龍點心 (寶漢大廈)

营业中

休息中

餐牌有好多創意點心，好適合鐘意新鮮感嘅朋友，好想全部都試吓。💯一籠大滿足 酸菜魚鳳眼餃：真係食到酸菜魚嘅味道，撈埋蝦肉一齊，微微嘅酸酸辣辣，有新意又好味。蟹粉菠菜香蝦餃：蟹粉係甜味，加埋d 魚子一齊增加口感，唔錯。筍尖蝦餃皇：蝦肉爽彈鮮甜，唔錯。松露野菌晶瑩餃：菇味濃郁，但係就唔係黑松露味，不過都好味。豌豆桃子餃： 有淡淡的斑蘭蓉嘅味道，但質地太硬實。🤔鹹蛋黃墨魚燒賣：墨魚好彈牙，但係鹹蛋黃味道唔突出，一般。星加坡黑胡椒蟹燒賣 $46賣相唔係好靚。黑椒汁少少酸酸辣辣地，唔鍾意個酸味。燒賣肉質結實，帶胡椒味。呢個我個人覺得普通，唔推介。口水汁龍利魚腸粉 腸粉嘅外皮薄得來又有啲煙靭嘅口感，口水汁少少辣但又唔會好霸道，唔錯。香辣雞軟骨燒賣 好大粒嘅雞軟骨，提供粒粒嘅口感，帶非常非常輕微嘅麻辣味道。馬拉小籠包  馬拉味道就係若隱若現嘅肉骨茶醬油味道，淡淡地，有新鮮感得來又夾到，唔錯。🤔厚切叉燒腸粉 叉燒真係比平時食到嘅叉燒腸厚d ，叉燒唔算太肥，質感堅硬。如果叉燒肥返啲會好味d，而家口感太硬實。👌🏼熊貓涼粉：熊貓造型好得意，糖水唔會太甜。熊貓造型係一個好硬唔係幾食得嘅棉花糖。💯桂花糕造型好靚！

每次我有親戚係外國返來，都好想同佢地試呢間點心，望落乾淨得來有舊式情懷，加上標榜創意點心，我都試下點樣又懷舊又有創意？👀/龍記陸寶燒賣拼盤$70/🐟蜆蚧魚肉燒賣：咬入去，十足十食到蜆蚧鯪魚球嘅味，蜆蚧味夠曬鹹香！🙂‍↕️🦀星加坡黑胡椒蟹燒賣：好食到差啲想encore一籠呢個，個黑胡椒醬，夠thick，重黑胡椒香但唔辣🫢，燒賣面頭仲真係有蟹肉，真係好食到激死我（作為燒賣愛好者點解咁遲先遇到佢？）👀👀🌶️香辣雞軟骨燒賣：雞軟骨增加左好多口感，幾趣致。入面嘅辣油偏向「麻」嘅感覺居多，味道仲有啲似譚仔麻辣三小，amazing！🍄黑松露珍香燒賣：黑松露味好清香，無煤氣味，黑松露片仲要幾脆身👍🏻十年陳皮燒賣：比懷舊燒賣味道更濃郁，更鹹香，讚！🫰🏻懷舊燒賣：啖啖肉感，遊客必try/羊肚菌牛肉球$46/雖然我唔明點解牛肉球底要有咁多豆🫛...但係呢份牛肉球嘅創意係十足嘅。牛肉球本人有舊式茶樓嘅味道，羊肚菌本人幾索汁，又有好感，佢哋意外地夾😽😽😽/馬拉小籠包$48/小籠包本人都幾鹹香，而且湯汁好鮮，記得嘆曬d湯先加醋呀～🫶🏻/厚切叉燒腸粉$48/朋友大讚！皆因佢食落啖啖肉，皮又夠薄，而且叉燒本人唔柴🍖/鳳爪

