181 ristorante (已結業)

好耐冇出街食早餐，就算出得街都系饮茶多， 难得今日个仔可以早起身， 一于一家三口，出去食个早餐先。 老公经常黎呢一间， 贪佢够大够阔落，嘢食都唔错， 我叫咗怀旧早餐a ，沙爹牛肉雪菜肉丝餐肉煎蛋 米线 配餐包， 正常茶餐厅的味道， 唯一有啲失望就系个餐包冻嘅，沙爹牛肉亦都够滑唔会好硬 ，荷包蛋都煎得好靓， 另外一赞佢个茶胆真系超正， 无论系热奶茶定冻柠茶都超级好饮 呢个值得推介 老公叫咗招牌通 ，配火腿奄列 最正系个煎芝士包啖啖芝士香味脆卜卜， 如果住附近或者返工得闲都可以落嚟食下嘢…查看更多

今日4点几行过石门，饿饿地谂住食个下午茶，见到有间茶仔，见3十几蚊有个餐入去食下。一入去好多位，可能𠮶边街人流比较低，望下个餐牌都系普通茶仔有嘅嘢，叫咗个星洲炒米，落单阿姐叫我话返比佢听餐牌几钱，都几搞笑。谂住下午茶平过午餐时段15蚊，应该细细兜，黎到原来好大碟（无相机食先，食食下先记得影，得返一忽...）。味道算ok嘅，不过重味左少少，唔算干身，但几好镬气。环境正正常常，都几阔落，茶仔黎讲系干净𠮶d黎，可以再帮衬，试下其他野，见隔篱枱个炸鸡肶望落都几吸引。…查看更多

用上了 Ristorante 这一个名字，好多人都会联想起西餐厅，而且是一间唔会太过低级的西餐厅。不过，名字归名字，实际归实际，坚持这一种想法的人往往都错了。在沙田石门工作的我，就遇上了一间 "Ristorante"。坚持这一种想法的人，就会一口咬定这是一间由工厂饭堂改装而成的型格文青西餐厅，但我可以说，是次我介绍的《181 Ristorante》，系一间典型的工厂区茶餐厅形饭堂。叫餐厅啦，不要老是叫工厂饭堂咁老土。这餐厅够大，空间感充足系会令人感觉食得舒适的。店子有大电影，有足够的4人大台，老少朋友一起撑一个一小时中半，其实唔错。第一次牛刀小试，就来试一个早餐。吃，就吃我最喜欢的鸡扒面。汤底，不用评了，单是看色水就知道不是什么出色的东东。而鸡扒就煎得很香，腌得很入味，加埋菜，加上煮得刚好半熟半硬的面条，感觉可以。奶茶则是一个我可以俾好高分的出品，茶色很好，入口绝对好像丝一般咁滑。菜味够浓也够奶香，是令我可以欢笑的一杯。下午再来，我看见有人吃一板板出来的东西，问了店员是什么? 店员手指著墙壁，再翻开餐牌中扒类食品的一页。哗! 原来这儿有很正宗的豉油扒餐可以食。我立即叫了一个扒餐，跟一个红汤。可是个汤很淡。主角来了，是我点的牛扒加著菜。卖梳非常之西式，扒亦有一定的厚度。不过，建议大家要以食豉油扒餐厅的感觉来品味此牛扒。吃入口，都够香够嫩，加埋汁，就更加之惹味了。吃过好食，改日，兴致勃勃地同同事又来了。造一次依然食扒，不过是猪扒并英式肠。这一餐，尽显了西式扒房的本色，薯条香脆，肉扒同肉肠都鲜美。食香港 style 的扒，最重要都系个汁，加洋葱汁后，味道更是可爱。没想过，我会在工厂区的茶餐厅型食堂食到有质素的牛扒、猪扒。而这一间《181 Ristorante》，单以他们的扒餐来计，我可以用平、靓、正来形容。…查看更多

今日和同事去开石门工作，中午时段经过此餐厅，见到门口个宣传餐牌Ｄ相，西餐好似吸引有羊架好似好正，结果就入左去食。餐厅大好多坐位，环境和卫生一般而已，厨房比较开放，可能我地坐近厨房嗅到有味。阿姐好人送了两碗例汤，但汤好稀味好淡，算不上系老火汤。纽西兰黑椒羊仔架配薯菜 ($59)纽西兰羊架有两件，羊肉食起上来比较膻，餐厅并没有薄荷酱提供，只好点多Ｄ黑椒汁顶住，薯菜大条扁身薯条切法食起来食唔到薯肉感，而且炸得唔香口，外脆内软不能用此四字形容，薯菜不够味需自行加茄汁盐等调味。热奶茶完全无茶味，无论加几多煻都提升唔到奶茶味。烧泰式鸡脾拼猪颈肉配泰式汁 ($45)Ｄ相同实际有点入，来的是普通鸡脾而已唔觉点泰式，只系有碟泰式汁酸酸辣辣地，鸡肉炸到肉质比较实欠肉汁，同样跟薯菜一样无咩味，猪颈肉有三片，边边位烤得唔够惹味，点泰式汁味道还可以。…查看更多

石门呢几年变化好大，有新屋邨入伙，消费力大增，多左几个大商场，食肆可以讲林立，但过左商场同港铁站区，就系一个小型既工业区，有啲传统既食堂系工业大厦底层，今次就黎到其中一间叫181食堂食晏。午餐选择好多，中西咖哩焗饭乜都有，又有是日午餐俾唔想点拣既食客，价钱大约40至60蚊，合理。今次叫左依个xo海鲜炒饭，镬气略带不足，上台时已经唔算好热，配料足够，咸度适中，但略嫌太辣，应该系落得大多辣椒油，饭有少许硬焦香，感觉不错，饭粒较湿，稍为逊色，价钱为45蚊，冇野饮，整体来说都系一般🤔…查看更多