168 茶餐廳 (已結業)

今日樓下茶餐廳結業,八點鐘叫咗個福建炒飯,老闆娘說好忙要等一陣,咁我就等等等等到9點20分,外賣到盛惠100蚊,紀錄一下啦今日168last day,喺欣安邨到12年,都充滿住好多感情,老闆娘一家都好好人

服務員態度極差 首先，沒有有系統運作。落單後，他們之間像不知道客人叫了什麼似的。儘管落單後，他們不是跟外賣單煮菜，而都是透過侍應的口，再問你一次吃什麼才再告訴廚房佬。 當說的菜名與落單的菜名稍有不同時，會罵客人，自證清白。想問為什麼不直接向你們的員工確認？反而是向客人詢問？不是熟客的客人，你確保他會100%記得名字相似的菜名嗎？客人說錯後又指罵客人，不是會很容易造成誤會和衝突嗎？質素真的是越來越差，總之，完全不建議再幫襯！完！

因為一朝早冇食過嘢，我又因為疫情關係所以唔出街所以我叫左個168茶餐廳外賣但我睇佢 社交平台個餐牌我叫咗個雞扒煎蛋公仔麵32$加個雙拼三文治15$再叫多個凍奶茶14$再加外賣費，頂多咪60幾，點知佢送到嚟嘅時候90$，之後我打過去問嘅時候佢竟然同我講佢哋改左餐牌，如果我一早知道係90$我絕對唔會買。我覺得呢間餐廳真係要改善下，最起碼啲食物你做得認真少少啊，唔期待你會超好食，但你都唔好整到睇落去好似隨便擺啲食物落去就算

📌咖喱牛扒都仲係維持一貫水準牛扒大塊得來又夠林身咖喱亦都係越食越辣！仲有煎過嘅薯仔🥔ψ(｀∇´)ψ超香口.📌茄汁燴雞扒意粉一打開飯盒真係嚇一跳(´･Д･)」雞扒成塊面咁大塊真係淨係食塊雞扒都飽香煎到雞皮好香脆茄汁亦都唔會過甜啱啱好可惜嘅係意粉唔夠入味不過依個價錢真係好抵食

諗唔到食乜(⁎⁍̴̛ᴗ⁍̴̛⁎)🥺外賣自取系列-📌焗咖哩牛腩飯🐮本身以為普普通通一個咖哩飯點知一打開見到有芝士幾開心😂牛腩牛筋都幾多🐮幾有牛味🐮咖哩愈食愈辣(⁎⁍̴̛ᴗ⁍̴̛⁎)好惹味🥺個底仲要係炒底ψ(｀∇´)ψ又有薯仔🤤-📌豬頸肉炒公仔麵🐷炒得好香(⁎⁍̴̛ᴗ⁍̴̛⁎)唔覺得油而且豬頸肉好爽口好好咬口💕同出面菜記食差唔多啦(˶‾᷄ ⁻̫ ‾᷅˵)-兩個加埋💰108正正常常之前都食過依間既咖哩🥺都真係幾唔錯👍🏻

係朋友屋企叫外賣諗唔到食咩(´･Д･)」就叫左佢屋企對面間茶餐廳 送到上門又見佢唔太貴(´･Д･)」-📌咖哩牛排🥩飯🍛咖哩幾好食✨好惹味(⁎⁍̴̛ᴗ⁍̴̛⁎)愈食愈辣ᶘ ᵒᴥᵒᶅ薯仔都先炸過好香口好好食😋牛排🥩係薄個隻 但都好好咬口仲幾大塊🥴仲有少少筋 -📌豉椒排骨炒面🍝多排骨既 同埋仲幾淋😆軟骨好食✨但個炒面唔脆好硬🥱寧願佢成個面係淋唔好扮炸脆面 -📌咸魚雞粒炒飯🍚粒粒飯都乾身 但有少少過油🥺都幾多咸魚同雞粒 -3樣野加埋💰154 都幾大份

叫外賣, 我：常餐, 沙嗲牛麵168：咩常餐呀, 冇常餐得茶餐 (態度惡劣, 但忍, 因為肚餓)我：咁茶餐, 沙嗲牛麵, 有冇奄列？168：咩有冇奄列呀！奄列跟㗎嘛（惡劣態度更上一層樓）我：我唔知係咪有腸仔、蛋、火腿選擇, 所以咪問你囉 (我態度強硬少少,  但冇爆, 都忍,因為肚餓）, 沙嗲牛麵、奄列、熱華田唔該。168：冇沙嗲牛肉, 得雪菜肉絲（都仍然很串）我：雪菜肉絲唔啱, 轉腸仔得唔得168：冇呀冇得轉! 唔啱由佢呀。故事完

