1968 Bistro (汝州街)

营业中

休息中

檸檬芝士餅 ＄28.以＄28嚟講，呢個芝士餅嘅性價比可謂非常高檸檬嘅清新中和咗芝士嘅油膩feel到佢芝士本身唔算係好heavy果種芝士，屬於比較輕盈果款，所以入口嘅時候都幾fresh檸檬本身唔會太酸，檸檬味唔會好重，清清地幾好吃餅底就曲奇餅底，但可能放雪櫃太耐唔覺好脆口，但我覺得呢個價錢嚟講可以接受整體不錯，會再來訪.

-見到社交平台好多人推介呢間嘅牛扒同意粉，要左一個lunch set嘅卡邦尼，啲人話超巨大，女仔覺得啱啱好，正常嘅忌廉煙肉意粉，忌廉湯冇咩味，早知要凍飲😅牛扒要咗七成熟，好大份，薯條都熱辣辣夠香脆芝士蛋糕唔夠開心果味😞，好失望，雖然like 社交平台可以免費送芝士蛋糕，有普通開心果口味 但我冇要到，特登加錢做雙重開心果-▶︎溫泉蛋卡邦尼意粉配是日餐湯蘑菇湯 | $68▶︎精選芝士蛋糕 開心果雙重芝士蛋糕 | +$22▶︎巨人T骨牛扒18oz | $148-📌#sorriso_深水埗 #sorriso_深水埗區-🏠【1968 Bistro】 📍深水埗汝州街200號地舖🕑星期一至日 11:00 - 22:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #深水埗美食

因為要去買電話咭，先去深水埗呢區，平時少嚟呢區，感覺冇咩好食咁，反正都嚟到，就睇下呢頭有咩好食。响OpenRice見到1968 Bistro，感覺幾吸引咁，就入去試下。店入環境唔錯，好高級嘅西餐廳咁，同店外嘅環境完全格格不入。雖然裝修似係一間西餐廳，事實上佢有世界各地唔同嘅菜式。我地一人揀咗一個set，跟住另加甜品。是日餐湯番茄忌廉湯嘅東東，我冇問店員係咩湯。番茄湯嚟再算做得唔錯，有番茄味得嚟唔會太酸，加上忌廉亦冇違和感。蒜香臘腸蝦仁燴飯一個非常特別嘅配搭，冇諗過可以耐臘腸融入去燴飯入面。大蝦爽脆彈牙，連同蒜粒同臘腸，口感十分豐富，蝦嘅鮮味，臘腸嘅鹹香味，大家可以完美地融入响一齊，設計呢道菜式嘅大廚確實好利害。鹹蛋黃蟹肉忌廉汁魚柳焗飯我幾鍾意佢個鹹蛋黃蟹肉忌廉汁，佢入面嘅蟹肉唔算多，但佢個鹹蛋黃汁嘅香味，撈埋個飯一齊食，反而令人更加開胃。魚柳又夠大塊，要兩個人一齊清咗佢。開心果巴斯克見到門外嘅甜品非常吸引我哋點咗兩個甜品，其中一個係開心果巴斯克，佢個開心果味好突出，個蛋糕又夠柔軟順滑，開心果控一定要試。草莓拿破崙另外一款甜品，我哋叫咗草莓拿破崙，草莓唔酸而且個餅身好鬆脆，應該係我食過最

未到晚餐時間，叫咗個明太子櫻花蝦八爪魚意粉，意粉嚟到一粒明太子都見唔到，咁就問吓個侍應係咪落漏咗，然後個侍應話佢哋係明太子醬，所以見唔到明太子係好正常，問佢哋拎返個餐牌睇多次，明明寫住明太子櫻花蝦八爪魚意粉，然後同個侍應講個侍應聽都唔聽就不停咁樣「你等等唔好同我講，你等等唔好同我講」不停咁重複，態度係點自己估。之後叫個經理嚟，個經理堅持佢哋係明太子醬，咁我話個餐牌唔係寫住明太子醬喎，然後個四眼仔就不置可否，其實只要肯講一句「唔好意思我哋餐牌寫得唔清楚令到你誤會咗」就解決到嘅事情，無個做到，唔知係唔識？定係就係唔care。呢間店舖嘅員工處理方法好有問題，態度亦好有問題，黎返OpenRice睇先知道佢哋咁多劣評，俾錢買難受。嬲到要去海關投訴俾你。