前幾日收工後，突然好想食一籠熱辣辣嘅點心！立刻衝去銅鑼灣出名嘅新派手工點心店。呢度主打「現製原創手工點心」，將老香港情懷注入摩登靈魂，霓虹燈飾💈映襯復古花磚，一踏入就彷彿穿越時空，卻又處處驚喜！每款點心精緻如藝術品，絕對係對飲茶文化嘅全新演繹🎭。 🔥必食推薦： 《港原味2.0燒賣拼盤》選擇困難症救星🌟！一次過歎齊 6款創意燒賣： ▫️ 梅菜扣肉燒賣：鹹香軟糯 ▫️ 大澳蝦醬墨魚燒賣🦑：彈牙帶濃郁蝦醬香 ▫️ 蘇薑馬友鹹魚燒賣：鹹鮮微辛 ▫️ 香辣雞軟骨燒賣🌶️：脆爽惹味 ▫️ 芫荽馬蹄燒賣：清爽爆汁 ▫️ XO醬帶子燒賣：鮮甜帶微辣 每粒都手工捏製，餡料澎湃得嚟唔會散開，誠意滿分💯！ 厚切叉燒腸粉腸粉皮薄透如絹，包裹住肥瘦勻稱嘅蜜汁叉燒，淋上特製豉油，一啖滑入喉～😋 紅燒乳鴿驚喜價$32.8‼️ 乳鴿外皮脆如玻璃，肉質嫩滑多汁，性價比高到笑！ 蘿蔔絲酥千層酥皮輕如羽毛🕊️，蘿蔔絲清甜無渣，熱辣辣咬落去... 脆到掉渣！ 大澳蝦醬鮮魷卷酥炸外衣包住彈牙鮮魷，蘸上大澳蝦醬，鹹香海味爆發🌊～ 最後飲碗 「南北杏菜膽燉豬肺」潤一潤，湯頭清甜無油膩感，完美收結🍲。

🥟 筍尖蝦餃皇：一口爆汁，皮薄如雪，蝦仁透亮帶筍香，爽口彈牙，蝦味極濃之餘更多一種清新層次，食得出手工與用料之精。🦪 XO醬帶子燒賣結合帶子鮮甜同XO醬惹味辣香，入口即化，層次感突出，帶子與蝦肉交織XO醬香辣度剛好，極易一件接一件停唔到口🐟 口水汁龍脷柳腸粉皮薄煙韌嘅腸粉卷住嫩滑嘅龍脷柳澆上香辣麻口水汁，花椒香辣、微酸開胃魚柳細滑無腥味，配合腸粉同醬汁一齊食非常過癮。🥥 生椰拿鐵包近年大熱新派中式麵包，椰香撲鼻奶香中帶著淡淡椰肉粒、咖啡香味，內裡潤滑唔會太甜，質感綿密，做中場小甜點一流。🍠 龍芋酥：外層超薄酥皮炸至金黃脆口，芋泥餡香滑濃郁，中間加入煙燻鴨粒或鴨胸，鹹甜交融層次豐富，完全唔油膩，芋頭控及炸物控必點之選。🕊️ 紅燒乳鴿皮脆肉嫩多汁，滷汁入味、肉質鮮甜性價比極高。乳鴿即叫即炸外皮薄脆，肉味甘香原汁原味，是懷舊粵菜美食標杆。龍點心 (寶漢大廈) (銅鑼灣)香港銅鑼灣波斯富街24-30號寶漢大廈2樓

餐廳的裝潢用色大膽鮮明，是主打新派港式點心的茶居，菜式融合傳統與創新元素，獨特性極高。🐖 豉汁排骨蒸陳村粉鋪底的粉條，吸盡上層豉汁排骨的肉汁精華，香氣撲鼻，口感滑嫩又惹味。🌈港原味2.0燒賣拼盤一次過品嚐六款特色燒賣，每款都色彩繽紛、口味充滿地道港味，很有驚喜～- XO醬帶子燒賣- 大澳蝦醬墨魚燒賣- 梅菜扣肉燒賣- 蘇薑馬友鹹魚燒賣- 香辣雞軟骨燒賣- 芫荽馬蹄燒賣🍤 龍炸拼炸物控必試！拼盤包含四款人氣炸點心：蘿蔔絲酥、大澳蝦醬鮮魷卷、一口鹹水角、龍芋酥。🍰 肉鬆馬拉糕馬拉糕鬆軟香甜，肉鬆增添鹹香層次，口感豐富。🍲 南北杏菜膽燉豬肺慢火燉煮的傳統燉湯，湯頭清甜不膩，而且非常足料。餐廳營業到晚上12時，下班後想飲夜茶食點心，這裡絕對值得一試！

