1986地道越南餐廳 (東寶大樓)

睇完MM认识左呢间餐厅一直都想黎试 平日夜晚劲旺不过都好快有位 平日唔收加一员工服务好好 醒目快手👍🏻越式烤猪肉法包 ($55)好大个 脆卜卜 超好食😋入面猪肉半肥瘦 系腩肉位有青瓜芫荽腌萝卜同猪肝酱全部野好夹 抵食又好食😎海防蟹膏浓汤饭 （$86）呢个系我期待咗好耐嘅汤饭不过黎到冇想像中咁浓郁蟹膏味唔算好重饭嘅份量都唔系好多不过入面都好足料有好多海鲜又有豆腐、猪肉丸 食食吓就开始浓d可能d饭吸咗啲汤 都好食嘅不过冇想像中咁惊艳😂牛油果沙冰 ($39)好重牛油果味 甜甜地又唔会太甜好thick 一杯share就啱晒😎整体都系一间真系几唔错嘅越南餐厅有回头嘅机会😁…Read More

1986 @ 土瓜湾撑小店系列…另一间个人心仪既越南小店就系佢啦…虽然地方唔隐世…但土瓜湾都真系有小小隔涉🤣🤣🤣。不过好味最紧要…1986绝对算系人龙店…任何时间黎都要等下位…不过整体位置算多…加上醒do客人…所以都几快就有位黎左好多次都系点猪爬饭啦…蟹膏汤饭啦…Pho啦…小食就墨鱼饼啦…春卷啦…桔仔鸡翼啦黎呢度食粉…推介你要试下呢度既金边粉…平时食到既金边粉类似好幼既河粉…呢度既金边粉系黄甘甘既河粉。好特别…唔食都点黎睇下海防蟹膏汤饭 入面有青口…肉碎…豆腐…虾…鱿鱼…两粒肉丸。𩠌款色几多之余份量都非常慷慨…蟹汤好浓郁鲜甜…绝对真材实料…当然要赞既就系个汤好够热…捞完饭都仲热辣辣…就肯定汤够热…饭都热招牌牛肉三拼Pho 有牛丸…有扎肉同牛肉…牛肉质素几高…无乸过…有质感但又唔会韧…河粉够滑…汤好香醇牛骨汤…当然都系好够热👍🏻👍🏻香茅猪扒捞檬 当然有猪扒啦…大大块…猪扒好juicy…香茅调味够惹味…鱼露甜度啱啱好呢度既小食都好正…春卷热辣辣…个皮好松化。墨鱼饼都系必点 (暂时系心目中第三位置游走)…配个越色辣椒酱好正。不过越色辣椒酱最正都系越发。桔仔鸡翼…似泰式凤爪咁…不过换上桔仔带来既酸甜味都唔错呢度既饮品试过牛油果沙冰同百香果…两杯都唔错…咁like呢间餐厅系有原因。除左食物质素外…每一位工作人员都好热心…有礼殷勤…最近呢次去…点pho时唔记得点金边粉…醒起时问下店员改唔改到…店员即刻call咪…可惜话煮左传统河粉…我话唔紧要…一样好味。点知过左阵…有位女店员 (唔知系咪老板娘)走过黎问系咪想试下佢地既金边粉…佢话可以安排厨房煮少少俾我试下。之后又放低湿纸巾话用黎抹手食春卷呢d咪❤️❤️啰…系公式化既服务俾唔到既感觉…不过…公式化点都俾西口西面唔忧做既服务态度又好好多呢间都系个人心水小店推介#相机先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去处 #香港美食 #土瓜湾 #土瓜湾美食 #pho #越南菜 #撑小店 #小店…Read More

味道同卖相感觉有差外观上影得好靓，可能我食汤饭无想像好食，有种越食越唔想食，但米线上唔错，可以食哩个饮品正正常常，不过不失，可能见网上太多人话好食，所以好期待。服务安排入座几好，但店员无讲过用餐时间，明明出面无人等但有种比人催既感觉，语气系「我地有用餐时间，你地仲有无野加，如果无就走」个种感觉整体ok，不要太期待，见好多人推，期待值高左，系附近可以一试，但我今次特登行过去就觉得好似自己期待值太高。…Read More

系炎热的夏天，土瓜湾地胆带左我去食1986地道越南餐厅。首先上桌的是下龙湾手工墨鱼饼。这道菜一上来便散发出诱人的香气，热辣辣的状态让人忍不住想立刻品尝。墨鱼饼外脆内嫩，味道不错～接下来，我们点了越式沙嗲牛柳串。这道菜的牛肉质地柔嫩，入口即化，与沙嗲酱的搭配更是完美。沙嗲酱香浓而不腻，恰到好处地提升了牛肉的风味。虽然两串的价位为$92，但考虑到其口感和品质，这个价格也可以接受。最后，我们尝试了越式香茅鸡翼拌檬粉。这道菜的鸡翼炸得外脆内嫩，搭配上清新的檬粉，让整个菜品的口感变得更加丰富。鸡翼的酸酸微甜的汁与檬粉的Q弹口感相得益彰，特别适合炎热的夏天！！！…Read More

最近剪头发同发型师倾闲偈，佢竟然有餐厅推介，拥有敏锐好西雷达嘅LaHaMo一听就知单嘢唔简单。第二日就即刻去睇吓有咩咁好食。放工去到大概6:30，得返2张2人枱，即刻入去坐低先。叫完嘢食望返出门口已经开始要等位。我哋叫左 海防蟹膏海鲜汤檬粉、河内奥巴马拌檬粉、越式炸蛋 、牛油果沙冰、招牌咖啡沙冰。………………………………………………海防蟹膏海鲜汤檬粉 ⭐️⭐️⭐️⭐️⭐️配料好丰富，有一pat 蟹肉蟹膏鲜虾、扎肉、鱿鱼、番茄、青口、葱 等等。汤底好有鲜味，蟹膏味突出，檬粉软硬程度适中。整体唔错。河内奥巴马拌檬粉 ⭐️⭐️⭐️⭐️⭐️奥巴马粉其实就是烤猪肉粉，因时任美国总统奥巴马到访越南河内时曾经食过而得名。烤好的猪肉连同肉汁、鱼露汁 同 腌菜放喺碗内，旁边就系干檬粉。酸甜嘅鱼露汁捞檬粉好开胃好好味，烤猪肉都多汁好味。越式炸蛋 ⭐️⭐️⭐️炸过嘅蛋，我觉得质感系介乎白烚蛋同煎蛋之间，加上酸酸甜甜嘅汁，都几开胃，不过我个人就麻麻地依个口感。牛油果沙冰 ⭐️⭐️⭐️⭐️质感好厚，有清香嘅牛油果味，不过饮完会好饱。招牌咖啡沙冰⭐️⭐️⭐️⭐️咖啡味好浓，有越式咖啡嘅椰子味。………………………………………………1986嘅菜式选择都几多，价钱亦都好合理，$80 一碗的蟹膏海鲜汤檬粉 ，咁多𩠌，汤底又有蟹膏的鲜味，性价比其实已经好高啦。…Read More