影片
相关文章
只鸡翼卖哂就无！琴日食完，今日想再食就卖哂！得老板一个人做系辛苦啲既😂算啦，唯有下次早啲去买🤣老板转过手，上一手好无食我就唔知，但今手只鸡翼坚好食wo 😳鸡翼炸得皮脆肉嫩，一咬爆哂汁阿阴公🤤，因为佢包著两条芝士肠系入面🧀食既时候要小心，如果唔系会整到件衫污浊哂嫁👌🏿但唯一既不足系芝士肠既芝士味唔够浓，因为我食开重口味嘛🙈但真系值得一试既，怕食唔到就早啲去啦😉同埋好食既野贵贵都值比既，$12抵食啦😬
继续阅读
好野食有时候要捐窿捐罅，呢间热狗店想试好耐，睇过杂志介绍必试口水鸡热狗，就试下佢，心谂两样野大㰖都扯唔埋既食物到底夹埋一齐会系点？原来系好好食好夹既野黎，先讲面包，够热够松软，个底更系脆的，非常有诚意之作，跟住系个重点口水鸡，辣得黎好香口，唔食得辣都接受到既辣黎，个咀麻痺后个口入面人仍然可以维时一定的口水鸡味道，齿夹留香，将个辣冁溶入条肠及面包度，提升另一个层次，真系好配合，抵我特登过黎红磡帮衬。
继续阅读
好耐之前老公试过佢地嘅热狗，觉得冇咩特别，所以我都冇谂住试，直至有一次见到电视介绍佢地嘅肠仔酿鸡亦，一见到就好想试喇！今晚屋企冇饭食，叫左老公落去买，返到屋企只鸡亦外皮仲系脆脆地架，好够味，食落口有啲胡椒味，啖啖肉，好食呀！另外买左个原味热狗，加左芝士酱感觉丰富啲，阿女话热狗味道一般，但最后佢竟然成个食哂呀，我估应该都唔差
继续阅读
难得今个星期五😌放假，瞓到11点才起床，心血来潮😉就去红磡觅食啦～，下昼2点几食完文华咖啡冰厅一份扒面餐后，仍口痕痕，耳犹未尽随意逛逛，行到差馆里，偶然发现一间颇有特色嘅小店……1987 Hot Dog店舖虽小，只有百多呎，但店内外都布置得颇有心思充满好奇心的我被吸引了坐下问老板，有甚么招牌小吃，但不要太饱，他推介我试一只炸子鸡翼酿肠仔$12, 我谂又吾贵，试下啦！不过他说要等5-8分钟，因为鸡翼是生炸，需时等候。一只香喷喷嘅鸡翼终到我手，外皮炸得似豉油色，炸得好均匀，火喉控制得很好，咬一啖，感受到甚么是皮脆肉嫩又多汁，再吃下去，发现鸡翼去了骨外，还刁钻的是脆皮肠仔酿在中间，太巧手…好绝，两重口感，脆上脆…妙不可言 !!鸡翼皮薄，兼且没有平时坊间吃到有些黄色肥膏😞在鸡翼皮内边，女士可以放心吃多两只。因不是繁忙时间，只有我和老板，他很健谈，和我聊天。原来老板一人包办，并无其他店员，他每天工作14小时，好劲呀！除了美味炸子鸡翼酿肠仔外，还有他亲自调制的特式酱汁热狗，原始风味…至爆酱班尼迪，价钱由$18~$48。近期热门口味系口水鸡，鸡肉丝配搭麻辣酱，花生碎和沙律菜，睇到已流晒口水，下次要带埋嗜辣嘅朋友来试 !!衷心like 💖👍推介此小店
继续阅读
两个位 有凳 但预企或外卖肠仔鸡翼即炸 食嘅过程中听到有好多人行黎柯打 甚至乎致电留货 如果系爆芝士应该会仲正另外试左口水鸡热狗真系未试过呢个组合 鸡肉嫩 酱汁好正 食到中途咀唇开始麻麻地两个人食左90蚊两只鸡翼 两个热狗 加罐汽水 好抵老板爱吹水
继续阅读