影片
食家推介
荃湾有好多餐厅 今次嚟到主打台式食物嘅台湾餐厅食早餐 当然要食啲有台湾特色嘅食物啦😌雪菜肉丝新竹米线拼煎双太阳蛋 牛油厚多士本身以为系新竹米粉 但系店员话呢度冇米粉食㗎😮 所以都照嗌咗新竹米线 卖相虽然一般 但系捞匀咗雪菜肉丝 味道都几好 清清地又唔会太咸😂 比较钟意食太阳蛋多啲 所以将牛乳炒蛋转咗太阳蛋 系有惊喜嘅 因为有脆边🍳 另外牛油厚多士系有烘底㗎 外脆内院味道唔错沙嗲牛肉公仔面拼牛乳炒蛋 奶酱厚多士沙嗲牛肉公仔面汤底就偏咸啦 公仔面都系正常茶餐厅嘅质素 值得一赞嘅系牛肉片嘅份量都好多🐮 牛乳炒蛋味道都唔错 唔会话好甜 奶酱厚多士店员已经帮我哋涂上满满嘅花生酱🥜 真系每一啖都食到厚厚嘅花生酱㗎 加埋面头嘅少少炼奶 系一个好sweet嘅Morning🥰无糖茉莉花茶谂住感觉健康啲嗌咗呢杯无糖茉莉花茶 第一啖饮落比较苦 但系后尾都觉得几好饮🍵蜂蜜绿茶相对之下呢杯就好饮啲 因为蜂蜜绿茶味都唔系好甜 但系有少少甜味 感觉容易入口好多🍯30几蚊40蚊食个早餐嚟讲都Okay 店员都几有礼貌😺
继续阅读
多得"暂停夜市堂食"，只好发掘多些可以外卖的店舖。是晚决定食台湾嘢来慰藉一下不能去旅行的心。店前大大个101灯牌，有否唤回你旅行的回亿？望住好多空位都无得坐。。店内d位望落都几舒服，希望下次有机会试下。台湾药膳牛肉面($61/外卖+$1)面和汤分开上，很好，路途有些远，本来还怕面会太淋。汤底香浓有牛肉香味和有小许药膳味，好味，最后饮晒d汤。生姜豚肉肉燥饭($49/外卖+$1) 和牛肉面相比之下这个比较逊色，肉燥味道不错，但汁较小，豚肉肉质太鞋，和肉燥味也不夹，失望。系101买左$101外卖,有趣的巧合。
继续阅读
入荃湾买嘢行街，经过喱间台湾嘢就入去试面吓，本来都系下午茶时间冇咩特别期待要食几咁好食嘅嘢，奈何佢嘅下午茶大部分都系米线，我要食米线我不如去隔离啦，所以我就原价叫咗个牛肉面，望落去个样系可以，点知一食𠮶两旧萝卜，哗又多渣又硬，牛肉又干柴，成碗嘢系得个味精牛肉汤同面食得吓人，连小食面唔想喺佢度食。然后嘢食唔掂就算，连员工都唔太掂，嗌嘢食时有个呀姐顾住企系出餐位禁电话，完全冇理堂食客，要帮其他落紧单嘅同事走过嚟帮我，落完单，基本上成餐饭都听到禁电话个呀姐大大声讲嘢，仲系要讲埋啲无谓嘢，当喱到街市咁，大佬俾个好啲嘅食嘢环境得唔得，嘢食已经唔掂仲要食饭都唔安乐。
继续阅读
今日约咗朋友未够钟，行去荃湾千色汇见到呢间台式餐厅，嗱嗱临入去食返个下午茶！入面地方大够光猛，同其他台湾餐厅一样，好多野食物选择及配搭，仲可以追加小食，最终拣咗：花枝丸鱼腐米缐（椰子清鸡汤）$40-汤底好香浓，材料新鲜，份量够大，冻饮另加$2！另外，追加左卤水大肠$28～嗯够晒入味又够淋，好正😋整体来说，食物方面ok选择多，而且地点方便，店员落单叫佢好快手、起菜又快！下次有机会再嚟试吓其他汤底同小食先得
继续阅读
28-11-2021 (Sun)朝同老公食早餐后买𩠌,去边喥食?谂唔到喇,佢又话呢间啦,上次话好食(上次食评系今年11月13日刊登嘅呢篇: https://www.openrice.com/zh/hongkong/review/yeah-%E6%97%A9%E9%A4%90%E5%94%94%E9%8C%AF-e4231176).咁好啦.我哋嚟到唔多人,剩返一张舒适嘅四人枱,睇完menu,都系千篇一律嘅港式早餐,老公要咗＄37.00嘅田园番茄鲜牛肉通粉拼牛乳炒蛋,牛油厚多士,饮热柠水.我要＄38.00嘅雪菜肉丝新竹米线拼牛乳炒蛋,蓝莓多士,饮热柑桔柠檬.菜肉丝新竹米线上次食过,因为觉得好食但份量少,所以拣配蓝莓多士,呢个都同上次差唔多,啖汤都几好味.老公嘅田园番茄鲜牛肉通粉,牛乳炒蛋,牛油厚多士都正常冇问题.蓝莓多士就因为涂咗蓝莓酱上去,所以已经腍咗,呢个都正常不过.味道:2分热柑桔柠檬呢,只有一片柠檬,但比例唔错,唔甜唔酸,好味嘅.味道:5分呢篇食评嘅味道分只计蓝莓多士同热柑桔柠檬.抵食系2.7分其他：既然佢哋做台湾菜,建议佢哋加入台式早餐,因为冇乜选择.
继续阅读