1011 Sip Tea (已結業)

今次介紹嘅台式飲品係由鄧麗欣主理嘅1011 Sip Tea，2018年係台灣開創，係上年終於賣到去香港，而且仲同Snoopy合作，高峰時喺台灣日賣千杯。主打健康嘅台式飲品，選用一啲有機嘅食材，好似奇異果白木耳、蜂蜜檸檬珍珠奇亞籽。-🧋 復刻珍珠歐蕾💰38 （👅: 7.5/10）歐蕾其實係拿鐵嘅法文，都係解牛奶嘅意思，呢杯stephy話係王子最鍾意既口味。用台灣紅茶，茶底幾香，茶味比奶味更濃，但飲完第一次先至知得叫少甜，所以飲落有啲過甜，如果叫少甜或者半甜應該啱啱好，飲落有啲似焦糖奶茶嘅味道，有小小黑糖香，同平時飲到嘅珍珠奶茶味道有啲分別。珍珠係白玉，唔會話有人工嘅甜味，咬落煙韌不過偏硬，可以再煮熟啲。-🌟除咗旺角實體店之外，都不時有Popup Store，之前喺銅鑼灣同沙田都有，而家喺尖沙咀K11到二月尾都有期間店。餐廳同野飲除咗好適合打卡之外，都有好多Snoopy嘅周邊產品。-👅味道: 7.5/10🍴環境: 8/10💰消費: $38 (服務費: NA)

麻雀對每個香港人都耳熟能詳 風靡男女老幼😎喺新年一定會打牌🤣1011SIPTEA今次配合麻雀主題 用「大三元」,「十三么」,「大四喜」命名 推出3杯全新限定飲品🤩另外仲有好多款麻雀周邊😆.大三元-抺茶紅豆奶蓋🍵 $48大三元3款番子紅中,白板,發財絕對係不可或缺 呢杯飲品用咗紅,白,綠3款顏色做主色😝紅色底用咗特調紅豆蓉 綠色中層係抺茶奶茶 而白色頂層就係呢到嘅皇牌芝士奶蓋😋甜而不膩嘅紅豆配埋濃郁甘香嘅抹茶 咁嘅配搭冇得輸🥰再配埋呢到招牌芝士奶蓋 好正🤤奶蓋芝士同奶味都好濃 口感綿滑 不過就冇出面咁thick咁厚實 食落輕盈啲😎奶蓋上面仲會灑上發字 好有新年氣氛🧧.大四喜🤩 $88 佢係四款唔同嘅奶酪飲品🥛代表春天嘅係抹茶歐蕾奶酪🌸抺茶苦澀帶回甘👅代表夏天嘅係草莓鮮奶奶酪🌞原本以為佢係yogurt酸酸甜甜 但佢係韓國嗰隻士多啤梨奶味 偏甜🍓代表秋天嘅係可可歐蕾奶酪🍂朱古力味唔太濃 重奶味 有少少似華田味🍫而代表冬天就係馬卡龍藍配白色嘅椰漿鮮奶奶酪⛄️淡淡椰香味 唔太甜唔錯🥥最特別係個底係牛奶奶凍 食得又飲得 豐富咗成個口感同味道🥛.十三么-薑黃腰果奶蓋💛 $48呢款相對比較花巧同有心思

我細細個已經係Stephy fans 啦😎之前見Stephy經常宣傳台北店已經好想去, 不過疫情下冇得去旅行啦, 終於等到1011 Sip Tea喺香港開店, 仲要喺旺角咁就腳, 梗係要去支持吓！-蕎麥芝士奶蓋 $42 （少甜、少冰）聽講老闆娘鍾意飲蕎麥味好濃, 亦感覺好似營養飲品feel芝士奶蓋質地有點稀稀哋, 希望紮實啲就好喇都幾好飲總之支持偶像😂-豉油街店面細細, 但係都有心思位, 可以俾客人影吓時光隧道牆打吓卡㗎下次要嚟試埋復刻珍珠奶茶先🥤

Stephy @stboo 開嘅1011 Sip Tea終於登陸咗香港 緊係要支持一下😏整間店舖設計以星空同Snoopy為主🪐 雖然自己本身唔係Snoopy迷 但都覺得佢舖頭設計得好有心思🥰飲品分開純茶、果茶、珍珠同芝士奶蓋4個系列 口味偏向健康同新穎🧚🏻‍♀️🥤 < 復刻珍珠歐蕾 $38 >茶底香濃 即使叫咗走甜都完全唔會苦澀 味道有別於一般珍奶 珍珠有咬口 但係口感偏硬🍯 < 蜂蜜檸檬奇亞籽 $35 >呢杯野真係好colorful好靚😍 本身想叫無糖但被店員制止咗🤣 因為佢話會好酸 咁我地就乖乖地叫半糖啦～ 但都係偏酸😳🍋 飲多幾啖就會覺得順口啲同埋好清新 解渴一流💦👍🏻 入面配料有有白玉珍珠、 蘆薈會同奇亞籽👀 白玉珍珠同上面個杯一樣口感偏硬1011 Sip Tea has finally been launched into Hong Kong! As a fan of Stephy Tang, of course I wouldn’t miss it😌 The 𝑻𝒂𝒊𝒘𝒂𝒏 𝑻𝒂𝒑𝒊𝒐𝒄𝒂 𝑴𝒊𝒍𝒌 𝑻𝒆𝒂 had a perfect balan

今日同朋友食完lunch，經過呢間舖頭，俾佢嘅Snoopy打卡位吸引咗，就入去睇吓個餐牌。其實我去任何一間台式飲品店，都一定揀珍珠奶，所以我豪不猶疑就點咗復刻珍珠歐蕾，半糖。估唔到一飲落就好有驚喜呀茶味同奶味調得剛剛好，有好香嘅黑糖味，口感順滑，而珍珠更加直得一讚，煮得剛剛好有咬口！店員話好快會出熱飲，下次再去就可以試吓。

用openrice app可以提前買定，唔駛去到企喺度等而家去到2021年3月31日仲要有8折tim!見到有薰衣草味幾特別，揀左21:00先拎，5分鐘前去到已經ready, 店員仲要好細心咁放喺雪櫃雪住，保持溫度一飲好香薰衣草味，珍珠係紅色，唔會太硬。價錢有d貴，明星效應，飲一次我就夠了

之前喺台北試過都覺得好正，而家終於嚟到香港 ，仲要旺角咁方便，梗係要朝聖一下。順便碰吓運氣，睇吓有冇機會撞到靚靚老闆娘 🤭🤭🤭😍😍買咗招牌奇異果白木耳🥝🥝🥝🥝奇異果用新鮮果肉打汁，超濃果香味。加埋透明白木耳，勁爽口，口感超正 ,簡直perfect match 👍🏻👍🏻 如果下次經過旺角，一定再幫襯👍🏻👍🏻👍🏻PS ：舖頭有時光隧道裝飾，打卡一流🤭🤭今次趕時間未有打卡，下次一定要影相😂