以食西餐來說，比起全港算平，比同區茶餐廳嚟講算貴少少。所以都要睇食家以用什麼東西作比較。絕對比椰林X好食。坦白講嘢食不算十級好食，但係份量真的十足，非常大分。飲料方面就比較遜色，除了普通的奶茶咖啡外其他飲料都比較一般。一個晚餐的份量應該夠兩個人食。甜品也是比較有特色的，質素比甜品舖、比茶餐廳的甜品還要高。甜品非常足料吃了三份之一個芝士蛋糕已經飽了。相比起連鎖店或其他甜品的芝士蛋糕我還是可以一整個吃掉。服務方面，我覺得算係有耐性同埋在港難見的笑容。整體而言我覺得可以一試，一家人，一群朋友亦建議。不抗拒覆桌！

每次經過都見到幾多人 所以就去試下點知中伏了😓叫左兩個意粉 一個意大利飯 一個T骨意粉同飯味道正常 但食物唔夠熱 特別係T骨T骨5成熟 生得黎又難切 韌過我條命🤣另外想特別提下個四眼哥哥可能佢想做多幾轉生意啦 見佢做緊打卡送蛋糕優惠 問佢有咩蛋糕揀🤓：$32樓下既🙂：😳？姐係有邊d？🤓：除左拿破崙都係$32樓下🙂：(心諗姐係有邊d?因為佢已經收左個餐牌 根本就唔知有咩)有無餐牌睇架？🤓：餐牌上面無架🙂：哦……下一秒佢就轉身走左 完全再無解釋都未講期間不斷一食完就收我地野睇下有無想食既蛋糕再決定打唔打卡都得掛？做緊promotion應該要寫清楚/解釋清楚d比客人聽？又或者指定一款蛋糕未唔洗比客人揀囉定還是其實都唔想送蛋糕比客人？抑或已經唔憂做？而家市道咁差 最緊要係有回頭客祝你地好運啦👍🏻

夜晚去茶記都作舊水，咁就對自己好D食個高級少少嘅西餐啦。佢個湯都渵，最若個怪，個2粒牛油係有蒜味嫁，唸住揸少才係唔得嫁，用晒黎揸塊好係嘅多士。叫左卡邦尼意粉，一向鍾意意粉質感爽D情願少硬都唔要林，呢度意粉ok滿足到我要求。卡邦尼汁多左少少，混埋個温泉蛋個底嘅汁，D濕，同咸左少少可能佢煙肉份量比較多。反而覺得煙肉份量少D個balance仲平衡D。最重要係佢而家估緊like social media可以送一件cheese cake，正到不得了個cheese cake係間店原先吸引我入去嘅原因。埋單$82包埋凍飲，我一定會再試其他嘢。尤其見隔離肉沙律都好大份好吸引。

呢間定價都算親民 (始終係深水埗區開餐廳唔可以定價太高)。點了安格斯牛肉燒汁牛脷burger、蕃茄雞肉risotto、喇沙pasta。Burger漢堡有肉汁，但牛脷可能燒汁嘅問題鹹左d。薯條粗身夠熱。蕃茄雞肉risotto反而唔錯。有蕃茄做sauce，所以食落口唔會太膩。喇沙pasta蝦肉爽口，有椰汁喇沙味。唯一敗北嘅地方豆卜完全唔夾個pasta (始終唔係一個喇沙湯，豆卜好難吸收喇沙sauce)。最後加錢換了開心果巴斯克，口感都滑，但被家後嘅巴斯克比下去。食物質素表現正常，但服務唔錯和價格合理，所以都值得翻兜。

叫咗牛扒同鴨髀肉類唔係冇味就係成陣雪味服務一般環境一般，最重本應該係宣傳下次免費都冇興趣，浪費quota 深水埗是但搵間茶記50蚊快餐好過呢個價位唔好講深圳，香港都真係好多選擇

發現這裡午餐和晚餐的T骨扒質素差太遠，食過幾次午餐都感覺良好，昨天晚餐叫T骨扒很多筋肉很韌，全完咬唔入, 成塊扒食唔到2成，切開都吃力，我跟侍應反映過佢話：廚師話5成熟係咁，我回應：午餐食過幾次牛扒及T骨扒5成熟都唔係咁，仲幾好食tim, 是否不同廚師煮，佢話: 都係呢個！點解d水準會咁參差？應否改善一下呢？ 沒有得到一個可接受的解釋，之前朋友跟我說過這裡晚餐的牛完全唔掂，我在懷疑，因午餐的牛我覺得不錯，終於領教過韌韌的牛，以後都不會在這裡吃晚餐了！