見呢間嘅點心幾有特色 近排仲新推出咗燒賣拼盤 所以一於試吓😚👅港原味2.0燒賣拼盤 $72呢個燒賣好有特色🤩有梅菜扣肉燒賣 梅菜扣肉味真係幾出 仲有鮮薑馬友鹹魚燒賣 食落真係有鹹魚味 仲有香辣雞軟骨燒賣 XO醬帶子燒賣同芫荽馬蹄燒賣 好有香港風味😆👅筍尖蝦餃皇 $43佢嘅蝦餃皮都幾夠薄 餡料都幾飽滿 蝦食落都幾爽彈😍👅脆脆富貴紅米腸粉 $52腸粉嘅外層夠鬆脆 入面包住蝦肉 再點埋麻醬同豉油 好好味😙👅鳳尾蝦多士 $56呢個都炸到脆卜卜😛蝦都幾大隻👅牛腩蒸陳村粉 $68牛腩幾夠軟腍 陳村粉都幾滑😙👅一口鹹水角 $38總括嚟講 呢間點心舖都幾好食 環境幾舒服 大家要嚟呢度試吓🥰😋 好味：8.65/10🤑 價錢：7.78/10🤗 服務：7.75/10😝 環境：7.87/10😚 衞生：7.65/10🤩 整體：8.55/10

最近同朋友去咗一間好有特色嘅點心店，一坐低就被佢哋嘅木質點心盒同埋茶壺吸引住，打卡一流！📸 佢哋嘅點心唔係普通貨色，加入咗好多新元素，食得出創意同心思！✨今次試咗幾款心水點心，真係樣樣都高質：🍽️ 港原味2.0燒賣拼盤笑口叉燒包：呢個拼盤好抵食，一次過試晒幾款唔同口味嘅燒賣，每粒都飽滿彈牙，勁足料！個笑口叉燒包熱辣辣，一撕開就見到甜甜哋嘅叉燒餡，外型可愛又好食！🤤🍽️ 陳皮醬龍薑球蒸陳村粉：呢個係驚喜之作！陳村粉滑溜溜，配上陳皮嘅清香同薑球嘅微辣，味道好有層次感，好特別又冇得輸！🍽️ 口水汁龍利魚腸粉：第一次食口水汁配腸粉，醬汁另上可以自己控制辣度，龍利魚肉好嫩滑，加埋口水汁嘅麻辣香，真係食到流口水！🌶️飲品方面，點咗杯半價嘅 桂香菠蘿冰茶，清甜解膩，食完咁多嘢飲一啖真係好fresh！👍 成餐食落去，價錢合理，環境又舒服，絕對係同朋友聚會飲茶嘅好選擇！💯

香港人特別喜歡飲茶食點心，除了 傳統酒樓之外， 點心專門店也頗受歡迎。 這間港式點心專門店以製作新派點心，裝修以古代茶居設計，頗具心思。一龍大滿足 賣相好有氣勢， 一籠包括 六種口味點心：酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、豌豆桃子、鹹蛋黃墨魚燒賣。點心色彩繽紛，造型和味道具創意。筍尖蝦餃皇蝦餃皇外皮薄透，蝦仁內餡鮮嫩多汁，爽脆彈牙。厚切叉燒腸粉柔滑的腸粉外皮包著甜香叉燒，點配醬油令口感更加豐富。龍芋酥外層酥脆，內饀是香濃的芋泥，油而不膩，口感層次分明。鮮蝦芝士腐皮卷腐皮卷的創意令人驚喜，香脆腐皮包著甜鮮蝦肉和奶香芝士，兩者味道完美配合，脆香可口。脆脆富貴紅米腸粉 賣相和色彩好吸引，口感有別於一般腸粉，紅色腸粉內是香脆炸蝦，可以按喜好點配三種醬料，令人 回味。

一直以來都好鍾意食點心，但係一直都覺得點心價錢唔平，而且每一次都只係可以食到好少點心。朋友介紹，話呢間位於銅鑼灣嘅點心，除咗好特別嘅餸菜之外，而且價錢好平，仲有好多特別嘅食品，咁就一於嚟試吓啦。呢個燒賣拼盤真係好吸引，我自己最鍾意就係呢個芫荽燒賣，本身好鍾意食芫荽，但係知道芫荽好多唔鍾意食，但係佢一食落芫荽味，好香，而且唔會影響到其他燒賣，所以非常推薦大家試吓。另外，呢個紅燒乳鴿都非常出色，本身已經好鍾意食乳鴿，但係有時覺得乳鴿比較細隻或者炸得好好食。但係呢間點心餐廳站得好好，而且除咗大隻之外亦都外脆內嫩，非常推薦大家嚟試吓。呢間點心餐廳又抵食又好食，非常推薦大家黎試一下。

