1986地道越南餐廳 (東寶大樓)

营业中

休息中

食物好味道， 有質素 ， 價錢又合理 ，工作人員又好有禮貌， 體貼招待客人， 對客人好有熱誠， 又會留意及照顧客人， 只是地點稍為第一次難搵D， 非常值得推介嘅一間食店 令人一去想再去

作為老顧客連續點了你們快兩年的外賣，忍無可忍想給你們提下建議。首先點外賣速遞的本身就是想要解放雙手，但每次送過來湯汁總會漏出來，搞到周圍都是油膩的湯汁，又不得不清洗油污才進食。其二拜託你們的外賣包裝可以用心一點嗎？每次送過來包裝袋口都是敞開的，根本都不衛生，哪怕封一下膠袋口也好吧？其三現在甜品裡面加的另一種食材不知名珠子真的超難吃！！！！！！！！！！

簡單嚟講好食，打卡good。由於餐廳面積不大餐卓較細，坐位不太寬敞。大部分時間要排隊。weekend兩點半，排20分鐘左右。推介豬扒，肥美juicy ，睇相都知好味😋，如果轉湯檬粉要加錢🙈⋯⋯所以食返撈檬算數驚艷嘅越南法包，熱辣辣的😱，一嚟到秒殺，連咩餡都唔記得咗了….總之好食😂冇咩突出嘅湯粉芫荽可樂打卡一流，芫荽味未夠，再濃啲會更好。夏天飲一流，真係好清新椰汁coffee, ok 啦！如果咖啡味濃啲更好

見到好多人推薦呢間所謂好好服務出名既店，咁就過海黎朝聖。首先，入面明明有好多空位都唔明點解唔比入，應該佢知道我未人齊所以唔比入？算，入到去又比安排坐係門口位，d人出出入入d冷氣又唔夠，好似坐街食咁，唯有用自己的風扇吹住食，d侍應又麻麻，明明有幾個人只斟一杯水？但我眼望明明佢都有派水去其他客喎。。。算，咁叫野食啦，朋友叫咗咩豬扒撈檬，個豬扒焗到燶哂，咁都可以上比客人食？不過朋友話唔緊要咁我都癈事出聲，到我叫果生牛肉河，上枱望都正正常常，點知食到差不多底先發現吓？點解會有幾粒飯？頂，唔係無洗碟就放我d食物上去呀！我即刻搵個侍應想問清楚，點知一來又幾順手收走我個碗。頂，你無野呀？總結，一間價錢又唔平，侍應又無禮物，食物又差，衞生又有問題的店，奉勸各位唔好幫襯

忽然想食法包🥖有扎肉有燒豬肉想濃味啲，所以揀咗燒豬肉我覺得好食。外脆內軟啲餡啱啱好唔會鬆鬆散散，食到周圍都係青桔仔雞翼都好特別，如果雪凍啲就喺我心中嘅味道雞翼就比較嚡。煮得太過火。鮮椰子炆豬腩肉，瘦肉太多有啲鞋，但係浸味係好食如果啲汁結番啲，咁就好好多。芫荽可樂😻咳咳，忍住叫咗個鹹柑桔熱既好夠味蟹膏海鮮湯檬粉係呢度嘅主打，如果再食我會揀湯飯咁樣應該會夾好多，太飽食唔到香茅豬扒😅千祈唔好轉煎蛋。一定要食佢嗰粒炸蛋。食過就知好味

最近被報導後變得大熱的餐廳遠遠已經看到不少人取號等候人流源源不絕 有等待堂食的 有等候取外賣的幸好翻桌速度蠻快的 好像等了不到30分鐘已可入座🍜海防蟹膏海鮮湯檬粉 $80湯底蟹味蠻濃郁 入口舒服 沒有一般蟹湯的渴喉感 檬粉也算煙韌 扎肉味道不錯惟餸料方面都是急凍海鮮 除了青口帶點咸味之外 墨魚 蝦隻 都沒有味道 🍜招牌牛肉三拼湯河粉$78三拼包括牛丸 扎肉 及牛肉 整體一般😋☕️北越椰汁冰咖啡 $32香滑椰汁加香濃咖啡 很可以😋🍹越式咸檸檬梳打 $28十分清爽 少甜味道剛好 非常適合夏天飲用

