1杯雞 (已結業)

呢間鋪已經幫襯過好幾次，首先要講個包裝真係要諗吓辦法，每次拎起行幾步個蓋就會彈起，今日放咗喺環保袋，結果連裡面嘅口水雞汁都流到成個袋都係⋯ 味道方面，其實啲雞都唔錯嘅，當然呢個價錢不能要求太高（$38手撕雞陳村粉+另加海蜇），所有嘢都正正常常既！口水汁都辣得幾過癮。可惜，可能陳村粉本身熱，我拎到返屋企已經黐埋咗一舊….. 要慢慢分翻開，但都有啲困難…之前買過幾次，份量時多時少，上一次少左好多所以都一段時間冇幫襯，時間大約三個月突然好想食，但今次份量都正常返的！…查看更多

晚上點咗皇牌套餐，配豬耳，豬肚，鳳爪。韓式蒜豉油。不過不失，溫度好，麵質軟硬適中，材料足。下次再食會叫多啲汁。惟豬肚有些少味，唔知同溫度有無關係。整體考慮到43蚊價格，優秀。…查看更多

叫左一個清新健康套餐同一個素漢堡餐。清新健康套餐：配泰式酸辣汁幾香，夏天配手撕雞好開胃。份量好足，原本以為下面會係多青瓜絲或者菠蘿/蓮藕果啲墊住，點知係雞多，其他配料份量平衡，而且青瓜絲、菠蘿同蓮藕都係好新鮮爽口。係啲雞有少少乾身，但總體嚟講都係幾好味😋。素漢堡餐：素漢堡應該自己整，似肉餅，調味好味，但略嫌胡椒勁左少少😅。個飯飯粒分明，唔會好油但夠香，成個飯好黃，應該落左好多薑黃😍加分位：廚房戴晒手套口罩👍👍👍…查看更多

住附近一直冇試過呢間，今日經過就試吓。佢主要係賣手撕雞，有唔同配料揀，相係幾吸引，價錢都唔算貴，可能份量少。落單嗰時唔知店員慢，定個客麻煩，等咗好耐，間野有張紙俾你take你想食啲咩，理應好快，所以應該係店員慢。落完單，果度有三個店員我諗住佢會好快啦，都係將啲嘢食夾上嚟淋下汁咁，點知係包裝包左好耐，個膠蓋cup唔埋個紙碗，個膠袋又太大，搞到包裝包勁耐，最後咪side 時間，重點俾啲店員烏sir sir，仲用手整啲雞，好唔衛生最後我嗰度份量比之前嘅少，店員話一樣份量㗎，吓好明顯睇到少咗喎，搵笨，冇下次…查看更多

最近粉嶺中心開左幾間新嘅鋪頭，而間位於蝦麵店對面嘅手撕雞小食店就係其中一間。有時夜晚唔想食到咁飽，可以試下而一間手撕雞。有5款嘅醬汁可以選擇，可以日式、可以韓式亦可以川式。唔想配飯可以揀冷麵、烏冬、涼皮或者陳村粉。想再light 啲，健康啲仲可以配沙律，或者加配小食都可以，岩曬唔同食量嘅朋友。👍🏻👍🏻👍🏻今次我就揀左日式胡麻醬配涼皮，手撕雞就有少少偏硬，涼皮同胡麻醬就幾岩。我仲加配左牛脷、海蜇同泰式鳳爪，牛脷好淋好好食，非常建議加配。海蜇同鳳爪都唔錯，仲有其地小食都好吸引，下次要再試埋其他。😋😋😋…查看更多

粉中呢間手絲雞店開左唔係好耐，已經食超過十次以上一來價錢夠平又抵食，一個手絲雞冷麵賣＄30，女仔黎講都算食得飽，可以當一個lunch二來味道都算唔錯，有好幾隻汁可以揀，唔驚食到悶但近呢兩次食發現左一個問題，就係每個店員俾既份量都不一樣，仲愈食愈少。。。希望可以改善一下，唔想粉中又少一個選擇。。。:(…查看更多

手撕雞冷麵（韓式蒜豉油汁）加$8八爪魚共$38味道都OK，買咗幾次食但次次買都唔同份量～今次個女仔真係好似唔捨得比咁勁少好細碗～可唔可以統下d份量d份量呢？希望下次會有改善…查看更多