呢晚紅雨去銅鑼灣唔知食咩好，見到好大個「龍」字，比佢吸引左上去食😆上到門口外已經比佢裝飾震撼到，好有心思！店內門口位設有手信區好多點心飾物同叮叮點心選購，食飽飽仲可以有野帶到返屋企🥰呢度以創新點心為賣點，所以我地左幾款經典點心之餘，再試埋新野😍例如：脆脆富貴紅米腸粉：第一次食紅色腸粉，入面脆卜卜包住鮮蝦仁，再有三款醬點埋一齊食，真係多重口感非常之新鮮😍芫荽馬蹄燒賣：有我最喜歡的芫荽，再加埋馬蹄同肉餡，爽口又清香😆而臘腸膶腸蒸雞飯就用砵仔盛裝著蒸，非常有風味之餘，每粒飯都受熱平均，不會過硬或過軟！非常適合家庭或朋友聚餐，非常抵食又美味！💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡筍尖蝦餃皇脆脆富貴紅米腸粉超值價紅燒乳鴿臘腸膶腸蒸雞飯黃椒醬排骨芫荽馬蹄燒賣拉絲菠蘿包💛💛💛💛💛💛💛💛

嘆一盅兩件飲下茶吾再系朝早獨有😌 而家只要去銅鑼灣既「龍點心」🇭🇰🥢 早茶午茶夜茶都有得你飲😂 餐廳仲要結合左傳統同現代口味既點心😌港原味2.0燒賣拼盤 $72有六款吾同口味既創意燒賣😌 包括「梅菜扣肉燒賣」; 「XO醬帶子燒賣」; 「芫茜馬蹄燒賣」;「香辣雞軟骨燒賣」;「蘇薑馬友鹹魚燒賣」同「大澳蝦醬墨魚燒賣」🥢 每款燒賣各有特色 口味新穎😆筍尖蝦餃皇 $43飲茶必食蝦餃❗外皮晶瑩剔透 口感爽滑鮮美🦐🥟大澳蝦醬鮮魷卷 $58結合左鮮魷既鮮甜同蝦醬既鹹香 口感層次豐富😍白灼蘭花苔 $48用白灼煮法保留蘭花苔既清脆同清甜 再搭配豉油同薑蓉提鮮 爽嫩無渣🥦鮮蝦蝦籽撈麵 $75用上元朗「好到底」彈牙既蝦籽麵為基底🥢 然後鋪滿鮮蝦同大澳益昌手炒既鹹香蝦籽🦐 乾香惹味 再配埋大澳益昌大地魚粉調配既上湯 鮮香又好味🥣臘腸潤腸蒸雞飯 $58臘腸既甜香 潤腸既濃郁 加埋嫩滑既雞肉 米飯吸收哂所有食材既精華 香氣撲鼻🍚另外 餐廳仲有現成既點心同吾少香港品牌既産品發售💁🏻‍♀️

銅鑼灣一出MTR 對面就見到，有兩層. 龍點心以新派點心為主， 可以享受到原創現做的手工點心，絕對係潮食廣東點心的好去處！ 一龍大滿足（$72），裡面包含6件點心，當中最推薦嘅三款包括：鹹蛋黃墨魚燒賣：墨魚肉爽口彈牙，還有「小心爆汁」的提示，果然一咬就會爆出美味的汁，實在正！酸菜魚鳳眼餃：結合花椒、麻味、酸菜魚和蝦肉，味道平衡得非常好，既新奇又好味，值得一試。松露野菌晶瑩餃：黑松露香氣四溢，搭配多種菇菌，味道十分誘人。另外，肉鬆馬拉糕（$38）新派口味，肉鬆鹹香，馬拉糕鬆軟微甜，驚喜配搭令味蕾大開。羊肚菌牛肉球（$46）則完美結合了羊肚菌和牛肉，吸收了滿滿的菌香，加上陳皮提味，層次感十足！紅燒乳鴿（$32.8）外皮脆嫩肉汁四溢，還帶有淮鹽的香味，熱辣辣上枱，絕對令人滿意。臘腸膶腸蒸雞飯（$58），雞肉滑溜，雙腸的油香滲透飯粒，既足料又香味十足。裝潢方面，這裡走年輕茶居風，還有老香港的設計，十分好IGable！支持小店，留港消費，真係一個好選擇！