星期日4:30pm店內仲坐滿9成客人，相信應該不錯，入到糰感覺乾淨舒服企理， 侍應好好人又細心仲畀張櫈仔我放袋仲溫馨到加塊布cover住我個袋，冇諗到小店咁好服務😊 食品種類跟一般越南餐廳有少少唔同，都幾有驚喜。我地兩個人叫了招牌越南生牛肉湯河，家鄉撈粉絲， 越南春捲， 薄荷青檸梳打。1.越南牛肉河: 湯底好味牛肉新鮮 口感特別2. 家鄉撈粉絲: 清甜味道適中，會配埋牛骨高湯，好細心，好啱女士食！3.春捲： 春捲size剛好，內料好足仲有原隻蝦，即叫即炸，食得出新鮮，配菜的生菜、薄荷葉、芫茜都係好新鮮！ 醬汁味道不錯4. 薄荷青檸梳打： 薄荷好新鮮好出味但係就記得自己要多加篤多幾下啲薄荷菜青檸先夠出，好fresh！一定keep住再去食！

去睇演唱會之前早啲出嚟食個dinner，因為要避開人潮咁就冇去啟德嗰邊食。啱啱呢一間之前都有Mark低想試，咁啱都算近宋王臺站就過嚟食。兩個人叫咗一個湯飯同埋一個生牛肉湯檬。嗰蟹膏湯飯係幾濃味，個人就唔係好喜歡嗰種鞋鞋地嘅口感，不過味道係OK嘅，另外佢啲蝦如果改用大頭蝦應該會鮮味好多。另外嗰生牛肉湯底冇我想像中咁甜，牛肉嗰質地有少少似毛巾但又口感又唔係老，真係唔知佢用邊一個部位嘅牛整。反而幾鍾意佢個小食鹽水雞翼浸啲青檸汁幾開胃。不過個法包就似細佬仔時食嗰啲藤條包多啲，啲醬就少咗啲唔係食到d味。最後叫咗個甜品，有少少碎冰底口感係爽快，同埋佢嗰啲自家製嘅木薯粉條，有少少似三色冰嘅感覺，反而呢一餐最鍾意係嗰個小食同埋個甜品。

因為睇咗MM 阿京介紹特登搭車過去食排咗半個鐘6:30入座星期六非常之多人排隊我哋一行四個人叫左以下食物🔻🔻🔻🟡越南炸春卷 $69有4大件 賣相好靚入面係蔬菜同埋肉碎炸得好脆好金黃，好好食🔻🔻🔻🟡越南粉皮$69呢個唔好食粉皮入邊有啲肉碎味道好淡無特別🔻🔻🔻🟡越式烤豬肉法包$55比想像中普通 法包鬆脆 入面有烤豬肉青瓜等配料但係佢冇用鵝肝醬 味道偏淡感覺少咗種越式風味🔻🔻🔻🟡炸雞翼撈檬$69炸雞翼竟然非常出色，外脆內嫩檬粉亦都好食🔻🔻🔻🟡生牛肉湯河$80湯底係好濃嘅牛肉味，好好飲生牛肉份量都多，大塊亦都唔會韌河粉好滑，值得一試🔻🔻🔻🟡海防蟹膏湯飯$89最多人推薦嘅湯飯亦都可以揀檬粉底首先就係佢係非常熱辣辣食到尾都噴緊煙，呢個值得一讚顏色同賣相都一流但係失望係個蟹膏湯底蟹味非常淡但係入邊嘅海鮮就幾好食🔻🔻🔻🟡牛油果沙冰 $39好好飲！牛油果味好重好濃郁🟡咖啡沙冰 $39朋友飲左話唔錯，咖啡味重🟡椰子水 $36呢個大伏，椰子味酸好難飲🔻🔻🔻四個人埋單大約$580價錢其實都OK總括嚟講，經過我覺得可以食吓，食物質素都中上，職員都好好禮貌，雖然好忙都有幫手加水，經過可以再食，如果要特登搭車去又要

見到有朋友推介黎試試。我品嚐了鮮蝦米紙卷，口感新鮮，配上特製醬汁，令人一試成主顧。另外，越式炆豬肉湯檬粉超軟滑，味道入味，令我忍不住想再來一碗。最後，海防蟹膏濃湯飯更是香氣四溢，料足得令人驚艷，果然是招牌菜，值得推薦！

