咗餐厅门口,因为未够钟,所以喺外面排队等。佢哋安排张枱喺好入,心谂要行好远先攞到嘢食。😢家姐一开始就攞热食,我哋其他人都由前菜或者面包开始。我攞咗绝对降低「战斗力」嘅沙律。😂然後系海鲜冷盘,我唔敢攞咁多,龙虾钳、螺、冻虾同青口都系攞一、两只。最欣赏啲螺,非常新鲜,我用两枝普通牙签就轻易咁将成条又爽又甜嘅螺肉拉哂出嚟😋。龙虾钳都好新鲜,不过个壳好硬又冇工具开,我攞咗把餐刀去撬开佢。😅青口就真系麻麻哋,粒肉细到粒波子咁「大」,但系又冇波子咁涨卜卜。😢跟住继续食冻嘢,鱼生只有四款:醋鲭鱼、三文、吞拿同鲷鱼,新鲜加厚切,唔错。值得一提系:我个日本friend 话佢从未见过咁特别嘅寿司卷,佢话应该系香港local 先有,所以佢都试吓,仲话最有特色喺天妇罗寿司卷。听完佢咁讲,我都攞咗四件,虽然又唔觉唔觉咁食咗好多饭😅,但系又真系好有特色,仲好好味添。😋😋我以前好锺意食生蚝,今日见到好多人排队,因为早一轮,肠胃唔系几okay所以唔敢食,反而我哋五个入面年纪最细嗰个话要食。😂其实我都未开始食热嘢,就已经好饱😂,沙律果然减低咗我嘅战斗力。😭不过少少哋都要食啲嘅:红咖喱杂菜、青咖喱鸡、新鲜出炉嘅印度薄脆饼,再加一块烧牛肉,加多一细碗猪脚姜同两匙梗荷叶饭。够哂啦,要留返啲位比甜品。😂食自助餐点少得甜品吖:我等咗超过五分钟都系为咗块窝夫,将啲雪糕放喺块热辣辣嘅窝夫上面,睇住佢溶咗流入啲格仔度,再切嚟食,简直系一种享受!其中一个小朋友攞咗一件有只蝴蝶嘅蛋糕仔,佢话唔系件件都有蝴蝶,我问佢系咪纸嚟嘅,佢话系chocolate,跟住成只蝴蝶放咗入口(一定系惊我会攞咗佢只🦋)😂今次呢个复活节优惠真系好抵,人均唔使$300。唔好睇小啲细路,佢哋随时食得多过你同我。😂总括嚟讲:食物款式多、食材够新鲜、价钱又唔贵、系超值之选。😋😋👍🏼👍🏼
继续阅读
今次主题「鲜馔盛会」海鲜自助晚餐,有得任食鲍鱼🤤好抵呀!推介烧大虾配矶煮鲍鱼,热盘都有几款鲍鱼,都唔错!同埋个炒饭都几好食仲有冻龙虾🦞三文鱼刺身,好新鲜!芝士喷泉⛲️芝士味劲浓郁喎!可以点面包,车厘茄甜品都有好多选择😚必食芒果拿破仑🥭焦糖炖蛋、窝夫🧇疏乎厘 Häagen-Dazs雪糕🍨食几杯抵返晒😂小朋友都有好多啱食~粉面饭、甜品、面包、热牛奶等~沙律、寿司都有好多选择!*酒店餐厅有BB椅、儿童餐具提供
继续阅读