我媽咪好喜歡飲茶食點心！😋所以我哋今晚去咗「飲夜茶」☕！她感覺很滿意！欣賞新派傳統特色點心！🎉✨💨🐾🌱港原味2.0燒賣拼盤可以一次過食到6種唔同味道嘅特色燒賣，全部配搭都好有心思！有辣有唔辣！包括梅菜扣肉燒賣、大澳蝦醬墨魚燒賣、蘇薑馬友鹹魚燒賣、香辣雞軟骨燒賣、芫荽馬蹄燒賣及XO醬帶子燒賣，我哋好喜歡XO醬帶子燒賣，帶子鮮美，醬汁好惹味！⭐生椰拿鐵包有椰絲在包上面！熱辣辣的咖啡同椰汁香甜，好特色唷！🌱一口鹹水角一啖一粒，賣相色彩豐富吸引，餡料多咗蔬菜，增添口感！⭐陳皮醬龍躉球蒸陳村粉份量好足夠，陳村粉嘅厚度適中，龍躉片既滑又鮮美，十分令人回味！🌱大澳蝦醬鮮魷卷彈牙的魷魚肉炸至鬆脆，饀料加上蔬菜，食既時候不會太油膩，入口有蝦醬淡香味道，風味十足！

乳鴿斬件上桌，琥珀色的脆皮閃著油亮光澤，一口咬下，薄脆外皮「咔嚓」碎裂，緊接著是洶湧而出的滾燙肉汁與濃郁鴿香，鴿肉嫩滑入味，骨細味濃，性價比之高，堪稱街坊福音！另一道暖胃之選「**淮杞螺片燉竹絲雞**」，燉盅上桌揭蓋，熱氣蒸騰間藥膳清香四溢。湯色清亮卻滋味醇厚，竹絲雞燉至骨肉輕易分離，嫩滑非常；螺片爽脆增添口感，淮山杞子精華盡釋湯中，每一口都是溫潤滋補的老火燉湯韻味，燉足鐘數的誠意清晰可嚐。主食「**臘腸潤腸蒸雞飯**」是傳統風味的精彩演繹。打開荷葉，臘腸與潤腸的豐腴油脂與濃郁酒香，在高溫蒸製下絲絲滲透至底層米飯與嫩滑雞塊中。米飯粒粒分明，吸飽了臘味精華與雞汁，鹹香惹味；雞肉保持嫩滑，與甘香的臘味交織出經典的港式鹹鮮。最後以一道「**白灼姜蓉時蔬**」清口，時蔬翠綠爽脆，火候掌控得宜。精髓在於那碟金黃噴香的薑蓉，薑味辛香濃烈卻不嗆喉，澆上少許熟油豉油，與蔬菜的清甜完美結合，簡單卻見真章。

位於銅鑼灣嘅龍點心主打創意點心🧆港原味2.0燒賣拼盤🥟，入面有蘇薑馬友鹹魚燒賣、芫荽馬蹄燒賣、大澳蝦醬墨魚燒賣等，每一款都係香港獨特風味，值得一試！一龍大滿足🥢，可以試晒龍點心唔同嘅招牌點心，筍尖蝦餃王、酸菜魚鳳眼餃、蟹粉菠菜香蝦餃等，各有各特色，口感一流，真係每一口都充滿驚喜！ 脆脆富貴紅米腸粉🌾，咬落香脆，裡面嘅蝦新鮮彈牙，真係無得輸！紅燒乳鴿🦅，外皮烤至香脆，肉質嫩滑，令人食完意猶未盡！陳皮醬龍躉球蒸陳村粉🍜，魚肉爽口，陳村粉配上陳皮醬別有一番風味😋 #龍點心 #傳統美食 #叉燒包 #燒賣  #蝦餃 #點心 #飲茶 #香港好去處 #香港打卡 #香港美食  #銅鑼灣  #銅鑼灣美食  #香港探店 #香港必吃 #香港美食攻略