又到lunch嘅時候，因為睇完YouTube介紹再去食多一次因為上次食嘅時候已經見到好多人叫香茅豬扒撈檬，今次我亦都叫咗香茅豬扒撈檬塊豬扒勁巨型，竟然成塊豬扒都係軟腍腍。而香茅味道亦都好出色。唔怪得知大部份人都有叫到香茅豬扒撈檬。檬粉嘅撈汁入面亦都配備咗兩粒佢哋自製嘅豬肉丸。而家寫返出嚟聽日都想再去食。而我朋友就叫咗一碗蟹膏海鮮湯飯喺湯飯嘅時候朋友因為公事在外面講電話店員亦都好細心，表示如果當佢返嚟佢可以幫我哋再整返熱湯飯值得推介貼心好味嘅小店

Vietnamese joint in the TKW area that has recently garnered publicity. Ordered their signature Haiphong rice in crab roe broth and raw beef pho. Crab broth wasn’t as umami packed as I would have hoped for. The cuttlefish, prawns, mussels and crab roe were apparently frozen not fresh. A bit of a letdown.Raw beef pho was above average. Raw beef was tender. Flavourful. We were advised to have the soft boiled egg in broth that served along side with the pho separately as a soup item. Interesting exp

唔知係咪因為Mill Milk阿京介紹，近排呢間餐廳午餐時間特別多人排隊，今日經過決定試下。黎到先入門口攞飛，我地係平日大概12:45到餐廳，6個人大概等到1點就可以入座。餐廳入面大概30人座位，見其他人排隊都唔算耐，店員安排搭枱坐，但座位未算太逼。我今日叫左香茅豬扒撈檬，上菜時真係嚇親，塊豬扒係極大塊，炸完仲有足足1cm厚，同埋size比正常餐廳既豬扒大一半，一切開見到豬肉脂肪量好高，d紋理直頭好似豬頸肉咁，食落口好香又容易咬，成塊扒連骨頭位都完全唔韌。下面既撈檬不過不失，個汁冇乜辣味，附送兩粒仔牛丸。冇跟餐飲品，外加飲品多數都係比較貴、要30-40蚊杯既特飲，我飲免費茶水都夠啦，有少少青檸味好解膩。$74免加一既價錢真係一流，男士們都一定食到飽。我見有其他食評講到店員態度問題，我今次黎食就覺得店員都有禮貌既，不過見到d食客不停流轉，同埋店員見到你食完就執枱好快手，又比濕紙巾大家抹手，都會感受到食完快d走既無形壓力。食完出黎都見到成10個人等緊堂食或外賣，認真犀利！

見到YouTube頻道介紹，第二日馬上來試食，果然冇中伏全部嘢都真材實料仲要唔係預製菜的味道，好似喺屋企食到嘅口味，海鮮湯濃厚，生牛肉粉個牛肉同出面唔同，好滑身不肥，牛油果沙冰雖然甜咗少少，不過勁足料重點是店員（短頭髮扎辮姐姐)的態度極好，食春卷隻手污糟直接比濕紙巾我地，客人1袋2袋入店會offer keep bag, 又問我哋咁多嘢，使唔使調張大啲嘅枱？香港小店食肆如此的高水準食品及服務，大家一定要保住佢！食多啲！

土瓜灣真係好多好野食，如果食越南菜，我就一定黎呢間。星期六 lunch time，等2張檯就入每次帶新朋友黎食呢間，我都會推介呢個豬排撈檬每次都唔會失望，因為有一大塊連骨豬排，入味得黎質地又好，唔會比鬆肉粉整到稔哂，檬粉量充足又爽口，個汁仲跟咗兩粒肉丸。呢一大碟每次都令我吃得很滿足第一次試呢個烤豬肉法包，好有驚喜，法包熱烘烘夠香脆，入面既餸都好足料，配埋酸蘿蔔絲，唔會食到乾爭爭越式春卷又係好足料，皮脆又唔會過厚，味道調教得剛剛好食咁多油膩野，襯番個牛油果沙律平衡一下，呢個沙律份量唔少，瓜菜都新鮮，配埋蝦片食都好唔錯唯一要挑剔既係店舖地方唔大，每枱都坐得背貼背，出入要小心，而且人流好多，唔可以慢慢坐低傾計慢慢食。呢度都有好多特式飲品，但大部份都係凍飲，所以冬天就唔試啦！遲d暖番d再黎食，一定要飲番杯野襯下d美食總結，呢間一定有下次