影片
港铁尖沙咀/尖东站 E/ L3/ L4 出口
继续阅读
电话号码
27343722
开饭介绍
龙逸轩环境宁静高雅，主厨为荣获米芝莲两星厨师杨建业师傅，餐厅一系列的精致点心、中式佳肴及宴会菜色，均属最地道、最矜贵的中国传统美食，加上地点方便，是洽谈业务或与至爱亲朋聚头的好地方。
继续阅读
营业时间
今日营业
10:45 - 15:15
18:00 - 22:30
星期一至日
10:45 - 15:15
18:00 - 22:30
以上资料只供参考，请与餐厅确认详情
相关文章
老友生日饭，当然要食好dd。系社交平台睇到九龙酒店的龙逸轩做推广，出左2位起的点心套餐，啱晒我地呢d食量唔大但想坐得舒服倾下计嘅人。唯一唔好的系要先系佢的 e shop买coupon 同埋无得改日子，无左flexibility。幸好无令我地失望。食物 - 款式，份量同质素都唔错环境 - 可惜安排唔到坐唔到窗口位，但枱与枱之间空间宽敞，坐得舒服，唔会听到隔离枱讲乜😅服务 - 主动加水收野，又唔会催你走价钱 - 全包价$238@ （2位起）， 算几抵食整体唔错，可以再食～
继续阅读
有几间酒店中菜厅都做点心放题，朋友话可以试吓。都系一般点心，选择唔多。先食菜，觉得健康啲😁芝士海鲜春卷几脆，馅料被芝士包住，但唔腻；虾多士嘅虾胶弹牙，食落唔会成口油：椒盐鱿鱼须细条偏硬；XO酱萝卜糕：冇萝卜嘅萝卜糕，又唔够XO酱黄金豆腐粒炸到脆脆哋，加多啲椒盐更好。前菜味道正常，黑毛猪叉烧比较失望，肉质较硬，味道一般，唔似高级叉烧！叉烧肠粉啲叉烧反而淋啲、入味啲。石榴球特别，菇菌馅料，淡淡的松露香，清新爽口。石榴球红色顶塌晒下来，睇人哋啲相，卖相靓好多！有虾嘅点心做得唔错，金箔虾饺、鲜虾肠粉当然有大只弹牙嘅虾啦海皇泡饭汤底清甜，有虾、蟹肉，想留肚食其他嘢，结果都系成碗食晒珊珊来迟的原只南非鲍鱼烧卖皇，饱鱼淋但未够入味，烧卖本身有虾、猪肉唔太肥，好食，但我哋之前已经食咗味道相近的三文鱼籽烧卖，所以唔刻意去品尝呢款今餐最贵嘅点心甜品：芝麻卷、红豆沙。红豆沙冇嚟、芝麻卷一般；隔离自助餐攞过嚟嘅芒果拿破仑、提拉米苏，真心唔好食以酒店嚟讲服务就一般，可能侍应要招呼入坐客人又要上点心，比较忙，未有时常留意客人要加水、换碟等。
继续阅读
唔同价位嘅点心放题都试过，包括酒店中菜厅或者一般酒楼，呢间系我唯一去咗三次嘅。首先佢地点非常方便，喺正尖沙咀地铁站旁边。另外用餐环境都非常好，枱嘅距离好足够，窗边位仲有好靓嘅闹市景添！讲返食物，一坐低就会送每人一只鲍鱼烧卖皇。鲍鱼好嫩烧卖嘅猪肉又好鲜甜，呢个点心非常好。另外佢嘅虾多士都系名物，炸得松透酥脆，结果要嗌够两次先够皮。其他点心水准都好高，另外又有汤羹小菜加埋炒饭面可以拣。不过仲未完㖞，加多20蚊就可以去旁边嘅西式自助餐食埋佢哋嘅甜品。啲甜品种类好多水准都好高，特别系芒果拿破仑，最后仲有movenpick雪糕收尾。值得一题佢哋嘅服务都真系酒店水准，有礼貌又亲切，抵赞👍每次食呢个点心放题加甜品自助餐都非常饱，因为好似一次过食两个自助餐咁😅
继续阅读
每逢过年过节，身边的亲朋好友少不免会有糕点相赠，除了美味，更是送上了一份祝福，加以一杯香浓的普洱茶，更是绝配。相识超过十年的好朋友，今年送上了九龙酒店旗下的三款贺年糕点，分别是樱花虾瑶柱腊味萝卜糕（$368/折扣后$239.2起）、元贝富足腊味芋头糕（$368/折扣后$239.2起）以及冲绳黑糖椰汁年糕（$268/折扣后$174.2起）。三款都是自家出品，与某些品牌找人代制不同，是更具个性。礼盒相卖作长条形，煎糕的时候更均匀，友侪间都知我偏好咸糕点，所以传统口味的萝卜糕一定逃不过我的魔掌。至于坊间酒店比较少做的芋头糕，正好是太太的喜好。至于黑糖年糕，正好留待春节期间同亲友分享，祝大家「步步高升」「龙马精神」。P.S : 离开时见有人拖"喼"买年糕，可见识货的人多的是。
继续阅读
经kkday购买龙逸轩午市点心放题，写明两小时任食，时段由13:15-15:15pm。当日13:15准时入座，安排坐窗边打卡位置。落单到上菜，食物质素同份量都正常。但直到14:15开始天堂落咗地狱职员频频过嚟收碟，更离谱到开声叫我哋将啲吉碟放喺枱边方便俾佢收，讲紧张枱好细张佢伸只手都拎到，重点系酒店质素冇expect会咁样做。另外未得到我地同意下不断将我哋未食完嘅野全部倒晒落一只碟，都系冇expect到酒店会咁样做，𠮶刻以为去咗屋邨街坊酒楼或者茶餐厅。期间职员多次话因为夜晚呢度赶住set场？之类，当时只系食咗一个钟头，我哋嘅食物都未黎齐，我哋都未饱，但系就听到呢啲说话好催促嘅压力。为咗缓和呢个气氛，我哋同职员讲今日啲汤好好饮。结果职员嘅回覆系：「er，我都未饮过。我唔系好知。不过今日应该唔好饮，上个礼拜𠮶啲好饮啲，有xx（我唔记得佢讲咗咩食材）」𠮶刻，简直唔知讲咩好，佢哋系咪正式录用嘅员工？讲啲说话咁倒米然后继续喺不停收碟，last order系14:45，14:35个场已经冇晒职员，我系要行出去reception𠮶边揾职员交张order纸。我地last order主要系剔咗啲甜品，几分钟之后职员行埋嚟话俾唔到甜品喇，理由系隔离Buffet𠮶边完咗拎唔到。我听紧啲乜嘢？！我都知甜品𠮶啲系两边场share，咁𠮶边完咗唔等于啲甜品消失晒，雪糕都系毕出嚟，会毕唔到咩？收碟收到最后餐具都没收埋，无法继续进食，果一刻系14:45。当时我发现全场都冇晒人，原本有几台可能都系被催促赶离座！？最后职员行过嚟「要离开啦，够钟喇」𠮶一刻系14:50，我哋就俾人赶走咗。
继续阅读
您可能会有兴趣的...