影片
开饭介绍
位于大埔的宝藏自助烧烤场，提供各种荤素串烧、饮品、熟食和甜品。选择丰富，设备齐全，环境宽敞，任吃任喝超级嗨。支持包场开趴，是度假休闲好去处。
继续阅读
特色
适合大伙人
包场派对
家庭亲子
附加资料
63022646
营业时间
星期一至日
08:00 - 01:00
以上资料只供参考，请与餐厅确认详情
招牌菜
教早前黄雨，约了朋友去bbq. book左这间，原因是佢只比1个价钱包罐装饮品任饮，不另收开炉费， 同欢迎毛孩1同进场。 雨越落越大， 最后都坚持驾车到场，不想取消。老板教我地泊好车后， 已急不及待去烧野了。进入主要部分，野食种类多。 卫生企理， 枱与枱之间不逼。 我地好喜欢烧洋葱， 猪颈肉超好味，有羊架，有成只茄子等。虾只送1次， 海鲜就有鱿鱼同多春鱼任夹。由于不好天气， 只得我地小猫几枱， 好天时老板话爆场， 所以要预早book位。 老板佢地好服务， 又会过黎同你倾吓。 大家都讲紧已经3-4 个weekend都落雨。 生意受影响， 我地都话落雨出唔到户外。 其间见到松鼠狗团bbq, 好搞笑。 难得约到朋友，又有1个相聚同有好野食既地方， 真系值得去支持！！！！ 利申： 住既地方冇得养狗，去到1些可以带狗既地方见吓人地d毛孩都好高兴。 其实都要老板喜爱动物先多1个地方比大家食吓野， 玩吓狗。
继续阅读
2月25号偶尔经过第1次帮衬，今晚再encore。价钱唔贵，用餐时间又充份5小时任饮任食包，食物种类繁多，包任饮罐装汽水 支装水，坐位宽阔，食、饮完仲有时间同朋友继续畅谈。烧烤炉在台中坑内，唔怕双眼烟熏、无烟雾笼罩既情况出现。另外，老板同在场职员友善，好客，即场烧茄子🍆帮手调味，非常美味。烧烤中途送上菠萝、香蕉及新鲜海虾、蒜蓉包，惊喜连连。另外，老板们仲有几只爱犬驻场比大家玩乐，过下狗瘾🐶，又食又玩 食饱仲可以坐多阵闲谈联谊，唔会觉得食饱就散场。谢谢招待，重点推介自制蕃茄汁同烧汁，会继续光顾同推介朋友。
继续阅读
星期日中午时分行过，见到佢$178任饮任食BBQ咁抵，咪入去试吓啰。食物种类繁多，特别系蔬菜类，真系多到有啲惊喜！等开炉期间，亚姐攞左餐具过嚟，更拎左一堆调味嚟，仲逐一细心介绍，超细心☺️有劲辣粉/孜然粉/北方风味粉/沙嗲酱/照烧汁，另有水一杯（烧蔬菜用）饮品方面，虽然是任饮，但选择也不少，大多是罐装汽水，康师傅饮品，仲有我最喜欢的酸梅汤，正！（另有鸿福堂凉茶和啤酒须另收费）另外一个有惊喜的地方，就是熟食，除了有生菜鱼肉，更有三款饭后甜品（每天不同）：今日有木瓜雪耳糖水，海带绿豆沙，仲竟然有椰汁桃胶西米露😍❤️❤️❤️❤️连甜品个胃都填满，真系大满足👍🏻，呢度真系好，环境优美舒适，职员态度亦冇得弹，下次叫埋班friend一齐呢食先😊🥳🥳🥳
继续阅读
咁岩去到大尾笃附近开工，返10am放4pm，开工之前老世叫我地带定啲面包干粮同水咁，惊果边得d烧烤场会无午餐食。点知果日1点几果阵顶唔顺真系好肚饿，就决定行去附近睇下有无碟头饭食都好。巴希雅海湾烧烤就众所周知出命嘅烧烤场，原来隔离仲有一间叫199海湾烧烤，同其他烧烤场唔同嘅系，佢地除左可以烧烤，仲有$48午食任食，无错，系任食！任食！任食OMG！（重要野要讲3次😂）系市区茶餐厅$40-$60系正常，呢到$48就有六𩠌一饮品，白饭同老火汤仲要饮装，真系抵到烂！岩哂系呢头好多地盘工人过黎食lunch，食饱先有气力做野😆呢日嘅菜单有豉汁排骨、三色水蛋、西芹炒猪颈肉、油麦菜炒鱼松、红烧豆腐鱼块同菜胆鸡，老实讲，出面就算要食咁多𩠌都一定唔至呢个价钱，仲要有鸡食，真心平靓正！呢到嘅食材新鲜，唔会觉得系隔夜、𩠌头𩠌尾，虽然唔算得上系高级，但呢个价钱绝对系超出水准👍🏾黎开附近嘅不妨黎一试😋餐厅主人仲养左只狗狗劲得意劲叹😂😂😂
继续阅读
谂住天气仲未系太热，带班小朋友去BBQ,又唔洗带野食见到，在开饭见到$199/ 5hrs 任饮任食BBQ超抵，咪打电话去book,职员超有效率，即用whatsapp 回覆，多次查询也很快回覆👍今日去到原来仲有靓汤饮同糖水送（今次因为要早走食唔到😢）老细仲唔好意思话下次嚟再送d 好野比我地食👏👏环境好干净，食物种类多，饮品种类亦多款最重要老细超nice, 下次一定再去过😊而且超细心会教你烤肉方法，唔会太多烟（因为佢地用环保炭，应该唔会有烟嘅👍）
继续阅读