同朋友去深水埗買完皮革製作用品後， 想食個下午茶傾吓偈. 之前在1968食過幾次午餐，對佢哋嘅品質有信心， 今次第一次下午茶時段去， 食完非常滿足. 睇完下午茶餐單後，我選了芝士火腿蛋法式西多士，朋友選了蛋糕. 侍應小姐帶朋友走去近門口的蛋糕櫃，介紹每款蛋糕， 侍應小姐有禮貌又細心， 最後選了原味Cheese cake. 法式西多士中間有火腿及芝士， 西多士上面有太陽蛋，芝士及黑醋汁， 西多士尺寸頗大件，餡料份量都大， 如果一個人食就太飽，兩個人share剛剛好. Cheese cake 有芝士香味， 唔係實的的嗰款， 是我喜歡的質感😋. 餐廳環境舒適， 靜靜地傾偈好啱， 不用加一. 食完下午茶特別滿足快樂.

餐廳環境幾好，上面幾闊落。但係餐廳最緊要嗰啲嘢食完全唔合格，已經見過幾次社交平台上面有人推介，所以今次去試一試。個龍蝦汁燴飯同埋白蜆炒意粉完全冇味，食落去勁淡，得個樣睇落去唔錯。都嗌咗佢大推嘅T骨牛扒，西冷嗰邊勁多筋，個味都好一般，出邊茶餐廳個雜扒餐都好過佢。只可以講伏伏伏伏伏價錢其實對比返尖沙咀講面嗰啲西餐其實都唔算貴，只不過食物嘅體驗真係太差

超高性價比西餐廳卡路里🥩🍔.ᐟ‪‪.ᐟ⸜♡⸝營 養 估 算 :ꔚ番茄包x1+牛油 (3.5/5)🌟128 kcal 16c 2.5p 6f ꔚ黑松露忌廉蘑菇湯 (5/5)(好香黑松露味，好濃稠，仲見到少少蘑菇碎！)🌟226.5 kcal25c 3.5p 12.5f1️⃣香煎紐西蘭西冷牛扒 配紅酒汁 $138 (3/5)真係好大塊，蛋白質滿滿~🥹真係整到五成熟！💖但整體牛味吾出，可能因為西冷脂肪相對低嘅原因，食落有啲韌🙂‍↕️不過依個價又甘大塊，真係無得太挑剔🙌🏻🌟612 kcal15c 66p 32f+薯蓉🌟170 kcal 23c 3p 6f2️⃣卡真蝦芝士和牛漢堡包 $148 (3/5)包體有啲位烘得太濃，偏乾身，但好脆🙂‍↕️漢堡都係無咩牛味，但算juice🩷同埋整體好飽滿!!🙌🏻🌟537 kcal40c 38p 23f+薯條🌟414 kcal46c 4p 24f

又一次錯信kol 推薦咩深水埗區隱世餐廳，星期五晚7:45到達，都坐滿食客，係門口等大約十五分鐘就安排到上層坐位，上層坐位環境較逼和嘈吵，唔適合約朋友食飯傾偈，我哋兩個人要同其他人搭枱，仲慘過去茶餐廳，叫左兩份餐，光速送上兩碗餐湯，忌廉蘑菇湯，湯唔夠熱，只係微暖已經扣分，湯未飲完，又光速上餐，巨人T骨扒 $148 +$38轉餐包餐湯和飲品因為光速送上，相信唔係即刻煎，牛扒係凍嘅，只係薯條係熱，牛扒一般，牛柳果邊都還好，西冷果邊勁多筋，有三份一係咬唔開食唔到最差最差就係呢個 紅酒燴牛肉飯餐$98牛肉又係凍嘅，牛肉又鞋又韌又乾又超多筋，牛肉有80%係咬唔開，唯有用汁送飯，但汁又少，根本就唔夠送飯，真係十級中伏！！

又一次證實相信某些媒體KOL的評價去試新嘢未必如佢地講一樣！去到呢間深水埗叫做體面些西餐廳1968，門口要等位以為應該正啩，等了十幾分鐘終於有得坐，叫了西冷牛排晚餐，另一位叫魚柳焗飯，未試過咁鹹嘅牛扒！塊肉本身醃到冇哂肉味兼鹹，唔關汁事！根本吃不下！成$138份晚餐，連大記快餐都好食多過佢！另一份焗飯仲衰，飯乾又生根本食完胃都頂！都要一舊水！連杯凍檸茶都做唔好，茶是澀的似浸咗成日！不知所謂，永遠都不會再來呢間所謂網紅推介小店，簡直推人去中伏