邨屋獨市，不斷加價，食物質素差，衛生環境差，態度都差，我試過食過幾次枝竹火腩飯，枝竹酸，火腩得幾舊，見到碟飯笑咗，但自己住喺呢條邨，又好鍾意食火腩，有時無可奈何都會叫，我懷疑因為佢哋生意差變相就加價搵多啲錢，加價後有少人去咗，變相生意就更差，又再加價，一個惡性巡環。所以呢間餐廳基本上係呢條邨係出晒名，你問起嘅話，其實有得揀一定唔會叫你揀呢一間，寧願叫你真係行遠少少。如果想試，記得食酸嘅枝竹火腩飯希望168你見到段野改善下，唔要求你減價，只係要求你食物質素能夠變好，態度變好

話說係欣安既話肚餓選擇其實唔多，有時唔想行太遠或者趕時間就會幫襯。佢既食物當中我吃過唔多，但食左兩次炒飯都覺得正wow!例如佢個福建炒飯咁, 價錢$68唔算平但有質素，料有蝦仁蟹柳雞肉小貝柱絲同翠肉瓜，個汁對版而最重要既，當然係個飯底炒到粒粒分明夠乾身！所以決定留個正評俾個like佢！

本身諗住去食個夜晚 近近地見到就入左去食 入到去一坐底，已經見到隔離有隻曱甴行過 衛生環境唔好 張枱又污糟。d職員個態度先係問題 我問佢幾句野佢已經不耐煩 比曬面色我睇。咁咪嗌囉 但嗌完我等成足足半個鐘先有野食 中間催左下佢 又同我講話得啦得啦 但明明成間餐廳都冇乜人，點解都係要等咁耐？？碗牛丸河 個湯淡到好似水咁 好似食緊水加河粉 而且d牛丸根本未煮熟 咬落去 中間係凍嘅同個職員講 又黑我面 我去食餐飯都要受氣 食到成肚氣 下次一定唔會再去食 又貴又難吃！一分都唔想比

好耐冇食呢間茶餐廳，見今日放假又得閒，於是過去食番個下午茶。唔知係我太耐冇食下午茶定點呢，而家下午茶餐全部都40蚊起了，野食就越來越細碟，味道已經冇以前咁好了。

作為美食沙漠附近有間餐記已經算好好, 話晒係屋村樓下, 又就腳上菜都幾快手有個特餐係番茄湯底味道幾濃算唔錯, 而且係堅用新鮮蕃茄黎做 (因為有次呀姐話無, 我問點解, 佢話今朝無蕃茄我先知甘新鮮)以茶記黎講價錢同環境都可以接受,不過係多了幾隻烏蠅, 偶然在店內漫遊

馬鞍山冇咩好食，係預左既。呢間係欣安既餐廳，我第二次黎。地下都幾污糟，好多垃圾冇人清理，餐牌油立立。下午茶價錢偏貴，叫一個湯粉麵都三十幾。突然見到牆上有個豬頸肉公仔麵餐都叫幾吸引，就叫啦！餐廳以區內熟客為主，客人大多光顧新鮮麵包等。而我呢D叫炒公仔麵既，都要等多陣。賣相一般，味道超咸：( 真係好趕客。豬頸肉四五片，還好。公仔麵偏硬偏咸，明顯冇乜heart。奶茶都幾好，正正常常，奶味茶味均衡。相信短期內都唔會再幫襯。

連續兩次叫外賣，d態度真係，唔叫好過叫，從今日起black list你地覺得開正公屋樓下，成個屋村得你地，生意越來越差，都唔改善下d服務態度？點解越來越多人寧願去恆安都唔留係欣安幫襯你地？依家欠左你地？落單那個又甘串送外賣那個又比氣個客受食物唔係特別出眾

一份牛腩河34蚊. 加1味餸要6蚊. 40蚊一碗河粉, 仲系唔加野飲. 加價, 之前25蚊一碗河粉經常幫襯, 今次食完真係唔打算再食. 坐地起價, 愈黎愈離曬大譜. 寧願行遠小小去恆安商場仲多選擇.